للي حابب يشغل مخو

موضوع: للي حابب يشغل مخو 1/1/2009, 11:26 am

مرحبا يا حلوين
يلي حابب يشغل مخو يشاركني بهل موضوع

شوفو هي مسألة فيها رياضيات ومعالجة منطقية يلي حابب يفكر يحاول يحلها
وماتفكروها صعبة بالعكس بسيطة وحلوة

طبعا إذا ما حدا حلها أنا بقللكم ياها بالآخر

وللي قدر يحلها ياريت يكتبلنا الحل بالتفصيل مشان يعرف الكل كيف قدر يحلها

الحزورة بتقول

كان مرة واحد ماشي قام اجتمع بصديقو القديم وسألو عن أخباره فقال الثاني للأول أنه صار عندو 3 بنات

سألو الأول كم أعمار بناتك
جاوب الثاني وقال
نتيجة ضرب أعمار بناتي 36 سنة

قال الأول معلوماتك ماكفتني لسا ماعرفت

قال الثاني طيب مجموع أعمار بناتي هو الرقم يلي على الحيط هنيك
قام اتطلع الأول على الحيط وشاف الرقم وقلو

أنو معلوماتك ما بتكفي لسا لهلق ماعرفت

قال الثاني للأول بنتي الصغيرة شقرا

قال الأول خلص عرفت أعمارهم

وأنا بفللكم أنو أنا كمان عرفت أعمارهم فمين منكم عرف يقوللنا

ناطرة ذكائكم يا حلوين
للي حابب يشغل مخو RedRose_DoveB22222222222

للي حابب يشغل مخو RedRose_DoveB22222222222

موضوع: رد: للي حابب يشغل مخو 1/1/2009, 11:47 am

مممممممممممممممممممممممممممممممممممممممممم يعني بلشنا بالحزازير القوية
يعني بلشتي تبرزي عضلاتك هون

الله يسترنا بس رح نجرب نشغل مخنا لانو صدا
مشكورة كتير ميرنا على هالمشاركة الحلوة وهي شي جديد انشا الله الكل يشارك فيه
ورح جرب حلها

تقبلي مروري

o12

موضوع: رد: للي حابب يشغل مخو 1/1/2009, 12:27 pm

أي أي عم أعرض عضلاتي لشوف مين قدي هون ههههههههههههههههههههه
أي روح حلها يا أبو عضلات أنت بعدين تعال احكي هههههههههههههههههههه

o789

موضوع: رد: للي حابب يشغل مخو 1/1/2009, 2:21 pm

ماعرفت حلا عمتوووووووووووووووووووووووووو
بدي فجرك

موضوع: رد: للي حابب يشغل مخو 1/1/2009, 11:43 pm

عمتو شغليه لمخك حبيبتي أنتي

ياحلوين السؤال سهل شو ما حدا بدو يشغل مخو ؟

شدو همتكم
o789

موضوع: رد: للي حابب يشغل مخو 2/1/2009, 2:03 pm

لك شبكم ولو ماحدا بدو يشغل مخو ؟

فكرو فكرو ناطرة شطارتكم أنا

o789

موضوع: رد: للي حابب يشغل مخو 2/1/2009, 4:53 pm

ما عرفت بس شو ارقم يلي عل حيط

موضوع: رد: للي حابب يشغل مخو 3/1/2009, 2:10 pm

نادر سؤالك بمحلو بس الرقم يلي على الحيط ما حدا بيعرفو بس بحب قلك شغلة أنو الرقم يلي على الحيط ما قدر يوصل هادا الشخص للحل
نصيحة مني إلكم كلكم جيبو ورقة وقلم وشوفو أنوشو هنن الأرقام التلاتة يلي إذا ضربناهم ببعض بتكون نتيجنهم 36 وجمعو هل أرقام ورح تعرفو لحالكم شو هو الرقم يلي على الحيط ورح تعرفو كمان ليش هادا الشخص ما عرف الأعمار لحتى قلو رفيقو أنو بنتو الصغيرة شقرا

هي عطيتكم طريقة الحل يالله ناطرة حلولكم

o789

موضوع: رد: للي حابب يشغل مخو 3/1/2009, 8:48 pm

لك أنو 3 ارقام بتنضرب ببعض بتطلع 36 وواذا جمعناهن كمان 36 ولوووووووو
اي حيرتينييييييييييي بعدين ليش ليقلو بنتي الصغيرة شقرا يعني ليش حدد بنتو الصغيرة شقرا الا اذا كان عندو بنت وحدة
بعدين من وين شاف بناتو وعرف اعمارهن وقدر يعرفو الاول انو بنتو شقرا مادام كان ماشي وشافو صدفة اه
انا احترت فكيلي هالرموز لحل

ايون ايون

موضوع: رد: للي حابب يشغل مخو 4/1/2009, 7:26 am

ميراا التلت أرقام بنضربهم ببعض بيطلعو 36 بس إذا جمعناهم بيطلع رقم ما بنعرفو بس بنعرف أنو حتى لو عرفنا هدا الرقم مارح نعرف شو أعمار التل بنات

تانيا بالنسبة للبنت الشقرا أبوها يلي قال أنها شقرا يعني يلي عم يجاوب مو يلي عم يسأل
وبيهمك تعرفي من هل كلام أنو عندو بنت صغيرة
وارجعي اقراي السؤال منيح ولي ميراا

شغلو مخكم شغلوه

o789

موضوع: رد: للي حابب يشغل مخو 5/1/2009, 9:22 am

ما عرفت شي
ولي شو صعب

موضوع: رد: للي حابب يشغل مخو 6/1/2009, 11:49 am

1 . قواسم الرقم 36:
1 – 2 – 3 – 4 – 6 – 9 – 12 - 18

1 * 2 * 18 = 36
1 * 3 * 12 =36
1* 4 * 9 = 36
2 *3 * 6 = 36
1* 6* 6 = 36
2 * 2 * 9 = 36
3 * 3 * 4 = 36
36 * 1 * 1 =36

2 . وبالنسبة للمجموع:

1 + 2 + 18 = 21
1 + 3 + 12 = 16
1 + 4 + 9 = 14
2 + 2 + 9 = 13
2 + 3 + 6 = 11
1 + 6 + 6 = 13
3 + 3 + 4 = 10
36 + 1 + 1 = 38
بنلاحظ من المجموع أنو الرقم 13 مكرر مرتين
وهوي الرقم المكتوب على الحائط السبب أنو هوي الرقم الوحيد المكرر واللي بيتركلنا احتمالين ولو أنو أي رقم تاني مثلا 21 أو 10 كان عرف الشخص مباشرة أعمار البنات ال 3 وما اضطر يقلوا معلوماتك ما بتكفيني لهيك الرقم 13 هوي اللي على الحيط

ولهادا السبب قلوا انو معلوماتك ما بتكفيني فقلوا انو عندو بنت وحدة صغيرة فهذا أعطاه الحل بأنو أعمار البنات:
1 – 6 – 6
لو قال عندي بنتي الكبيرة شقرا كان الحل: 2 – 2 – 9

ملاحظة: المقصود من الجواب الأخير أنو عندو بنت صغيرة شو ما كانت شقرا أو سمرا المهم يوصلوا أنو عندو بنت صغيرة وحدة.

وشكراً إلك يا ميرنا على هالحزورة الحلوة اللي تعتني كتير لوصلت لحلها
وناطرين جديدك.

موضوع: رد: للي حابب يشغل مخو 6/1/2009, 12:05 pm

لاء لاء لاء مو معقول وأخيرا في مين شغل مخو وحلها لهل حزورة؟
مزبوط حسام كل كلامك مزبوط
حلك مفصل ورائع ودقيق
والله أنت أنقذتني لأن أنا كنت فقدت الأمل أنو تنحل هل حزورة
good

موضوع: رد: للي حابب يشغل مخو 6/1/2009, 2:14 pm

هههههههههههههههههههههههههههههههههههههههههههههههههههههههههههههههههههههه

يعني لو داخل انا كنت حليتها فورااااا

مشكورة يالغالية والله حيو العضلات

موضوع: رد: للي حابب يشغل مخو 12/1/2009, 6:13 am

الله حيو مرتضى
مزال هيك ترقب القادم وورجيني عظلاتك

وماحدا رح يحلها غيرك مرتضى قال لو داخل قال
ههههههههههههههههههههههههههههههههههههههههههه
للي حابب يشغل مخو Blue_butterfly

موضوع: رد: للي حابب يشغل مخو 12/1/2009, 8:17 am

شكرا ميرنا للعبة الحلوة

» هل يمكن لاي شخص ان يشغل مكان الاخر
» حابب اعرف شي مهم ارجو الرد علي ولا تهملوا رجاء
» سؤال خطر عا بالي حابب اطرحوا وبتمنى الاجابة عليه
» حابب اعرف مين حاطط حطاطي واذا اكابري يقلي اسمو
» اللي حابب يعرف الوظيفة اللي بتناسبو يدخل بس