*مــــــــــايـــــــــك المنتدى*

مرحبا من جديد


هلا بدي احكيلكم حكاية تنين اصدقاء بالنت

قلا : لك عن جد هلا هي انتي حنين تبع المنتدى

قالتلو : له يا ابني معقول تسال هالسؤال

قلا : لا لا .. انتي فهمتنيني غلط حنينو بس ماعم تزبط معي
حنين اللي بتحكي فصحى انو هيك بتمزح وبتجدبا وبتنكت

قالتلو:والله هي انا انت ليش مصر تعملني شخصيتين
يعني مو معقول ردلك عمواضيع ادبية بمزحة ههههههه

احم احم احم
هلا اللي كتبتون هني جزء من حوار بيني وبين صديق الي
(بقول اسمك ههههههه يلا ماراح قول لاني حبابة هههههه)
هلا من وين بدي ابدا وليش مابعرف
بس المهم انو انا بدي احكي هلا عن شي بيتعلق في
او يعني عن شي صار معي
هلا انا هون بمنتدى سوريا صرلي تقريبا شي سنة
ويمكن مشاركاتي بتكون قليلة ومحصورة بالقسم الادبي اوالعام
وبعرف انو مقصرة بهالناحية .. بس انا طبعي انو الشي اللي بحبو
بروح عليه .. ومابرد الا على الشي اللي بيعجبني يعني الموضوع اذا
ماعجبني مابحط رد عليه .. وانا متل مابتعرفوا برد بالفصحى دائما
وانا لما برد عمواضيع جدية مافي كون عم امزح
بس هالشي مابيمنع اني كون شخصية بتمزح وبتضحك
مابعرف حبيت حط هالفقرة عن صديقي
وبتمنى انو اللي اخد عني
نفس الفكرة يغيرا شوي ههههههههههه

وشكرا لانكم طولتو بالكم بسماع الحكاية

كنت بفضل أهدي كلماتك صمتي لأنو هون وقدام كلماتك بتعجز حروفي
بس حبيت ضيف لصمتي كلمات قليلة تحاول ترقى للإحساس الرائع الي وصلتيلي ياه
و بدي قلك إني سبق وشفتك كيف بتطوعي الحرف ليلامس الإحساس
وكيف فيكي تعبري بحروف اللغة ال 28 الي أنا هلأ بشوفها مو كافية إني عبر فيها وبحييكي
هالمرة مو بس طوعتي الحرف هالمرة طوعتي المشاعر بشكل متألق ومتميز
...................
بفضل الصمت هلأ لأنو شو ما حكيت قليل وعاجز
تقبلي مروري غاليتي
ومن صمتي إلك وردة تقدير واحترام لما جاد به قلمك وقلبك

حنين فعلااا اللي كتبتيه شي حلووو كتيير
بتعرفي وانا عم اقرأها حاطه اغاني فيروز عم اتسمعها

ما عاد طلع معي تعليق على اللي كتبته
بحييكي وبحيي ابداعك الادبي

لكي ودي واحترامي

تقبلي مروري

قمر وروز

شكرا لمروركم على محطاتي ياغاليين

سررت باراءكم الحلوة

يعني والله الواحد مابعرف شو بدو يرد الحنين

محطاتك كانو اكتر من روعة
يعني بتخلي الواحد يعد يقرا ههه بتمعن ويستنا شو بدك تحكي كمان


المقدمة كانت كتير حلوة
حسيتك عن جد مذيعة قاعدة
ورا المايك وعم تحكي قصص وسير عل هالراديو


هلا بعد ماسمعنا الغنية بدي اسالكم مين منكم ماوقف على باب بشي يوم وودع الاحباب

اخ من وداع الاحباب لا حدا يحكي عن الوداع منوب



ونيالا رفيقتك المتغربة
عل هيك صديقة عم تكتبلا خاطرة بهالابداع كلو
غرت انا غرت ها
وحكاية عمو ابو رياض كتير بتزعل لانو في كتير منو
واكيد كل واحد منا مارق عليه شخصية متلو
ذكرتني ب مرا درويشة كتير
اسما ام مرزوق الله يذكرا بالخير
ويرحما يارب ويعوضا عن يلي عاشتو بهالدنية القاسية
وهاد صديقك يلي عم تحكي عنو ضربة تخلع رقبتو
هههههههه كيف هيك بقول انوالحنين بشخصيتين
والله لنتفو تنتيف بس شاوريلي عليه

ومالي عرفان عن جد شو بدي احكي كمان لانو
كل محطة حطيتيا الها روعتا
واحلا مايك لاحلا مبدعة
الحنين
وهي وردة

واسف عل ردي المتأخر

ابدعتي الحنين وانشالله منضل منشوف ابداعاتك
مشكورة

نيكولاااا انا ماشفت ردك يا غالي هلا بالصدفة شفتو
وكمان اسفة على التأخير
تشلملي يارب على كل كلمة قلتا وبعتز بشهادتك
نوررررت المحطات يا غالي
دمت بود




المحارب شكرا لمرورك
دمت بود

هاي لكل مستمعين مايك المنتدى


انا روزا من ورا المايك:وهلا فيكن معي بفقرة بعد الضهر

انا وسبقت وحكيتلكون بالفقرة الصباحية اني بعطي رسم

فجبتلكون معي هلا شوية رسومات لطلابي اللي بحبن كتير

مع لقاء بصوتن شوفو اللقاء شو ظريف كان:

المذيعة روزا:مرحبا حبيبتي جولي

جولي :اهلين انسي روزا(خالتو)

المذيعة:شو رسمتيلنا اليوم

جولي :رسمتلك فراشات وطيور بس فيني انسة روزا (خالتو) لونن بالمائي

المذيعة:ولك مو تكرم عيونك ((بعد ما خلصت جولي من تلوين الرسمة))

فيي صورلك ياها .

جولي:اي اي انسة ليش رح يحطوا على التلفزيون

اما هي الرسمة لبنوتة امورة كتير اسما مريم انا شخصيا بموووت عليها

البنت صف خامس

واكبر من عمرها والدليل يوم اللي نجحت بالبكلوريا صار الاتي:

المذيعة:مريومة انجحت باركيلي

مريومة :ادي ولا علمي قدمتيا

المذيعة

وهي الرسمة قال بدا تقلدني برسم التجريدي

شوفو ما احلاها

مسالخير من القلب مستمعينا الغاليين مستمعين مايك المنتدى

معكن روزا من ورا المايك
بس بحب افتتح حلقة اليوم من من (القلب الى القلب)

(( بدعوة لربي يشفي قمر زميلتنا بالمنتدى ويرجعلنا ياها معافاية سليمة
وانو الكل يقرئلها سور من القرآن الكريم لشفائا))
رح نوقف هلا مع فاصل أغنية بهديا لكل المستمعين القرار لمروان خوري:
لا وقت اللي ببقا حدك عم كون مرتاح

ولا وقت اللي بعد عنك بتهون الجراح
يا هالقلب اللي حبكمكسور الجناح
لا قادر طير وعلي ولا عمري بايدك خلي
يا ريت بيوعا قلبي يوم ناسي كل اللي كان
ويغرقني هالنوم ببحور من النسيان
حبك خلاني صير دني من الاحزان
دنيي من الاحزان
يا ريت بيعرف قلبي يريد
مرة ويملك قرار
عمر انسان جديد واترك خلفي الدمار
حبك هدمني كتير ومش قادر اختار
مش قادر اختاااااااااااااااااااااااااار
شو بكره حالي ابقى بالشوق مسجون
وشو بفكر تا ما اشقا مرة مان نكون
يا هالكلمة اللي على ورقة
يمحيها جنون كل ما فكر رح قل بلاقي حالي
اشتقتلك
يا ريت بيوعى قلبي يوم ناسي كل اللي كان
ويغرقني هالنوم ببحور من النسيان
حبك خلاني صير دنيي من الاحزان دنيي من الاحزااان
يا ريت بيعرف قلبي يريد
مرة ويملك قرار
عمر انسان جديد واترك خلفي الدمار
حبك هدمني كتير ومش قادر اختار مش قادر
اختااااااااااااااااااااااااااااااااااااااااار


[size=29]هالغنية بتعنيلي كتير أصدقائي ووجد فيي قول اني عشتا وعم عيشا للغنية

أجمل ما فيا لحنا بدي خبركن عني إني لما اسمع غنية ما بتلفتني الكلمات
عقد ما يلفتني اللحن لحن الغنية بياخدني بيشدني لعالم تاني
عالم لو أمان وراحة ورواق
بدي قول إني فتاة روحانية جدا ومن النوع اللي بحب أعرف شو في بعد الوجود
بتصفن بالليل بالسما وبروح بعيوني لعالم بعد السما بعد كتيييييييير
لما اسمع لحن حلو ما فيي امنع روحي من الميلان معو
روحي بتتحرك قبل جسمي بصير طير بالهوا متل العصافير
بتمايل مع الالحان بوصل لدني مو متل دنينتا بتخيل حالي
لابسي فستان أبيض وبرقصي عم طير بالهوا وعم ترقص معي الريح
والغيوم واللعصافير .
لما عصب أو ازعل ديما افضل طريقة لريحة نفسي وقلبي هيي بالرقص
وأنا هون بدي نوه مو رقص شرقي أبدا رقص غربي رقص تعبيري ممزوج
بنوع من روحانية غريبة ما فيي أوصفا أو سميا وصدقوني ما بعرف وين تعلمت أو
كيف عرفت الرقص من زغري لما اسمع لحن حلو حس روحي من جوا عم تتحرك
ويوه شو بدي احكي لاحكي بعد عن الرقص هاد فن راقي جدا حلم حياتي كان
ادرس رقص تعبيري ويكون على مسرح ومافي غير ضو أزرق خافت على المسرح
وأنا عم طير بروحي قدام الملائكة مو الجمهور.
وهلا رح اكتفي بالحكي عن الرقص والروحانيات وقفة مع الاعلان أعزائي
ولنا عودة.

وهلا بعد وقفتنا مع الاعلان

وحديثي عم الانثى
وبنهاية هاللقاء الجميل اللي جمعني فيكن رح خبركن شغلة عن حالي
اني كتير فرحاني وبتشكر ليا انو نزلت هيك موضوع لانو كان حلم حياتي
اني كون مذيعة باذاعة مسموعة احكي من ورا المايك
وهي اتيحت لي الفرصة لو بشكل مكتوب معلش اعتبروني كأني حكيت
وكأنكون سمعتو صوتي
رح اشتاق فعلا لهالموضوع ورح اشتاق لاني احكي فيه واستلم فيه المايك
وانا هلا عم اسمع فرقة موسيقى عالمية غربية اسما era
هي الفرقة مافيي ما ارسم على الحانا مافيي ما اتمايل بجسدي معا
ما فيي ارسم اذا ما اعم اسمعا هيي وياني لهيك رح خليكن تسمعو معي هلا
كذا مقطوعة الهن للفرقة ول ياني

[URL=http://arabsh.com/8l34wzw42pom.html]01_المسار_1.wma - 3.6 Mb[/URL]

او هاد

[url=http://arabsh.com/8l34wzw42pom.html][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذا الرابط]" border="0" alt=""/>[/url]

سوري منكن ما قدرت نزل غير رابط موسيقى وحدة

انشالله تعجبكن

بختام الحلقة الاخيرة من برنامج (من القلب الى القلب) بتمنى ينالو اعجابكن
وبالنهاية بتمنى انو ما كنت غير خفيفة الظل عليكن
تحياتي الكن
كانت معكن يومين روعة روزا من ورا المايك