انواع طقطقه البراغي

أنواع البراغي !!!!!

البراغي أنواع عدة نذكر أشهرها
حاول أن تراجع البراغي اللي أكلتها بحياتك وإللي طعميتها لغيرك
وشوف لأي نوع تنتمي :

1- البرغي الموجّه :
ميزاته التعبوية : ذو رأس أحادي
هذا النوع من البراغي يكون موجّه إلك بشكل مباشر
من عدو إلك بالعمل , والأهم إنو مركز عليك وناطر الفرصة...
وإنتا من شطارتك بتكون عطيتو الفرصة فطقلك برغي محترم.

2- البرغي الجماعي أو Multi برغي:
ميزاته التعبوية : من أقوى أنواع البراغي ويتميز بسرعة …
وبيصيبك لما بيتفق عليك الكل وبيطقولك برغي أخو أختو .

3-برغي الرحمة :
وهو برغي نادر تطلقه لما تشوف صاحبك تعبان من الشغل ومش عاجبته لا الشركة ولا الموظفين بيعطوه شغل كتيير فوق طاقته والأخ ممكن من الضغط يروح فيها...فبتروح حضرتك عند المدير وبتلعن سلسفيل أبوه لصاحبك حتى يقوم المدير ويقدم فيه عريضة ويكحشو وهيك بتكون إنتا أطلقت عليه رصاصة (برغي ) الرحمة وخليته يقعد بالبيت معزز مكرم...

4- In-Direct برغي:
وهو من أقل البراغي فاعليّة يصدر من واحد قرفان زهقان
ماشي على مبدأ عليّ وعلى أعدائي
مثلا بيروح شخص لعند المدير و بدال صباح الخير بحكيلو:
'إنتا لو بتضبّ موظفينك بدل ما إنك قاعد ورا الكرسي، ولك شوف شو عم بصير…' وبتصير تسلخ شمال يمين و إنتا مو عارف ليش أو مين بس كل هدفك تفش غُلّك وطبعاً ما تتوقع الشباب حيسيبوك بعدها لأنك لكشت الكل وما إلك صاحب...

5- برغي Revers :
وهو من أغبى البراغي يصدر من إنسان غبي معوّق رايح يدق صاحبه برغي بلاقي حالو إنه دق بحاله برغي !!!

6- برغي طويل المدى:
وهذا البرغي لا يطلقه إلاّ الخبثاء وهو على دفعات وقليل الجرعة بتضلّك تزت براغي صغيرة ومع الوقت بتتجمع عند مديرك إنو فلان الفلاني عليه مشاكل كثيرة ولازم نأدبو وهيك إنتا بتكون كإنك ما عملت إشي – تراكمات يعني – وهادا برغي مضمون النجاح وقد أثبت فاعليته عند الشباب ا لطيبة

7- برغي موجّه بالأقمار الصناعيّة :
وهذا البرغي ما إلو علاج ولا مضاد حيوي لأنو برغي من شخص واصل
لفوووووق فالأفضل تاخد حذرك من هيك أشخاص عشان تضمن حياة سعيدة هانئة.