مسلسل رمضان

موضوع: مسلسل رمضان 15/9/2008, 6:31 am

المشهد الاول

الناس عبتضحك وناس عبتولول و اصابع الاتهام متجهة الى المتهمة روز

روز: لك والله ماساويت شي كلو كلمتين تلاتة وششوية غسيل دم بالمعدة

المتواجدين بالمكان والزمان: سالي الغرام وقمر مرتضدى محمد نانسي دارك انجيل نيكولاس سكاي دريم ابو حيدرة عامر سوسن ناني ليا همسات دافئة

كلن مصفوفين بليست المتواجدين بالتشات اليكس

يوجد ضحية واقعة على الارض وما معروف منين قرعة ابوها

بتوصل سيارة بي ام دبلو اخر موديل يخرج منها شاب طويل معو سيكارة من نوع سيكارة باباي وحاطط نظارات سود ولابس تراشكوت اسود طويل بيطلع وشي موعاجبو بطلع منها المحقق اليكستيشن (اليكس) منا وهو قالب خلقتو من اليمين المحقق ساسوكي (غيث) ومن اليسار المحقق الحمصي نونو (نوار)

وهاهم الصحفين يلتقطون بعض الصور والتحقيقات مستمرة بقتل الضحية

اليكستيشن : الشغلة فيا ان وأن وخواتها وكيتَ كمان مين ئلو المصلحة بقتل هذا الشخص ينادي باعلى صوتو والله لأخليكون تقاقو وما تلاقو ينده معاوينيه الجدبان الى المكتب ويطلب منهم احضار جميع المتواجدين الذين كانو بالتشات

بطرق على الارض قدمه غيث وبقول بقلبو اجاكن الموت يا تارك الصلاة
يقف نوار وهو شمتان متل تمتان

يتبـــــــــــــــــــــــع

موضوع: رد: مسلسل رمضان 15/9/2008, 6:55 am

ههههههه يا عيني

والله خيالك واسع يا روز ههههه

رح ننتظر باقي الحلقات

موضوع: رد: مسلسل رمضان 15/9/2008, 9:22 am

هههههههههههههههه

اي عنجد تحمست بدي اعرف شو حيصير

موضوع: رد: مسلسل رمضان 15/9/2008, 9:30 am

ههههههههههههههه

انا ما عم تابع ولا مسلسل برمضان

رح تابع هالمسلسل باينتوا كتيير حلوو وظريف

بس ايمتا عم ينعرض

هههههههههههههههه

مشكوررة روز 1444

:wesamo:

موضوع: رد: مسلسل رمضان 15/9/2008, 4:31 pm

هههههههههههههههههههههههههههههههههههههههههههههههههههههههههههههههههههههههههههههههه

يحرق كفرك ياروز انت مو معقولة انت والخيال تبعك
من بداية المسلسل ناجح

على فكرة تعبت كتير بتمثيلو وخاصة المخرجة روز هلكتني كل مرة تعيد المشهد ما بيعجبها شي

تابعي روز تابعي لنشوفشو اخرتها معك

موضوع: رد: مسلسل رمضان 16/9/2008, 1:04 am

ههههه محمد انا كتير عندي خيال واسع هههههههه

نينا منيح متحمسة ان شاء الله اضلي هيك للنهاية

هههههههه قمر بلش العرض

اليكستيشن بدي عيدك المشهد مليون مرة دي ليظبط على كيفي وتتقيد بالقوانين ايوااااااا

بتمنالكن متابعة شيقة

يتبــــــــــــــــــــــــــــــــــــــــــــــع

موضوع: رد: مسلسل رمضان 16/9/2008, 5:19 am

بطرق على الارض قدمه غيث وبقول بقلبو اجاكن الموت يا تارك الصلاة
يقف نوار وهو شمتان متل تمتان

*********************

يتقدم غيث صاحب القبيعة اليابانية وبئيدو سيكارة من النوع مالبورو
احمر وشي مو عاجبو وقالب خلقتو متل معلمو يتقدم نحو المشبوهين يطلب بأخذ اول
مشبوهة بها الى التحيق وهي سالي الغرام وهي عبتولول وتصيح يااااااااااا خشاري
عليكي يا سالي راحت عليكي يا هنودة (ركزولي على كلمة يا خشاري)

المهم يتقدم احد البدوكاردية وبحطو الكلبشا بايدين سالي وسالي عبتبكي
لي على قلبي ويا خشاري عليكي يا سالي

ساسوكي يتقدم هو ونونو ونونو شايف حالو وشي على ابو جنب وعبدخن مع
صاحبو تساسوكي

يتقدم ساسوكي الى مكتب اليكستيشن وبقلو : سيدي قبضنا على المشبوهة
سالي الغرام التي سوف تقاقي وما تلاقي متل ما قمرت حضرتك شو بدك نساوي هلق (مع
خبطة شديدة جدا بقدمو على الارض وهون يلتفت اليكستيشن وبقلو : لك العمى بعيونك ولاه
كم مرة قلتلك لا تخبط رجلك على الارض بهالطريقة ولاه

وهون تساسوكي بقلو يبعتلي ميت حمى على هالنسوة ولي على قامتي على
هالعلقة

وهون بكون واقف نونو(نوار) مستند على الحيط يعني رجل على الحيط والرجل التانية على الارض وهوعبدخن ودخان السجائر عيتطاير بالهواء الغرفة وهو عبقلو بقلبو لتساسوكي بتستاهل الله لا يقيمك

المهم يطلب اليكستيشن بدخول اول مشتبهة الى مكتبه وهون بصير حوار على ابو جنب.

يتبع في الحلقة القادمة

موضوع: رد: مسلسل رمضان 16/9/2008, 8:00 am

يحرء حريشك شو نتفو ريشك ياروز
لك شو هاد ولوووووووووووو
عن جد موضوعك كتييييير حلووووو
والاحلى منه ان طلعتي عم تكتبي اكتر من بسام الملا
ولا هشام المالح
ولا مامون البني
ازا بتضلي هيك
اكيد انتي رح تكملي باب الحارة الجزء الرابع
ههههههههههههههههههههههههههه
تقبلي مروررري ابو حيدرة على الهدسة
شكرا يا نجم

موضوع: رد: مسلسل رمضان 16/9/2008, 12:28 pm

ههههههههههههههه

لك ضيعت المسلسل باي قناة هههه
اصدي باي قسم

واخيراا لقيته

انا ببصملك بالعشرة اذا هالمسلسل ما بنعرض على شاشة التلفزيون شي كام سنة
بس استني شوي

روز الك مستقبل رائع

تابعي عيني تابعي

لابسام الملا ولا نجدت انزور رح يحسنوا يخرجوا متلك

يلااا عم نسناا الحلقة الجاي بفارغ الصبر
Exclamation

موضوع: رد: مسلسل رمضان 16/9/2008, 7:29 pm

هههههههههههههههههههههههههههههههههههههههههههههههههههههههههههههههههه

ما بعرف شو بدي قول بس عنجد بتجنن لا تعليق

موضوع: رد: مسلسل رمضان 18/9/2008, 12:01 am

المهم يطلب اليكستيشن بدخول اول مشتبهة الى مكتبه وهون بصير حوار على ابو جنب.

********************

تدخل سالي ومن طرف اليمين بكون واقف جمبا تساسوكي والطرف اليسار بكون واقف جمبا نونو
وهي بتكون بقا خجلاني ومعبوطة وعبتقول بقلبا يا خشاري عليكي يا سالي

وهناك يكون جالس اليكستيشن وراي المكتب وعاطي ظهرو للمتهمة ويئمرها بالجلووووس
تجلس سالي وهي مغمسة العيون بالدموع والبكاء وهي معبيا وجا لطم (لطم يعني يعني في اثار لطش كفوف)

ينهض اليكستيشن من ورا المكتب ويتقدم نحو المتهمة بخطوات هادئة غامضة صامتة وهو بصل لعندا بقلا مممممممممممممممممممممممممم مع تحديق شديد بالعينين وهون سالي بتقلو بصوت منخقض يصعب على المستمع ليستمع( مو انا القاتلة بريئة انا)

وهنا يصفق اليكستيشن ببرادة شديدة وبقلا برافو مين القتل لكن

تبكي سالي بتقلو ما بعرف انا كنت عند جارتنا وعند دخلت على شاتك لقيت الجريمة والخلق عبتضحك وخلق عبتبكي

وهون بقول اليكستيشن للعناصر وبقلن اشحطوها على المنفردة هه

وهون غيث بطلع متل سنجق عرض وبقول عطيا فرصة معلم كلتنا منعرف مين هي سالي

وهون اليكستيشن بقول الفرصة الحقيقية هي لما بتحكي الحقيقة وبس عندك شي تقولي يا سالي

وهون سالي بتقلو هاد كل الصار

وهون بقول اليكستيشن نزلاها على المنفردة لشوف

يجلس اليكستيشن ورا المكتب وهو عبفكر مين القاتل ينده تساسوكي وبقولو دخلي المتهم التاني

وهون بقلو تساسوكي مين بدك سيدي شب ولا بنت حاكم البنت المعي هلق كتير حلوة وشي كتير شيك ونايس

وهون يصرخ اليكستيشن بوجه تساسوكي وبقلو لك شو بدي اجوزا انا دخل مين ما بدك
وهنا تتقدم فتاة بعمر الياسمين وشي خيلة وكلا ثقا بنفسا بس اللايدين بالكلبشا وبقلو نونو لأليكستنشن انها اللانسة قمر سيدي

وهون ينهض اليكس من مخزعه وهو عبقول بقلبو(( لك على رمشي تمشي وعلى قلبي تأسيسي يا هيك المجرمين يا بلا)) وبقلا اتفضلي بكل لطافة وهدوء

_______صار وقت الاعلان ________
يتبع

موضوع: رد: مسلسل رمضان 18/9/2008, 12:29 am

وهون ينهض اليكس من مخزعه وهو عبقول بقلبو(( لك على رمشي تمشي وعلى قلبي تأسيسي يا هيك المجرمين يا بلا)) وبقلا اتفضلي بكل لطافة وهدوء

هههههههههههههههههههههههههههههههههههههههههههههههههههههههههههههههههه

هادا اهم مشهد

بس قليلنا شو هنة الدعيات باينتو عم يجيكي مصاري منيح من ورا الدعايات

لاطولي دعايات خلصينا

شكرا كتير روز

موضوع: رد: مسلسل رمضان 18/9/2008, 12:20 pm

حيوووووووو روز شو هالمسلسل الشيق هاد لك فشر باب الحارة واتباعو

مسلسل روز وبس والباقي كلو خس بخس

اهما شي (خشاري =شحاري تبع سالي ) ههههههههههه يبعتلك حما يامو

حلو روز يلا عم استنا الباقي مابعرف ليش ما كنت منتبه عل المسلسل تقبل مروري يا غالية وحيووو

موضوع: رد: مسلسل رمضان 19/9/2008, 1:23 am

هههههههههههههههههههههههههههه روز مسلسل شيق

لازم تتعاقدي مع شركة انتاج

بانتظار حلقات ثادمة

ميرسي الك والله ابدعتي

موضوع: رد: مسلسل رمضان 19/9/2008, 1:36 am

اليكس الدعايات كتير ناجحين والمصمم خيلة ههههه

لك ايه والله هي شحاري لك خربطت ههههههههه بس يعني على القافية ما بأثر

حنين لا لا انا ما بتعاقد مع شركات انتاج بتعرفي ليش ؟ منشان السرية بالشغل هههههههه نورتي عزيزتي

يتبع

موضوع: رد: مسلسل رمضان 19/9/2008, 1:52 am

وهون
ينهض اليكس من مخزعه وهو عبقول بقلبو(( لك على رمشي تمشي وعلى قلبي تأسيسي
يا هيك المجرمين يا بلا)) وبقلا اتفضلي بكل لطافة وهدوء

********************

تتقدم قمر بخطوات ثابتة واثقة من نفسا وتجلس بهدوء وشو هالحلاوة ممم بتقلو للقمر تفو بوجك لأقعد محلك , شي لابق والله هالطقم الجلد الاسود مع بوط اسود وفوق المنا هي حلوة بدون منازع شقرا عيونا زرق وشي خيلة

وهو ببلش اليكستيشن يزخ عرقو وبتلبك وبدو يسأل فيا

ا : مرحبا

ق : اهلين

ا: اديه عمرك

ق : 21

ا : الحالة الشخصية؟

ق: عزباء

وهون بقول اليكستيشن هي هيه هي هيه وجتها وجتها لفتات احلامي متل العالم الكتشف الجازبية الاضية

ا: شوصار بالشات ؟

ق: ما صار شي كلا كم كف وكم كلمة وكم شخطة وكم رفسة وكم نطحة مالن اكتار.

ا: ايوا مالن اكتارررر cherry

ق: اي مالن كتار يعني والله صديقتي ودافعت عني

ا : اها مين هي بالله

ق: لا لا هي حلفتني يامين ما قول لحدا معلش استاذ يعني الامانة امانة وهي انقزتلي حياتي

ا : طيب اتفضلي انصرفي

ق : اوك شكرا

وهون بنط تساسوكي وهو معترض اشد الاعتراض لك ليش يا معلم بدك ياها تروح هي بتعرف مين القاتل وبدك ياها ترووووح؟؟؟؟؟..... ما بصير هيك

يلتفت اليكستيشن بنظرة مرعبة الى تساسوكي وبقلو مو شغلك ولاه شو رأيك تعلمني شغلي اتقضل
تساسوكي بحذق بقلبو وبقلو لا CD عفون منك

يودع اليكستيشن قمر على الباب وبقلا ابقى عيديا هههه

***** اعلانات ********
يتبع

موضوع: رد: مسلسل رمضان 19/9/2008, 8:56 am

هههههههههههههههههههه
ههههههههههههههههههههه
من كتر ما ضحكت نزلوا دموعي
يا هيك المجرمين يا بلااا هههههههههههههه
ما صار شي كلا كم كف وكم كلمة وكم شخطة وكم رفسة وكم نطحة مالن اكتار.

وهون بنط تساسوكي وهو معترض اشد الاعتراض لك ليش يا معلم بدك ياها تروح هي بتعرف مين القاتل وبدك ياها ترووووح؟؟؟؟؟..... ما بصير هيك
تساسوكي بحذق بقلبو
هههههههههههههههه

هههههههههههههه

لا تعليق وبس

موضوع: رد: مسلسل رمضان 19/9/2008, 10:16 pm

ههههههههههههههههههههههههههههههههههههههههههههههههههههههههههههههههه

اي قمر يعني بدك تقولي انو روز فاشلة لك عقدني بالمسلسل
قمر تزكري لما كنا عم نمثل الدور شو عملت وشلون قالت عيدو الدور بقرف مفكرة حالها مخرجة سينمائية بس شو بدنا نعم بدنا تستحمبهل دبة مالنا غنى عنها

يسلمو اديكي روز انتي ومسلسلاتك

سلام

موضوع: رد: مسلسل رمضان 20/9/2008, 2:56 am

ههههههههههههههههههههههههههههههههههههههه قمر واليكس ههههههههههه

اليكس هو المشهد كان سحساح بقصد بقصد حساس لذالك كنا عمنعيد فيو هههههههههه

يتبع ههههههه

موضوع: رد: مسلسل رمضان 20/9/2008, 4:43 am

يودع اليكستيشن قمر على الباب وبقلا ابقى عيديا هههه
*****************

يتقدم ساسوكي وبدخل نيكولاس على المكتب التحقيق وكان شي صرعة متل هاد

مع البنطلون الساحل والسمعات بادنيه وهو عبترقواص

اليكس بفضلو على المكتب وببلش بسألو

وهو ادن من طين وادن من عجين بسألو من هون وهداك بطرقو بغنية من هووون

بعصب اليكس منو, اليكس يهجم بلطابة اليكس يهجم الطابة ملعوبة يتقدم يتقدم ساسوكي يدافع عن المرمى اليكس بقدحو بوكس لتساسوكي , تساسوكي بتورم عينو وبقع على الارض
اليكس يتقدم بالطابة الله يا اليكس الله يا اليكس ,اليكس بلعب باص لنوار , نوار برجعا لأليكس باص one two بساوا يا سلام عليكم اليكس يتقدم يتقدم يتقدم بوصل على المرمى الحارس مسطول ومو عرفان الله وين حاطو اليكس بوقف عند الحارس اليكس بمد ايدو على جيبو وبطالع بطاقة عدم تعرض وبسجل جووووووووووووووووول جوووووووووووووول الله الله يا اليكس ونقطة للشوااااااااام يا شباب وجووووووووووول اليكس بركد متل الاهبل وهو فاتح تمو متل دراكولا بشلح كنزتو وبقوول اوليه ليه اوليه ووهوهووو وجول وحلوة منك يا اليكس ما اعرفتك

اعزائي سادتي انساتي بعد هذا النقل الحي المباشر لكرة قدم للجدبان نرجع للستديو التصوير ويتم ارسال نيكولاس لعند سالي بالمنفردة

******يتبع*******

موضوع: رد: مسلسل رمضان 20/9/2008, 10:27 am

شكراااااااااااااااا
الك روز
والله يتقبل
برمضان
شهرا لمسلسلاااات
ههههههههههههههههه
ههههههههههههههه
بس ليكي روز ولك من مين متسرقي الحكي ولووووو
وهالنص كله بحضي على ما اتوقع انه النص مسروووووووووووق
وبدي افتح تحقيق بهل الشي
ههههههههههههه
بس ليكي انا عم انتظر القادم
ولشووووف خايف اطلع انااا المجرم ولوووو
مع تحياااااات
حيدرة( ابو حيدرة)1ههههههههههههههه

موضوع: رد: مسلسل رمضان 20/9/2008, 4:51 pm

اعزائي سادتي انساتي بعد هذا النقل الحي المباشر لكرة قدم للجدبان نرجع للستديو التصوير ويتم ارسال نيكولاس لعند سالي بالمنفردة

نحنا جدبان ماشي خلصي المسلس ياروز وشوفي شو رح يصير فيكي
والله لخلي الولاد تركد وراكي بالحارة

كملي كملي لشوف

» مسلسل صبايا .. حصريا .. مسلسل سوري .. جميع الحلقات كل حلقة ستجدونا برد منفصل لي .. تحياتي
» مسلسل "ايدي امينة" مسلسل رمضاني حديث متجدد
» إنه قمر رمضان
» رمضان...
» رجيم رمضان