طموحك بالحياة

موضوع: طموحك بالحياة 8/1/2009, 7:08 am

مرحبا للجميع
حابه اسألكن كلكن هالسؤال ويا ريت كل واحد يعطينا تجربتو
شو كانت امنيتك لما كنت صغير انه تصير بالمستقبل؟ وهل بتشوف انك حققت هي الامنيه حاليا بدراستك او شغلك؟ ولو كنت عم تشتغل هل لقيت الشغل حققلك طموحاتك اللي كنت دائما متأمل تحققها بحياتك؟

رح بلش بحالي

انا كنت حب كتير اني ادرس هندسه ديكور وقت كنت بالمدرسه بس وقت صرت بالجامعه ما لقيت هالفرع موجود فدخلت اداره اعمال ونجحت فيها كتير. بس بعد ما اشتغلت رجعت حسيت انه مو هاد الشي اللي انا بطمح اني ساويه طول عمري ورجعت فكرت اني ادرس التصميم مره تانيه ودور على شغل او على مجال يرضي طموحي وافكاري.

ادعولي ونصيحه للي ما بلشو فكرو منيح باي مجال حابين انه تكملو حياتكن فيه قبل ما تاخدو هالخطوه لانه سنين الدراسه اللي بتضيع على دراسه مجال ما بنحبو كتير صعب انه نلاقي وقت بعدين نقدر نعوضها بدراسه جديده

موضوع: رد: طموحك بالحياة 8/1/2009, 7:32 am

الله يوفقك رورو وانشالله تحققي يلي ببالك

انا وقت كنت بالدراسة ماحطيت براسي اي مجال من مجال العلم
يعني اي وظيفة منيحة وارتاح فيا بكون احسن شي بالنسبة الي
هلق صح اني درست سكرتياريا تنفيذية بس ماعجبني هالف رح وماحسيت حالي قدو
لاني كنت بحب اني كون ادارة اعمال
بس اهلي اختارو الي هالفر ع مع انه مابناسب طموحي كاسكرتيرة

مشكورةرورو

موضوع: رد: طموحك بالحياة 8/1/2009, 1:02 pm

مممممممممممم
رورو والله معك حق
انا كتير كنت حابة ادرس حقوق
بس ما مشي الحال وهي انا عم ادرس مادة مابحبها وكرهاني حالي كرمالها
جد شي مزعج

مشكورة كتير

موضوع: رد: طموحك بالحياة 8/1/2009, 1:03 pm

مممممممممممم
رورو والله معك حق
انا كتير كنت حابة ادرس حقوق
بس ما مشي الحال وهي انا عم ادرس مادة مابحبها وكرهاني حالي كرمالها
جد شي مزعج

مشكورة كتير

موضوع: رد: طموحك بالحياة 8/1/2009, 3:22 pm

اول شي بتشكرك رورو لموضوعك الحلو

انا لما كنت صغير واول ما وعيت وصرت فكر بالمستقبل

كنت حب كون مهندس كهرباء واختصاص الكترون

بس للاسف ما ساعدت حالي وما كنت اسمع من اهلي انو ادروس بالبكالوريا واهملت

فحصدت نتيجة ما زرعت

والحمد لله درست وتخرجت واشتغلت واموري منيحة

بس هاد كان حلمي

وشكرا كتير للموضوع الحلو

موضوع: رد: طموحك بالحياة 9/1/2009, 1:11 pm

الله يوفقك رورو بحياتك
درست لفرع يلي بحبو
وخلصت جامعه بعدين نصدمت بلواقع
نتهت كل احلامي وطموحاتي
لما فتت بلحياة لعمليه
مو يعني اني كسول وما بكافح لا
بس ما بعرف
مشكورا عا لموضوع وتئبلي مروري

موضوع: رد: طموحك بالحياة 11/1/2009, 4:08 am

اهلين سالي شكرا كتير على ردك و ان شاء الله بتتوفقي بحياتك كلها وحابه قللك انه لسه معك مجال تكملي دراستك بادراه الاعمال حتى لو كان معك شهاده سكرتاربه والله يخترلك كل خير .

هلا جورجينا والله معك حق كتير شعور صعب وقت بتحسي انك بدك تكملي بمجال ما بتحبيه بس ان شاء الله بس تدخلي حياتك العمليه ترتاحي اكتر مع هالمجال ويمكن تحبيه.

اهلين محمد يسلمو كتير وبتمنى انه امورك تكون على طووول منيحه و للأحسن يا رب

اهلين وصحيح كلامك بأنه احيانا بتنصدم بالحياه على ارض الواقع لانه بالمدراس والجامعات ما عم يهيئو الطلاب للحياه العملية ولا عن الفرص اللي ممكن يلاقيها لما بيدخل على سوق العمل

REMEMBER ME

thangs

موضوع: رد: طموحك بالحياة 13/1/2009, 7:39 am

هلااا ومرحب رورو نورتي

طموحي بالحياة كان بسيط كتيير ان صير معلمة اختصاص رياضيات
بعد ما اخدت ابلكالوريا كان فيي ادخل معهد الرياضيات بكل سهولة

بس ما مكتبلي ادخل معهد رياضيات دخلت غير فرع وسافرت وهلاء عم تابع دراستي

مشكورررررررررررة رورو

موضوع: رد: طموحك بالحياة 14/1/2009, 7:33 am

هلا هلا قمر
معك حق احيانا بتجي ظروف ما بتخلي الانسان يحقق احلامه
بس ان شاء الله مبسوطه بتخصصك الجديد
وتتوفقي بحياتك دائما
شكرا كتير قمر

موضوع: رد: طموحك بالحياة 14/1/2009, 3:37 pm

من انا وصغيرة بحب الرسم كتييييييييييير وكان طموحي اني ادرس رسم بس الرسم خلاني اتلهى كتييير عن درسي بس بالاخييير وصلت ياللي بدي ياه وحققت وحلمي وهلق انا عم ارسم كتيييير منيح الحمدلله

موضوع: رد: طموحك بالحياة 15/1/2009, 9:55 am

شو كانت امنيتك لما كنت صغير انه تصير بالمستقبل؟ وهل بتشوف انك حققت هي الامنيه حاليا بدراستك او شغلك؟ ولو كنت عم تشتغل هل لقيت الشغل حققلك طموحاتك اللي كنت دائما متأمل تحققها بحياتك؟

من وقت ماكنت صغيرة مستقبلي مرسوم ومهيئ بالنسبة للدراسة لأنو كان في عدة خيارات موجودة بأنو تختاري يلي بدك ياه بس الدراسة واجب حتمي عليي , وطبعا فتت حقوق وحاببتها كتير بس في شغلة صغيرة مابحبا من الاساس وهي اللغة لهيك بتعب فيها وتخرجي واقف على مواد اللغة , بالنسبة للشغل أنا كان إلي مرحلة عمل بقنصلية رومانية والحمدلله نجحت فيها كتير مع أنو ماكان عندي شي اسمو " خصوصية عمل " والحمدلله مشيت فيها بسرعة وحققت نجاح فيها كتير مرتب وتعبت لحتى وصلت لهل المرحلة ما أجى أي شي عن عبث , وللأسف تركتا نتيجة ظروف خاصة
اخيراً أنا بعرف شغلة وحدة أنو يلي بدنا ياه بيصير اذا نحنا إلنا رغبة فيه وبيتحقق أكيد من بعد إذن ربنا طبعاً
بس لاتقولولي لغة مابحبااااااااااااااااااا هههههههههههههههههه

مشكورة رورو وانشالله محققة كل أمانيكي
مــيرا

موضوع: رد: طموحك بالحياة 15/1/2009, 5:49 pm

انا كان طموحي ادرس حقوق بس ما فتت الفرع يللي بحبو
لهلق ما حققت الطموح يللي بدي ياه
بس هلق طموحي اني خلص درسي واتخرج ولاقي الشغل يللي يناسبني
وبتمنى الله يوفقك بحياتك رورو ويوفق الكل وتتحقق كل الاماني
مشكوووورة على موضوعك المميز

موضوع: رد: طموحك بالحياة 22/4/2009, 9:04 am

تسلم ايديك حبيبي ومشكوووووووووووووووور

» أحلى شي بالحياة شو ؟؟؟؟؟؟؟!!
» انه المطر تفا ئل بالحياة
» مشاهد مؤثرة بالحياة ..
» لمسات ساحرة { تنبض بالحياة
» تعالوا نتعلم من هذه المرأة التفائل بالحياة