شو كنا نشوف قبل وجود الدش بسوريا

ماذا كنا نشاهد قبل وجود الدش في سوريا ههههه

-أرضنا الخضراء:ناس
عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي
صناعة ذرية تقولها!!!ولهلأ بتذكر اسم مقدم البرنامج:بشار مصري زاده

-الايدي الماهرة: و
من اعداد و تقديم الشب نفسو(لعما واسطو شو قوية),كمان وين في واحد عم ينكش
بوابير,واحد عم يركب حداوي,واحد عم يقص تنك...بيجيبوه بيعملوه عماد
الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي
بيسألو بالآخر:"وين اليد الماهرة بالموضوع"هادا عأساس متل سؤال أزلي!

معالعمال:و
وين رحنا ووين جينا نحن العمال و شو عم يسوو بفرع الحسكة و درعا بنادي
العمال للدحل,و وين عم يتسيرنو العمال بادلب,و شو عم يساوو مشان الباص
الواقف بمعمل العلك بحلب,و صفقة الطواقي البحرية لعمال المرفأ اللي بيكنسو
الارض باللادقية....
-

نحن الطلبة:كلو
رقص و دبك و انشطة اجتماعية و محاضرات و سيارين و شك نصبات شجر....بس شو
لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هيدي
شغلات ثانوية...وعلى مهرجانات خطابية!!انا بفضل يتسمى مع الدبيكة و رقيصة
العربي!
-

أطفال هواة: يااااي
ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما
بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا
سجل جمعتين و نص بنادي كارتيه بس ابوه جارو للمخرج جابوه ينط
بخلقتنا!!وهادا علمو البابا الشطرنج و هوي جايب شطرنج البابا يفرجينا
عليه,بس شو دور الولد ما بعرف!!هوي صنع الشطرنج ولا بيلعب فيه!!
-

الطلائع:برنامجي المفضل!بس موت و أعرف مين كان يشوفو من الاولاد!!!
"الرفيق
الطليعي خلف الجاسم الرائد عمستوى القطر بالفيزياء"خزية العين!و بدو
يفرجينا عالتجربة اللي رح تغير وش الكرة الأرضية!...بطاريتين+سلك
كهربا+مصباح صغير!.."انظروا انه يشعل!!يطفئ!!يشعل!!يطفئ!!".... اسم الله
عليه!!بدو طابة زرقا مو خرزة!!

برنامج ما يطلبه الجمهور مع خالة ام عمار بس مو مرتي هي ههههه
احدث اغنية موجودة لعبد الحليم
واحلى شي وقت بيكتبوا هام وخاص وحصريا للتلفزيون السوري جديد ام كلثوم
وبيتصلو الشباب بهدي لابو عبدو من تادف وام بكري من الحسكة وسميرة من الشام وابو حسن من جبلة (ما شاء الله على الوحدة الوطنية)
عيلتو منتشرة بكل سوريا
المهم بيضل بيهدي نص ساعة والغنية بيسمعها كم ثانية

برنامج ما يطلبه الرياضيون اااااه هاد غير شكل يبا
والبرنامج شغال لهلئ بس باسم تاني ونفس المذيعة الرهيبة نفسا
موسيقى البرنامج بتفطس من الضحك مأخودة من شي فلم امريكي من ايام جدي
المذيعة غاية في الذكاء ومعلوماتها الرياضية رهيبة
من اسبوعين اضطريت اشوف حلقة من هالبرنامج
قالت المذيعة بطولة افريقيا يلي جرت مؤخرا في بيونس ايرس قام نبها المخرج صارت تضحك قالت عفوا هي باوروبا ههههههه
وصححتها وقالت البطولة كانت ببوركينا فاسو
ههههههاي لا حدا يصيبها بالعين
واتصل شب وطلب مبارة البرازيل وانكلترا تبعت 2002 يعني من 7 سنيين قام جقرت المذيعة وفتحت عيونها واقلتلو شووووو ما عنا ياها هلئ اذا بدك تشوف شي هلئ بامكانك تشوف شي عام 1998
اما اذا مصر عليها فبتشوفها الاسبوع الجاي قام قلها اذا ولا بد الاسبوع الجاي فبشوف المانيا والارجنيتن 2006
صارت تضحك المذيعة وقالتلو لا لا ما في عنا هيك شي شو شايفني سوبر مانة
مانة=امرأة بالانكليزي

برنامج الاحد الرياضي والاتنين والثلاثاء
كان مستلمو وجيه شويكي
وهلئ مستلمن ابنه

يا شبااااااااااب حدا يفهمني شو جاب موضوعي لهون

شو مسرح حياتي
شو جايبلكن مسرحية لشكسبير

ولا همام حوت

الله يرضى عليكن يا شباب حدا يفهمني

فعلا متل ما بقول المتل اذا كترو الطباخين احترقت الطبخة

من ناحيتي كنت اقلب على تركيا الاولى مشان شوف بيل وسيباستيان ههههههههههههههه

شكراا الك ويست

وتقبل مروري

اي والله وست وانا موضوعي كمان نقلو لهون
هههههههههههه

بس بسيطة مو مشكلة
اما شو زكريات الله لا يوفئك
بتعرف اكتر شي كنت اكره اطفال هواة
لك لعمى شو بايخ وسخيف
هههههههههههههه

كنت شوف برامج الاطفال على الاردن وبس

يسلمن وست حلو كتير

انا من ناحيتي ............. ما بعرف شي عن هالبرامج كلا ههههههههههه

كنت شوف الماسه الذهبيه على ما اعتقد انو هيك كان اسمو
وصقور الالرض
اما طول عمري عايشتو بالكويت
مشكورة

انا من ناحيتي كمان ما كنت اتفرج بس على افلام كرتون
خصوصي السناااااافر وسنان و كابتن ماجد و صاحب الظل الطويل
هدول وبس هههههههههه
مشكووووور ويست

[size=18]اما شو ذكريات

وصفك راااائع
انا كمان ما كنت عايشه بالشام بس بتذكر هدول الشغلات لما كنا ننزل بالصيف وكنا ننشده انه شو هاااااد وشو يعني وليش ولشو ههههههههههههه
يسلموو ويست [/size]

ههههههههههههههههههههههههههههههههههه

ويست ضحكتني شو لساتك ذاكرن لها البرامج
ولا قال عم يطورو هلا اي لساتن حاطين ها البرامج
بالرغم من نزلت الدش
هههههههههههههه بس جد ضحكتني الله عليك
انا كنت سب علين بس يطعو لانو كنت احضر افلام كرتون وهنن
كانو يطلعو يا قبلو يا بعدو
كنت فكر انو هالبرامج هي هيي السببب
انو افلام كرتون خلص ههههههههههه
ومن جهة تانية هاد اطفال هوات ما كنت طيقو وكان
يجي على بالي اضربا للمذيعة ههههه
مشكور ويست رجعتني ذاكرتي 15 سنة لورا

» انواع التلطيش عنا بسوريا
» تعال تا نشوف هالسوبر ماركت...
» سبب إنقطاع التيار بسوريا‎
» لا يفوتكم (سبب انقطاع الكهرباء بسوريا)
» جوله بسوريا الحبيبه>>افديها بروحي بلدي