نتائج المفاضلة العامة الثانية للبكالوريا ..... هل هي صدمة؟دعوة للنقاش

السلام عليكم
جرى مساء امس اعلان نتائج المفاضلة الثانية لطلاب البكالوريا في سوريا و مع انني و الحمدلله قد اجتزت هذه المرحلة منذ زمن إلا انني لم اجد سوى الصدمة و الذهول من هذه النتائج
فمثلا قدرت علامة القبول لكلية طب الاسنان بـ 250 علامة فقط في الجامعات الثلاث على ما اذكر
اي بنقص 10 درجات فقط عن المجموع العام.. كما انني لاحظت ان كل طالب لم يحصل على 150 علامة فرع ادبي سيتم قبوله في مزابل القطر.. رغم انني اذكر جيدا عدد الاسماء التي شاهدتها بنفسي يوم نتائج البكالوريا و كان اغلب المعدلات التي شاهدتها للأسماء التي جرى عنها البحث هيه 145 ..اقل او اكثر بقليل
إليكم روابط نتائج المفاضلة على التسلسل
مفاضلة الفرع العلمي
http://www.rtv.gov.sy/index.php?d=75
مفاضلة الفرع الأدبي
http://www.rtv.gov.sy/index.php?d=76
مفاضة شبيبة علمي
http://www.rtv.gov.sy/index.php?d=77
مفاضلة الشبيبة ادبي
http://www.rtv.gov.sy/index.php?d=78

و قبل ان انسى يجب ان احيي من هذا الموقع المذيع المخضرم نضال زغبور
لما ابداه من رحابة صدر و بشاشة في وجه المتصلين المغلوب على امرهم خصوصا عندما شكا له احدهم من انه قد انتسب للشبيبة منذ زمن طويل و لم يعطوه علامة واحدة او لم يساعده بالشكل الامثل فما كان من مذيعنا (الفهمان) غير ان قال (و الله يا اخي اذا كنت عم تمنن الشبيبة بانتسابك فـ ما حدا ضربك على ايدك و قلك انتسب) او حينما اتصلت به طالبة لتسأله و هي على عجلة من امرها ليقول(و الله يا اختي نحنا هون مو برنامج ما يطلبه المستمعون)
تحية إلى وزارة التعليم
تحية إلى التلفزيون العملاق الكبير التلفزيون العربي السوري
و التحية الأكبر لكل من يصدق بأنه لا يزال هناك امل في جامعة بعد بكالوريا رعب
ويبقى السؤال لطلاب و طالبات الباكالوريا.. اي اخيتار من اختياراتك الـ 10 قد تحققت؟
هل هيه الـ الاولى ام الخامسة ام الاخيرة
بانتظار مشاركاتكم

بكل الحب..أودعناكم

__________________

مو صدمة صاعقة روزاليندا للطلاب
شو بس انقص ب 10 علامات
عيني الانتساب للشبية بس لاهل الشبية والواسطات
بقا ما حدا يتامل شي مساعدة ربانية هيك
الافضل يقلولن صار عنا اكتفاااااااااااااااااء
وافترضي ان هالطالب ما عجبه مجموعه رح يعيد السنة الجاي
حزرك انظم يعني

ياخوفنا من الايام يقولوا بدن المجموع العام للقبول

صارت الجامعات الحكومية حلم الطالب
بس راحت على المعتر

تقبلي مروري

صارت الجامعات الحكومية حلم الطالب
بس راحت على المعتر

تقبلتو بكل رحباة صدر
صارت حلم يا جماعة الجامعة
وانا حظي كمل معي علىالاخر
وقدري وقف حدي
وبالحظ طلعتلي الكلية الحمدلله
بالغرم انو مجموعي ما باهلني علىولا فرع
بس تالحمددلله موهبتي وايماني ساعدوني
الحمدلله نفدت
وغيري اكلا
الله يعين

انا راي متل ما قالت قمر
صارت الجامعة الحكومية حلم كبير
وخاصة انه المعدلات عم ترتفع مع ارتفاع اسعار المازوت
والماكولات وخاصة طلعت المفاضلة برمضان شهر الغلاء
هههههههههههههههههههههههههههههه
وتقبلو مروري
وكله منشان نعمل تحويلة للطلاب على التعليم المفتوح

اي معك حق ابو حيدرة كلامك صح ملييون بالمية

وتشبيهك بمحلو
وما رح زيد على حكيك شي
تحياتي الك وهلا فيك نورت الموضوع

اي والله صارت حلم

يعني نص العالم ما نقبلت باي فرع

شو بدها تعمل الطلاب

الله يوفقهن يا رب

مش الطلاب احسن شي يعملوه

يفتحو بسطة او يشترو شي عرباية يبيعو عليها خضرا
او البسة جاهزة
وفين كمان يمسحو صبابيط
والبنات فين يشتغلو لفايات
لان الحمدلله الدراسة صارت حلم
واذا ما معك شهادة جامعية قدرك بقدر المكنسيان
هلا جوجو نورتي

ولوووووووو بنت العم المووضوووع نور بكاتبته

والله هي السنة صار نزول بالمعدلات حوالي 5 درجات لاقل فرع
بس كمان الي جايب من تحت ال170 ما بيطلعلو شي
والتلفزيون العربي السوري عني عن التعريف
ههههههههههههههههههههههههههه
افشل تلفزيون بالعالم وافشل مذيعين وافشل برامج وعن قريب افشل مشاهدين
هههههههههههه

هلا فيك ابو حيدرة نورت

رووووني يا ربي لا تحكي هيك بخاف تجيك
شي سيارة تحت بيتكن باخر الليل
واطلع المتهمة من بعدا
عكل الكلام اللي قلتلو ما رح زيد عليه شي رووني
لانو كلامك صح مليون بالمية
هلا فيك نورت

هاي روزا موضوعك جد مثير للتقاش

كلامك صح هلأ في طلاب كتيير مامشي حالون بالجامعة جد الجامعة صارت حلم بقلوبنا كلنا وعقولنا

بس انا بحمد ربي ع كلشي لانو انا تحقق حلمي وانقبلت باول رغبة ورغبتي كانت الادب العربي وبالمقابل كنت بنقبل بكلشي بدي اياه جد بشكر الله وكتير زعلت ع رفقاتي
لانو تقريبا ربعون ماطلعلون شي

جد من كل قلبي بدعيلون الله يوفقون

مشكورة روزاليندا موضوع جد حلو

[size=29]هلا فيكي زيزو الغالية

نورتي الموضوع
وانبسطتت انك ناقشتي هون فيه
هلا فيكي
وما لح زيد شي عحكيك[/size]

» نتائج المفاضلة العامة للقبول الجامعي غد الجمعة
» صدمة
» هل حقا امها متسلطة ام لاا (دعوة للنقاش )!!
» صدمة
» صدمة