البنات والخطابة

موضوع: البنات والخطابة 20/10/2009, 7:51 am

[size=24]البنات والخطابين!!!!!! ...

وتبدأ القصة:

المرحلة (1){من وقت ماشفتك حبيتك }

اللقاء الأول مع الخطابة ممكن يكون بعدة أماكن مختلفة ..

يمكن عند السمان أبو عزو .. لما بتكون الخطابة زبونة دائمة ولما بتشوفك البنات والخطابة Trans2

أنت أكيد ساكنة جديد بالحارة ؟؟)( كيف ماشايفتك يا أمورة ؟؟)

مع أنك بتكوني ساكنة بالحارة يمكن من قبل الاستقلال..

اللقاء يمكن يكون بأي موقف باصات أو أي مكان انتظار

حيث تشق الخطابة طريقها مباشرة نحوك تاركة كل الخلق الواقفين وتتحيل بأبيخ حيلة ممكنة

وبتقول أي شي بيخطر ببالها كجملة أولى ممكن تكون بداية حديث مثير للاهتمام.. ( أنا وين شايفتك ؟؟)

( والله عجقة اليوم .. على سيرة العجقة قديش عمرك روحي ؟)

يمكن تشوفي الخطابة عند طنط سميرة رفيقة الماما ولا عند بديعة جارتكن ..

أو في احتمال كبير كتير وهو الأغلب .. إنك تشوفيها بالعراس والحفلات ( سوق الهال )

اللقاء الأول يمكن يكون علتلفون لما بتدق الخطابة وبتطلعيلها أنت ..

وبتبلش تسألك كلشي بيخطر على بالها من الأسئلة

أديش عمرك .. شو عم تدرسي ..

أديش طولك .. شو وزنك ..

نحيفة ؟؟

يعني معصمصة متل مجاعات افريقيا ؟

سمينة ؟؟

لون عيونك الحقيقي بليز ..

شعرك طويل ولا وصلة

تمك فستقة ولا شحاطة

حولا ولا نظرك مستقيم؟؟؟

وطبعاً أنت بتكوني في قمة الاحراج وبتبلشي اتأتئي وتتبلكمي

(لا تستحي حبيبتي أنا متل أمك)!

وطبعاً بالنهاية أمك بتستلم التلفون وبتأنقذك أخيراً من هلموقف البايخ ..

ولما بتسألها عن ابنها فإما بتفوت بستميت حيط ..وبتحاول قد مافيها تغير الموضوع

وإما بتبلش( بالسيمفونية المعتادة ) تبع مرتب أبني يقبر قلبي المبلغ المرقوم وبيت ابني الله يزيدو بالمالكي والخ

المرحلة (2) {انشاالله بتشكلي آسي}

وبعد أن يتم الاتفاق وبتجي هلخطابة علموعد بعد تلترباع ساعة ( تأخير)

بتصير بتوزع نظرات متفحصة شاملة للبيت وبتسألها أمك السؤال البايخ المعتاد ( انشاالله ماضعت ؟ )

في محاولة يائسة لتلاقي منها جواب على هلتأخير ..

طبعاً أنت بتكوني على آخر طرز واقفة من قفا الباب عم تحاولي تلمحي المستوى

بس للأسف مابيبين غير كندرتا .. وريحة عطرها اللي خالصة مدتها ..

بتبلشي بتتوتري لما بتتأخر أمك (باشارة الخروج ) اللي هيي بتكون اما سعلة
أو بجملة بصوت عالي متفق عليها مسبقاً ..متل ( افتح يا سمسم ) _ لأ عم
أمزح _ أو بكل بساطة رح تناديلك

القهوة طبعاً أساسية ... وهيي الحجة القديمة البايخة لتتأخري وتفوتي
عم تطرقي بالكعب العالي _ يلي مابيكون الو طعمة أصلاً في حالة كنت حاملة
الصينية ( المشهد المعتاد )

قدام الخطابة ... وبتحاولي قدر الامكان ماتكبي الفنجان عليها وأنت عم تسمعي عبارات الاعجاب

( يي انشاالله ماتبلي ولا تتخي .. يسلملي هلطول متل عرق الفول .. )

وأمك بتطرح عليك السؤال البايخ يلي بتسألوا دائماً ( ليش يا ماما ماحطيت فنجان لحالك ؟)

وأنت بتعدي من هون وأمك والخطابة بيبلشو بيحكو كل الأحاديث الممكنة واللي بتخطر على بالهن

(ماعدا موضوع الخطبة) وبيضحكوا وبيتكركرو كأنو رفقات ماشافوا بعض من أيام الجامعة

بس طبعاً هاد مابيمنع أنو الخطابة تشتغل على خمسين قناة : تشرب القهوة .. تشوف النظافة والرتابة ..

تشارك الأحاديث مع أمك .. وتطلع كل 3 ثواني ...

وبالأخير وبعد نص ساعة أحاديث مالها علاقة بتتشنج عضلة اللسان عند الخطابة فبتتطلع

علساعة وبتبلش تستعد ..

وطبعاً أمك بتكون ما اشتفا قلبها ولسا عندها أحاديث ماحكتها ..

بس الخطابة للأسف بتتحيل بشي كذبة وبتقوم

وقفا الباب بتلحش جملة ( لأجل أن تبعث الأمل في قلب الأم)

متل ( والله انشرح قلبي ....... نحنا على اتصال ..... الله يخليلك ياها ....الخ )

فإما أن تقع حالة ( ذهب ولم يعد ) وهي كثيرة الحصول ..

وإما أن تقع حالة ( رجعت هيي وابنها )

المرحلة (3){والله يا أمي انتصحنا }

وهنا يتكرر اللقاء غالباً بأسرع وقت ممكن حيث تكون أمك والخطابة مالحقوا يجمعوا قصص يحكوها

وبتجيب ابنها المحترم معها مع تأخير ( ساعة ونص )

نفس الاجراءات نسير عليها وحين تدخل البنت ..

اما أن تقع الحالة الكارثية اللي تسمى عادة ( شرشوح )

حيث اما أن يأتي الشب ونص قميصو جوا بنطرونو

ولا لابس جينز كاحت عم يكبر معو من أيام الجامعة

ولا ماعط شعرو جيل وملزق براسو

ولا ناططلو من شي فلم عربي لسعاد حسني من أفلام ( الزمن الجميل )

عامل فرق على جنب وطبعاً هنا تصاب البنت بخيبة أمل غير متوقعة

ولا تارك دقنو بدون حلاقة من القرن الماضي كأنو جاية كرفتة من عدرا

وإما أن يكون (مظهر مقبول )وتحصل الشرارة بين الطرفين من أول شفة قهوة ..

ولما بتقعدي بيحاول يفتح سير معك .. وبتكون مركزة على جهات معينة عندو سابقاً ..

وبيصير بيقفز قفز بطريقة الأسئلة الاستجوابية الفجائية لحتى يلبكك ويفوتك بالحيط ..

( ليش مابدك تتركي الجامعة ؟

أو.. ليش متعلقة بشغلك كلهل الأد ؟؟

أكيد أنت ماعندك مانع تلبسي ملاية )

وهيك بيشوف الأخ المستوى الأخلاقي والثقافي ..

وإما بتصير حالة ( الله يصلحك يا أمي على هلفوتة )

وبيحاول الأستاذ يقطع الأحاديث بين أمو وأمك ويعطي اشارة ( البنت مو زيادة ) لأمو حتى تستعد

للرحيل ..والتي يمكن أن تكون بوجع مفاجئ في رأسه أو في بطنه بسبب تسمم من فنجان القهوة

أو بتصير حالة (هي هيي)

ويحصل الانسجام بين الطرفين ..

ولللليش

وتستمر الحكاية وبتنعاد متل ماهيي بكل مرة ..

والكمالة بتعرفوها ..
ولللييللييش عقبال العزابية البنات والخطابة 42415

THE END

موضوع: رد: البنات والخطابة 20/10/2009, 4:18 pm

لك تسلم ايدك موضوع رائع

وبصراحة بيسلي كتير وبيضحك
بس جد هيك بيصير بهالأيام
مافيي شي من الخيال كلوا من الواقع
يعطيكي العافية وتقبلي مروري

موضوع: رد: البنات والخطابة 21/10/2009, 9:05 am

عاشقة السهر كتب:: لك تسلم ايدك موضوع رائع

وبصراحة بيسلي كتير وبيضحك
بس جد هيك بيصير بهالأيام
مافيي شي من الخيال كلوا من الواقع
يعطيكي العافية وتقبلي مروري

هادا اللي عم يصير

هلااااااااااااااااااااااا عاشقة السهر
نورتي البنات والخطابة 180295

موضوع: رد: البنات والخطابة 24/10/2009, 1:08 pm

لك انت تحفة يا قمر
جد لك بتحتاري تضحكي او انو هيك الي عم يصير مع انو شي غريب
لك يسلمن

موضوع: رد: البنات والخطابة 26/10/2009, 7:57 am

جورجينا كتب:: لك انت تحفة يا قمر
جد لك بتحتاري تضحكي او انو هيك الي عم يصير مع انو شي غريب
لك يسلمن

انتي روووووووووعة
اضحكي اضحكي

شكراا لمرورك
البنات والخطابة 180295

موضوع: رد: البنات والخطابة 28/10/2009, 11:28 am

ههههههههههههههههههههههههههههههه

بربي نهفة هالموضوع قمر
قال بديعة وابو عزو هههههههه
وسوق الهال ههههههه
فعلا فعلا الخطابين هدول النسوان غلاظ لك دمون تقيل وشفايفين هههههه
عقباااااااااااااااااااااااااااااااااااااااااااااااااااااااااال كل الصبايا الاهي
يلا بقا بدنا نخلص منكون ههههه
موضوع حلووووو كتيررررررررررر قمررررر

تقبلي مروريييييييييييييييييييييييييي

موضوع: رد: البنات والخطابة 28/10/2009, 11:47 am

nickolas كتب:: ههههههههههههههههههههههههههههههه

بربي نهفة هالموضوع قمر
قال بديعة وابو عزو هههههههه
وسوق الهال ههههههه
فعلا فعلا الخطابين هدول النسوان غلاظ لك دمون تقيل وشفايفين هههههه
عقباااااااااااااااااااااااااااااااااااااااااااااااااااااااااال كل الصبايا الاهي
يلا بقا بدنا نخلص منكون ههههه
موضوع حلووووو كتيررررررررررر قمررررر

تقبلي مروريييييييييييييييييييييييييي

اي اي لسى ما حكيتلك على ابو سعيد وطنط ربيعه هههههههه

شو تخلص مننا قاعدين العدو من امامكم والبحر من ورائكم ههههههههههه

مشكورررررررر للمرور البنات والخطابة 180295

موضوع: رد: البنات والخطابة 3/11/2009, 11:30 pm

اي اي نحنا منعرف الكمالة
لانو كل يوم عم يصير هاد الشي ولحد هل اليوم وبهاد العصر
عيني ربك يا قمور ع هل الموضوع
يسلمون

موضوع: رد: البنات والخطابة 5/11/2009, 9:04 am

Lea VeNnUs كتب:: اي اي نحنا منعرف الكمالة
لانو كل يوم عم يصير هاد الشي ولحد هل اليوم وبهاد العصر
عيني ربك يا قمور ع هل الموضوع
يسلمون

نورررررررتي ليا

وشكراا لمرورك

» سر الجاذبية عند البنات
» احلام البنات
» خطبة البنات‏
» ضياع البنات
» همّ البنات للمات