عندما تصاب مشاعرك بالصمت

موضوع: عندما تصاب مشاعرك بالصمت 18/12/2009, 10:36 pm

مرحبا بالجميع
شيء جميل ان تنسكب المشاعر بداخلك ايا
كانت لتخلق فيك كل تلك الطاقه الإبداعيه لإنتاج اعمال ملموسه ككتابه او رسم او اي
شيء اخر يدخل في نطاق الجمال
لكن المؤلم ان لا تستطيع التحرك ساكنا تجاه ما
يختلجك من مشاعر
والاصعب ان تبدأ في ترجمة مشاعرك لتجد في منتصف الطريق صمتاً
يمنعك عن مواصلة البوح
لا
احبذ ابدا ان اسمي نفسي برسامه او ان يطلق على مسمى فنانه
لست سوى انسانه تحاول
ايجاد بعضاً من ملامحها
مشكلتي اني اصاب احيان بالصمت اثناء تأدية هوايتي في
مخاطبة اللون
لاجد نفسي طيفاً لكم من العواطف اللامتناهية لاضيع الطريق لمعرفه
ملامحي
فتصاب لوحاتي بالحيرة .. الاجمل حظاً منها تلك اللوحات التي استطيع
انهائها..
لكنني املك الكثير الذي مازال معلقا امامي ينتظر مني الرحمه في انهاء
معاناته المعلقه..
اكثرت
الكلام وحيرتكم صح
اعتذر
لكنني اود منكم حلاً
لمشكلتي
اما ان اقبع امام لوحتي بدون مقاطعه لانهيها كما بدأت بها وربما يأخذ
مني اياما او ساعات طويله على الاقل
او
اتركها لغدا .. وغدا يصعب علي اكمالها لتبدل مشاعري وهدوئها
انا صنف من الناس
يرسم ليعالج جروحه
لكنني للاسف احزن لكم اللوحات اللامنتهية في مرسمي
انجدوني اريد حلاً؟؟
وهل اُصيبت مشاعركم بالصمت
يوماً؟؟ كيف استطعتم معالجتها ؟؟

والله يا غاليةمشكلتك مشكلة عامة

اي انسان بيصير معو هيك
ولو اختلف مجال العمل
يعني انا احيانا بكون نايم بتخطر ببالي فكرة لقصة او خاطرة بقوم بكتبها وبضل اكتب لوقف عند نقطة..ما بقا فيي كمل وما بقا فيي ارجع
الامر محير كتير
والتأجيل هون برأيي غلط لانو الفكرة وليدة اللحظة ويمكن تكون متل المذنبات بتشوفيها مرة بالعمر
بس كمان المشاعر بتصير متناقضة والواحد ما بيعرف كيف يكمل...
اناعندي مئات مشاريع الخواطروالقصص القصيرة حاططهن بدرج زغيروصدقيني ما بسترجي افتحوا ..لهيك تعلمت ما اجل وانما كمل الفكرة حتى لو بدي ضل ليالي متواصلة سهران عليها
شكرا كتير الك
عنجد في عالم بالمنتدى هون ترفع لهم القبعة لانو بيضربوا عالوتر الحساس

هي بتصيب اي بني ادم وبتكون خلال فترة صغيرة
ما حدا بيقدر يساعدك انتي الوحيدة يلي فيكي طلعي حالك من هالشغلة
تحياتي بنوشا الغالية
تقبلي مروري

كمان أنا مرات كان يصير معي هيك لما كنت اتحاور مع غيتاري
أكيد ما فيني زيد على كلام ثعلوب و عبود
بس أفضل علاج هو
محاسبة الذات
و التأمل
دواكي عزيزتي بانوشا هو
البحر
لأنو رح يجاوبك عن كل شي

سلامتك يا فنانة المنتدى
و إياكي و الضياع

بنوشتي انتي بتعرفي انو الحل المناسب لاك شخصيا
هوي البحر
انتي قوت تقعدي قدام البحر بتصيري انسانة تانية تماما
كلاما غير ومشاعرا غير
وابداعا غير
ورايا بكلشي غير
واللبحر عطول كان يعطيكي الطاقة اللي بتلزمك لتكملي لوحة
صح يما لا
انطريني لنروح سوا كالعادة
حبيبتي روقي اوكي
وبدي زكرك بعبارة ديما بتقوليا
اجمل الكلام صمت الكلام

شكرا لكلامك الحلو روزا
ناطرتك انا اي

دواكي
حطي فيروز وتابعي الرسمة

تقبلي مروري

إذا صمتت اللوحة ولم تتكلم فذلك يعني انها بحاجة لأناملك لتتكلم من خلالهم..
وإذا صمتي أنت فأنت بحاجة إلي هذه اللوحات لكي تظهري مشاعرك وتترجمينها من خلال أناملك التي هي بلا شك صوتك في هذا العالم....

تحياتي بنوشة ...
يمكن مشكلتك برأي أنا بحاجة للوحة مميزة بتقدري من خلالها تقولي لك الناس
........... هذه أناااااااااا..........

اخ يا بانو احيانن منحس بشوق للقلم عنجد
احيانن بحس انو ايدي مشتائة تمسك القلم بصير بشخبر اي شي
وبيطلع معي الكلام لوحدو
مابحس انو من قلبي او عم اتعب لطلعو
بس بحس بشوق كبير وغريب لاحمل قلم حتى لو ماكتبت شي
يمكن هيك بتجي الافكار
يسلمن بنوشا عم تزكرينا باشياء حلوة كتير وتخلينا نفكر فيها اكتر

قطرة مطر جد ما في احلى من الصمت فهو ابلغ من الكلام ويبعد عن الانسان مشاكل كثيرة هو بغنى عنها تقبلي مروري واذا لم يكن لدي ما اقوله من خير فالصمت خير

» اغتراب روح تكفنت بالصمت
» عبر عن مشاعرك
» أسف ربما جرحت مشاعرك
» ثلاثة اشياء احذر ان تصاب يها
» عندما يعود الحب ... عندما تعودالحنين ..!!!