عدد المساهمات : 1349 تاريخ الميلاد : 05/05/1990 العمر : 34 العمل/الترفيه : محاسب المزاج : رايق للصبح علم الدولة : مزاجك اليوم : المهنة : الهواية : السٌّمعَة : 20 نقاط : 1546 تاريخ التسجيل : 18/05/2009
موضوع: معتقدات شامية 26/12/2009, 6:54 pm
اذا انكسرت كاسة بيقولوا: انكسر الشر
(تقولوا الشر مخلوق من الزجاج)
اللي بياكل من رغيف غيره يخاصمه و يعاديه ( كتير بتكون قاعد سفرة الاكل
و بتلاقي الام عم تخانق ابنها لانو اكل من خبزة اخوه : ليش قال اذا اكل من خبزة اخوه بيتخانق معو )على أساس ما بيتخانقوا الا مشان هيك
* اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية)والله طلع البني قادم عنده معجزات ونحنا مو عارفين
* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )
* مراششة الميه فراق (ما بصير حدا يرش رفيقو بالمي لان بعدين بيتفرقوا اي شو عم يرشه بالزيت كاز )
* للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين (واللي بيعمل غير هيك بيتحول لسعدان ههههههههههه)
* اذا اجت الكندرة فوق الكندرة يعني رايحين مشوار (يعني اذا اجت تحتها يعني راجعين من المشوار هههههههه؟؟؟؟؟؟)
* اذا زحف الولد او زقزقت العصافير معناها جاينا ضيوف (وبهيك حالة لازم توقفوا ورى الباب لانهم بكونوا عالطريق)
*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل (واذا طنوا مع بعض معناتها طرشت عليك العوض)
* اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا
* اذا رفت عيني اليمين بيكون جاينا خبر طريف
*اذا رفت عيني الشمال بيكون جاينا خبر مو منيح(اما اذا رفوا سوى فأنت اكيد احول)
* اذا حكني حاجبي معناها بدنا نستقبل حدا جاي من السفر
وما بيصير نفتح ونسكر المقص كتير كمان مشان البطارية
*وإذا عمل العصفور تحتو على الأواعي يعني جاييكون رزقة (وما لازم تغسل ملابسك شي سنة مشان الرزقة *و دلق القهوة رزقة وكمان نفس الحكي خليها مدلوقة لا تمسحها
*و شرب المي بعد القهوة قلة زوء (حتى لو اتشردقت موت ولا تشرب مي )
*و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه بس ابصر شو ؟؟؟!!!
*و كمان في اعتقاد انو اذا البنت اول ما خلقت وطوطوها ( يعني دهنوها بدم وطواط ) ما بيعود بيطلعلها شعر بجسمها أبداً (عرفتوا ليش بعض البنات عندهم شعر كتير )
كمان يلي حامل بصبي بتتباشع
*و ببنت بتحلا وإذا الطفل قعد بالصينية وهي عالأرض بيرتعبوا لأنه هاد الولد رح يضيع *(ويمكن يتشرد هاد اذا ما طلع حرامي كمان )
و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة
هدا دليل على انو هالشخص ناقص (واذا ما صبلك قهوة ابدأ اكيد ما عنده بن هههههههههه بايخة ) *
واذا عندك ضيف اتقيل دم وبدك يروح من عندك على السريع شك دبووس او
عدة دبابيس بأيد المقشة او اقرأ سورة الزلزلة (بس اكيد في عالم اذا بتقرأ القرأن كله بيضلوا لزقة فلا تحاول)
*واذا خايف من عين اتصيبك جيب ورقة واكتب عليها اسم الشخص الي خايف
من عينو وغزها بالدبوس وانت عم تقراء المعوذات وتقول من عين افلان و تنفخ... وفي حل تاني انك تروح تشيل عيونه وبال وجعة هالراس
*والي بعد النجوم بيطلعلو تالولات بايدو (بس اذا حسن يحصيهم ما بيطلع شي)
*وبعد ما نخلص صلاة نطوي السجادة مشان الشيطان ما يصلي عليها (معلش خليه يصلي وياخود ثواب )
يعني الواحد يحط راسو وينام ولا يعمل شي بحياتو مشان ما يصيبو شي هو واهلو
rozalynda كبــار الشــخصيات
عدد المساهمات : 6914 تاريخ الميلاد : 10/03/1988 العمر : 36 العمل/الترفيه : طالبة المزاج : سيئ علم الدولة : مزاجك اليوم : المهنة : الهواية : السٌّمعَة : 54 نقاط : 7005 تاريخ التسجيل : 06/01/2009
موضوع: رد: معتقدات شامية 26/12/2009, 8:18 pm
هههههههههههه حلوين كتير خصوصي هي تبعت ازا * اذا اجت الكندرة فوق الكندرة يعني رايحين مشوار (يعني اذا اجت تحتها يعني راجعين من المشوار هههههههه؟؟؟؟؟؟)
بس بدي قلك شي تبعت دم الوطواط ازا اندهن عالجسم اول الولادة صحيحة ومنا معتقد وبعرف ناس مجربينا عن ثقة يعني يسلللمن اعتزلت الغرام موضوع حلو كتير وعفكرة منا معتقدات شامية بحتة بل متداولة بكل انحاء سوريا
Lea VeNnUs ::: المديرة العامة :::
عدد المساهمات : 25480 تاريخ الميلاد : 05/06/1986 العمر : 37 العمل/الترفيه : طالبة المزاج : Pas Bien علم الدولة : مزاجك اليوم : المهنة : الهواية : السٌّمعَة : 94 نقاط : 13098 تاريخ التسجيل : 08/03/2008
موضوع: رد: معتقدات شامية 26/12/2009, 9:24 pm
* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )
عدد المساهمات : 15333 تاريخ الميلاد : 02/02/1992 العمر : 32 العمل/الترفيه : كهربا يوك .. نت ستوك المزاج : بحبك كتير شلة سوريا علم الدولة : مزاجك اليوم : المهنة : الهواية : السٌّمعَة : 66 نقاط : 12998 تاريخ التسجيل : 09/09/2009
موضوع: رد: معتقدات شامية 27/12/2009, 1:58 am
ههههههههه
كل وحدة احلى من التانية وعنجد هالمعتقدات موجودة بحياتنا اليومية شكرا كتير ع الموضوع اللذيذ
alhanen ::صاحبة الإحساس المرهف::
عدد المساهمات : 3764 تاريخ الميلاد : 29/02/1984 العمر : 40 العمل/الترفيه : طالبة المزاج : مستقيلة ... علم الدولة : مزاجك اليوم : المهنة : الهواية : السٌّمعَة : 68 نقاط : 3200 تاريخ التسجيل : 26/05/2008
موضوع: رد: معتقدات شامية 27/12/2009, 2:19 am
ههههههههههههههههههههههههههههههههه
رغم كل تفاهة هالمعتقدات .. الا انا بتضلا بتملك سحر خاص .. لاتسالني شو هو اعتزلت الغرام .. بس مابعرف يمكن لما بسمع هيك قصص .. بزكر ايام ستي وجدي ايام البساطة والدفا والحب والعفوية .. مو متل ايانمنا هي .. وهي المعتقدات مو بس شامية ها موجودة بكل سوريا .. ويمكن بالوطن العربي كمان .. مشكور لرسم البسمة على وجوهنا اعتزلت الغرام ... تقبل مروري ...
روح اليوفي :: عضو vip ::
عدد المساهمات : 2599 تاريخ الميلاد : 14/07/1985 العمر : 38 العمل/الترفيه : العيث فساداً المزاج : دموي علم الدولة : مزاجك اليوم : المهنة : الهواية : السٌّمعَة : 54 نقاط : 2648 تاريخ التسجيل : 19/07/2009
موضوع: رد: معتقدات شامية 27/12/2009, 2:51 pm
لك كلللو خزعبلات ما انزل الله بها من سلطان
يا جماعة العالم وين ونحنا وين لا وشو؟؟؟؟ عم يتداولوها عالنت؟؟ بس بيني وبينكون خزعبلات مهضومة
ااااخ يا زمن قال بدنا نلحق امريكا واوروبا قال
قمر الهيئة الادارية
عدد المساهمات : 15938 علم الدولة : مزاجك اليوم : المهنة : الهواية : السٌّمعَة : 80 نقاط : 13329 تاريخ التسجيل : 05/01/2008
ولهلاء موجودة هالمعتقدات ومنقولها مو محصورة بالشوام بكل المحافظات
تحياتي
sea passion مشـرف قسم الشعر والخواطر
عدد المساهمات : 1349 تاريخ الميلاد : 05/05/1990 العمر : 34 العمل/الترفيه : محاسب المزاج : رايق للصبح علم الدولة : مزاجك اليوم : المهنة : الهواية : السٌّمعَة : 20 نقاط : 1546 تاريخ التسجيل : 18/05/2009
موضوع: رد: معتقدات شامية 28/12/2009, 9:58 pm
اهلا اصدقائي .. انا من جهتي ما بامن بهيك معتقدات بس بضل متل ما تفضلت حنين وقالت انو بضل الها سحر خاص .. الف الف شكر على المرور .. نورتو .
موضوع: معتقدات شامية 
26/12/2009, 6:54 pm
