سؤال من حواء لادم

في رجال غير مبالين ولا معترفين بمسؤليتهون تجاه بيتهون وأسرتهون والحمل كلو بيكون عالمرأه وحاملتو ومو محسستو بأي ازعاج وعمتعلي من شأ نه . اكيد صمت عمل المرأه بتكوين الانسان لاني هي التي تربيهون عفكره عمبكتب مره تانيه لاني ماشفت مشاركتي التانيه لموضوعك وتصنع منهم اما رجال فاشلين او رجال بكل معنى الكلمه,هيه المرأه من طبعها رقيقه بس لما بيجور عليها الزمان هه يمكن تصير اقوى من الرجل لاني القدر فرض عليها أشياء والحكمه بتقتضي انو تعالجها بحكمتها .صمت لما بيجي خليط المسؤليه والواقع بتصير هي الرجل والمرأه بنفس الوئت,واذا كان الرجل غير مبالي بعاطفتها حتوجه عاطفتها لاشياء تانيه حسب تربايتها اما بتلهي نفسها بامور اباحيه مشروعه واما بتنحرف حسب تربيتها وبيئتها الي عاشت فيها وتربت عليها,واذا المرأه اعطت الرجل العاطفه والحنان وهوي مو شايفها ولاحتى حاسس فيها رح تاخد حسبها الله ,في كتير نساء بتعطي وما بتلائي من زوجها مقابل وبكون الجواب هادا واجبك انت خدامه وبس لا وياريت يكون مئدي حقوقه معها كمان بتاخد حسبها الله.صمت الليل انا عمجاوبك عكل كلمه كاتبها لتشوف انو الواقع الي عايشينو نساء المجتمع بدرجة خمسين بالميه هيك ,واذا ماكانت علاقه تبادليه كانت تضحيه من طرف واحد وهوي المرأه الضحيه والمضحي كمان حتاخد حسبها الله.صمت في كتير بيوت زوجيه في الرجال المظلومه وفي النساء المظلومات . لهيك بتلائي المشاكل قائمه بأغلب البيوت لاني لاالرجل عميئدي حقوقه كرجل ولاالمرأه عمتأ دي حقوقها كا مرأه .لذلك منشوف الخيانات .والطلاق الروحاني . والطلاق الجسدي .وووو فالمرأه الواعيه لما بتشوف انو تزوجت صغيره وهالانسان مهو اختيارها وكبرت شخصيتها وشافت نفسها محاصره مع اولاد وأسره وحياة مأ ساويه هون بيلعب دور المرأه اذا كانت واعيه ام فاشله ولما بتختار الامور الحكيمه هيه حتمشي الموكب بس حيكون ضريبته وتمنه غالي كتير شبابها عمرها نسيانها لنفسها واحتياجات نفسها مقابل انو ترضي ضميرها وربها وماتدمر حياة اولادها وحيون زوجها بنظرها خادم شو ماطلع منو منيح . وبالواقع محسستو برجولته ووجوده لتتخلص من عقله المتحجر الجامد الي نظرته للمرأه خادمه سلم يصعد عليه ليصل لاهدافه سوري عالاطاله بس هي مشكله كبيره بحياتنا وبحياة المتزوجين شكرا كتير صمت الليل