شيفرة المصطلحات السورية‎

موضوع: شيفرة المصطلحات السورية‎ 25/6/2010, 11:12 pm

: أهلاً بكم إلى موجز (شيفرة) المصطلحات الاجتماعية، ونبدؤها بالأكثر تداولاً
(بيناتنا)
للتشويق، وتُستخدم كمفتاح للدس والنميمة. ‏
(مالك علي يمين)
بداية لكذبة من العيار الثقيل لا تنزل بميزان أو قبان. ‏
(وحياتك عالغالي)
دعوة مبطنة لقصف عمر المتلقي. ‏
(بدك الحق ولا ابن عمه)
اعتراضية لتمرير كذبة بالحجم العائلي وبحرفية عالية. ‏
(إلك ولا للذئب)
لتحريض النخوة، وتهيئة المستمع نفسياً لدفع خوة أو دين. ‏
(يا مرحوم البي)
يجوز استخدامها كموسيقا تصويرية ولزيادة جرعة الإثارة ولاستدرار العواطف. ‏
(مالك بالطويلة)
فاصل منشط محشور ضمن حكاية أطول من سيرة أبي زيد الهلالي. ‏
(محسوبك)
للمنفخة والاستعراض. ‏
(انسَ الموضوع)
ضوء أخضر لفضح (المُنمى عليه) عبر جميع وسائل الاتصال المُتاحة. ‏
(الله يستر عليها)
لازمة في نهاية كل وصلة لنشر عرض بنات الحارة وصديقاتهن وقريباتهن وأنسبائهن. ‏
( سيدي ما علينا)
شارة مُعتمدة في ختام مسلسل نميمة من ثلاثين حلقة. ‏
(مع احترامي إلك)
، و غالباً تعني (يا ...) بطريقة مهذبة. ‏
(اشتهيناك معنا)
للنكاية، ويجوز استخدامها بدلاً من (مثل قلتك) أو بالناقص منك. ‏
(آخ لو كنت معك)
برغي سن بعزقة فوق (الكم) . ‏
(أنت لسه ما بتعرفني)
تستعمل للمداراة على البهدلة وسواد الوجه. ‏
(ما كذبتلك خبر)
تأكيد على كذبة متوسطة المدى. ‏
(اعرِف مع مين عم تحكي)
تهديد منتهي الصلاحية لأشباه المسؤولين وأنصاف المدعومين

هههههههههههه
المشكلة انون مستخدمين بكثرة بكل وقت
يسلمن صمت

منورة جورجينا شريكتي الحمد الله على سلامتك شو خلصتي الامتحانات

هي المصطلحات هي الاكثر تداولاً بمجتمعنا
ولسى يا ما في مصطلحات غيرن
هههههههههههههههههههه
مشكور عالموضوع المهضوم

» تعاريف جميلة لبعض المصطلحات
» شيفرة دافنتشي
» بعض المصطلحات
» اهم المصطلحات السياسية
» بعض المصطلحات الضروية للمسافر