دردشة أزواج

موضوع: دردشة أزواج 26/7/2010, 9:50 pm

دردشة أزواج

زوجين متدينين

الزوج : إني أحبك في الله
الزوجة : وأنا كمان أحبك في الله . استغفرالله من كل ذنب عظيم
الزوج : بكل صلاة مابنساكي من دعائي
الزوجة : الله يبارك فيك ويجزيك الخير
الزوج : أديش بتحبيني ؟
الزوجة : عدد ما غردطير وطار وتعاقب الليل والنهار ودعا داع في الأسحار
الزوج : الله يا سلام على هالكلام زكرتيني بليالي رمضان
الزوجة : إيمتى بدنا نساوي عمرة؟
الزوج : رمضان الماضي كنّا بالعمرة !!
الزوجة : معق حق شورأيك نحج السنة
الزوج : على بركة الله
قبل ما يختمو السهرة..
الزوجة : أبوحذيفة
الزوج : نعم يا أم حذيفة
الزوجة : دعاء كفارة المجلس
الزوج : سبحانك الله وبحمدك أشهد أن لا إله إلا أنت استغفرك وأتوب إليك

(2) زوجين صايعين

الزوج : بتسدئي ما حبيت وحدة قد ماحبيتك
الزوجة : وأنا كمان أديش حبيت بس متلك أبدًا ما حبيت
الزوج : إنتي خليتي حياتي كوووووول
الزوجة : إنت ستايل وبتجنن وبتشبه توم كروز
الزوج : بتتزكري أول مرة شفتك فيا وين ؟
الزوجة : مممممم بتزكر كنت مع رفقاتي بالسيتي سنتر
الزوج : ياالله كان أسعد يوم بحياتي
الزوجة : أديش بتحبني؟
الزوج : قد جمهور ريال مدريد
الزوجة : صرعتني بريال مدريد ترا
الزوج : ياعمري انا بشجع ريال مدريد لأن لونن يزكرني بلون شعرك
الزوجة : طيب بتعرف ليش أنا بشجع برشلونة
الزوج : ليش؟
الزوجة : لأن ريحة البصل بتذكرني فيك
الزوج : الله عسل عسل دمك
الزوجة : إيقوم قوم قبل لا

(3) زوجين أغنياء

الزوج : حبيبتي شو رأيك بغدانا مبارح بفينيسيا ؟
الزوجة : بصراحة القعدة حلوة بس أكلن مو زيادة
الزوج : أنابصراحة عجبني أحسن من مطعمنا بروما
الزوجة : طيب أنا رايحة باريس تمورو مشان أعمل شوبنغ بدك شي منهنيك؟
الزوج : إيمت راجعة ؟
الزوجة : مابعرف على حسب يمكن توو دييز وبرجع
الزوج : أخدتي مليونك من أبوكي ؟
الزوجة : ياربيييييييييي الله يوفقك روح خدن والله ما عاد لحييييق
الزوج : طيب شو الفائدة لو أخدتن طالما إنت مسافرة ومستعجلة!! بأي حساب بدك تعملي الشوبنغ ؟
الزوجة : مومشكلة .. في 300 ألف بحساب ابننا جوجو
الزوج : أوكي حبيبتي بس ما تنسي ترجعيون عحساب جوجو .. هدول مصاريه وبدو ينبسط فين
الزوجة : انت وين رايح هالويكند مايسويت هارد؟
الزوج : كنتبدي روح معك بس مواعد الوليد بن طلال عازمني عالعشا
الزوجة : أوكي أنا بسافر بالطيارة الرمادية عبّيتا كيروسين ؟
الزوج : إي فيا كيروسين أكيد .. وأنا رايح باليخت تبعي
الزوجة : غود نايت حبيبي وسويت دريمز
الزوج : غودنايت ماي سويت هارد

(4) زوجين صغار

الزوج : بتصدقي خلصت المرحلة الأخيرة بهاللعبة ؟
الزوجة : إييييييييه أنا من زمان خلصتا .. هلأ عم إلعب لعبة جديدة
الزوج : شو رأيك تدقي لسمير السمان خليه يطالعلنا تشكيلة بسكويت وشوكولا ولا تنسي أهم شي الكندر سربرايز
الزوجة :حتى أنا مشتهية كندر سربرايز عم يطلع بقلب العبةشريك
الزوج : واذا دق علي توتو البطّه قوليلو مو موجود
الزوجة : طيب قوم خلينا نكمل بلاي ستيشن
الزوج : لحظةمتابع حلقة سلاحف النينجا هلأبتطلع ع سبيستون
الزوجة : شايفتا هالحلقة مو حلوة
الزوج : هلأ بلاماتحرقيلي الحلقة ترا لما طلع باباي البوكيمون كنت شايفا بس ما حرقتا عليكي.. إيوا

(5) زوجين نهفة

الزوج : قال في مدرس قال لطلابو : الغبي يوقف .. قام وقف واحد سألو المدرس ليش وقفت ؟ قلوما حبيت شوفكواقف لحالك يا إستاذ
الزوجة : عم تخفف دم ؟ سماع : مرة واحد دخل السلك الدبلوماسي تكهرب هاهاهاها
الزوج : يخرب بيت الغباء سمعي : كلب شوارع مرعلى مخفر شرطة شاف كلب بوليسي قال : آآخ لو مكمل دراستي هههههههه

الزوجة : عنجد دمك تئيل سماع : في واحد نازل ضرب الجاجة تبعن ليش ؟
الزوج : ليش؟
الزوجة : عم يقلا كل يوم بيض كل يوم بيض ما في جبنة .. هي هي هي
الزوج : هههههه اي ماشي حالا .. سمعي : في ولد عمرو 3 سنين قال لأمو الحامل شو في ببطك ؟ قالتلو : هاداأخوك الصغير ...
الزوجة : هاهاهاهاهاها
الزوج : لحظة ما خلصت صحي إنك غبية !!
الزوجة : أوكي
الزوج : قلا : بتحبيه ؟ قالتلو : إي بحبو .. قلا : طيب ليش بلعتيه؟

موضوع: رد: دردشة أزواج 26/7/2010, 10:09 pm

اي شوهاد ياصمت

أحلى الشي المتدينين
بس ماخبرتني انت وزوجتك من انو نوع
ههههههههههه
ميرس صمت

موضوع: رد: دردشة أزواج 27/7/2010, 10:34 am

ههههههههههههههههههههه

كتير ظراف

موضوع: رد: دردشة أزواج 27/7/2010, 9:08 pm

ههههههههههههههههههههههههههههههههههههه صمت الليل

كتير حلوين يسلمو دياتك

موضوع: رد: دردشة أزواج 29/7/2010, 3:01 pm

عاشقة
رانو
مون لايت
نورتو

موضوع: رد: دردشة أزواج 30/7/2010, 7:51 pm

يسلمو دياتك صمت حلوات وظراف

موضوع: رد: دردشة أزواج 1/8/2010, 6:40 pm

منورة عليا

موضوع: رد: دردشة أزواج 10/12/2010, 8:16 pm

اللة يعين المتزوجين

موضوع: رد: دردشة أزواج 10/12/2010, 8:50 pm

هههههههههههههههههههههههههههه
بربي غير نغم هالنكت
أحلى الشي المتدينين هههههههههه
اشتهيت شوف غزل الفقراء
كيف بكون غزلهون
شو بتتوقعوا يكون غزلهون ...
أكيد كلوا نئ وسئ
هههههههههههه
يسلمون حسون

موضوع: رد: دردشة أزواج 11/12/2010, 1:29 pm

هههههههه

والله احلى حديث

موضوع: رد: دردشة أزواج 11/12/2010, 6:12 pm

مرحب جينا

موضوع: رد: دردشة أزواج 11/12/2010, 6:17 pm

مرحب ازا انا تزوجت يجب ان اعرف من نظرة عيون زوجتي مازا تريد دردشة أزواج 340169

» دردشة أزواج
» أزواج عند المجلى
» أزواج للبيع
» نقد المنتخب من كتاب أزواج النبي (ص)
» نقد المنتخب من كتاب أزواج النبي (ص)2