غزززززل شامي روووووعة

موضوع: غزززززل شامي روووووعة 5/9/2008, 2:29 am

B7ebik w Bghar

غزل شامي

بحبك حب الشباك للبرداية

.. بحبك حب الأرنبيط للكوساية

! .. بحبك حب الشلمونة للكولاية

.. لك بحبك حب الطشت للكبجاية

! ...يا ريت تكوني شخبرة... وكون أنا المحاية

... يا ريت تكوني بريات... وكون أنا البراية

... يا ريت ما تحطيلي زء... لما كون أنا جاية

... بحب ضحكتك يللي متل صوت المعزاية

... بحبك حب الدؤونية لللهاية

... بحبك حب المألمة للشنتاية

... يا ريت تكوني عوجا وكون أنا العرباية

... يا ريت تكوني طربيزة... وكون أنا كنباية

... يا مدلوئة حياتي وشعيبيات عمري ووربات بئشطة روحي ... يا أحلى زبدية محلاية

.. بحبك حب الريموت للتلفزيون

... بحبك حب درفة الباب للمندلون

... بحبك حب بنت اختي الفصعونة لسبيس تون

... بحبك حب أبو السوم للطابة

.. بحبك إذا كنتي متنحة أو حبابة

.. بحبك حتى لو كان صوتك متل موتور الدبابة‎...

سمعيني شوي لحتى احكيلك الأصة

.. يا ريت تكوني حنفية مي عم تشرشر ... وأنا بعصها

.. نشالله ما يبلا هلطول ... متل عرئ الفصة

.. لك يا ريت تكون معي هيكة كمشة بزر وأعطيكي نصا

... بحبك حب منير الجبان لكلمة صباح الخير

.. بحبك حب جهاد سعد لبرنامج خبرني يا طير

... لك بتسدئي ؟؟

بحبك حب جورج بوش لتوني بلير

!! .... شه

... بحبك حب الآرمة للعامود

بحبك حب الزلائط للمعؤوود

بحبك حب السعادين للقرود

بحبك إذا كنتي ساكتة أو عم تحاكينا‎...

بحبك حب ابن اختي الفصعون لبوظة كارينا

بحبك حب البردآن .. للكرمنتينا

حاجة بأة

جننتينا

!!

موضوع: رد: غزززززل شامي روووووعة 5/9/2008, 2:33 am

هههههههههههههههههههههههههههههههه يا عيني يا عيني

احلى غزل

شكرا كتير بنوتة

مواضيعك حلوة

موضوع: رد: غزززززل شامي روووووعة 5/9/2008, 2:35 am

ميرسي محمد
هيدا من زوءك
شكرا لمرورك الكريم

سلام

» قاموس شامي
» شامي دبح خاروف
» غرف نوم للشباب روووووعة
» اكسوارت روووووعة
» ملابس روووووعة للبنات