عادات وتقاليد الزواج في ليبيا

تتنوع تقاليد الزواج في ليبيا بتعدد المناطق نظرا لمساحتها الشاسعة واختلاف الثقافات فيها، إذ إن العادات والتقاليد

ارتبطت بالعرف في مجتمع تختلط فيه أمور قبلية واجتماعية ورغم التقدم والتطور الذي تعيشه الأسرة الليبية، إلا أن

الزواج في ليبيا مازال محكوما بالتقاليد المتوارثة فيما يتعلق بالمهر وطريقة تقديمه وكذلك تقديم المشغولات الذهبية

المتنوعة بأشكالها وعددها وتنظيم حفلات الزواج والهدايا وسائر متطلبات الزواج التقليدي، ما ينعكس على تعدد

عادات الزواج من ترتيبات الزواج والمهر والخطوبة وملابس الزفاف. العرس في ليبيا يستمر لمدة أربعة أيام، يبدأ من

يوم الثلاثاء.

بضاعة العروس

حيث تذهب عائلة العريس وأقاربه متوجهين إلى عائلة العروس في المساء ويحملون معهم ما يسمى بـ(البضاعة)

وهي عبارة عن جمل و10 خراف بالإضافة إلى صندوق زيت وصندوق طماطم وشاي وسكر إلى جانب تقديم دقيق

أبيض ودقيق أسمر إضافة إلى جميع أنواع الخضروات والصابون. ويتم إعداد مائدة لتناول العشاء في ذات يوم الثلاثاء

في منزل أهل العروس.

وفي صباح هذا اليوم تذهب العروس إلى الحمام البخاري برفقة قريباتها وصديقاتها للتجهيز إلى الزفاف بعد تناول

العشاء أثناء ذلك ترجع عائلة العريس إلى بيتها لتبدأ السهرة حتى الصباح وتتضمن غناء ورقص شعبي وفلكلوري.

مشغولات ذهبية

في يوم الأربعاء تذهب عائلة العريس إلى عائلة العروس حاملة معها ما يسمى بالكسوة أو (القفة) وهي عبارة عن

الزي التقليدي (البدلة الكبيرة والبدلة الصغيرة) المطرزة بالفضة والذهب، وهو مكون من خناق كبير وتاج يوضع على

رأس العروسة ويكون من الذهب ويسمى (الشنبير) مع ست أساور وأربع خواتم وطقم صغير. كما يقدم لأم العروس 4

أساور ذهب إما لوالد العروس يقدم زي تقليدي يسمى الزبون (البدلة العربية) ويكون مطرزا أحيانا بالفضة. والقفة

عبارة عن سلة مصنوعة من السعف وهي صناعة يدوية تكون معبأة بالحناء والبخور.

ثم ترتدي العروس البدلة الكبيرة وتظهر وهي مغطية وجهها لتقوم بفتح القفة وتأخذ بيدها 7 مرات كمية من الحنة

وتضعها في كيس خاص ثم تأخذ أم العروس الكيس وتعجن الحناء بالماء فقط.

حنة العروس

ليعود أهل العريس إلى منزلهم وتعود أم العريس وأخته الكبيرة إلى منزل العروس ويحنو أيدي العروس وكفوف قدميها.

ليأتي يوم الخميس لإعداد مراسم الحفلة في منزل العروسة أو في صالة تحجزها العروسة وفي منتصف الليل يأتي

العريس وأخته الكبيرة ليأخذا العروس ويمشيا لمنزل العريس وتجلس العروس في منزله حوالي ساعة ثم تعود لمنزلها.

منزل العريس

وأخيرا يوم الجمعة هو يوم المحضر ويكون في منزل العريس حيث تلبس العروسة الزي التقليدي عبارة عن البدلة

الكبيرة مع التزيين بالذهب ويكون وجها ضاهرا، ويتم تناول العشاء في منزل العريس.

هذه نبذة من عادات الزواج التقليدية التي مازال أهلها يحافظون عليها كموروث اجتماعي

نتمنى من كل عضو سواء كان ليبي أو عربي يحكي لنا عن عادات بلاده أو منطقته
لحتى نتعرفوا علي عادات الشعوب بالنسبة للزواج

مشكور كتير عماااد

حلو الواحد يعرف عادات البلاد العربية بالزواج وبكلشي هي هي تبادل الحضارااات

الف شكررررر

شكرااااااااااا على مرورك ياطيبة

مشكور جداً اخ عماد على هالمعلومات القيّمة والممتعة حقاً

و فعلاً حلو منك إنك تعطينا لمحة عن العادات والتقاليد المتداولة

بالبلد الليبي الشقيق ....

والله شهيتني أروح ليبيا وأحضر شي عرس عندكن بس مشان

آخد الأغراض اللي يجيبوها أهل العريس لأهل العروس و أرجع ...

هههههههههههههههههههههههههههه

يلا لكن عماد حضرلي حالك لتكون بعد روح اليوفي عريس شلة سوريا

وتورجينا شلون بتتمنى تكون ليلة عرسك .... ويكون عندنا فرصة

نحضره هون بالمنتدى ونحتفل فيه على أصوله ...

يعطيك العافية ... و ألف شكر لموضوعك الجيد

يعطيك العافيه عماااااااد ع هالمعلوماااااااات
يسلموووووووووو ايديك

شكرا ع المعلومات

[ندعوك للتسجيل في المنتدى أو التعريف بنفسك لمعاينة هذه الصورة]

شكراااااا على مرورك

لكى منى وافر الحب والتقدير صديقتى على مرورك الجداااااااا راقى

علوشة بس تروحي على العرس عدي علي نروح سوا جد عادات وتقاليد حلوة كتيير
اتشوقت احضر هيك شي

ناطرين تعزمنا على عرسك

[ندعوك للتسجيل في المنتدى أو التعريف بنفسك لمعاينة هذه الصورة]

هي العادات حلوة
بس بصراحة ونحنا بعصر السرعة والتكنولوجيا مين فاضي فينا يفضي حالو أربع تيام مشان عرس
؟؟؟؟؟؟

أنا شخصيا بفضل يلتقى العريس بعروستو عند المأذون
وفضت وخلصت القصة ومافي داعي لك هاللبكة
واذا خطيفة أسرع وأسهل هههههههههه
يعني متل ما بيقول المتل العرس للتنين والمجانيين ألفين ههههههههه
وبالنسبة للعادات عنا بسوريا فتختلف من منظقة لمنطقة من مدينة لأخرى ومن ريف لريف
مشكور صديقي للموضوع الشيق والحلو
تحيااااااااااتي

عليا

ادا كنتى ما متزوجة لتزوجك انا ووووووووه شو هال التفكير الجيد ياريت البنات كلهن تفكيرهن مثلك ولله مالة لزوم هال الزنبليطة واربع ايام وياريت كل البنات بيفكرو مثلك ياريت بس عندنا فى ليبيا البنت اللى ما نعمللها عرس اربعة ايام تزعل وتقول على نفسها مقهورة

وفى مثل عندنا فى ليبيا ايقول ا العرس للعريس والجرى والتعب للمتاعيس

يلا مشكوررررررررررا جدااااا لاطراءك على موضوعى وبارك الله فيك

هههههههههههههههه
حلوة هالعادات وكل بلد الو عاداتو الحلوة مشكور عماد وانا يا صبايا بروح معكن ع العرس

بس عليا بركي عاقلة شو هي خطيفة بدك تفسدي اخلاق البنات هيك

ههههههههه

نتمنى من كل عضو سواء كان ليبي أو عربي يحكي لنا عن عادات بلاده أو منطقته
لحتى نتعرفوا علي عادات الشعوب بالنسبة للزواج

------------
تكرم عينك عمادو
---------
نحنا عنا بحلب
اذا كان زواج تقليدي
بتجي أم الشاب بتسأل كل الي حواليها دلوني على بنت حلال
بيضه شقرا بعيون زرء
وبتندل على شي بنت
بتتصل فيهون وبتاخد موعد لتروح وةتشوف البنت هي وبنتها أو سلفتها
بتجي بتشوف البنت
الله وكيلك بتفصفصها فصفصه
من ريحة تمها هههههه لرجليها وخود على أسئله
أهل العروس بقدموا الأهوي
والضيافه
واذا عجبتهون البنت بيعطوهون معلومات عن العريس مشان يسألوا على بعض
وبعد كم يوم بيتصلوا فيهون
وبحددوا موعد ليجي العريس ويشوف العروس
بحضور ألأهل اسمها (أعدة تعارف للطرفين )
ولما بيعجبوا بعضهون
وبتبادلوا الحديث والنظرات
بيفصلوا الحق ويقرؤا الفاتحه على نية التيسير
وتقدم الضيافه من فواكه وحلو ومشروبات
وبعدين
أهل العروس والعريس بينزلوا عالسوق وبجهزوا للعروسين
وبيتفقوا على يوم تلبيس الخواتم
وبيعملوا حفله وضيافات
وبعدين بينكتب الكتاب بالمحكمه ويجرى لهم الفحوصات الازمة وكمان بيعملوا حفله وتلبيس المليك من دهب وبلبسوها هدايا كمان دهب وبعلقولها مصاري
لحين ليلة العرس بوزعوا بطاقات الدعوه
وهلأ صايره العاده عند الطبقات المخمليه بوزعوا مع بطاقات الدعوه للعرس مبلغ من المال
بصير العرس وحفله وطنه
بالعرس بضيفوا صحن فرنسي ويتضمن هالصحن
كل أنواع المأكولات الشهيه
وبعدين الكاتو والمشروبات والفواكه
والرقص والفقش ببلش
وبعدين تاني يوم بصير صبحية العرس
أهل العريس بكونوا طابخين مالذ وطاب
أو موصين عليه جاهز من السوق
وبينعزم أقارب العروس وأقارب العريس
والعروس بتلبس كل شوي شكل يعني بتفضي السكرتون
وبترقص هههههههه
وبعدين تالت يوم عنا شي اسموا تلات تيام
بروحوا المعازيم عبيت العروس
ليباركولها بالزواج وحاملين هديه معهون طبعا
وبيرقصوا وبيفقشوا هههههه
وتوزع الضيافات الفاخره والأهوي
وجازة الدهر ان نشاالله
وبالرفاه والبنين
فشو رأيكون

[ندعوك للتسجيل في المنتدى أو التعريف بنفسك لمعاينة هذه الصورة]

رهف بارك الله فيك ولله اتها حلوة عاداتكم وتقاليدكم فى الاعراس

الله وكيلك بتفصفصها فصفصه
من ريحة تمها هههههه لرجليها وخود على أسئله

ههههههههههههههه نفس الطبائع الله يكون فى عون البنات هده سنة الحياة

» عادات وتقاليد الزواج فى دول العالم زد معلوماتك
» عادات وتقاليد رمضانية في سوريا
» عادات وتقاليد مجموعة من البلدان في الاعراس
» بعض عادات القبائل في الزواج
» اغرب وابشع عادات الزواج فى العالم