هل فقد العيد بريقه ...وعن صورته الاولى...موضوع للنقاش

السلام عليكم ورحمةالله وبركاااته

الصوره الاولى:

للعيد نكهه غير طبيعيه.... كنا صغارا وكنا نفرح بالعيد

.....الكل يجتمع من اطفال الحاره او من الاقارب والجميع سعداء بماعليهم من لبس جديد

..وقد نذهب لشراء هدية العيد مع احد الاقارب او ولي امرنا ..ونكبر قليلا ومازلنا على

حالنا من فرح وانتظار لصباح ذلك اليوم..قد فضلنا السهر على النوم لا لشئ ولكن لشروق شمس ذلك

اليوم ..فقد اشترينا العاب ناريه لنلعب بها.....كا ن جميل وكل شئ به جميل

الصوره الأخرى:

كبرنا الان ولكن هل مازلنا على صورتنا الاولى.... ....قد فقد العيد بريقه :

....اما الشباب نحنا قد نقترح ان نغير وقت اجتماااع العيد لليل
......والبعض الاخر قد فضل النوم ..والبنات يطالعن بعضهم البعض ليشاهدوا الاكسسوارات

واللبس هل هم على الموضه واخر الماركات ام لا........ وحتى التهاني بالعيد اصبحت بالرسايل .....

اما الحلويات التي تعطى الصغار قد اصبحت من افضل الانواع ..والعيديه كذلك

هل العيد تغير ام نحن الذين تغيرنا.... ....؟ سؤال يحتاج للاجابه والنقاش

لا هيك ولا هيك
لانو برايي كل مرحلة والا حلاوتا وكل مرحلة الا طبعا الخاص بالصغر منفرح على الهديا والاكلات وهيك
اما لما نكبر منفرح على طلاعاتنا وحريتنا واختيارنا للاشياء يللي منريدا
والاكبر منا يعني الاهل بتكون فرحتن لما بشترو غراض لولادون يعني فرحتون بفرحت ولادون
يعني لا العيد تغير ولا نحنا تغيرنا
بس العمر تغير
مشكورة نينو موضوع حلو كتير
تقبلي مروري

بس العمر تغير
مصطلح بالصميم

وانا رايي من رايي لولو
يعني كل مرحلة من عمرنا بتمتاز بخصوصية ومع تقدمنا بالعمر كلشي بيتغير
وبتكبر مسؤولياتنا

موضوع كتير حلو نينو
الله يعطيكي العافية

وانتي شو رايك بالموضوع؟

نحنا تغيرنا لعيد ما بيتغير
وما بيفقد مضمونو لديني ولمعنوي بنوب
نحنا كبرنا وزادت همومنا ومشاكلنا وتطورت اهدافنا
وزاد لعبئ علينا
طبعا عم احكي عا شخص مهتم واعي
لعيد صار بلنسبه النا وقت لمنكون مرتاحين ومبسوطين
مو وقت بيكون عيد
نقطه حلوه للنقاش بشكرك عا لموضوع

انا برأي العيد ما عاد الو بهجة وفرحة متل اول
وفرحة العيد ضلت للزغار
ومشكووووورة
عامر

ليا

محمد

ريممبر مي

وعامر

بشكركن كتير لمروروكن

انا رأيي انو العيد كنا اول نفرح فيه اكتر

مو لانو كنا صغر لا

كنت حس انو حتى الكبار مبسوطين انو الدنيا عيد

بس هالسنة لما ثبتوها كلنا صرنا نصرخ انو لاااااااااااااا

مو جاية عبالنا بكرة عيد وناس وعالم

فما بعرف كل الناس عم تقول انو العيد صار مجري شلون

مشكورين

ليس العيد من لبس الجديد انما العيد من خاف الوعيد

مشكور كتير

واهلا وسهلا فيك بيناتنا

مظبوط العيد مالو متل اول

لانو وقت كنا صغار كان ماعنا هموم ومشاغل مافي شي شاغل بالنا
كانت ابسط الامور تفرحنا
اما هلأ اكيد الوضع تغير
صارت كتير شغلات تلهينا عن الفرحة بالعيد
والانسان صاير من جواتو مالو مبسوط وما عندو لهفة ليقابل العيد من يلي عم يشوفو
بهالزمن معد في صديق حقيقي معد في حدا يحس فيك وبوجعك ويوقف جنبك
يعني ما حدا لحدا

ويسلموووووووووووووووو احلا نينو عل موضوعك الحلو يا غالية
تقبلي مروري

مشكور احلة نيكولا والله

بس لشو كل هالتشاؤم يعني

» موضوع للنقاش كيف وما هي الطريقة ؟
» الزواج في سن مبكر ( للنقاش)
» لماذا تبحث الشابة عن الشاب الوسيم ..الحلو ؟؟؟ (( موضوع للنقاش ))
» <<رواية في موضوع>>..الحلقة الاولى (احدى عشر دقيقة..)
» الجمال جمال الروح ::: دعوه عامه للنقاش :::