موضوع للنقاش كيف وما هي الطريقة ؟

مسائو لاحلى شلة ولاحلى عالم ولكل يلي بعتبرون عيلتي ببيتي التاني

حبيت ناقشكم بموضوع حساس من نوعه

يدل عن اسلوب الانسان بالتعبير عن مشاعرو و عواطفو وشخصيتو كمان

الموضوع هو عبارة عن سؤال موجه للشباب و البنات
وكل حدا اكيد لح يكون عندو اسلوب مختلف شو الطريق

كيف ممكن تعترف بحبك للشخص اللي حبيتو

بطريقة غير اعتيادية ,,, طريقة تؤثر فيه

,, طريقة مستحيل ينساها كل عمره ,, يا ترى شو ممكن تكون هالطريقة ؟؟

انا بانتظار ردودكم يالغاليين
موضوع للنقاش كيف وما هي الطريقة ؟ Smilies54

موضوع للنقاش كيف وما هي الطريقة ؟ Smilies54

أبو الروض

والله حاليا مابعرف بالضبط

بالصدق

والنظرات

بعتقد هيك

وقت منوصل لهي المرحلة لحالها بتجي بدون ما فكر هههههه

موضوع حلو بربي يا شريك

الله حيووو والله

المواضيع الدسمة يا شريك

ياعيني ياعيني يامرتضى على هالموضوع ههههههه
هلأ بالنسبة للبنت اول شي لازم يكون هو يلي مأبدي اعجابو فيها وعفكرة مو من مبدأ انو انا بنت وهو شب لأ , لأنو عم نشوف بهالزمن كتير بنات عم تكون المبادرة الاولى منهن بس انا برأيي احلى ما بالبنت انوثتها
المهم: لما رح يكون بادرني بأعجابو وهو بنفس الوقت كشخص مميز اكيد رح اكدو هالشي بتصرفاتي واهتمامي فيه.
كيف: انو اتعامل معو باسلوب مميز متل انو ابعت وردة وحدة كل يوم او صبح عليه بتلفون بكلام مميز باسلوبي من بعدها لازم اختلق شي مشكلة حتى يستفقد هالشي مني ويحس فيه , ضروري هالاشيا تصير او اي _ تعامل خاص فيك انت بتختارو _ لأنو شي تعود عليه لفترة اكيد لما يروح منو رح يستفقدو ومنو البنت بتعرف اذا هي كانت مأثرة فيه او رح تمر بحياتو مرور الكرام ومنها رح تعرف شو هي الو كنسبة تأثير وجودها عندو . واهم من هادا كلو كلو الصدق بالتعامل مافي شي بيندم الانسان على شخص تاني الا الاخلاص التاااااااام بلكلمة ولحظة الصدق سواء باستشارة منو الي بموضوع بنصيحة بتعامل حتى لو ردة فعل قاسية
بالاخير في شي بيقلك يامرتضى وهي انا مقتنعة فيها انو
حبني متل ما انا مو متل مابدك ياني تحبك متل ما انت مو متل مابدي ياك

موضوعك كتير فيو اشيا مخباية بين السطور الواحد بيكتب تعليقو متل مابيتصرف تماما مادام هو صادق مع نفسو تجاه الشخص يلي لازم يأثر فيه نتيجة محبتو وصدقو معو
مشكور مرتضى لأسلوبك الغني والمميز بطرح المواضيع
ميراا

كيف ممكن تعترف بحبك للشخص اللي حبيتو

بطريقة غير اعتيادية ,,, طريقة تؤثر فيه

,, طريقة مستحيل ينساها كل عمره ,, يا ترى شو ممكن تكون هالطريقة ؟؟

ايوا قلتلي
انا اسلوبي مع الشخص يلي بحبو وانه كيف طريقتي معه
بحب اني افهمو ويفهمني وقد مافيي اني افهمو وحط حالي محله وساعدو
بحب قله همي ومشاكلي ويساعدني عليا وانا افهم وضعو وساعدو وهدي من باله
طريقتي بالحب بحبا تكون طبيعية معه مافيا مجاملة او كذب ابدا
بحب يلي بدايقني قولو مابحب خبيه لانه رح اوقع بالشك والهم
بحب كون اله البنت الصادقة والحنونة ويلي رح يلاقي عندها الراحة مو مع غيرها ابدا
بحب حسسو بالامان ولا يحسا عن غيري
المهم
انا مع ميرا بانه البنت ماهيي يلي بتبادر بالعلاقة لانه العواطف بتبدى مع الشب
لانه الشب وقت يشوف البنت هيي يلي بلشت بالعواطف والمشاعر اكيد بيوم من الايام ووقت يمرو بوقت عصيب وخناق او زعل رح يهتا بهالشي ويقلا لاتنسي انه انتي يلي ركضتي وراني وانتي يلي طلبتي هي العلاقة لاتنسي للاسف هي عنا طبعا بجيلنا بس اكيد مو عند الكل
بس اذا الشب هوي يلي بلش بالعلاقة بالحب وقال كلمة بحبك وقال مشاعرو وعواطفه اكيد البنت رح تفكر انه تكون اله الحب الحنون وتفديه بعيونه ومارح تتطر للاحراج وقت يمرو بظروف صعبة
واذا اجينا من ناحية الاخلاص والصدق هاد شي انا بدمي وبحب اعمله اتجاه من احب
بحب اني حس بالمسؤولية بالحب وهاد مسؤولية لازم كل انسان يتحملا
حتى اذا ماصار نصيب او فراق او خيانة يكون الانسان ضميرو مرتاح وعامل يلي عليه

ميرا انا ماني معك بشغلة وحدة انه مابحب اخترع مشاكل مع الشخص يلي بحبو منشان اكشف فيه الحب او منشان يشتاقلي او منشان يستفقد هالشي
يمكن كل انسان اله ظروفه بهالشي بس اذا هوي تناشف مع البنت اي حقق البنت انه تعمل مشكل تتكشف انه الشب بحبلا او لا
انا من النوع يلي بحب ع قدر المسطتاع اني ماعم مشاكل او زعل يلي بحبو ع اي مشكلة بتصير سواء الحق عليه او علي
صح بصير ملامة وحكي ونقاش بس اكيد مالازم ينتهي الشي بي زعل او سكر بوشك او بوشي ونروح زعل اسبوع وكم يوم
انا هاد الشي مابحب اعملو ولابتمنى اني مر فيه ابدا
ناحية تانية حتى لو كان الحق عليه وهوي يلي غلط كمان مابحب اني ازعل منه لاني بطبعي بحب السماح ولو كررها يمكن فكر اني احكي فيا
صح حلو الوحد يكون قلبو قاسي بهالامور هي والضغط عليه بس انا مابحب اخسر الشخص بهالطريقة هي
وهيك طريقتي انا بالحب وهيك بحب قله مشاعري وهيك بحب عيش الحب
واكيد النصيب بايد الله

مشكور ابن العم ع موضوعك الحلو وايد وايد

انا من النوع يللي مستحيل اعترف لشب باعجابي (يعني ابادر انا بالاول )
ولما هو ببادرلي طبعا رح ادلل عليه اول فترة بس بكون بنفس الوقت عم عبرلو بعيوني
بحب لما يعترفلي يعترفلي بطريقة كتير غريبة ما يجي ويقلي بحبك
بحب يكون عندو اسلوبو الخاص ليصل لقلبي
وانا لما رح بلش اعبرلو عن حبي رح يكون عن طريق اهتمامي فيه مثلا افتكر باشياء يللي بحبا
وجبلو ياها وابعد عن الاشياء يللي بضايقو
بس بعد هيك لما بدي اعترفلو بحبي ببعتلو مثلا يا عصافير الحب مع سي دي اغاني رومنسية
او جاية ع بالي لما حب اهديه ببغاء اعلمو كلمة ليا بتحبك مشان يضل يقلو ياها هههههههه
مشكور مرتضى موضوعك حلو كتير
بس حابة قول انو الافكار بتجي لما بتكون الواحد عشقان
بس ما قلتلنا انت شو طريقتك ؟؟؟؟؟
تقبل مروري

هلأ شو هيي الطريقة أنا ما فيني قلك هلأ لأنو حسب البنت اللي رح حباوكيف تفكيرا ووضعا الثقافي والعلمي وعلى هالأساس الواحد بيبني خطتو لغزو واحتلال قلبا .... وأكتر من هيك ما عندي
انشا الله تكون وصلت الفكرة ...
شكراً حبيبنا مرتضى .

ممممممممممم
موضوع حلو بس بصراحة انا ما ببدا
بفضل الطرف التاني هو يلي يبدا
يعني صحصح انو بايامنا مافي فرق بين الشب والبنت
بس انا مع انو الشب هو يلي ياخد لخطوة الاولى
بس بالنسبة الي تحديدا ما ممكن انا افتح الموضوع
انا مابحب افرض حالي على حدا

موضوع حلو معلمي ابو الروض
بس ماعرفنا شو رئيك انت

ههههه قال بايامنا مافي فرق بين البنت والشب مظبوط بس مو بهالشغلات ههههه

هلق كيف بدي اوصل لقلبو ما بعرف ههههه بس اذا اجى واعترفلي يمكن اذا ادامي بلطشو شي كف بخليه ما ينساه بحياتو وهيك بضل زكرى واكيد لح يحاول كتير يحكي معي ويبرهن على حبو ئلي هي اذا كان حئيئي بحبتي
بعد هالشغلات وبعد ما توضح بصير بقا بكتبلو شعر لانو الشعر احلى طريقة لتعبر عني الي بقلبك لمحبوبك تقريبا هيك شي هههه

بس شو القصة مرتضدى؟ مممممممم شو رأيكن انعدلو المقابلة لمرتضدى ههههههههه

انا بحكي بصراحة اخوي ههههههههههههه
تقبل مروري

شرررررررررريك مشكور لرايك الصريح والمرور الاول ع راسي يا شريك

ميرااااااااااااا ع راسي يالغالية مشكورة لمرورك وطلتك البهية

بنت العم ع راااااااااااااااااسي مرورك والله الله حيو

لياااااااااااا ام الول وانا بحترم رايك الحلو كمان مشكورة ع المرور يالغالية

ريدو ههههههههههههههه يا ريتك ما مريت هه مشكور ع المرور اخوي

نجم الساحل مشكور ع المرور يالغالي ع راسي والله

جوجووووووووووووووو ع راسي مرورك معلمتي احلى مرور والله هلئ بقلك رايك ولو هلئ بقولو

روزا اي ضربي كف ههههههههههههههه شو عليه مشكروة ع المرور يالغالية
هههههههه لا لا شو مقابلة ههههههه خلصنا والحمدلله

ريد هيل

» هل فقد العيد بريقه ...وعن صورته الاولى...موضوع للنقاش
» موضوع مهم للنقاش : كيف نخشع في صلاتنا من خلال تجارب الأعضاء
» لماذا تبحث الشابة عن الشاب الوسيم ..الحلو ؟؟؟ (( موضوع للنقاش ))
» موضوع تم حذفه...موضوع مثبت
» الزواج في سن مبكر ( للنقاش)