إلى غالــــــــي

بعرف انك هلئ كتير مستغرب وعم تقول بقلبك شبا هي؟؟؟

القصة ومافيا انو اليوم حلمت فيك ... كان الحلم كتير طويل .. حسيتا ني شفتك عنجد

فتحت عيوني وقررت انو دقلك .. بس صرت جاوب بقلبي : والله عندي شغل كتير .. في شي؟؟

انا: لالا مافي شي

انت : قليلي فيكي شي؟؟؟

انا : لك لا بس مشتاقتلك قلت بسلم عليك

انت: أي طيب خير انشالله ديري بالك عحالك

انا: طيب وانت كمان

انت: يلا سلام

انا ســـــــــــلام !!!

قلت بقلبي مارح دق .. مارح اقدر حاكيه

فكرت شوي وقلت .. طيب انا كتير بحبه
وبدي ياه يعرف هالشي .. بدي ياه
يعرف انو لما بيكون زعلان مني بكره حياتي
بس كرمال ارجع شوف ضحكته الي

طيب شو رأيك تبعتيله ايميل؟؟ .. وتحكيله
يمكن هو بيعرف شو بدي قول .. هو بيعرف كل شي

طيب بركي اول ما فتح الايميل وشاف

في حكي طويل يمل ويسكر؟؟

ممممممممممم شو بدي اعمل ؟؟؟؟

فكرة..... بكتبا وبحطا هون وببعتله رابط الموضوع ممم فكرة !!

بعرف انك هلئ عم تمر بفترة صعبة بحياتك ...

وبعرف انك يمكن موفاضي لكل هاللعي هاد ؟!!

انا بس بدي ياك تعرف اني بعتبرك نعمة من عند ربي

لو ما كنت انت اخي ... مين حيكون اخي غيرك؟؟

مين حيضل ينكشني .. ويمكن يبكيني من مزحه التقي لاحياناً ..

مين رح يعمل معي مقالب ما بتخطر على بال المجانين؟؟

ياترى ذكريات طفولتي وين محلها من الاعراب لولا وجودك بجزء كتيييييير كبير فيا؟؟

ذكريات تجميع الورق حتى نعمل منا طابة وانا لازم العب معك غصباً عن راسي...

لا وشوو.. انت الرابح دائماًغصباصً عن اللي بيرضى واللي ما بيرضى

ذكريات ورق الشدة – والأونو – يلي ياما وياما تعمل حالك بريئ وعم تربح بذكائك

او مدى حظك بعدين نكتشف انك مرتب الورق على مزاجك .. واذا اعترضنا ؟؟

بتضل تضحك وتقول أي والله مو حلو اللعب بلا غش؟؟

اخي الغالي .... لسه مستغرب؟؟

كان معك حق لما قلتلي مرة انتي بتخافي او مابتعرفي تعبري عن مشاعرك لحدا ...

لهيك يلي ما بيعرفك منيح بيفكرك مغرورة

صح ... انا جبانة حتى انو قلك – يقبروني عيونك شو بحبك –

قلتلك ياها مرة بتتذكر وقتا شو كانت ردة فعلك؟؟

دبلتلي عيونك

انا كتير مشتاقتلك بدي قل كتعا بس بعرف انك حتقول والله مافي مجال كتير مشغول ما بقدر

صح انا وياك كتير تخانقنا وكتير تحاددنا يمكن بفترة من الفترات - كرهتك – لاني حسيتك قاسي

مابعرف ش سر حبي الك لهالدرجة هي .. لدرجة اني لما

بشوف دمعتك بتمنى الارض تنشق وتبلعني

مابعرف شو ضيف على هالحكي .. بس انا اشتقتلك واشتقت

انو نقعد انا وانت نحكي .. ونحكي .. ونحكي بالساعات

اشتقت لسلباتك – اشاتقت حتى لكفوفك او قرصاتك ... عنجد كتير اشتقتلك

اختك الفصعونة

الى كل الاعضاء انا رح اقفل الموضوع لانو مابدي ردود انا بس خليت هالرسالة حتى يقراها اخي الغالي فقط

إلى غالــــــــي

إلى غالــــــــي :: تعاليق

إلى غالــــــــي