هل تقبلـين الزواج من شخص اصغر منك عمرا..؟

لو عرض شخص اصغر منكي في العمر بشهور او حتى بسنة او بسنتين او ثلاثة او حتى اكثر
هلق تقبلين الزواج به حتى لو انتي اكبره منه سننا

ان صادفتي يووما شخص واحببته وتفاجئتي بانك اكبر منه سننا ومع مرور الايام
اتى ليطلب يدك من اهلك

هلق توافقين ام ترفضيين هذا الحب او الزواج ...؟
ام لاتبالين بالعمر ولاتهتمي مادام الحب والاحترام موجود ..؟
ولماذا ..؟

هلق هو مانو عيب وشي ممكن انو يصيروعلى فكرة انو بينجح
بس انا بفضل انو يكون اكبر مني لانو بيتفهمك اكتر
وشو ما صار بضلي بتحسي حالك اكبر منو
وخصوصي بعد فترة من العمر لانو المراة بالحالة العادية بتكبر اسرع من الرجل
مشكوووورة سالي موضوع حلو كتير

موضوع كتير حلو سالي
انا رئي متل ليا
مو عيب
بس انا ما بحس انو بصير في تفاهم بينات بعضن
ولانو كمان لبنت ببين عليها لكبر اكتر من لشب
مشكورة حبيبتي
laial1987

مشكووورة ع مروركن والله
وانا كمان مافي مشكلة اذا انا اكبر منه بس بالشهور شهرين او تلاتة اربعة اكتر من هيك كلاااا

انا بظن انو اي علاقة بتبلش والبنت اكبر من الشب
اذا بيحبو بعض ممكن يكونو سعداء بالاول
بس بالنهاية
العلاقة فاشلة
بس يكبر الشب
بدا تتغير كتير شغلات
مشكورة سالو

لا سالي من ناحيتي ما برضى

مشكووورة لموضوعك

احلى نكتة وربي

اكيد زواج فاشل مية من مية

هلئ زمان اول على زمن نانتي وجدي وما زال في عالم لحد الان بتقول خود بنت 14 13 سنة وربيا على ايدك ومشيا على كيفك وبكون في بيناتن فارق عمر مو اكتر من 10 سنين على ما اعتقد

بس اذا بنات هلئ البيعتبرو حالون عصرين وشي كول بئبلو ياخدو اصغر منن بركي بدون يربو زواجون على ايديهون

ومنشان اذا عارضن زواجن اول كف وتاني تخبطو فيها وتئلو انا اكبر منك

لانو ما بقى شي غريب والا ما يجي يوم ونسمع هيك خبريات وربي لانو كلشي عبصير

بس اكيد الزواج حيكون فاشل واذا انا هيك بدي اتخيل حالي بهالموقف و اخدت اظغر مني ولو بسنة او بشهر او ويومين مالح ائدر احترمو بما فبه الكفاية ولا لح رد عليه بشي وكلشي بساويه على كيفي وخاصة انا عنيدة وبكسر الدنيا ولح اعتبر انو هو مالو رئي وانا لح كون اقوى منو بكلشي و لح اعتبرو مالو شخصية ولا هم يحزنون شو انا الي بدي احميه من ولاد الحرام ولا هو الي بدو يحميني

وهاد زواج فاشل مية من مية

لك ياجماعة شبكن قالبين الدنيا هووووووووووون لسه فاشل فاشل
هلأ الموضوع مستهجن كفكرة وكواقع , ليش فينا ننكر أنو لما عم تتزوج الوحدة شخص أكبر منها بأي من عدد السنين ماعم يكون بأغلب الاحيان زواج فاشل , لأ وكمان عم تكون البنت هي المسؤولة بكلشي نتيجة قلة المسؤولية من الرجل ...
معنى كلامي هاد أنو أكيد مستحيل أنو أقدر أرتبط بشخص أصغر مني لأنو مع احترامي لكل الشباب أصبح موضوع الزواج بحد ذاتو بغض النظر عن فوارق العمر كأصغر أو كأكبر , مشكلة .. وأهمها عدم كفاءة الرجل حتى ولو كان يملك جميع المقومات بالنسبة للحياة الزوجية فالمعظم منهم أصبح يخفق فيه باعتباره ليس رجلاً حقيقياً
نهايتو:::::::::::::::::: الزواج ثقة وتفاهم واحترام وحب

مشكورة يامو مشكورة يا سالو
مــيرا

والله كلامكن كله مادخل مشطي ابدا

يعني لو كان اكبر مني بشهر او سنة ااو انا اكبر منه بشهر او يوم او سنة شو رح يفرق

اذا الحب مابيعرف لاعمر ولا شكل ولا مادي ولا مال ولاشي ليش بتاخدو الفكرة بالسلبية عطول

يعني مثلا فيه كتير عالم شباب بيتزوجو بنات صغر منن وعم يطلقو وحياتن جحيم او حياة عادية

وفيه كتير شباب اخدين بنات اصغر منن وعايشين ما احلاهن تفاهم وحب واحترام

يعني الشي مو با لعمر ياجماعة الشي بالحب

يعني الحب اكبر من العمر بمليون مرة

يعني مفكرين بس يكبر الرجل رح يكره البنت لانه كبيرة وجعتت قدامه

البنت سواء كانت اكبر منه او اصغر منه رح تجعد قبل الشب بعشر سنين لانه هيك سنة الحياة

والرجال يلي بحب ع مرته سواء اكبر منا او اصغر منا هاد مابينعد رجال ولا حب

بقا العمر مابظن اله علاقة بالحب وال حب الفاشل لانه الناس كلا مجربتا

وع الدليل عنا بالحارة رجال متجوز ومرته اكبر منه بي 7 سنين

وهلق عندن 5 ولاد واكبر بنت عمرا 21 والولد عمره 20

ولساهن مكملين بالحب والحياة الزوجية دون مشاكل او غيرو

مشكورين ع تعليقاتكن

ميرااا انا بشوف انه الرجل يلي صغير بالعمر ويلي بحب البنت وبيتجوز بنت اكبر بنه
عنده مسؤولية انه يتحمل كل عواقب الحياة الزوجية اكتر من الشب يلي اكبر من البنت بالحياة الزوجية

واساس الزواج بالحياة هوي الحب والتفاهم والاحترام مو العمر والشكل ومردي شو

يعني فيه كتير شباب هلق مابهمن غير الجسم الحلو والسكسي ع قولت العالم المشرمحية والشكل الحلو بغض النظر عن عمرا

وانا باكد انه فيه كتير شباب صغار با لعمر بيتحملو مسؤولية كتير كبيرة اكتر من الشباب الكبار بالعمر ويلي مابحبو المسؤولية

مشكورة ميرا وبدي موتك

ساليييييييييييييييي مو صح حكيك أبدا أبدا
ما أختلفنا في شواذ بهل حياة وأنو في شباب صغار ممكن يتحملو المسؤولية بس هادا بيكون وضع استثنائي ومو قاعدة
وبالعكس القاعدة بتفرض بالذات بهل أيام يلي كل البنات والشباب فيها طايشين أنو الرجل هو يلي يكون أكبر من البنت لعدة أسباب

أولا نضوج الشب الفكري بيخليه يستوعب البنت بكافة أعمارها سواء كانت واعية أو مراهقة سواء كانت راكزة أو طائشة
وهادا الشي ناتج عن أنو نحنا بمجتمع شرقي وقيادة الأسرة فيه بتكون مسؤولة من الرجل فلازم يكون واعي عقليا وهادا بهي الأيام بالذات بيتطلب عمر كافي ليكون الشب فيه عاش وعارك الحياة وقدر يقرر شو بدو

ثانيا البنت إذا كانت واعية وأكبر من الرجل مافيها هية تقدر تسيطر على الأسرة لأن بيضل الرجل هو المسيطر وبهي الحالة بيصير مشاكل أكبر لأن حتكون البنت أوعى وبنفس الوقت مابيدها حيلة وبيتولد مشكلة تانية أسمها حب السيطرة عند الرجل حتى لو كان عارف حالو غلط بس لحتى يقمعها لأن بيحس أنها عم تحاول تمشيه على كيفها

ثالثا يا ست سالي الحب مزبوط إلو دورو بالحياة بس تأكدي أنو الحياة الزوجية مستحيل تكون مبنية على الحب بس لازم يكون في تفاهم وهادا التفاهم ما بيولدو الحب لا بالعكس بيولد بالوعي وتفهم الطرف التاني وبنرجع بهي الحالة بنقول لازم يكون الرجل هو الواعي وهو الأكبر

ولاعاد تضربي أمثلة بالحياة لأن ممكن تكون شواذ بس مو أكتر روحي شوفي الشكل العام بهي الحالات شو نتيجتو
هل تقبلـين الزواج من شخص اصغر منك عمرا..؟ Glitter_star_pink

هل تقبلـين الزواج من شخص اصغر منك عمرا..؟ Glitter_star_pink

الجواب ع ردك ميرنا

ما أختلفنا في شواذ بهل حياة وأنو في شباب صغار ممكن يتحملو المسؤولية بس هادا بيكون وضع استثنائي ومو قاعدة
وبالعكس القاعدة بتفرض بالذات بهل أيام يلي كل البنات والشباب فيها طايشين أنو الرجل هو يلي يكون أكبر من البنت لعدة أسباب

ميرنا شو دخل الجيل والبنات والشباب بالعقل والعمر .. هاد كله غلط يعني فيه كتير عالم صغيرة بالعمر وعقلا اكبر من جسما حتى
وكمان اذا كانت مثلا البنت اكبر من الشب بيوم واحد شو رح يفرق بالحياة الزوجية او بالسيطرة الرجل بضل رجل حتى يكون اصغر منا بعشرين سنة

لانه سواء كانت هيي اكبر او لا الرجل حياته كلا بال شغل وبرات البيت وهوي يلي رح ياسس هالعيلة والبنت مكانا بالبيت
حتى لو كان عمرا فوق التلاتين سنة وهوي اصغر منا
يعني الشغلة انتو قيسوا بالعقل ماتفكرو بكلام الناس وشو بدن يقولو
هي حيات كل انسان انه هوي يفكر شو بده يعمل ولايعمل حاله صغير قدام مرته يلي هيي اكبر منه بالعمر
يعني لازم يكون قوي ويكون قد المسؤولية بالحياة ولايكون ضعيف قدام مرتته
الحب والتفاهم صح انه مابكفي بس القوة بالبيت لرجل كمان هيي الاساس مادام مرته اكبر منه
ومارح يصير اي تعقيد بال مجتمع طول ما الطرفيين هني راضيين ع هالشي

أولا نضوج الشب الفكري بيخليه يستوعب البنت بكافة أعمارها سواء كانت واعية أو مراهقة سواء كانت راكزة أو طائشة
وهادا الشي ناتج عن أنو نحنا بمجتمع شرقي وقيادة الأسرة فيه بتكون مسؤولة من الرجل فإذا كان واعي عقليا وهادا بهي الأيام بالذات بيتطلب عمر كافي ليكون الشب فيه عاش وعارك الحياة وقدر يقرر شو بدو

انا معك بهالنقطة انه الشب الواعي والناضج قبل مايكبر بالعمر هوي بخليه انه يتفهم كل اعمار البنات
بس كمان ميرنا لاتنسي انه مافينا نطلع ع كل الاسر يلي نحنا عم نشوفا وكل مشاكلن واعمارن
بكفي الواحد يطلع ع الشخص نفسو وع يلي ختارو او ختاريته بالحياة تيعيشو سوا
يعني وين باريك المشكلة طالما هوي اكبر منا بسنة او شهر او حتى يوم طالما فيه تفاهم ومقسمين حياتن الزوجية
انه الرجل برات البيت وشغلو والمرة بالبيت وترباية لولاد والطبخ وباقي الشغلات كلن بيتقسمو
ومارح يصير فيه اي اعتراض بيناتن طالما متفاهمين ع هالشي قبل الزواج

ثانيا البنت إذا كانت واعية وأكبر من الرجل مافيها هية تقدر تسيطر على الأسرة لأن بيضل الرجل هو المسيطر وبهي الحالة بيصير مشاكل أكبر لأن حتكون البنت أوعى وبنفس الوقت مابيدها حيلة وبيتولد مشكلة تانية أسمها حب السيطرة عند الرجل حتى لو كان عارف حالو غلط بس لحتى يقمعها لأن بيحس أنها عم تحاول تمشيه على كيفها

ولك ياميرنا مين قلك انه حتى لو كانت ال بنت واعية انه هيي يلي رح تسيطر ع الاسرة
طالما فيه رجال بالبيت حتى لو كان عمره عشرين سنة هوي يلي رح يسيطر ع البيت وهوي يلي بيعطي القرارات
بس اذا البنت كهينة وبدا السيطرة وبدا يكون جوزا خاتم باصبعا هاد بكون شي تاني
بس انا عم احكي عن الزوجين يلي بكونو بحالة تفاهم قبل الزواج والسيطرة لازم تكون ع الشب شو ماكان عمره

اذا الشب خايف وبده يحس انه رح يصير حالة سيطرة من قبل المرة ليش تيتجوزا من الاصل
يلي بده يبتلي بالزواج هاد لازم يكون مفكر منيح ومختار البنت المناسبة ويلي بتفهم وضعو ويلي عطيته حرية السيطرة بالاسرة

يعني بانتي بتعرفي انه البنات انواع
منن يلي بحبو يسطيرو ع ازواجن حتى لو كانهه اصغر منه بعشر سنين
او يلي بكونو اكبر منه بسنة او شهر او يوم واحد

وفيه بنات واعيين وعاقلين وبيعرفو انه ال سيطرة للرجل وانه الحياة برا لرجل والداخل للمراة
يعني المشكلة مو بالعمر طالما المشكلة بالعقل وكيفة التفكير بهالعقل المسطم ولو

ثالثا يا ست سالي الحب مزبوط إلو دورو بالحياة بس تأكدي أنو الحياة الزوجية مستحيل تكون مبنية على الحب بس لازم يكون في تفاهم وهادا التفاهم ما بيولدو الحب لا بالعكس بيولد الوعي وتفهم الطرف التاني وبنرجع بهي الحالة بنقول لازم يكون الرجل هو الواعي وهو الأكبر

اكيد الحب مو كلشي بالحياة تتكمل حياة زوجية سعيدة وانا قلت وشوفي كلامي انه الحب والتفاهم والاحترام بالزواج وقبل الزواج هوي يلي رح يحدد الزواج السعيد او لا
وطالما الرجال واعي ونناضج مافي مشكلة بالعمر شو ماكان

ولاعاد تضربي أمثلة بالحياة لأن ممكن تكون شواذ بس مو أكتر روحي شوفي الشكل العام بهي الحالات شو نتيجتو

انا يلي عم شوفو بكتبو ويلي عايشته بحكيه ماعم خرط شي من عقلي
ومابحب جامل او كولك بهالمواضيع هي

مشكورة ع مرورك وصراحتك عمتو

ليكي عمتو حبيبتي هادا الموضوع موضوع بشكل عام مو مبني على تجربتك الشخصية أو تجربتي الشخصية
قلتلك في شواذ
تانيا حياتي أنتي ما بتعرفي عقول كل الرجال أنتي عم تبني قرارك على تجربتك لوحدك

ليكي حياتي الرجال قد ما كبرو وقد ماصغرو عندهم بحياتهم شي صعب نحنا كبنات نفهمو لان هيك الله خالقهم

فتأكدي حبيبتي أنو فرق العمر ألو دورو هلق بتقولي يوم ولا شهر ولا سنة مو هون المشكلة إذا بدك أنا برأي لازم يكون الزواج فيه فرق سنين بالعمر بين الرجل والمراة لا يقل عن 4 أو 5 سنين طبعا الرجل أكبر فيهم

فلو أكبر بيوم أو بشهر أو بسنة أو حتى قدو أو أصغر بيوم أو سنة نفس الشي حيكون في مشاكل بينهم ناتجة عن حب السيطرة

حبيبتي أنتي ذكرتي أنو المرة بتكبرا بالشكل أكتر من الرجل وهادا نسبيا صح تانيا لاتنسي أنها بعد سن التلاتين بتكون تقريبا واعية تماما وعارفة مسؤولياتها وواجباتها بس الرجل ممكن يضل لفوق هل عمر لحتى يستقر تماما لعدة أسباب أهمها أستقرارو المادي وأستقرارو الفكري
فتخيلي قديش ممكن تعاني المرأة إذا كانت واعية وفاهمة حياتها وزوجها لسا طايش ومو مستقر بهي الحالة بتصير الحياة جهنم وبنرجع لفكرة فرض السيطرة الغلط من عند الرجل

حبيبتي سالي العمر ألو دورو بحياة الرجل والمراة لوحدهم وألو دورو الأكبر بحياتهم الزوجية وقد ماكانو بيحبو بعض هادا الشي صعب كتير يتجاوزه لأنهم بالآخر محطوطين تحت أمر واقع الله هيك خالقو
هل تقبلـين الزواج من شخص اصغر منك عمرا..؟ Glitter_star_pink

ولك ميرنا هلق عم تشوفي مليون واحد ووحدة متجوزين والفرق العمر بيناتن بالسنين السنين ومافي
لاحب ولاتفااهم ولاحتى احترام
يعني مو شرط العمر يكون كبير او صغير بين الرجال والمرة الفرق انه يحبو بعض ويقبلو هالشي كاواقع انه صار بينن نصيب وحب

والرجل قد مايكون كبير او صغير بضل اوعى من البنت و اعقل من البنت بكتير
لانه الشب بفكر بعقلو اكتر من عاطفته ع عكس البنت

طيب فيكي تقولي انتي بتقبلي تتجوزي رجال من عمر ابوكي بحدود ال 60 سنة او اكتر ..؟
وياترى رح يكون اله العمر دور بالحياة والتفاهم الزوجي..؟
ورح تقدري تقولي انه هون المرة المتزوجة رجال كبير بالعمر فيا تسيطر ع الاسرة طالما الرجال يلي عمره 60 سنة
عم يمر بمرحلة خرف او مرحلة طفولة غير قادر ع اعالة عائلة او اسرة وولاد ..؟
برايك هون مين بسيطر ع الاسرة البنت الصغيرة بالعمر ولا الزوج الكهل يلي مو قادر يعين حاله ..؟

ياترى رح يكون فيه فرق كبير بين السن الصغير او الكبير ع الزوج والزوجة هون ..؟
ولا رح تقولي نفس النتيجة وضلي عليه
واي بتفضلي رح يكون اسعد انه البنت يلي متزوجة شب اصغر منا
ولا البنت يلي متزوجة رجال اكبر من عمر ابوها ..؟

لاتواخذينا بس حلو النقاش وبحب ناقش
حتى لو ماعم نتفق هههه

ولله انتي شكله غير رب العالمين مابغير رايك
مارح غيرلك ياه كل انسان اله رايه ونظرته بالحياة
وانا مرتاحة ومقتنعة برأيي
مشكورة ع مرورك يافلعوصة

ولك سالي طبعا لك بعينك سالي
ههههههههههههههههههههههههههههههههههههه
سالي ياسالي أنتي يابطخو يا بكسر مخو يا بتزوجي الوحدة رجال قد ولادها يا بتزوجيها رجال أكبر من أبوها
سالي حبيبتي الحياة مو هيك وزواج المرأة من رجل بعمر أبوها أو أكبر جريمة بحقها كل الناس بتعرف هل شي لأن في فرق أجيال بينهم في فرق طبائع وفي فرق إستيعاب في مرحلة زمنية ضايعة تماما بيناتهم
على كل هادا مو موضوع نقاشنا لأن نحنا عم نحكي على الوضع المعاكس وليكي عيني ربك ما أحلاكي ضربتيلي مثل على أنو من المستحيل العيش بين الرجل والمرأة لما بيكون في فارق زمني هائل بينهم وبنفس الوقت صعب كتير يعيشو إذا كانو بعمر واحد أو الزوجة أكبر

كمان مو صح كلامك أنو الرجل دائما أوعى وعقلو اكبر أنتي كتير غلطانة ولمعلوماتك المرأة بتنضج فكريا قبل الرجل وهادا كلام واقعي وملموس وهادا واحد من الأسباب الرئيسة لزواج المرأة من رجل أكبر منها بفارق زمني يترواح بين 4 سنين و10 سنين كحد أقصى( مو تقوليلي قد أبوها ومابعرف شو ) لحتى يكون ناضج وواعي قبلها مشان يضل مستوعبها وهية بنفس الوقت مابتحس حالها كبرت وزوجها بنظرها ولد

حبيبتي سالي أنا ما عم ناقشك لأقنعك أنا إلي قناعتي وأنتي إلك قناعتك هي مجرد وجهات نظر عم نطرحها لحتى نستفيد والكل يستفيد

وبحب ضيف وقلك أنو ياغالية ممكن أي إنسان يعيش علاقة حب تكون غير طبيعية أو غريبة أو مو صح بنظر كتير عالم ومع هيك بيعيشو وبيتزوجو وما أحلاهم بس منرجع ومنقول هي حالات شاذة وقليلة ومابتعتبر مثال لواقع المجتمع
هل تقبلـين الزواج من شخص اصغر منك عمرا..؟ Glitter_star_pink

ولك ميرنااااااااااااااااااااااااااااااااااااااااااا صرعتيني بحالة شاذة وشواذ
بالله شو يعني مافهمت شو بتقصدي بهالكلمة وليييييييييي

وياروح وقلب وعيونا ل سالي كمان ماني ضدك بهي تبع الاكبر وختيار وهي هي طرحتا هيك تشوف شو رح تقولي
وانا معك فيه بهالشي ماني ضدك يابطة

بس كمان ياروحي كل انسان عم ينضح قبل اوانه مو كل الشباب هيك ومو كل البنات هيك ياروحي ايوااااا
ومنشان ما اطلع عن الموضوع ياروحي ... كل واحد معه وجهة نظر مارح خالفك بهالشي

بس ياروحي بدي ضل قلك انه بتصير وفيه عالم هيك وفيه حالات كتيرة متل هالحالة هي

قري مشكورة ع مرورك يافلعوصتي

سالي حبيبتي رح غيرلك كلمة شاذة وحطلك بدالها كلمة نادرة حالات نادرة

ولو أنتي شفتي كتير ناس هيك بيضل المجتمع بشكل عام مو هيك ماشي ولا رح يمشي هيك لأنو بيضل مجتمع شرقي ياغاليتي

ومارح قلك هلق غير الله يوفقك بحياتك يا غالية إنتي
هل تقبلـين الزواج من شخص اصغر منك عمرا..؟ Glitter_star_pink

قيني انتي قيني اي فهمت عليكي يابطتي الصغيرة
مشكورة ع صراحتك وكلامك وردك يابطة
ويحميكي ويوفقك ويبعتلك عريس مطنطن ههههه

سالوووو
بس عندي شغلة بدي قولاااااااااااا
الموضوع مو موضوع انو الشب العمرو صغير عبفهم وبحكي احسن من الكبير
بس القصة قصة احترام وتقبل المرأة ونظرتا للرجل انو هو اصغر منو يعني لح تشوفو فصعون ولو حكيو احسن من ميت رجال بس بمجرد انو هي اكبر منو لح يتم اختلال بالعلاقة وقلة تفاهم ما عدا متل ما وضحو الصبايا هي لح تكبر فورا وهو لح يصيع على كيفو ويشوف صبايا احلى وبتالي لح يصير اختلال بالعلاقة مع زوجتو ومالح يستمر زواجن

حيوتي سالي تقبلي مروري

هههههه روز
اي بجوز معك حق بس انا على عكسي ياروحو
مشكورة ع مرورك يابطة حلب

» عندما يريد والدك الزواج بإمرأة اخرى هل ستحضر الزواج
» قبل الزواج ...وبعد الزواج... ماذا يقول الحبيبين ل بعضهما ؟؟
» هل الزواج عن حب أنجح ام الزواج التقليدي
» المراة المتفائلة اطول عمرا
» اصغر بيت في العالم