جواب بدي لكل يجاوب علي بصراحة

مــــــــــــرحـــبــــــــــا

موقف صعب قريته وحبيت انقله لكم

تخيل معي هالموقف

اتصل بك صديقك المقرب ودعاك ان تخرج معه ...
وصلتم للمطعم وطلبت قهوه .... وسألك وقال لك ما رأيك فى الحب ...فأجبت إن الحب شئ جميل جدا

فسألك وهل الحب حرام فأجبت من قال لك هذا؟وقلت له إن الحب أصدق ما بالوجود ... وسألك هل أحببت من كل قلبك... فأجبت نعم ....وقال لك ؟؟؟؟
.
.
.

.
.
.
.
.
.
.
.
.
.
.
.
.
.
.
.
.
.

.
.
.
.
.
.
.
.
.
.
.
.
.
.
.
.
.
.
.

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
انا أحب أختك
ما هي ردة فعلك .... وماهو موقفك بكل صدق وصراحة؟؟؟

وسؤال للفتيات

لو إنتي جالسة مع صديقتك وأرادت مصارحتك في موضوع هام وخاص بها وكانت هي مترددة وبعد إقناعها بمصارحتك
.
.
.
.

.
.
.
.
.
.
.
.
.
.
.
.
.
.
.
.
.
.
.
.
.
.
.
.

.
إكتشفتي بأنها تحب نفس الشخص الدي تحبيه أنتى فماذا يكون موقفك بكل صراحة

laial1987

اسفة بس تخربطط بئسم لموضوع
هوة سؤال وبدي لكل يجاوب علي بصراحة

هلق حسب اذا هو بحبا الها بتركو لو انا بحبو شو بدي اعمل
بس اذا بحبني ما بتخلى عنو لو شو ما صار
يعني موقفي بتوقف ع الشب
مشكوووووورة ليال موضوع مميز

إكتشفتي بأنها تحب نفس الشخص الدي تحبيه أنتى فماذا يكون موقفك بكل صراحة

بتعرفي نمل جسمي من هالسؤال ولو ههههههههه

والله الصراحة اذا هيي بتحبو وانا بحبو بترك الخيار اله هوي

يعني ع قد ماببحبو ومابدي اخسره ع قد مابحب اني اسعدو حتى لو كان مبسوط مع غيري

فا اذا اختار هديكي البنت ومبسوط معه مارح امنعه . هيك الدنيا نصيب

بس اذا بعرف انه مابحبا وهيي حبيته اله كاعجاب فيه بصارحا اني انا بحب هالشخص

وانه تحاول تتركو وتبعد عنه

مشكورة ع موضوعك

امممممم لزيز هالموضوع والالز اني عشتو لهيك رح جاوبك باللي انا عملتو
تفاجأت مرة انو رفيقتي بتحب نفس الشخص اللي انا بحبو وتصرفي كان كتير غريب لانو انا قلت للشخص انو فلانة بتحبك وحاولت قربو منها وهو رفض هالشي وقلي انو ما بيحبها وبيحبني الي وهي الو مجرد صديقة ولهيك انا كفيت معو وتعبت لانو كتير كنت خاف على مشاعرها وحاولت انهي القصة بس ما قدرت وبقيت معو لانو هيي عم تنساه ولانو بيحبني الي وما بيحبها الها
مشكوووورة ليال الموضوع كتير حلو

والله هاد بيعتمد عليه هو مين بحب وبمين بيهتم وهلى هالاساس انا بتصرف.

شكرا كتير ليال

ممممممممممممممم بتحب الشخص يلي بحبه

بقلا طيب وهالشخص بيحبك؟؟؟

ممممممممم جواب الشخص هاد هو يلي بيحدد موقفي

نينا
رورو
ليناي
سالي لغرام
ليا

هالشي بعود للشخص واذا بحبا الها

الله يهنين

وانا بنسحب بكل هدوء

مشكورة ليال1987

قمر

رفيقتي تحب الشخص اللي أنا بحبو......
بصرااااحة مستعدة أترك الشب اللي بحبو من شان ماأشعر لحظة أنو في حدا عم يشاركني حبيبي مافيني فكر مجرد تفكير بهالموضوع
بدي الشخص اللي بحبو الي وحدي بس....
شكراا كتير الك

وانا من راي الصبايا موقفي بيوتقف على راي الشب
إذا كان هوو معجب فيها او بيستلطفها انا بنسحب من الموضوع من دون ماسبب اي أذى للطرفين

مشكورة ام اللول تقبلي مروري

إكتشفتي بأنها تحب نفس الشخص الدي تحبيه أنتى فماذا يكون موقفك بكل صراحة
بصراحة وعنجددددد
أذا كانو بيحبو بعض جواب بدي لكل يجاوب علي بصراحة 168675

الله يهنيون بعض
بس أكيد بكون طعميتون كم كلمة مرتبة من هاللي بتعجبون

والله للاسف الشديد رح اضربو بأي شي بيطلع بوشي بعرف تصرفي مو صحيح

بس انتي طلبتي الصراحة........
مشكورة ليال بس ممكن اعرف شو عمرك ههههههههههههههههههههههه

جواب بدي لكل يجاوب علي بصراحة 23963114bc7

جواب بدي لكل يجاوب علي بصراحة 23963114bc7

بصراحة بنسحب شو بدي بوجع الراس
والله يهنين ببعض

مشكور

[center]هلا جورجينا
punisherههههههههههه لاحقني لهون
banosha
الوردة الدمشقية
nana13

صدقاً وبكل صراحة أنا صار معي هاد الموقف ... اجا صديق لعندي ودخلتو لعندي عالبيت واكتشفت بعد سنتين من الزمن أنو بيحب اختي ... واختي كمان بتبادلو نفس الشعور ... انا لا ضربت ولا شلت ولا حطيت ولا عملت ... مسكت التنين وقلتلهن وبعد الحب شو في ؟؟؟!!!

التنين نطقو بصوت واحد بدنا نتزوج ... والحكي كان قدام والدتي صدقاً ... بس أول ما خبرني الشب انو هوي بيحب اختي حكيتو جملة ظريفة يمكن ما حدا بيتوقعها ... قلتلو اي انا شو فيني اخدمك بس ؟؟ .. كان جوابو ولا شي يعني موافق ؟؟ قلتلو لنشوف الظروف والله يقدم يلي فيه الخير ... وبعدها صار وجمعتهن قدام الوالدة وصار الكلام ... وبالفعل هلأ متزوجين وساكنين ببيت لحالهن واختي حامل هلأ .... انشا الله بكرا بس تولد لجبلكن احلى حلوان والله
بعتقد انا يلي عملتو غلط ... بس ليش الضرب والسب والشتم أنا ماني مع هيك فكرة ابداً ... ولو أبي موجود صدقاً كان اتصرف عكس ما اتصرفت انا تماماً بس لحسن الحظ أبي مسافر وصرلو تاركنا 18 سنة والسنة هي لحتى شفتو ... ومشي الحال وانشا الله كلو خير

تقبلو تحياتي

Cadosh

مشكور Cadosh
ويلا عم استنى لحلوان
ونشالله تقوم بل سلامة وانا معك بل شي يلي عملتو برافو عليك
laial1987

أنا كمان رأيي من رأي الصبايا
بس كيف حتتأكدوا انه حبيبك بحبك الك ومابحبها الها ؟
ممكن الجأ لأسلوب معين واكتشف بنفسي حجم حبه لالي أو لرفيقتي
بدون مااسأ له
وبعدها بقرر شو أعمل اذا تأكدت انه بحبني حصارح رفيقتي والها انه هالشاب مستلطفك استلطاف وبحب وحده تانيه
وبنصحها ما تعقد امال على أوهام فاضيه
وبطلب من الي بحبه يصارحها ويأيد كلامي
مشكوره ليا

» مين يلي رح يجاوب بصراحة
» اسئلة وبتمنى من لكل يجاوب بصراحة
» أسئلة جريئة وبتمنى من لكل يجاوب بصراحة
» اسئلة صمت الليل اللي بدو يجاوب يجاوب بصدق
» حدا بيئدر يجاوب؟