اسئلة للنقاش بين الشباب والبنات

1- ماسبب مضايقة الشاب للبنت في الاسواق
وهل تعتقديين ان الشاب هو من يبدأ بمعاكسة البنت

الشباب اللي بضايق البنات بالطريق هنن شباب فاضيين او عم يتسلو مع رفقاتن مو اكتر يعني ما بهمو مين البنت اللي عم يضايقها.

2- ماسبب عدم احتشام البنات اثناء خروجهن
في بنات بيعتبرو هالشي ضمن الموضه اللي هي لازم تمشي عليها وفي بنات بكون غرضن بس لفت النظر وانه تكون حلوه بعيون كل العالم.
اكيد الفضائيات الها دور كبير لانه هي اللي عم تروج لهي الموضه والتقليعات.

3- هل تدخل اسرتك في انتقاء ملابسك يضايقك
ويحسسك بعدم الرضا عن نفسك وهل تعتقدين ان ملابس
البنت تفرض الغير على احترامها
انا اهلي ما بيتدخلو بس اذا انا حسيت انه في شي مو رضيانه عنو بلبسي اكيد باخد رايهن. طبعا ملابسها وطريقه تصرفها هي اللي بتفرض على الغير انه يحترموها لانه بتكون جزء من شخصيتها ككل.

4- مامدى تاثير صديقاتك على طباعك وشخصيتك
بالصداقه انا بحب اني استفيد من الايجابيات اللي موجوده بالشخص وحاول طبقها بحياتي وكمان استفيد من سلبياته بحيث اني ما اوقع فيها وهالشي اكيد بساعدني كتير حتى اوصل للصوره اللي انا بدي ياها ولفهم اوسع للحياه.

1- ماسبب مضايقة الشاب للبنت في الاسواق وهل تعتقديين ان الشاب هو من يبدأ بمعاكسة البنت
بصراحة ما فيني اعتبرن شباب اللي بيعملو هيك انا بحسن ناس فاضيين وتافهين وكتير سطحيين

2- ماسبب عدم احتشام البنات اثناء خروجهن هل تعتقدين ان التفتح هو سبب ظهور هذه الفتن مثل الكليبات والفضائيات الهابطة
هلق انا بصراحة برايي البنت حرة وتلبس متل ما بدها بس بحدود والبنات اللي بيطلعو فوق الحدود بيكونو حابين يلفتو النظر وكتير مسترخصين حالون او عم يغطو على نقص فين بانو يجذبو الشباب بهالطريقة التافهة وما دخل التفتح لانو التفتح مو يعني الفلتان وقلة العقل وهدول تبع الكليبات اللي هيك هنن ناس تافهين بدون يوصلو للشهرة ولو كانت شهرة بالمياعة

3- هل تدخل اسرتك في انتقاء ملابسك يضايقك ويحسسك بعدم الرضا عن نفسك وهل تعتقدين ان ملابس البنت تفرض الغير على احترامها
والله اهلي ما بيتدخلو بلبسي لهيك لا بدايقن ولا بيدايقوني
بالنسبة لانو الملابس دخلها بالاحترام لا هالشي مو قاعدة لانو كتير شفت بنات فيميه كامل ومع هيك مستواهن كتير متدني وما بيحترمو حالن وشفت بنات كتير سبور واخلاقن كتير عالية وفارضين على العالم احترامن (اصلا اللبس حرية شخصية وبعمرو اللبس ما بيكسب صاحبو احترام او بيخليه يفقدو)

4- مامدى تاثير صديقاتك على طباعك وشخصيتك
ما بيأثرو لا عطباعي ولا على شخصيتي ممكن يأثرو على قراراتي اذا كانت وجهة نظرن اقوى وواقعية اكتر من وجهة نظري


مشكووورة ليا موضوع حلو

1- ماسبب مضايقة الشاب للبنت في الاسواق وهل تعتقديين ان الشاب هو من يبدأ بمعاكسة البنت
اكيد الشب هوي اللي ببلش نادرا ما تكون البنت هي سبب المعاكسة والشب برايي بعاكس البنت لانو قليل ذوق وعديم بنات واكيد ما بخاف على اخواتو البنات لحتى يعاكس .
- ماسبب عدم احتشام البنات اثناء خروجهن هل تعتقدين ان التفتح هو سبب ظهور هذه الفتن ل الكليبات والفضائيات الهابطة
لا مو التفتح السبب برايي السبب قلة ثقتن بحالن وقلة تربايتن اما الفيديو كليبات والفضائيات الهابطة بتاثر على ضعاف العقول والتافهيين والمراهقين 3- هل تدخل اسرتك في انتقاء ملابسك يضايقك
ويحسسك بعدم الرضا عن نفسك وهل تعتقدين ان ملابس
البنت تفرض الغير على احترامها
انا اهلي الحمدلله ما بيتدخلو بلبسي ابدا انا حرة بشو بلبس وبشو ما بلبس
وهنن لو ما عندن ثقة بلبسي اكيد كانو منعوني منو يعني لبسي ضمن الحدود ,,واكيد لبس البنت بيفرض على الناس تحترما مين ما كانت تكون وشو ما كانت شخصيتا.
4- مامدى تاثير صديقاتك على طباعك وشخصيتك
ما باثرو ابدا على شخصيتي وعلى طباعي بس بحب اخد براين اذا كنت طالبتو وبرايي الصديقة الجيدة ما بتعطيكي راي مو صريح
شكرا ليا تقبلي مروري