هل تخجل بأن يكون لك أصحاب من ذوي الإحتياجات الخاصة ؟

اهليييين محمد

والله موضوع مهم يسلم ايديك

انا بالنسبه الي ما بخجل بالعكس كتير بحاول اهتم فيهن.
وانا بعرف بنت التقيت فيها مره معها شلل رباعي من حادث سياره يمكن هي البنت علمتني شغلات ما في كتاب ولا شخص بالدنيي بيقدر يعطيك ياها. مع كل شي بتعانيه ما حسيت بيوم انه هي متضايقه او بتتنكد من وضعها مع انه الحادث ما كان غلطتها
وغير هيك حبها للحياه وسعادتها فيها وكمان محاولتها انه تضل دائما عضو فعال بامور كتير بحسسك انه انت عقلك صغير وانه انت وين وهي وين.
فعلا علمتني انه مهما مرق عالانسان هو اللي بيقدر يتخطاها ويعيش حياته ويشكر ربه حتى على شغلات نحنا بنشوفها مسلمات وبس
انا كتير كتير بحترم هالناس وبحترم كتير فيهن عزتن بنفسن وقدرتن على مواجهه كل الصعوبات وبفتخر انه يكون الي صديق او صديقه منن. واكيد بتعامل معهن بشكل كتير عادي لانه انا عم اتعامل معه كبني ادم مو كصوره او جسد هو بني ادم متلي متلو عنده عقل واحساس عالي.

أكيد ما بخجل بنوب
وبحاول أد ما أأدر أني عاملهن بلباقة وطبيعية و تلقائية متل الناس العاديين

سؤالك كتير مهم لالنا وسؤالك يمكن بيعكس شخصيتك المميزة
انا بالنسبة الي اكيد مابخجل يكون عندي صحاب هيك
وانا الي رفيق عندو نقص عنجد لما شوفو واحكي معو
بنبسط كتير وبكون مرتاح كتير
هوة عندو مشكلة انو ما بيحكي
بصير بحكي انا وياه بالاشارة ومنضحك كتير كاني قاعد مع ايا رفيق تاني
وانا بحترم كتير هي العالم واكيد مابخجل فين