مسألة بسيطة بس بدها مخ مفتح

موضوع: مسألة بسيطة بس بدها مخ مفتح 22/2/2009, 6:10 pm

رح حطلكم مسألة بسيطة إن شاء الله تقدرو تحلوها

نص المسألة :

رجل لدية عشر صناديق في كل صندوق 10 كرات صغيرة وزن كل كرة من الكرات 10 غرامات
إلا صندوق واحد من الصناديق العشرة فيه 10 كرات لكن وزن كل كرة من هل عشر كرات هو 9 غرامات

بالنتيجة وبالمختصر في عشر صناديق كل صندوق فيه عشر كرات وزن كل كرة 10 غرامات إلا صندوق واحد وزن الكرات يلي فيه 9 غرامات

السؤال:
كيف يمكنك معرفة هاذا الصندوق من بين الصناديق العشرة باستخدام ميزان حساس ( الميزان الذي يعطينا وزن الكمية التي تزنها بالأرقام كميزان الصائغ مثلا )
كيف يمكنك معرفة هذا الصندوق باستخدام هاذا الميزان مرة وحدة بس

لايحق لك استخدام هذا الميزان غير مرة وحدة بس وعليك تحديد الصندوق الذي به الكرات التي وزنها 9 غرامات

وإن شاء الله تقدرو تحلوها
يالله ورجونا همتكم

مسألة بسيطة بس بدها مخ مفتح 808396527

انا عندي فكرة ويمكن صح ويمكن غلط

وبصراحه انا ما فكرت كتير منيح
بس هيك خطر ببالي فورا

بنحط كل الصناديق عالميزان .... وبنشيل واحد واحد
للعلم انه كل صندوق وزنه 10كرة×10غرام=100 غرام
والعدد الكلي لوزن الصناديق اللي فيها 10 كرات اللي وزنهم 10 غرامات هي = 900 غرام
والصندوق اللي فيه 10 كرات وزنهم 9 غرامات هي = 90 غرام
يعني المجموع الكلي عالميزان هوي 990 غرام
ولما بنشيل صندوق وبينقص 100 بنشيل اللي بعدو وبينقص 100 وبنشيل اللي بعدو لحتى ينقص الوزن 90 غرام
وهيك بنعرف اي صندوق منهم اللي بيحتوي على 9 غرامات وبنكون استخدمنا الميزان مره وحده

نشالله يكون صح
ميرسي عالمسأله حلوة

شكرا كتير البنت الحلوة
بس الحل مو صح يا حلوة
لأن إنتي هيك استخدمتي الميزان أكتر من مرة

(إنتي عم تشيلي صناديق من على الميزان وعم يتغير كل مرة رقم الوزن وهيك أنتي ممكن تستخدميه 9 مرات لحتى تعرفي الجواب لأن ممكن يكون الصندوق الأخير هو الصندوق يلي وزن الكرات فيه 9 غرامات )
وأنا لما قلت مرة وحدة يعني لازم يعطيكي الميزان رقك واحد بس
ومن هادا الرقم تقدري تعرفي الصندوق يلي وزن الكرات فيه 9 غرامات

بس محاولة حلوة البنت الحلوة فياريت تحاولي معي مرة تانية لتوصلي للحل
وشكرااااااااااااا

يااااااااااااااااا زعرااااااااااا يا ميرنااا
انا عرفت الجواب لما رجعت قرأت السؤال
بالنتيجة وبالمختصر في عشر صناديق كل صندوق فيه عشر كرات وزن كل كرة 10 غرامات إلا صندوق واحد وزن الكرات يلي فيه 9 غرامات

يعني أكيد لما بشيل الصناديق اللي قدامي رح يبين معياي اخف واحد فيهم واللي هوي وزنه 9 غرامات

كهكهكهكهكهكه
وبحطو عالميزان مره وحده ههههههههههههههههه
يا زعرااااااااااااا

تقبلي مروري

لا يا زعراا لا أنا عم حزرك حزورة منطقية وبدها مخ مو حزازير ولاد صغار
هههههههههههههههههههههههههههه
حلك غلط يا قمرة حاولي مرة تانية

يسعدلي أوقاتك اخت ميرنا اول شي

ومرحبا تاني شي

ممكن قلك انو بجد الفكرة صعبة شوي
بس انشا الله قدرت اني لاقي الحل ..... رح اكتب الحل وتمعني فيه أوك:

رح ناخد من الصندوق الاول كرة وحدة ... والتاني كرتين ... والتالت 3 كرات .. والرابع 4 كرات ... والخامس 5 كرات ... والسادس 6 كرات ... والسابع سبع كرات ... والتامن 8 كرات ... والتاسع 9 كرات ... والعاشر 10 كرات .
بالبداية منحط كل الكرات عالميزان يلي حكيتي عليه انتي وهي الاستخدام الوحيد للميزان ... فالمفروض لو كل الكرات بحجم واحد يعني 10 غرامات لازم يطلع عنا الوزن الإجمالي لكل الكرات يلي سحبناها هوي 550 غرام ... بهيك حالة لو طلع عنا وزن الكرات يلي حطيناها عالميزان 549 فبيكون الصندوق الأول هوي صندوق العشر كرات يلي فيه كل الكرات 9 غرام .. لأنو سبق وأخدنا اكرة وحدة من الصندوق الأول ونقص عنا بمقدار غرام واحد يعني كرة وحدة.
ولو طلع عنا 548 الوزن الإجمالي للكرات ... بهيك حالة بيكون الصندوق يلي فيه 10 كرات كل وحدة 9 غرام هوي الصندوق الثاني لأنو نقص عنا بمقدار غرامين ونحنا أخدنا من الصندوق التاني كرتين وهنن يلي نقصو الغرامين من الوزن الإجمالي ... ولو طلع عنا الوزن 547 غرام بيكون بهيك حالة بيكون الصندوق يلي فيه 10 كرات كل وحدة 9 غرام هوي الصندوق التالت لأنو نقص عنا بمقدار 3 غرامات يلي هنن بعدد الكرات ال 3 يلي اخدناها من الصندوق التالت وهيك لحتى نوصل للأخير فلو بيبقى عنا الوزن الإجمالي للكرات يلي أخدناها من الصناديق هوي 540 غرام بهيك حالة أكيد منكون عرفنا انو الصندوق الأخير صاحب الرقم 10 هوي الصندوق يلي فيه الكرات ال 10 يلي وزنها 9 غرام ... وبكل بساطة منقدر نعرف الصندوق على عدد الغرامات الناقصة من الوزن الإجمالي فبيكون عدد الغرامات الناقصة هوي زاتو عدد الكرات المأخودة من الصندوق الأول أو التاني أو التالت أو .... أو ....

بتمنى تكوني فهمتي عليي الحل ... وأنا واثق انك فهمتيه ... ولو بدك شرح تفصيلي أكتر برجع برد عالموضوع من اول وبشرح شرح كتير وافي

تسلم ايدك ميرنا وربي ما يحرمنا منك يا حئ

تقبلي تحياتي

Cadosh

برافو كادوش
صح مية بالمية
الله يقويك وانتظر مسألة تانية قريبا
وهي أفتتاحية الألغاز يعني أسهلهم
هههههههههههههههههههههههههههههههههههههههه
مسألة بسيطة بس بدها مخ مفتح Animated%20Cinderella%20doll%20in%20pink

مسألة بسيطة بس بدها مخ مفتح Animated%20Cinderella%20doll%20in%20pink

يا ويلي هي الأسهل وبقيت فكر فيها كتير منيح ... كيف يلي بعدها الله يجيرنااااااااااا

تسلمي يا رب وانا بانتظار الجديد

» الي بدها تدفي رجليها ........ تدخل
» الي بدها تنحف اي منطقة من جسمها تدخل بسرعة
» مسألة رياضيات
» نقد كتاب مسألة في شرح خبر (إن حديثنا صعب مستصعب)
» التأصيل في مسألة حكم أخذ جنسية بلد كافر