عاشق الأسد

موضوع: عاشق الأسد 1/3/2009, 4:02 am

مرحبا للكل

ليا

أيمت بتفكري أنك تتخلي عن النت بحياتك ؟؟

سالي

شو معايير الشب الي انتي بتعتببريه شب كتير منيح بنظرك ومين من الشباب الي هون بتشوفيون هيك

نينا

أخوكي الي بالمنتدى الو رتبة مهمة هون وكل العالم بيعرفوه شي؟؟؟

ليناي

انتي قيمي حالك فلسفيا ... يعني حكي عن حالك بنظر حالك اذا انتي بنت كويسة , ذكية , حلوة , بشعة ....الخ يعني اذا في شي غير هيك تحكي عنو

نانا 13

_أول مرة شفتيني فيا شو كان انطباعك؟؟
وتاني مرة شو ... الخ يعني لآخر مرة؟؟

_لوين بتحبي توصلي بحياتك , يعني شو بتحبي تعملي بعدين ,أنو تتجوزي وتقعدي بالبيت , ولا تعملي شي مميز وتصيري شي مهم بالمجتمع, واذا هيك شو هوي الشي الي انتي ممكن تعملي بحياتك

بنوشة

_أول مرة شفتيني فيا شو كان انطباعك؟؟
وتاني مرة شو ... الخ يعني لآخر مرة؟؟

_هدوئك بيحيرني بصراحة ... انتي لما بتكوني عم تسمعي وما عم تحكي , شو بتكوني عم تعملي وبشو عم تفكري
ممكن تكوني بتقيمي الحديث أو بتحكمي عالمتحدث ؟؟

_هل انتي وقفتي هون بحياتك ولا ممكن تعملي شي اسا على الصعيد المهني؟؟

موضوع: رد: عاشق الأسد 1/3/2009, 8:24 am

سالي

شو معايير الشب الي انتي بتعتببريه شب كتير منيح بنظرك ومين من الشباب الي هون بتشوفيون هيك

من معاير الشب يلي بتعتبرن شب بكل معنة الكلمة اول شي الصدق يلي هوي فيه
وتاني شي والاهم الاخلاص سواء لحبيب او الصداقة
وتالت شي مايغدر لاحبيبته ولا الصديق

والشخص بالمنتدى يلي بش وفن هيك من الاعضاء احلى واعز اخ نيكولاس
لاني ولامرة شفت منه لا خيانة صديق ولساني بشوفو الشخص المخلص ع الكل وجدي كتير وصادق وبيحكي من قلب من دون مايجامل او يكذب

فيه شخص تاني مابحب قول مين وشو اسمه هاد عزيز علي كتير كتير وفيه كل المواصفات الشب المثالي بالنسبة الي

مشكور ع اسئلتك ابن العم حلوين

موضوع: رد: عاشق الأسد 1/3/2009, 11:53 am

نينا

أخوكي الي بالمنتدى الو رتبة مهمة هون وكل العالم بيعرفوه شي؟؟؟

مممممممممممم لا لا اخي مانو مشرف او شي بس عضو

وماحدا بيعرفه انو اخي

موضوع: رد: عاشق الأسد 1/3/2009, 12:38 pm

مشكورين كتير نينا وسالي
بس يا نينا ما خرط مشطي هالحكي خخخخخخ

موضوع: رد: عاشق الأسد 1/3/2009, 5:07 pm

ليا

أيمت بتفكري أنك تتخلي عن النت بحياتك ؟؟

لما رح ارتبط لانو ما بعود الو معنى فوت ع النت
وانا بحب كرس كل لحظة من وقتي لبيتي وعيلتي
لاني بكون انتقلت لحياة جديدة
ورح تكون ختام هي المرحلة بتركي للنت

عاشق الأسد 2212

موضوع: رد: عاشق الأسد 1/3/2009, 5:21 pm

_أول مرة شفتيني فيا شو كان انطباعك؟؟

اول مرة : شب شايف حالوخخخخخخ

وتاني مرة شو ... الخ يعني لآخر مرة؟؟اما

تاني مرة: شب كتيير أكابر وشخصيتك حلوة ومانك شايف حالك........

_هدوئك بيحيرني بصراحة ... انتي لما بتكوني عم تسمعي وما عم تحكي , شو بتكوني عم تعملي وبشو عم تفكري

ممكن تكوني بتقيمي الحديث أو بتحكمي عالمتحدث ؟؟

لا أنا هي طبيعتي هادئة وما بحكي كتييير

وبدي كذا مرة حتى اخد وج عالشخص وانتو مابتتركو فرصة للواحد يحكي ههههههههههههه

_هل انتي وقفتي هون بحياتك ولا ممكن تعملي شي اسا على الصعيد المهني؟؟

لا اكيييييد مارح وقف بس هالسنة كانت استراحة وناوية انشالله سجل فرع بالجامعة ......

شكراا ابن العم على هالاسئلة الحلوة

موضوع: رد: عاشق الأسد 1/3/2009, 8:21 pm

نانا 13

_أول مرة شفتيني فيا شو كان انطباعك؟؟

هلق ابن العم أول مرة بصراحة بصراحة مانزلتلي على معدة ههههه ....ما بعرف حسيتك شب نفسية
وتاني مرة شو ... الخ يعني لآخر مرة؟؟
هلق بعدين صرت اعرفك اكتر وحسيتك شب فهمان ومثقف ...وكتير حبيت شخصيتك
_لوين بتحبي توصلي بحياتك , يعني شو بتحبي تعملي بعدين ,أنو تتجوزي وتقعدي بالبيت , ولا تعملي شي مميز وتصيري شي مهم بالمجتمع, واذا هيك شو هوي الشي الي انتي ممكن تعملي بحياتك
انا بنت كتير طموحة ..هلق مافي بنت ما بتحلم تتزوج بس مو اني اقعد بالبيت ...انا حابة كمل بعد الجامعة وبتمنى تصرلي فرصة سافر وكمل دراسة برا سوريا(انشالله يا رب تتحقق امنياتي)
شكرااااا كتير ابن العم

موضوع: رد: عاشق الأسد 1/3/2009, 9:03 pm

هلا فيكون كلكون نورتو

موضوع: رد: عاشق الأسد 2/3/2009, 4:53 am

ليناي
انتي قيمي حالك فلسفيا ... يعني حكي عن حالك بنظر حالك اذا انتي بنت كويسة , ذكية , حلوة , بشعة ....الخ يعني اذا في شي غير هيك تحكي عنو

اممممم كتير عفكرة بكره احكي عن حالي بس رح جاوبك
برأيي اني انسانة زكية وحلوة وطموحة وبتعرف شو بدها، بفهم العالم بسرعة وصعب كتير حدا يفهمني ، اهل للثقة بس صعب اثق بالعالم الا اذا عرفتن منيح، بحب اخفي معالم الانوثة وبحب بين جفصة وبين انو غليظة لخبي طيبة قلب ما بتمنى حدا يستغلها اكتر شغلة بشوف العالم بيكرهوها فيني وانا بحبها انو كتير نظرتي سلبية بالاشخاص او بالحياة لانو بحب حط الاحتمال السيء دايما مشان ما اتامل على الفاضي وانصدم بالواقع ، بحب عامل الناس بطريقة تفكيرن وكتير عالم قليلة اللي بتعرفني متل ما انا ، عندي فلسفتي الخاصة بالحياة واسلوب خاص كمان بالتفكير وبالتعامل لدرجة انو في كتير عالم بتفكرني عم اعمل شي لمجرد الغلاظة بس انا دايما الي قصد من اي شي بعملو حتى الاستغباء بيكون من وراه قصد
بيكفي يمكن ما؟؟؟؟؟؟ ما بعرف انو بس هي الاشيا اللي هلق خطرت على بالي
عاشق كنت بدي اسرق هالسؤال وحطو لكل الاعضاء بس ضميري ما سمحلي(الله يخلصني منو هههههه) بقا حابة اطلب منك تحط هالسؤال بشكل عام لكل الاعضاء لانو كتير عجبني وحابة شوف اجوبة الباقي

موضوع: رد: عاشق الأسد 2/3/2009, 3:07 pm

يا ستي انتي كفيتي ووفيتي بجوابك وأنا هيدا الي كنت متوقعو منك وهلق رح ينزل السؤال لكل الأعضاء
مشكورة كتير ليناي

موضوع: رد: عاشق الأسد 2/3/2009, 3:10 pm

مرحبا للكل
سؤال عام مهم للكل
كل واحد يقيم حالو ويحكي عن حالو متل ما هوي بيشووف شخصيتو والي بدو يتفلسف كمان يتفلسف بيكون أحسن
يعني كل واحد يقول الصفات الي هوي بيشوفا بحالو ( مو الصفات الي بيتمنى تكون موجودة فيه ) لأنو كتير عالم بتحكي متل ما بتتمنى يكون

وناطركون كلكون

موضوع: رد: عاشق الأسد 2/3/2009, 3:39 pm

مرحبا للكل
سؤال عام مهم للكل
كل واحد يقيم حالو ويحكي عن حالو متل ما هوي بيشووف
شخصيتو والي بدو يتفلسف كمان يتفلسف بيكون أحسن
يعني كل واحد يقول الصفات الي هوي بيشوفا
بحالو ( مو الصفات الي بيتمنى تكون موجودة فيه ) لأنو
كتير عالم بتحكي متل ما بتتمنى يكون

اممممم اجمالا ما بعرف عبر عن شخصيتي

بس فيني قول انا بنت حساسة من الدرجة الاولى

مزاجية شوي .. احيانا متشائمة شوي

بس لما بكون رايقة ماحدا معكرني مافي اروق مني

ومافي حدا محشش ادي

بحس انو عقلي كبير يعني تفكيري اكبر بكتير من تفكير البنات يلي قدي

طيبوبة بتعاملي مع الكل - الا - الناس يلي بتلف وبتدور عليي

محبوبة كتير بمجتمعي بشكل عام

بحن كتير لتكوين عيلتي الخاصة فيني وبحن كتير لحتى صير ام لبنت خص نص

بحب الاطفال كتييييييييييييررررررر

وخصوصي اذا بنت هيك صغيرة كربوجة ههههههه

احيانا الناس يلي بيلتقو فيني للمرة الاولى بيفكروني مغرورة

بس على دائما بعد كم يوم من التعارف بيقلولي عنجد كنا غلطانين

ممممم يعني هدول الصفات يمكن يلي بحسن قويين كتير فيني

موضوع: رد: عاشق الأسد 2/3/2009, 3:46 pm

الله حيووووو
بلشنا
هلا بربك نينا
و شكرا لصراحتك

موضوع: رد: عاشق الأسد 3/3/2009, 1:58 pm

ممممممممممممممممم عاشق والله سؤال صعب كتير
انا شو بحكي عن حالي
انا بحس حالي قوية ببعض احيان وبعض احيان لاء
حساسة كتير ازا كان الموضوع جد يعني من اقل كلمة او انزعاج ببكي
بس بنفس الوقت لما حدا بحكيني كلمة بتزعجني كتير ومابعرف رد حتى لو عم ابكي بضحك
يعني مجنين اللهم عافينا
ههههههههههه
جد بكره هالصفت فيني يعني مابعرف عبر عن انزعاجي منيح
يعني فيك ئول انا مجموعة من التناقضات
بس بصدق بسرعة بس بكره الي بيكزب عليي ومابحب اكزب على حدا
يعني بلا ما بالغ بحس البي طيب والله العظيم حبابة
بشكل عام بحب الرياضة كتير بحب تابع يعني
بحب الموفيز بس امريكي اما عربي مابطيئن
بس يعني هاد الي بتكرو عن حالي
هههههههههه

اي عاشق حكيلنا انت عن حالك
يعني مارح تنفد ها دير بالك

موضوع: رد: عاشق الأسد 3/3/2009, 2:34 pm

هههههههههههههههه جورجينا
مشكورة كتير
ورح احكي لا تخافي

موضوع: رد: عاشق الأسد 3/3/2009, 2:42 pm

سؤال عام مهم للكل
كل واحد يقيم حالو ويحكي عن حالو متل ما هوي بيشووف شخصيتو والي بدو يتفلسف كمان يتفلسف بيكون أحسن
يعني كل واحد يقول الصفات الي هوي بيشوفا بحالو ( مو الصفات الي بيتمنى تكون موجودة فيه ) لأنو كتير عالم بتحكي متل ما بتتمنى يكون
]ممممممممممممم
بنت كتيير حساسة جداا
قلبي طيب كتيير (شو بدي أعمل)بس مابحب بين هالشي لمين ماكان
العالم الي بتشوفني اول مرة بتقول(شوهالبنت مابتحكي بضل ساكتة)صرت سامعتا 100مرة أنا بحكي متلي متل غيري بس بدي فترة منيحة تاخد عالشخص وجه
باخد نظرة عالشخص من اول مرة؟
عصيبة شوي صغيرة لمتا ماحدا بيفهمني
بس
مافي أروق مني
بقرأ كتيير كتب أدبية وروايات
بكره الكذب واللي بيكذب كتيير
صبورة كتييير لدرجة ماحدا بيتصوراا
برسم كتيير منيح (مواهب مخفية) وانشالله بحقق الي بحلم فيه

ماكتيير بحب احكي عن حالي بس مناح هيدول
وانت كمان احكي عن حالك يالله
[/size]

موضوع: رد: عاشق الأسد 4/3/2009, 10:28 am

كل واحد يقيم حالو ويحكي عن حالو متل ما هوي بيشووف شخصيتو والي بدو يتفلسف كمان يتفلسف بيكون أحسن
يعني كل واحد يقول الصفات الي هوي بيشوفا بحالو ( مو الصفات الي بيتمنى تكون موجودة فيه ) لأنو كتير عالم بتحكي متل ما بتتمنى يكون
هلق أصعب شي الواحد يحكي عن حالو وانا دائما بفضل اسمع اراء الناس فيي... بس يلا رح احكي ههههه...

هلق انا بحس حالي جريئة وصريحة كتير مع الناس التانين ...وعفوية كتير يعني اللي بقلبي بحكيه ...و صادقة بكل كلمة بحكيا مع الناس..هلق طبعاالانسان احيانا بيضطر يكذب بس ماياخدا عادة....هلق في كتير بيفكروني مغرورة ومتكبرة بس وقت يتعرفو عليي بيغيرو رأيون ..وعندي نظرة بالشخص يعني فيني اعرف مين بحبني ومين بيكرهني ومين بيغار مني وكلوووو ....بس اكتر شغلة بكرها فيي اني بعصب فوراااا اذا حدا بيغلط معي باقل شغلة....اي وبس
شكرااااااااااا كتير الك ابن العم

موضوع: رد: عاشق الأسد 4/3/2009, 11:02 am

يالله يا كريم كتر خيرا لجورجينا اللي خليتك ابن العم تطرح موضوع جماعي من شان شارك لاني حسيت حالي انقرضت صحيح طرحت موضوع الوداع بس البركة بالصبايا لما عم شوفون عم فوت على جنينتون ههههههههههههه

بالنسبة الي بحب الناس تعطي رايا فيني وتقلي صفاتي اكتر من انو احكي عن حالي بس الصفات اللي لابشوفا بحالي هيي:قوية وما بحب الغلط ولما بغلط مع حدا فورا بعتذر منو ما بحب الاساءة لحدا ابدا وفيني شغلة بحبا كتير واللي هيي الوفا تخيل انو لما شوف شخص لو ماني شايفتو غير مرة اذا شفتو بسلم عليه فورا لو مرة شفتو بس اللي بيزعجني انو بكون شخص بتعرفو كتير وبيمرق من جمبك ما بسلم عليك هيدا بيزعجني كتير ومستحيل انسا حدا بعرفو ابدا
ذاكرتي كتييييييير قوية وما بنسا الاساءة ابداااااااا حساسة جدا يعني متل ما بقولو دمعتي سخية ممكن من مشهد على التلفزيون اتاثر وابكي مممممممممم شو اسا كمان ما بعرف بس بحب الحياة وبحب الجنان كتير وما بحب الزعل وما بحب شوف حدا زعلان ابدا بحكي كتير ااااااااااااااااااااااااااا خخخخخخخخخخ بسيطة حسابك بعدين هههههههههه
ومتلي بحياة اضحك تضحك لك الدنيا
مشكور ابن العم

موضوع: رد: عاشق الأسد 5/3/2009, 4:58 am

هلا بنات عمي منورين
وبعدين يا ست روز شو حساب
مو أنتي عملتي توديعة
أنا قلت أنو ما رح تفوتي بقا متل ما حضرتك قلتي هديك المرة

موضوع: رد: عاشق الأسد 6/3/2009, 3:09 pm

طيب اوكي حيوتي ات مو مشكلة عادي سوري منك وااااااااااااااااع

موضوع: رد: عاشق الأسد 16/3/2009, 5:48 pm

وينكون يا جماعة
صحي السؤال الو زمان
بس ما شفت حدا
ومنورين كل الي شاركو

موضوع: رد: عاشق الأسد 16/3/2009, 8:59 pm

كل واحد يقيم حالو ويحكي عن حالو متل ما هوي بيشووف شخصيتو والي بدو يتفلسف كمان يتفلسف بيكون أحسن
يعني كل واحد يقول الصفات الي هوي بيشوفا بحالو ( مو الصفات الي بيتمنى تكون موجودة فيه ) لأنو كتير عالم بتحكي متل ما بتتمنى يكون

انا بنت متل باقي كل البنات قلبي طيب دايما بسامح واحيانا بلوم حالي على هاد الطبع

بحب كتير ادلل واتغنج

انا من نوع ما بضايق حدا ولا بزعج حدا

اكتر شي بحبو الصراحة يعني ما بحب كذب ع حدا ولا حدا يكذب عليي

قوية وقت اللزوم

ماني من النوع العصبية بس اذا عصبت بعصب كتير وبروق بسرعة كتير

بحب الرومنسية كتير

ممم شو كمان اهم الشي اني بكره الخداع

وانو شخص يطعني بضهري

بحب دايما اقدم شي جديد ومميز وبحب كتير اتعب ع حالي لحتى اعمل شي بحياتي

عاشق الأسد 2210

موضوع: رد: عاشق الأسد 22/3/2009, 6:12 pm

هلا لولي نورتي يا غالية

» عاشق الأسد الف مبرووووووك
» عاشق الأسد MY BEST FRIEND
» عاشق الأسد كل سنة وانت طيب
» عاشق الأسد ألف مبروك الاشراف
» انشا الله كل عام وانت بألف خير عاشق الأسد