وداعا روز

موضوع: وداعا روز 6/3/2009, 9:53 am

يا ريت تتراجعي عن قرارك لان ما في شي مستاهل

روز رح اتترك هلاء ما رح قلك شي

بس عندي امل ان رح ترجعي

روز كل ما نزلتي الموضوع بدي احذفه

بربي ما عم اتخيلك انه رح تتركي المنتدى

رح ضل احذفته كل ما نزلتيه

انا كل يوم الصبح بمين بدي اتصبح

موضوع: رد: وداعا روز 6/3/2009, 10:04 am

قمر بربك تفهميني خلص وحياتي عندك تفهمي علي

خلص انا قررت

اصدقائي منتدى شلة سوريا
انا قررت ودعكون

قضيت معكون وقت ما بنتسى ابدا

وكنت حس بهالمنتدى متل النافذة الصغيرة الي بطل منا لبلدي سوريا من ليالي غربتي من اميركا

بحب ودعكن بقلب حبكون لكلكلون
وبجوز يجي يوم وارجع من جديد بس بغير روز الي عرفتوها

وبدي قول لكل شخض ما بيعرف مين هي روز على المظبوط
لا تتسرعو بالحكم علي

انا بعرف اني جرحت عالم كتير بالشات وبالمنتدى
وعبيتون مسخرة وستصغرت كتير عالم وبهدلت الكل من اكبر راس لاصغر راس بهالموقع
بس انا ما عندي أي اعتذار قدمو لحدا ابدا
ولا عم انتظر اعتذار ابدا

وبدي قول لكل الي بحب روز يكتر خيركون
والي ما بحبني كمان يكتر خيركون

و روز البنت المغرورة والقاسية الي ما عندا رحمة بقلبلا لح تودعكن
روز الي ما بتهتم بمشاعر غيرا لح ترتاحو منا
روز الئيمة
روز الغريبة الاطوار
روز الي ما بشوف الامور ابعد من انفا لح ترتاحو منا
روز الي ما بتحطا واطية لحدا ....لح ترتاحو منا
روز الي قلبا حجر صوان بتقلكون باي باي

بتمنالكون كل التوفيق.

Rose

سلام

موضوع: رد: وداعا روز 6/3/2009, 10:44 am

ليش هيك يا روز

انا مو عرفان شو القصة بس على ما فهمت رح احكي

مستحيل نقبل تروحي وتتركي يا روز هيك لانه كلنا منعزك ومنكنلك محبة واحترام
والك وجودك المميز بكل مكان بتروحي عليه

ولو انا بعرفك غير هيك يا روز
يعني اذا حدا عطا رأيو فيني او قال شي معين رح يأثر فيني لهالدرجة

يلي بدو يحكم عليكي يحكم على حالو بس

مارح تقبل نهائيا يا روز
مارح نقبل
شو ما ساويتي ولو نزلتي الف موضوع

موضوع: رد: وداعا روز 6/3/2009, 11:17 am

و روز البنت المغرورة والقاسية الي ما عندا رحمة بقلبلا لح تودعكن
روز الي ما بتهتم بمشاعر غيرا لح ترتاحو منا
روز الئيمة
روز الغريبة الاطوار
روز الي ما بشوف الامور ابعد من انفا لح ترتاحو منا
روز الي ما بتحطا واطية لحدا ....لح ترتاحو منا
روز الي قلبا حجر صوان بتقلكون باي باي

اي ولا وحدة من يلي عم تقولين صح بس انتي بتورجي هيك بس قلبك ابيض متل الطفلة الصغيرة

هلق شو صاير ما بعرف بس يمكن يا روز وع ااساس انتي الاقوية بين البنات وبتنصحي البنات
ما بظن هاد قرار بيطلع من بنت قوية وانتي يلي كنت بالموقع من بدايتو وساهمتي ببنائو
قرار متل هاد ما حدا فينا لح يقبلو ومو ع كيفك عندك شي خصوصي بالبيت فيكي تغيبي فترة اذا ظروفك ما بتسمحلك بس هاد مو انو بخلينا نستغني عنك اوكي

القرار مرفوض
وبتمنى نفهم شو صاير سواء الشي خصوصي عندك بحياتك نقدر نساعدك لان كلنا شلة وحدة

........

موضوع: رد: وداعا روز 6/3/2009, 11:19 am

روز انا نزلت رد اول وحدة بس الظاهر قمر حذفتن

روز رح ارجع قول هالحكي مرفوووووووض مشان اله رجعي فكري يعني كيف منتدى بلا روز؟؟؟؟؟؟؟

موضوع: رد: وداعا روز 6/3/2009, 11:22 am

روز شبكي شو السبب ؟؟
الكل بحبك وانا اولون لا تتركي بربك
نحنا صرنا عيلة وحدة ليش رح تتركينا بس عطي السبب ؟؟
كان دايما الك طلتك المميزة بالشات بضحكتك
وبالمنتدى بمواضيعك المميزة يللي هيي من ابداعك الشخصي يللي صعب كتير ايا شخص يقدم متل ما انتي قدمتي
ما في روحة لانو نحنا كلنا منحبك هون وانا بعرفك روز القوية يللي ما بتستسلم لاي شي
رجعي روز وخليكي متل ما انتي
بحبــــــــك روز انتي بتعرفي غلاوتك عندي من حديث مرة صار بيناتنا
بدي فوت شوف مكتوب عودة روز وما رح ارضى غير هيك
ناطرتك

موضوع: رد: وداعا روز 6/3/2009, 12:34 pm

روز عم استناكي انا والاعضاء وان شاء الله ما تطولي

خليكي روز البنت ذات الروح المرحة القوية المحششه اللي الها حضورها المميز وين ما انوجدت
وانتي بتعرفي غلاوتك عندي ما نحنا تنين بواحد
رح اتركك هلاء بين ما تهدي

عم نستنى طلتك

نينا سوري منك لان وقت عم تنزل روز الموضوع عم ابكي ومو شايفة ادامي غير حذف

موضوع: رد: وداعا روز 6/3/2009, 12:47 pm

روز شو هالخبر هاد .. والله مابعرف شو بدي قول ..

بس مو روز اللي بتستسلم وبتترك كل شي وراها ..

والصفات اللي ذكرتيها مانها موجودة فيكي .. مابعرف شو السبب اللي خلاكي

تاخدي هيك قرار .. بس اللي بعرفو انو كلنا بنحبك .. وانا بصراحة مابتخيل المنتدى

من دون روز .. روز اذا النا معزة عندك رجعي فكري بالموضوع بهدوء وماتاخدي قرار سريع

المنتدى شو ذنبو انك تتركيه .. وفي حال انتي كنت مزعوجة من اشخاص معينين ... فبهالحالة

بتحققيلون اللي بدون اياه ..روز اي حدا مميز بدو يتحارب .. بس القوة انك تواجهي مو

تهربي ... روز ارجعي .. خدي فترة استراحة وفكري منيح بس رجعي

لان المنتدى من دون روز .. متل الزهرة من دون ريحة

انا عندي امل كبير انك ترجعي وناطرتك وماراح قلك باي

مع كل حبي روز

الحنين ...

موضوع: رد: وداعا روز 6/3/2009, 1:03 pm

روززززززززززززز شو هالحكي هاد ليي صحيح انا طرحت كمان موضوع الوداع بس متل مو شايفي كل ما عم يصرلي عم فوت لهون يعني مو دوام كل يوم هههههه

بعدين يا غالية اللي حكي عنك هالحكي واحد جاهل وعقلو قد الفستكة من الغباء لاتردي على حدا ابدا
نحنا هون كلنا نحبك والك معزة خاصة عندي روز بعدين بالعكس تمام انتي ما كنت شوفك الشات عم تزعجي حدا كلامك بضحك وبفوت على القلب كان وكنتي عنجد تشيلي اله من على القلب
وانتي وسالي اول بنتين تعرفت عليهن الشات بتتذكري ولا ذكرك حبيبت قلبي انتي
لا تتركينا كلنا بنحبك ووصفك عن حالك مو صحيح انك مجنونة ومغرورة ومدري شو كاتبي
لا بالعكس لا تتركينا اصلن الحنين لحالو رح يرجعك ولو كان في شخص واحد بس بعزك كافي ترجعي كرمالو بعدين كمان كرمال قمر ارجعي ما رح قلك كرمالي والله ببطل كمان انا فوت هااااا
ارجعي اي

موضوع: رد: وداعا روز 6/3/2009, 1:59 pm

روز ولي انا مع قمر انا مارح اقبل هالشي منك انت بالزات ابدا
روز مو معئولة انت القوية اللي مابتخاف من حدى تترك المنتدى منشان اي سبب
لك روز المنتدى بلا تحشيشك وموضيعك الحلوة ماحلو ابدا
لك روز انا لما فتت على المنتدى كنت انت موجودة وبلاكي اكيد بحس انو الشلة مو كاملة
وانو في شي نائصنا
روز بتمنى تتراجعي عن قرارك وتفكري منيح
حتى لو غبتي فترة بس المهم ترجعي بالاخر
روز ولي والله بقوصك لك شو تروحي ماتروحي
قمر انا معك انو تحذفي الموضوع كل مانزلتو

روز والله نحنا منحبك من البنا او ازا انا عم احكي عن حالي بس
جد مابتخيل المنتدى بلاكي

موضوع: رد: وداعا روز 6/3/2009, 2:55 pm

هاد الحكي مرفوض تماما روز

بحلفك بأغلى شي عندك أنو ترجعي وتفكري شوي

ولوووو بغلاوتنا عندك

جاري الأنتظار
هه

موضوع: رد: وداعا روز 6/3/2009, 4:33 pm

لي هيك بدك تساوي روز
معقول تتركي المنتدى وتنسينا كلنا
شو القصة
لي هيك
والله ما بتخيل المنتدى من دونك
وبعدين نحنا كلنا منحب روز المغرورة والمحششة
والي ما بتحطا واطية لحدة
وما بدنا ياها تروح
وما بدنا ياها تترك المنتدى
وارجو انك ترجعي عن قرارك لانو قرار بشع جدا
وارجو انك تضلي معنا بالمنتدى

موضوع: رد: وداعا روز 6/3/2009, 4:52 pm

.. وحياة الله أول مافتحت صفحة المنتدى .. استغربت عن اسم هالموضوع .. وقلت شو فيه
بيطلع فيو هيك كلام ومنك لك روز .. انتي ياروز .. انتي البنت القوية بكلمتها وبمواقفها بتكتب هيك كلام .. روز متل ماقالو الكل انتي اختنا ورفيقتنا .. لك الكل بيحبو روز وانتي شايفة ادامك كلام الكل معك وعنك .. بتتركي عيلتك لك روز .. بتتركي عيلتك التانية !! اخواتك !
روز انا بس بدي منك شغلة وحدة ترجعي لموضوع يومياتك فقط وماترجعي لغيرهن .. اذا هالموضوع ما اثر فيكي وخلاكي تتراجعي عن قرارك انا مابكون انا
يومياتك عشتيها معنا وعشناها معك بقلب واحد .. واحساس واحد .. وزعل واحد .. وفرح واحد .. لك تذكري غنية ياطــير .. غنيتك يلي بتحبيها لفيروز وكتبتيها هون
بالاخير كلام ما الو طعمة من مين ماكان.. بيأثر فيكي وبيخليكي تاخدي هيك قرار .. مع انو انا واثقة هي فترة تعصيب منك مو اكتر ..
روز لو بدنا نرد على اي كلمة بتزعجنا كنا ماطلعتا من باب بيتنا .. مو من المنتدى وغيرو بس
انتي انسانة عقلك كبير وواعية وراكزة وقريبة من القلب كتير ..قوتك الداخلية شفتها لما انتي بتنزلي متل هالموضوع وبرافو عليكي ..وبدي قوتك الحقيقية ترد على هالكلام ذاتو بقرارك يلي رح تاخديه ..
وروز الحقيقية أكبر من أنو ترد على هيك كلام وبتتخطى كل المواقف الصعبة متل ماعودتينا..

موضوع: رد: وداعا روز 6/3/2009, 5:23 pm

روووووووووووووووزاااااااااية وين رايحة و تاركتيني لحالي sa8

لك روزاية شوفي شو صاير تاني شي لح قلك كلمة و رد غطاها مافي تروحي يعني مافي يعني مافي

لو بدو يجي المعلم بزاتو يقلي بدا تروح بدي قلو لأ مافي ولك روزاية انا شلون بدي استلم العالم بدونك

مين بدو يكون معي بهيك اوقات لا تخليني اشتقلك و صير بدي روووووووووووووز

و يا روزاية شو ما كان صاير بتمنالك التوفيق من كل قلبي و بقلك انو انت لح تضلي بل قلب

و لو شو ما صار ما لح انساكي بس يعني المهم انو مافي روحة فهمانة ولك روزاية

موضوع: رد: وداعا روز 6/3/2009, 5:51 pm

يعني انتي اخر وحدة بالعالم كنت اانا متخيلا تتروك المنتى
وما حدا اسا بيعرف ليش
ولك روز انتي كل عمرك قوية وكهينة وانا وكل الي هون منحبك لهالشي
يعني نحنا منحبك لأنو انتي شخصيتك هيك
بقا لا تعملي قصة أنو انتي ما عاجبة العالم
لا يا ستي انا بدي قلك انو كل الي بيحبوكي هني بالاصل بيحبوكي لأنك انتي هيك
بقا روقي وطولي بالك وخديلك كم يوم استراحة
بس بالاخير رجعي
وانا رح كون من أول المستقبلين
وناطرك عالباب

أخوكي باسل

موضوع: رد: وداعا روز 6/3/2009, 7:54 pm

>>>>>>>> يعني ليش انشالله خير ومنتمنى ترجعي / المرعب

موضوع: رد: وداعا روز 6/3/2009, 8:22 pm

اممممممم
روز ما رح قلك قديش بحبك وقديش انتي غالية عليي لانو بظن انتي بتعرفي شو انتي بالنسبة النا كلنا وهالغنج هاد بكرة بعلق معك عليه بس هلق حابة قول شي تاني
اول شي انا ما رح قلك رجعي ولا رح اترجاكي تتزكري انو بنحبك لانو يمكن المفروض هاد الشي انتي مفكرة فيه ومع هيك رافضتيه عالعموم انا ما بدي ياكي ترجعي اذا انتي بتستسلمي بهالسهولة لانو مو انتي روز اللي عرفناها ولا اللي حبيناها وروز اللي بنعرفها اقوى من هيك بقا بس تكوني روز القديمة وقتها رح كون واثقة انو ما رح تروحي ولا تستسلمي
وبصراحة حابة قلك شي انتي باللي عم تعمليه ما عم تخلي اللي حكا هيك يندم بالعكس عم تقليلو تفضل هي انت وصلت للي بدك ياه وانا اضعف من اني واجهك وانت بالنسبة الي طلعت اكبر من رفقاتي وتركتن كرمالك

بتمنى تفكري منيح بحكيي وتعرفي انك عطيتي اللي حكا هيك لذة كبيرة وهيي انو انتي استسلمتي وانو انتي فضلتيه علينا ولا تقولي لا ما فضلتيه او انو ما عطيتيه اكبر من حجمو لانو حتى الكره مشاعر وهيك انسان ما بيستاهلها
فكري منيح ووقت بتهدي وبتروقي بدي ارجع لاقيكي بالشات ولا نسيتي انك بنت عمي التوأم؟؟؟
يلا روز لا تخليني كتر حكي من غير شي انا ما بسكت اسا بدي زيد؟؟؟
ناطرة رجعتك ها وناطرتك تفوتي على موضوع الصراحة تبعي تقولي مين زعجك وتورجيه انك ما خسرتي حدا بسببو لانو هوي اقل بكتير من انك تخسري حدا مشانو

موضوع: رد: وداعا روز 6/3/2009, 9:05 pm

روز جد ما عم اعرف شو قلك
بس ليكي كم شخص بحبك هون
متل ما انتي بتحشيشك
روز يا ريت تغيري رايك لانو راي شخص واحد ما رح يطلع شي قدام يللي بحبوكي
وبحبو شخصيتك متل ما انتي
رح اقلك اخر كلمة انو يللي بحبك متل ما انتي اهلا وسهلا فيه
ويللي لا الله معو
ما لازم تغيري حالك كرمال حدا
غيري عقلك روز ورجعي

موضوع: رد: وداعا روز 6/3/2009, 10:50 pm

ليششششششششش روز ولو
للك كلشي كتبتي غلط جد انا بعزك مثل اختي وانتي بتعرفي هالشي
بس احكي شوصاير معك يعني حتى بدك تتركينا وبتمنى روز ترجعي عن قرارك
ونحنا كلنا اخوة هون مو شلة اخوة

موضوع: رد: وداعا روز 7/3/2009, 3:53 am

روز انا حطيت رد من شوي بموضوع نيكولا ,, روز كم باك ,,

بس حبيت قلك هون و بعد ما قرايت يلي كاتبتيه عن حالك

انو رغم كل شي خليكي واثقة من نفسك و بحياتك ما تصغري بحالك

و يلي مو عاجبو يدق راسو بمية حيط و اذا خلصوا الحيطان عندي كتير

ببعتهم كرمالك

لا تهتمي لحدا طالما في اعضاء هون بيحبوكي

لكــِ تحياتي

موضوع: رد: وداعا روز 8/3/2009, 12:16 am

شو هالاخبار والله ياروز مو خبر

مابعرف شو بدي قلك اذا ظروفك مابتسمحلك تكملي معنا الله يوفقك ويسرلك

بس كمان خليكي عم تطلطي علينا لانو المنتدى بلا روز مابيسوى شي وحياة ربي

الله يوفقك ياحلوة بس حاولي انك تتراجعي عن قرارك اوك

يلا ديري بالك على حالك بااااااااااي

موضوع: رد: وداعا روز 8/3/2009, 4:38 pm

روز شو ها الحكي اكيد مزح ماهيك لانو الصديق الحقيقي مابيتخلي عن اصدقائو شو ماصار بعدين مع مين بدي اتخانق منشان اللون الفسفوري بالشات بتمنى تكوني عم تمزحي وتكون كذبة اول نيسان يلي ايجيت على بكير و نحن هون كلنا اخوة ورح نساعدك اكيد بأي مشكلة رح تكوني فيا بتمنى تفكري اكتر وماتتسرعي بقرارك ومشكورة قمر عا الموضوع

» وداعا وداعا ً يا دنيا الآلم
» وداعا لمن احب
» وداعا اصدقائي
» وداعا
» وداعا لفترة قصيرة