نــفذت الحكم ... بس ممكن تجاوبوني ؟؟؟

اول شي مرحبا ياجماعة الخير .. شو اخباركم .. شنو احوالكم ؟؟
أنا انحكم عليي بمحكمة المنتدى من القاضي ليا .. أنو أنزل موضوع واحد ورد على سبع مواضيع أخرى .. وطبعاً رد على سبع مواضيع وأكتر .. بس حطيت فيروسات بالردود هههههههههههههههههه عم بمزح لا والله بس عم قول هيك لأنو التهمة انثبتت عليي وانحكمت .. انحريت يعني عرفتو كيفف .. بس الله سترنا من الاعدام أو المؤبد ..

المهم ماعلينا ..
فتت اليوم لنزل هالموضوع وإذ لفت نظري شغلة وحدة لما شفت موقع المنتدى واتطلعت هيييييييييك .. قلت ياميرا امحيلنا هالموضوع وفوتي على القسم يلي أنتي مشرفة فيه .. وسئلي هالسؤال يلي هو موجه للكل .. سؤال اخترتو للكل .. ويلي هو :
هلأ أنا مثلاً اخترت اسم ميرا لأنو هاد اسم بيعنيلي أنو أول حرف من اسمي الحقيقي ميم .. شغلة تانية في اسم " ميراباي " المعروفة أيضاً بـِ ميرا، واحدة من أشهر شعراء وشاعرات "البهاكتي" في الهند الشمالية. بالمختصر كانت حياة هالفتاة مليئة بالمغامرات والحزن والفرح .. قريت عن حياتها .. في كتير قواسم مشتركة بيني وبينها .. وحتى ياريت يصير عندي بنت بيوم من الأيام لسميها " مــيرا " ..

لهيك .. طبعاً لكل منا اسم مستعار ونيك نيم , وكل واحد منا بيختلف عن الآخر .. هادا يلي بيحط اسمه أو كنيته أو اسم بيعنيلو معنى الأسم بشيئ خاص أو بيذكرو بشخص غالي عليه أو بيختار أرقام أو أسماء لاعبين أو أحرف معينة بتعنيلو شي.....

وسؤالي لكل الأعضاء
ماهو سبب اختياركم للاسم المستعار لكم في المنتدى ومامعناه لكم إن وجد له معنى بداخلكم ؟؟

ويلا هاتو لنشوف يلي عندكم ياجماعة ..
ومع تحياتي للجميع
مــيرا

ايوااااااااااا ايوااااااااااااااااااا

انا بئا اسمي اخترته بنائاً على العطر يلي بحبه

وكان اختيار الاسم صدفة

لان كنت محتارة بشو بدي سجل وشفت

قنينة العطر محطوطة جننب الكومبيوتر

فهاد اول اسم خطرلي لهيك اخترت سجل فيه وكمان

اخترت تكون صورتي الشخصية هية هالعطر

يلي كتير بحبه

مشكووورة يا قمرة

Suspect

نورتي ننوشش شكراً لمرورك
مــيرا

انا مسجلة باسمي الحقيقي لاني بحبو كتير
بس احيانا بفوت باسم همسة ع الشات لانو في شخص بحبو لهيك حبيتو انا
مشكووورة يا متهمة موضوع وايد حلو

نــفذت الحكم ... بس ممكن تجاوبوني ؟؟؟ Th02010

نــفذت الحكم ... بس ممكن تجاوبوني ؟؟؟ Th02010

لك اهلين بالقاضي ليا اهلين .. حلت البركات .. ههههههههههههههه
وأنعم وأرق اسم بشوفو ياليا
ونورتي

سر اسمي هو اتصالو الشديد بشخصيتي
برأيي أني حتى بصمتي لغة خاصة صعب حدا يفهمها
والصمت ألو معاني كتير ولغة خاصة فيه و أنا بفهم لغة الصمت
تسلم دياتك ميراا حلو هالموضوع وهي أول رد لألي بهالموقع وكان على هالموضوع لأنو كتير عجبني

يسلموو ميرا عالموضوع الحلو

يا ستي انا نقيت هالاسم لانه هو اللي بنادولي فيه اغلب الناس اللي حواليي واللي بحبوني لانه فيه اول حرف من اسمي. لهيك اول ما سجلت خطر على بالي هاد الاسم بالذات

لغة الصمت
فعلاً اسمك إلو معنى كتير حلو .. شكراً لمساهمتك الأولى .. موفقة يارب معنا

رورو
هلا برورو هلاا .. نورتي بمرورك .. وأحلى رورووووو

الله حيو ميراا
يا حرام نحكمتي مزبوط بس ملتزمة بالقانون والله

يا سيدي انا اسمي خترتو لانو اسم صديقة كانت عندي بالمدرسة الابتدائي
هي كانت اكبر مني يعني كانت ثانوي وكانت متل اخت كبيرة ئلي وئفت معي بكتير مواقف
للاسف ماعدت شفتى هلئ بس بضل غالية عليي كتير

ههههههههههههههههههههه شايفة لك جورجينا شايفة

شو هالوفا يلي جوا قلبك ياجورجينا مادامك اخترتي هالأسم .. وانشالله بترجعو وبتلتقو
نورتي ام الجوج

نــفذت الحكم ... بس ممكن تجاوبوني ؟؟؟ Welcom

نــفذت الحكم ... بس ممكن تجاوبوني ؟؟؟ Welcom

ممممممممممممممممم
يا ستي انا اسمي عاشق الأسد
يعني عاشق حافظ الأسد
الشخصية التاريخية الي اذا بدي ضل احكي عنا ما بخلص بحياتي
ولأني يمكن تعمقت كتير بشخصية القائد الأسطورة وعرفت شو عمل لشعبو
وبنظري انو هوي الشخص الأول بالتاريخ ولافي قبلو ولا بعدو
فأنا عاشق الأسد

مشكووووورة كتير موضوعك بيجنن

ميرا الموضوع مكرر وربي ههههههههههههههههههههههههههههههههههههههههههه
حظك مو معقول ههههههههههههههههههههههههههههههه
لا والنهفة انا الي منزلو الموضوع clown

http://www.souriaa.net/montada-f1/topic-t3298.htm

jocolor

عاشق الأسد
عفكرة وبدون مبالغة .. اذا في شخص بتمنى يكون لألي أب من بعد والدي رحمه الله فهو الرئيس الخالد حافظ الأسد .. بتمنى هالشي كان من كل قلبي لأتعلم فقط شي من حكمتو وهدوئو وتصميمو ونجاحو اللامنتهي ..
ياريت كنت شوفو وياريت كنت بنتو ...
نورت عاشق مرورك بيسعدني

روز
هلا روز ياهلا ..أول شي أنا ماعندي فكرة أنو الموضوع مكرر ولابعرف أنو موجود .. بس حتى لوكنت بعرف أنو هالموضوع موجود مابيمنع أنو أطرحو أنا للمرة التانية ولايعتبر " مكرر " مادام في أعضاء عم تسجل جديد وتشارك بالمنتدى وبالذات بالفترة الأخيرة عم نشوف أعضاء جديدة وفعالة هون .. وماعم تكون شايفة المواضيع السابقة كلها ..فالطبيعي أنو ينعاد .. باعتبار هالموضوع قابل للتجديد .. مع التذكير للمرة الثانية أنو أنا مابعرف بوجود هالموضوع مسبقاً ..

هلا روزا .. طيب ماقلتيلنا ليش مختارة اسمك .. اذا حابة طبعاً .. عالأقل لحتى ليشوفوه الأعضاء الجدد ..
ونورتيني روزتيا بتكزيرك لهل الشي وشكررررراً إلك
مــيرا

نــفذت الحكم ... بس ممكن تجاوبوني ؟؟؟ Welcom

اول شي مرحبااااااااااااااااااااااااااااااااااا ميرا الغالية كيفيك شواخبارك ولو مع انو زعلان منك المهم
على راسي انتي والله
والله هو انا يعني من زمان بفوت عالنت بس ماكنت فوت عالشات وهيك صارت صدفة يعني
انو فتت واجا على بالي هالاسم وسجلت فيه
بس يمكن لانو انا بحب افلام الرومانية كتير هههههههههههه
والملوك وهيك يعني مو اكتر
مشكورةةةةةةةةةةةةةةةةةةةةةةةة
ميراااااااااااااا ياغالية
داني

له له له ياكينغو .. ليش ياغالي ليش زعلان ..حدا بيزعّل شخص غالي عليه .. الغالي بيضل غالي وأنت غالي عليي كتير ياداني .. مابزعلك بيوم
وعفكرة اسمك كان من الأسامي يلي بتلفت النظر باختيارها .. وبعد ماعرفت سبب الاختيار بهدنيك علييا .. متابعة الأفلام الرومانية حلوة والأحلى اسمك .. وباعتبار أنا بعرفك .. فإسم على مسمى والله ..

مشكور داني لمرورك
مــيرا

يا ستي أنا سميت حالي أحمووود مافيا ومابعرف ليش أحمود بس مافيا لأنو شخصيتي أريبة للمافيا

وشكرا على الموضوع

اهاا قريب للمافيا قلتلي ههههههههههه .. أنا فكرت اسمك احمد ومدلع حالك ب أحمووود
بس جد اسمك غريب ومميز

عالعموم شكراً الك ولمرورك ونورت
مــيرا

ممممممممممممممممم أنا سميت حالي

KaKa_MiLaNo

لسببين أني:
1. بعشق فريق الميلان أكتر من أي شي

2. لأني بحب كاكا كتير ولأني بعتبرو أحسن واحد بمجالو يعني لعبة كرة القدم
وبتمنى كون أنا أحسن واحد بمجالي

شكراً ميرا موضوع حلو تقبلي مروري

اممممممممممممممممممممممممممممممممممممممممممممممممممممممم
والله ياروح قلبه لامك
مابعرف انا اول شي كنت فوت باسم سالي بزماناتي وهيك خطر ع بالي اسم سالي الغرام
وحطيتن جنب بعض وحسيته انه اله شهرة كبيرة بالشات والمنتديات عدين طرقته يابعد عمري وصار اسمي سالي الغرام الله لايغرمك لحدا ههههههههههههه
بقا بقا يابعدي هاد يلي صار مافي لا عواطف ولا اعصار لاسمي ههه
مشكورة

ترا مجننني لون الازرق يامو بحبووووووووووووو

كاكا ميلانو ..
انشالله بتكون من أفضل أفضل أفضلللللللل الاشخاص بحياتك .. لأنو بتستاهل عن جدارة
شكراً لمرورك وتعليقك
نورت سامو ...

سالي الغرام

اهلين باليامو الغاليةةةةةةةةةةةةةةةةةةةةةةةةةةةةةةةةةةةةةة
احلى شي أنو شهرتك باسمك .. بتتذكري يوم تعارفنا أول يوم ووقت علقنا هههههههههههههه .. بس هلأ من أقرب البنات إلي سلسول .. بس رح تضلي احلى اعصار بكلشي .. يسلملي اسمك أنا .. واللون الأزرق مقدم يامو .. وهو فترة اختيار مع التوقيع بس لوني بيضل البنفسج .. وعيونك الحلوة ..
ونورتي .. اسمك هو احساسك تمام
مــيرا

رجعت مممممممم يا ستي عادي

اسمعي يا ستي انا سميت حالي باسم روز لانو اول شي بحب الورد كتير بموت فيه وخاصة الاحمر
واسمي الطبيعي وردة فعندي سببين اول واحد لانو بحب الورد تاني واحد لانو اسمي الحقيقي وردة
فحبيت هيك يكون روز Neutral

مشكورة احلى محامية بالدنيا

روز
لك هلا باحلى وردة بالدنيا .. لو عليي لابعتلك هالتكة سلة ورد أحمر ..
وشغلة تانية روز .. شكراً بأنو ثبتي الموضوع باسمي مع العلم أنو الافضلية الك .. باعتبار كان الموضوع مطروح باسمك سابقاً .. وانا ماكنت عارفة .. ومشكورة عكلشي روزيتاااااااااا .. نورتي وهلا بعطر الورد الحلبي

وهالوردة مني الك

نــفذت الحكم ... بس ممكن تجاوبوني ؟؟؟ 000BlingCheeseRedRose

نــفذت الحكم ... بس ممكن تجاوبوني ؟؟؟ 000BlingCheeseRedRose

مممممممممممممممممممممممممممممممم
ياستي ملا أنتي سميت حالي بنوشا
لانو الكل بيناديلي بهالاسم من انا و صغيرة
يعني اسم قريب على اسمي الحقيقي
ومعناتو شجرة اسما غصن البان من الشجر النادر وكتييييييير طويل
بنوشة

بنوشة
ياهلا ياهلا يابنوشا .. شو معنى هالاسم الحلو يابنوشة .. أول مرة بعرف هالمعلومة .. وشوووو فينا نقول اسم على مسمى بنوشا؟؟؟ حسب معرفتي فيكي بمواضيعك .. واضح أنك انسانة كتير واعية وعملية ..

بشكر مرورك وتعليقك .. نورتي بنوشا
مــيرا

ولو شو هالحكي ميرا شو انا شو انتي منورة عزيزتي لا تشكريني
الوردة بتجنننننننننننننننننننن

love

» ما هذا الحكم ...
» الحكم بالقرائن
» المراة والمشاركة فى الحكم
» لاتستعجل في الحكم على الناس
» كبرياءوتحامل (الحكم المسبق )