استفتاءات نقاشية لمنتدى شلة سوريا

هااااااي شباب وصبايا

اجتني فكرة انو كل اسبوع رح اسال سؤال

مثلا كاول سؤال انت مع تفتيش الاهل لغرف ولادون

رح حط تصويت ب ( نعم او لا )

وكل وحد بعد ما يصوت يقلنا ليش

وبعد الاسبوع منحط نتيجة الاستفتاء

يعني رح تكون متل احصائية

انشالله تعجبكون الفكرة

اول شي حسب عمر الولد بس يفضل انو لا يتفتش غرفتو بل يكون في توعية على جميع الاصعدة ويكون الاهل قريبين كتير من ولادون ويعطون حرية بالنقاش حتى ما يطر الولد يخبي شي على اهلو ان كان شي ملموس او شي روحاني.

مشكورة ليا

وانتي شو رايك

انا قلت لا بس كمان انا مع روز يعني كل عمر الو وضع خاص
بس اكي مو تفتيش من ورا الاولاد
على ئد ما لازم يكون في توعية اكبر وملاحقة بكلشي بس مع علم الولد
يعني مو شغلة تحري نحنا لا نصح اكتر لازم يكون

فكرة حلوة كتير ليا
هيك فينا نطرح مواضيع كتير ونشوف رئي الكل فيها

انا كمان هيك رايي انو اول طلعتون لازم كون واعية عليون
وبعدين اعطيون ثقتي وما رح اضطر بعدين فتشا الا اذا حسيت انو في شي مغير
ولفت انتباهي بفضل تتفتش طبعا باسلوب غير مباشر
يعني انا ضدا بالاحوال العادية

نورتووووو

اكيد لا
طبعا لا لما بكون الاهل مربين ابنون على الثقة والتربية الحسنة
مشكووورة ليا

مابحياتن اهلي عملو هالشي لامعي ولا مع اخواتي

لانو اذا واثقين من تربيتن فأكيد ما لازم يتصرفو هيك

بالنسبة لرأيي مع لاعمار معينة وبطريقة معينة

ومع اعطاء الثقة للولد

يعطيكي العافية لولو للموضوع المميز

متل ما عودتينا دايما منك

يعني نعم بأوقات بس لما يوصل الصبي او النت لحد كبير من الوعي اكيد لا

مشكووورة شريكةةة

موضوع حلو ليا هلأ انا بصراحة ضد هالشي انو يفتشو غرف الولاد يعني هاد بقلل الثقة بين الولد واهلو ورح يصير يخبي عليهون اكتر اذا شافون هيك الافضل انو اذا الاهل شكو بشي يتقربو من الولد ويكسبو ثقتو ويعرفو منو شو صاير احسن
اما اذا كان هالولد يعني بالمشرمحي مو مربا وما بيسمع الكلام والو حركات قرعة فا انا مع التفتيش وقتا

موضوع حلو لولية تقبلي مروري

يا جماعة
دموع الورد
وكم شب بعتلوي رسايل الرد

نحنا هووون لازم يرد الواحد مو رسايل هاد المقصود

مرسي الك ولمساعدتك مرتضى

n13

انا مع انه يفتشوبس ع حسب العمر يعني اذا كانه صغار لازم

مراهقة كمان لانه احتمال يعملو شي او يخبو شي

ولازم مراقبة بس وانه يجو معن ويعطون الثقة ويحكو معن حتى لو شافو شي

مشكورة ام الول

طبعاً مع تفتيش الأهل لغرف ولادن ..
وطول ماهنن موجودين عندي بالبيت .. خوفي عليين هو يلي رح يدفعني لهل الشي .. الزمن كتير تغير وصار بيخوف .. حتى لو أخدين أفضل تربية ..
أنا مع مقولة .. لازم نقفل على ولادنا بالمفتاح .. بس نترك هالمفتاح بإيدن..

مشكورة ليا كتير ..دايماً عم تكوني المميزة هون من كل النواحي .. وبشكر جهودك
مــيرا

نعم

مع ذلك وهوي ازاي يعرفون يربون ابنائون دون تفتيش الغرف

لا اكيد مو مع
ميرسي ليا

هلئ في مرحلة بعمر الطفل او الولد دقيقة كتير وانا بتوقع انو بين 12الى16 هية المرحلة الحساسة جدا بصرف النظر عن التربية لازم الطفل يضل مراقب يعني بعبارة تانية (والله انا مربي ابني منيح هاد مابيعني انك ماتعود تراقبوا )لانو بهالعمر بالتحديد للطفل او الولد هوة الاساس لسن المراهقة ومابعد المراهقة لذلك لازم نكون على يقين من انو ابنا ماشي بطريق الصح والولد بهالعمر ممكن ينساق ورا اي شي سواء سيء او جيد بس هاد مابيعني انو نفتش الغرف يعني ممكن بأي طريقة تانية نتابع الولد فيها ونوصل لنفس النتيجة وهي بتختلف حسب طبيعة الاهل والطفل. يعني بالنهاية ممكن نوصل لمبتغانا بهي الطريقة او بغيرها . يعني مو المهم الطريقة المهم هوة كيفية استعمال هي الطريقة بشكل صحيح مشان نوصل ليلي بدنا ياه والي هوة مصلحة الولد.
مشكورة لياااا عالموضوع المهم والرائع

يا جماعة القصة مو قصة الاهل واثقين و بيعرفوا شو ربوا

احيانا الولد او البنت بيكونوا مناح و سلوكهم الجيد ممكن يتغير

يعني في حال الاهل لاحظوا شي مو طبيعي حيتم التفتيش

يعني ما فينا نقول لا اي و لاء حسب سلوك الولد

شكرا ليا ع الطرح المميز

ضددددددددددددددد لشو يعني

هالشي بعود حسب الثقة بين الاهل والاولاد
اذا في ثقه تامة واطلاع على كلشي ما في داعي للتفتيش
بس اذا الولاد خبةا على اهلن والاهل لاحظوا تغيرات بتصرفات ولادن لازم يفتشواا
ويضلوا تحت المراقبه

شكراا ليا
تقبلي مروري

اكيد لا مالازم الاهل يفتشو
بغرف اولادهم لازم يكون في ثقة كبيرة
وهذا الامر يعود للتربية واهم شي انو يتربو الاولاد
على حب الله والتربية على حب الله هي المثلى من بين جميع
القواعد واكيد اخر شي الاهل بحقلهم يعملو اللي بدهم ياه
والله سبحانه وتعالى قرن طاعته مع طاعة الاهل
اهم شي رضا الله ورضا الوالدين

وانا مع قمر بانو اذا كان الاهل مطلعين
على كلشي فمافي داعي للتفتيش
سلمت يداكي ليااا

موضوع بيجننننننن ليا طبعا متعودين عليكي بهالنشاط
اي انا مع انو الاهل يفتشو غرف الاولاد بس طبعا اذا حسو انو في شي خطير
هلق انا بعد مافتت بعالم الاطفال بقلك انو عالم حلو بس بيخوف
انو ممكن شي ولد يخبي معو قداحة ابرة وهيك قصص يعني
ميرسي ليا

اكيد مع
ولازم يصير هالشي بدون علم الطفل او الولد
لان انتم تتكلمون وتقولون . لأطفالهم
فإن كانو رجال او شباب او صبايا فبألتاكيد هم ليسو بحاجة لتفتيش
اشكركم على الاستفتاء الجميل

» استفتاءات للكل ,مدونة شلة سوريا(موضوع متجدد)
» معاني سامية .. مقدمة مني لمنتدى شلة سوريا
» محجوب في سوريا , سوريا كوم , شات سوريتي , سوريا نت , souria com
» محجوب في سوريا , سوريا كوم , شات سوريتي , سوريا نت , souria com
» مطلوب مشرفين لمنتدى عرب نات