=كيف تصطادين المعرس دون اللجوء إلى الاساليب السقيمه من المغازلات والترقيم والتلميح اللي ماله سنع والترزز بالاسواق.....إلخ
=أهم شي ركزي على العجوز اللي حاطه عينك على ولدها ثم نفذي مايلي: 1_خليكي مع امك ولاتروحين مع البنات وتتهيبلين اصبري عنهم كم شهر لين تتم العملية. 2_امشي وانتي حاطه راسك بين كتوفك ولا ترفعينه ابد حتى لو عورك خلي الفكس دايما في متناول يديك. 3_كلمه خاله خليها دئما" على لسانك خاصة لأم المعرس عشان تحس بنوع من التميز عن باقي العجايز. #ملاحظه... لامانع تنادين عجوز ثانية بخالة عشان اذا مانجحت الخطه مع العجوز نبر ون تنجح مع نبر تو الاحتياط واجب وانا اختك. 4_اذا بدت امك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل <كثر الدق يفك اللحام> دارية المثل ماله داعي بس مالقيت غيره. 5_اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك . 6_كل ما اكلت امك من اكله زينه خليها تقول: نفس الأكله اللي تسويها بنتي حتى لو الأكل من مطعم صيني او مكسيكي. 7_اذا جيتي بتمدين ايدك توجعي وخلي امك تقول: قايلتلك وانا امك ماله داعي تنظفين جدران البيت الخارجية {اقول نظفي غرفتك اول اللي تقولين ثايره فيها قنبلة ذرية}. 8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها {بس لاتكتمي نفسك مره اخاف تروحي فيها واصير قتلت نفس بغير حق}. 9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة. 10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا اللي شعورهم ناعمة. 11_اذا قالت العجوز {ام المعرس المتوهق} بأي رأي سواء سياسي أو وطني أو اقتصادي وافقي عليه حتى لو انه ماسخ وماله داعي. #مثال: تقول العجوز: بوش متقهوي عندنا البارح قوليلها: وليه ماعلمتينا ياخاله نجي نساعدكم؟! 12_في العروس اضغطي على نفسك واقضبي ارضك ولاترقصين واعتبري الرقص عيب وشق جيب. 13_اذا جاء طاري السوق وهو لازم يجي الطاري لانه ملح الجلسه عند الحريم خلي امك تقول: بناتي مايحبون يطلعون السوق ابوهم يجيب اغراضهم.
=الحين العجوز بتكون وقعت فالفخ.
نروح للمعرس الحين. 1_اهجدي في بيت اهلك ولا عاد تطلعين واذا جا المعرس بيشوفك خلي ابوكي يقول: والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب والله لو بيدك ان تحط مكانها باسكال مشعلاني} 2_ قبل يجي اليوم اللي بيشوفك فيه بحوالي اسبوع او اكثر{حسب شين الوجه} طامري من صالون لصالون صبغ فرد تنظيف بشره..إلخ. 3_اذا جا المعرس خلي اخوكي يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}. 4_في نهاية المشهد خلي ابوكي يقول: معليش وانا عمك ترى البنت شوي محيوسه {معليه يالشايب تنصب عالمسكين}. وبهالحظه الولد بينط على راسه ويبوسه لين يشفط مخه ويقول متى العرس ياعم؟
{تحذير مهم} #ابتعدي عن الأمهات المتعلمات راعيات الشنطه نفس لون الجزمه هذولا يبيلهم خطط بعيدة المدى. ¤.¤شوا رايك موا فكره¤.¤
قمر الهيئة الادارية
عدد المساهمات : 15957 علم الدولة : مزاجك اليوم : المهنة : الهواية : السٌّمعَة : 80 نقاط : 13321 تاريخ التسجيل : 05/01/2008
موضوع: رد: كيف تصطادين العريس 23/5/2009, 6:40 am
ممممممممم في كلمات ما فهمتن لهيك ما رح يمشي الحال ههههههههههههههههه
شكراا الك وتقبل مروري
المحاربOالمغترب :: خبراء المنتدى ::
عدد المساهمات : 100427 العمل/الترفيه : كل شي بخص النت المزاج : مروق علم الدولة : مزاجك اليوم : المهنة : الهواية : السٌّمعَة : 15 نقاط : 126358 تاريخ التسجيل : 08/04/2009
موضوع: رد: كيف تصطادين العريس 24/5/2009, 2:31 pm
MOHAMMED
عدد المساهمات : 28768 تاريخ الميلاد : 17/04/1984 العمر : 40 العمل/الترفيه : متعدد المزاج : هادئ علم الدولة : مزاجك اليوم : المهنة : الهواية : السٌّمعَة : 29 نقاط : 9050 تاريخ التسجيل : 16/05/2008
موضوع: رد: كيف تصطادين العريس 4/6/2009, 8:45 am
هههههههههههههه قمر
قوليلي هن انا بفسرلك اياهن ههههههههه ولا يهمك ولو
مشكور خيي البحر للموضوع الحلو
نزار ابو حلب عضو فضي
عدد المساهمات : 165 تاريخ الميلاد : 01/03/1970 العمر : 54 العمل/الترفيه : اعمال حرة المزاج : عادي علم الدولة : مزاجك اليوم : المهنة : الهواية : السٌّمعَة : 1 نقاط : 178 تاريخ التسجيل : 24/04/2009
موضوع: رد: كيف تصطادين العريس 12/6/2009, 11:24 pm
طريقة جديدة للزواج او الايقاع بالعريس عسى العوانس يدبرو حالهن
موضوع: كيف تصطادين العريس 
22/5/2009, 6:43 pm
