المصافحة بين الشباب والبنات.. وتنامي ظاهرة الامتناع

من جهتي ما بحسه شي عادي


وانا ما بصافح حدا ابدا


وما بحسه شي حلو خصوصي لو كانت البنت فتاة محجبة


شكرا كتير للطرح

يعني قصدك بتنامي ظاهرة الامتناع ما عرفت شو

بس اكيد كل شي وئلو شي يعني لو البنت محجبة اكيد ما لح تصافح وحتى في منون بكونو محجبين وبصافحو هي مسالة صفيت بتخصون ومالنا فيها

بس بشكل عام وبالنسبة ئلي المصافحة العفوية ويلي مافيها شي اكيد عادية

وكل واحد عندو رأيو طبعا انا عم احكي بعيد عن الدين والخ ...

تقبل مروري

الموضوع مميز جدا ومثير للنقاش بالفعل
هلا انا راح احكي اول شي عن قصة انو كل واحد بمجتمعنا
صار عم يفصل الدين على قياسو...وكتروا كتير المتشدقين والعاملين حالون
ضليعين بامور الدين ... والاسلام دين يسر وليس دين عسر
والله لما نزل الاديان مانزلا لحتى يبعد بين البشر نزلا لحتى تزيد المحبة والود بينون
يعني انا مابعرف وين المشكلة او الكفر باني صافح صديقي ببراءة وعقوية
هل ياترى الاسلام بيمنع المودة بين الاصدقاء اكيد لا وهل ياترى انا لما بدي صافح صديقي او صديقي راح يصافحني راح حط مسبقا ظن سوء فيه .. واني انا هلا عم ارتكب خطيئة لا تغتفر
انا برأيي الشخصي انو الدين ارفع من هيك امور وقشور .. وانو العلاقة اذا كانت مبنية على الاحترام اكيد مافي اي مانع من المصافحة
وبكفينا تعصب وتخلف وتمسك بشغلا تالدين برئ منها وكلها من صنع ناس ابصر شو اغراضون
لسا كل يوم بيطلعوا بفتوى شكل شي لاتصافح وشي لا تشرب وشي لا تدخل برجل اليمين
الا سلام مو هيك وبعمرو ماراح يكون هيك
وانا بزعل من كل قلبي لما شوف شباب وبنات هالايام عم يفكروا بطريقة متعصبة .. وبحس انو كل مالنا عم نرجع لورا عم نحصر تفكيرنا بامور تافهة .. بالوقت اللي لازم نفكر فيه بامور
اكبر من هيك بكتير ...

شكرا الك elolaly

على هادا الطرح المميز

السلام عليكم ورحمة الله

في البداية ... بتشكرك ع انتقائك لهيك طرح لانه كان موفق..بسبب قرب الموضوع من حياتنا كلنا لأنه بيمس واقعنا
وبحب أكد اني مو من الاشخاص الضليعين بالدين الاسلامي ولا من الاشخاص المتفقهين او المتشدقين بأمور الدين ....لكن مع ذلك أنا متشدد بحدود بحسن أفهمها.....
وانطلاقاً من هون انا عندي من الأمور المستحيلة مصافحة بنت غريبة عني لأن هالشي محرم بأحاديث نبوية لاتحتاج الى تفسير حتى نفهم مغزاها وحتى انو قناعتي بتمنعني عن المصافحة....
بس أنا بدي أعقب ع بعض الأمثلة يلي طرحتها بموضوعك ويلي شفتها ببعض الردود...
من جهة انو المصافحة هي موده واحترام وهي وسيلة لتقريب البشر من بعضهن(هنا نتكلم عن المصافحة حتى بين الشباب) ...فأنا مابشوف هيك لأنه في بعض الاحيان تكون مضطر لمصافحة عدووك
وانا بظن انو احترامي لزميلتي مو بالمصافحة لا ع العكس احترامي الها هو باحترام انوثتها وعدم تعدي حدودي معها
أما من جهة أنو المصافحة متتممة للسلااام؟؟؟؟ أنا مو شايف انو الاسلام أخطأ بتحديد متتممات السلام وانو بعض البشر أجادوا بذكرها.....
وبالنسبة لمن ذكر انو علينا عدم التفكير بجزئيات الأمور ...لأننا سنتمنع عن امور أخرى بدون مبرر.....
فهاد كلام برأي بعيد كل البعد عن الصحة....لأن اذا ابتعدنا عن التفكير بجزئيات الأمور كيف رح نفرق بين الصح والخطأ ؟؟؟
وهذا معناه انو كثير من الامور المحرمة ستكون محللة لعدم التفكير بالجزئيات
وبذكرك لبعض المواقف المضحكة ....بحب اذكر انو احد اصحاب هذه المواقف
فالبرغم من ممانعتي للمصافحة فقد اقدمت مرة من المرات على مد يدي لمصافحة زميلتي بالكلية وكان ذلك بشكل اكتر من عفوي وكان عقلي مو معي لأن كانت ناجحة أول ماده بالكلية واصعب ماده بالسنة هههههههه ....
والمفاجأة....
بقيت ايدي فاضية بالهواا....امام اكتر من 3بنات و5شباب هههههههههه موقف مابتمناه لعدوووو هههههههه
وبالنهاية .....هذه الامور تتعلق بقناعات الانسان اكتر مما تتعلق بالتزامه بالدين
تقبل مروري

يعطيك العافية انا بشوف مافيها شي
مشكور

ما بعرف شو قول هالشي بعود حسب الموقف
يعني اذا كنا بمجموعة وعم يسلم حدا ما منرد السلام او ما منصافح
يعني اذا المصافحة عادية وباحترام عادي ما في مشكل
في بعض الدول بتكون المصافحة مع تقبيل اليد يعني متل بالافلام الفرنسية تعبير عن زيادة الاحترام
هالشي بعود للبنت هي اللي بتقرر اذا تصافح او لاء
طبعا الرد بعيد عن حكم الديني لان كل مين على دينه الله يعينه

شكراا الك وتقبل مروري