شو رح يكون جوابكن

لا مافي الوان للكذب وشغلة الالوان نحنا يلي اخترعناها

بس احيانا منضطر نكذب ببعض المواقف
وكتير بتصير معنا
مشكورة

دايما منسمع بالوان الكذب ابيض واسود يا ترى فعلا في الوان للكذب
طيب وشو الفرق بين هالالوان
الكذب كذب مالو لون بس احيانا الواحد بيضطر يكذب

برايك في الوان تانية للكذب وشو هي
لا

ايمتى بيطر الواحد يكذب
لما بدو يصالح واحد مع التاني او لما بكون في مشكلة وبدها حل وكتير اشياء
الانسان بينحط فيها بس هاد الشي مو معناه انو نكذب يعني مابعرف شو بدي قول اهم شي انو يكون الشخص انسان لحتى يفهم

بدي تحكيلي عن موقف اطريتـ/ي تكذبـ/ي فيه
وشو كانت الكذبة ويا ترى شو المبرر لهالكذبة برايك
مرة كنت راجع من سهرة عند اصدقائي وسألتني الماما
وين كنت قلتلها بالشغل مشان ماتقلي بكرى عندك شغل هلق وقت السهر
وتفتحلي جريدة فقلتلها بالشغل وكذبت لحتى ريح راسي الكذب مالو مبرر
بس الواحد بيضطر يكذب في بعض الاوقات مو كل الاوقات متل بعض عالم

ايمتى بيتخطى الكذب خط الكذب الابيض او المزح
وما بعود مسموح فيه
لما الانسان بصير بدمو الكذب لما بيخدع غيرو بالكذب
لما بيدعي الصدق ليصل لقلب اي شخص وبيحطمو
بصير الكذب خطير كتير وللاسف كتير عمنسمع عن قلوب محطمة
بسبب هيك ناس مابعرف شو بدي اوصفهم بس مابيشبهو الانسان باي صفة


ليش نحنا برأيكن منبرر كذباتنا نحنا وما منغفر كذب غيرنا

ياترى اللي عايش والكذب بدمو وكل حياتو مشاكل بسبب الكذب
لانو الكذب حبلو قصير والكاذب رح ينكشف مهما طال الزمان
متل اللي عايش بصدق مع نفسو واحيانا بيضطر يكذب ليحل مشكلة او ليريح راسو برأيكن هدول التنين بيشبهو بعض اكيد لا بس الانسان بيضطر يكذب

اخيرا يا ترى في كل واحد يطلع ع الواقع والحياة ويقلي في يعيش بلا كذب او لا
هو الواحد بيضطر يكذب يعني مابقدر عيش بلا كذب

احيانا واللي بيقول غير هيك بكون كذاب

يا ترى لو الانسان مابيقدر يكذب او مافي شي اسمو الكذب بهالعالم
كيف كان رح يكون الوضع بالعالم يا ترى
يمكن احسن او يمكن ابشع لانو الحياة بدها توازن متل الخير والشر
وبرجع بقول لازم يكون الواحد انسان بكل معنى الكلمة هاد اهم شي

شو هي اكبر كذبة بتسمعها او عم نعيشها برأيكن
الناس اللي بيقولو انو مافي الله
هدول عايشين اكبر كذبة وهنن بداخلهم بيعرفو انو موجود
ورح يعرفو هاد الشي بعد فوات الاوان ورح ياخدو العقاب يلي بيستحقو

يا ترى الكذب بالسياسة مطلوب او هو اسوء من الكذب بالحياة العامة
والله مابعرف بهيك امور جد لك انا اذا كذبت بالحياة العامة بتخربط
بقى شو وصلني للكذب بالسياسة



اخيرا يا ترى في كل واحد يطلع ع الواقع والحياة ويقلي في يعيش بلا كذب او لا
مابيقدر الواحد يعيش بلاكذب لانو الواحد بيضطر يكذب احيانا )))))))
وهي هي الحقيقة ))) ورب العالمين رح يحاسب الجميع وكل واحد بيعرف حالو
ماذا صنع ورح يتحمل مسؤوليتو وانا دائما بحب استهزئ بالناس اللي بيقعو بشر اعمالهم ويمكن مو بس انا هيك

هلأ المتل الشعبي بيقول انو حبل الكزب قصير لو بيوصل لحفير

انا ما بأمن انو في شي اسمو كزب ابيض و كزب اسود الكزب كزب

هلأ اوقات في مواقف و شغلات بيطر الواحد انو يكزب فيها بس هلأ الكل عم يكزب اذا كان مطر للكزب او لا

هلأ انا كزبت لما كنت بالمدرسة يعني هنيك كنت اتطر اكزب مشان ما تتعاقب و لا وحدة من رفقاتي و تنفصل 3 ايام من المدرسة و يصرلا مشاكل مع اهلا


مبرر هي الكزبة بالنسبة الي اني ساعدتا مرة وحدة انو حتى ما توقع بمشاكل مع اهلا

هلأ انا مالي مطرة اني اكزب على حدا ان كان اهلي او رفقاتي او اي حدا لانو حلو الواحد يكون صريح
ما بغفر كزبة غيري اذا كانت كزبتو من وراها نية سيئة

هلأ لو ما في كزب بالعالم يعني يمكن كنا ارتحنا شوي

ممممم اكبر بظن انو هي السلام و انو فلسطين رح ترجع هدول اكبر كزبة برأيي

ولله السياسة كلا كزب و توجيع راس يعني عيش يا كديش لينبت الحشيش

الكزب بالحياة صار روتين يومي عند العالم

شكرا جورجينا اسئلة كتيير حلوين

برايك في الوان تانية للكذب وشو هي؟

عم يجو على اصفر واخضر وفوسفوري وتشكيلة الوان هاد بواقعنا اما رأيي فلا لون للكذب

ايمتى بيطر الواحد يكذب؟

لما بيكون خجلان من الحقيقة اوبيكون عاجز عن قول الحق وقتها بيكذب وكمان هالشي مو مبرر

بدي تحكيلي عن موقف اطريتـ/ي تكذبـ/ي فيه
وشو كانت الكذبة ويا ترى شو المبرر لهالكذبة برايك؟

انا كذبت مرة واحدة بس وقت بعت زبون حشيش مضروب


ايمتى بيتخطى الكذب خط الكذب الابيض او المزح
وما بعود مسموح فيه برايك؟

الكذب مالو تبرير

يا ترى لو الانسان مابيقدر يكذب او مافي شي اسمو الكذب بهالعالم
كيف كان رح يكون الوضع بالعالم يا ترى؟

كان المحامين بطالين وبدون شغل وزادت نسبة العوانس

شو هي اكبر كذبة بتسمعها او عم نعيشها برأيكن

قال الحشيش مضر بالصحة اي نص شعبنا محشش بدون حشيش

يا ترى الكذب بالسياسة مطلوب او هو اسوء من الكذب بالحياة العامة؟

للاسف بالسياسة الشعار هو الكذب ملح الرجال لكن كمان ما في شي مطلق لا صادق بالمطلق ولا كاذب بالمطلق
السياسة مصالح وفن الممكن

اخيرا يا ترى في كل واحد يطلع ع الواقع والحياة ويقلي في يعيش بلا كذب او لا؟

انا ما بكذب بس بطريقتي
يعني اذا ما حبيتك مارح قلك ما حبيتك بس ما رح قلك بموت فيكي
هي هي طريقتي