خذ حقك بيدك أو انتظر القانون الألهى !!

السلام عليكم ورحمة الله وبركاته

عندما اسمع من كبار السن سواء من الأقارب أوالأغراب عن أسلوب الحياة قديما .. أستشعر العديد من الأشياء التي نفتقدها في حياتنا المدنية الحالية ..

مع ذلك فحياة المدنية أفضلها لأنها مليئة بالإثارة والتقنيات .. مع انها أكثر تعقيدا .. ومعها انحدرت الأخلاق وتكسرت الروابط .. لكننيمع ذلك انا راشي بحوادث العصر الذي اعيش فيه مهما كان قاسيا ..

المهم وبدون إطالة .. لمجتمعنا قوانين تنظمه .. فإذا حدث خلاف فغالبا ينتهي الأمر إلى الشرطة أو المحاكم بانواعها ..

اما قديما فقد كان القانون موجودا أيضا .. لكنه كان آخر شئ يتم اللجوء إليه .. وغالبا وإن لم تحل المشكلة كان معظم الناس يفضلون الإبقاء على المشكلة واحتمال مرارتها ولا اللجوء إلى حتى قسم الشرطة ..

قديما كان هناك مساحة اوسع للحوار .. للأخذ والعطاء .. كمثال اذا اجبرت البنت على الزواج من شخص لا تريده او أجبرت على عدم اكمال تعليمها كانت تستطيع اللجوء إلى كبار البلد أو من أقاربها .. أو حتى لعمدة القرية أو كبار شيوخ العلم المعروفين .. كانت كلمة منه بمثابة سيف لا بد من احترامه .. اقوى من اي قانون ..

ايضا اذا اخطأ احدهم وتم امساكه كاللصوص.. كان اهل البلد يعطونه الجزاء العادل من الضرب بالنعال وماإلى ذلك .. ثم يؤخذ إلى مجلس يتكون منشيوخ القرية أوالقبيلة اوحتى المنطقة في المدينة ليتم اقرار عقوبة عليه او ايجاد عمل له ..

وهناك الكثير من القصص القديمة التي ستجدها في ماضي آبائك وأجدادك .. فلم بكن الناس يحتاجون للقانون كثيرا كما هو الأمر الآن ..

كذلك هناك تقليد معروف بين العائلات التي بينها خلاف أميد .. حيث يتم أخذولد وبنت من كل عائلة وتزويجهما بمثاية رابط بين العائلتين وفتح صفحة جديدة .. <<< لا يعجبني ذلك صراحة ^^ ..

ايضا كان لكلمة (( قريبي أوقريبتي )) معنى كبير وقتها .. يكفي ان تجد ان هناك نسبا ولو بعيدا بينكوبين شخص آخر ليخدمك حق الخدمة .. كان للدماء تقديس واحترام سابقا على عكس هذه الأيام ..

لننظر إلى الحاضر الحالي .. أبسط خلاف لا نستطيع ان نطيل الحوار .. بالكاد لا تمر دقيقة حتى نشتم بعضنا ونلجأ للقضاء أوالشرطة في لحظات .. وذلك لأن الحياة المدنية قد انستنا الحوار وعودتنا على الورقة والقلم والرسمية في كل شئ .. واصبحنا لا نعرف اما نعم او لا .. ابيض او اسود ..

والآن لندعنا من كل هذا الكلام الممل .. فلافائدة من مقترنة املاضي بالحاضر .. ولنأتي لأهم جزأية أوالزبدة من الموضوع ..

لنفرض أنك تعرض لإساءة فهل ستأخذحقك بيدك وبنفسك أم تلجأ غالباً للقضاء والشرطة ..

ولتبسيط الأمر ..نسطتيع ان نقول ان هناك نوعين من الإساءة .. اساءة مباشرة وإساءة غير مباشرة ..

كمثال على الإساءة المباشرة .. شخص ضربك أو اعتدى عليك .. أو سبك .. أو سرقك وأنت واقف .. او بالمختصر الحدث حدث للتو واللحظة أمام عينيك .. وقد يتيح لك القانون ما يسمى بمحضر عدم تعرض مثلا ..

وكمثال على الإساءة الغير مباشرة .. النصب والاحتيال .. او اكتشفت مخططا نحوك يستهدف إيذاءك جسديا او ماديا .. لكن عليك ان تتذكر أن القضاء لا يعترف إلا بالأدلة .. بالإضافة إلى الانتظار واحتمال اضطرارك لاستئجار محامي ..

في كل الأحوال لديك القرار لتقرر المواجهة بنفسك وان كان الأمر قد يحوي مخاطرة .. او اللجوء للقضاء اولا او اخيرا ..

.: أسئلة :.

1- اختر العبارة التي تناسبك او تميل إليها أكثر : (( حقي بيدي )) أو (( القانون أولاً وأخيراً )) ..

2- حسبما تسمع من اقاربك او ممن تعرفهم .. هل يحقق القضاء النتيجة المطلوبة أو تلك النهاية السعيدة لمن يلجأون إليه ؟؟ وهل الحصول على الأدلة أمر سهل ؟؟ وهل القانون سهل وبسيط لكن العيب فينا في اننا لا نهتم بمعرفته .. امان القانون معقد فعلا ؟؟

3- هل لجات انت او عائلتك إلى استئجار محامي يوما ما ؟؟ او هل تعتقد انك ربما تحتاجه مستقبلا - لا سمح الله - ؟؟ وما رأيك بمهمة المحاماة عموما ؟؟

4- ماذا تقول لمن لا يحترم القانون ويلجأ لأخذحقه بيده دائما ؟؟ البعد يعتبرها قوة والبعض يعتبرها فوضوية .. والبعض يرى أن القضاء وحده لا يكفي .. فما هو رأيك بهذا الخصوص وأين النقص وكيف يمكننا اصلاحه ؟؟

5- كثرت القضايا ومشاكل الناس .. ورغم جهود المحاكم ورجال القضاء الكثيرة إلا ان هناك قضايا تستمر لسنوات بسبب عدم كفاية الأدلة أو صراع المحامين واستغلال الثغرات القانونية .. لو كنت أحد القضاءة اقترح حلا .. او اوصف شعورك وانت مكان هذا القاضي ؟؟

6- لو كنت قاضي في محكمة .. وعرضت عليك قضية .. وأنت تعرف جيدا بل متأكد من الفاعل .. لكن الأدلة المقدمة تدين شخصا آخر برئ .. كيف ستتصرف فيهذا الموقف الصعب ؟؟ هل ستكسر القانون وتحكم لصالح ذلك البرئ المتهم .. ام ستضغط على قلبك وتنفذ القانون بحذافيره ؟؟

7- هل هناك حل بديل برأيك يمكن تنفيذه في العصر الحديث يخفف الضغط من على المحاكم .. ويعطينا نتائج أفضل ؟؟

8- كثير من الأفلام ناقشت اناسا مطلومين حكم عليهم بأدلة ملفقة انتهت بهم إلى السجن او الإعدام .. لكنهم تمكنوا من الهروب قبل تنفيذ الحكم .. تخيل نفسك - لا سمح الله - احد هذه الشخصيات .. هل ستهرب إلى مكان جديد وبهوية جديدة وتبدأ حياة جديدة بعيدا .. ام انك ستخاطر بحياتك حتى تثبت براءتك ؟؟ ايضا يرجى لو تذكرت اسم احد هذه الأفلام ان تخبرنا به وياريت نبذة عنه ..

9- لنفرض لأنك لجات للقضاء في أمر ما .. لكن نتيجة مكر ذلك الشخص واحتياله على القضاء خسرت القضية وفقدت حقك .. ماذا ستفعل حينها .. هل ستلجأ إلى استئناف تلو استئناف .. أم أنك ستلجأ إلى "أخذ حقك بيدك" أو التحول إلى مجرم مثله لتحصل على ما هو لك ؟؟

10- (( خاص بالمنتدى )) عضو تهجم عليك او ظلمك واستفزك بالفعل .. هل ترد عليه أم تشتكي عليه ام الاثنان معا أو تصبر على حكم الله ؟؟ (( مع الوضع في الاعتبار أن معظم المنتديات تحذر بأن طرفي الصراع سوفيتم عقابهما كونهما يتسببنا بنوع من الفوضى )) ؟؟

- اختر العبارة التي تناسبك او تميل إليها أكثر : (( حقي بيدي )) أو (( القانون أولاً وأخيراً )) ..

انا مع القانون لانو انا يمكن اتصرف تصرف غلط ويقلب القانون ضدي
لهيك بترك الموضوع للقانون وربنا

2-
حسبما تسمع من اقاربك او ممن تعرفهم .. هل يحقق القضاء النتيجة المطلوبة
أو تلك النهاية السعيدة لمن يلجأون إليه ؟؟ وهل الحصول على الأدلة أمر سهل
؟؟ وهل القانون سهل وبسيط لكن العيب فينا في اننا لا نهتم بمعرفته .. امان
القانون معقد فعلا ؟؟

مو قصة معقد قصة انو بروح لسنين طويلة بكون يللي ضرب ضرب ويللي هرب هرب

3-
هل لجات انت او عائلتك إلى استئجار محامي يوما ما ؟؟ او هل تعتقد انك ربما
تحتاجه مستقبلا - لا سمح الله - ؟؟ وما رأيك بمهمة المحاماة عموما ؟؟

هئ الحمدلله ما صار شي لهلق
رايي بمهنة المحاماة انو كانت من اروع المهن وانا كنت بتمنى ادرس حقوق
ودافع عن الناس يللي جد بحاجة بس هلق صايرة تجارة

4-
ماذا تقول لمن لا يحترم القانون ويلجأ لأخذحقه بيده دائما ؟؟ البعد
يعتبرها قوة والبعض يعتبرها فوضوية .. والبعض يرى أن القضاء وحده لا يكفي
.. فما هو رأيك بهذا الخصوص وأين النقص وكيف يمكننا اصلاحه ؟؟

بقلو الجأ للقانون ولا توجع راسك وتضايق حالك

5-
كثرت القضايا ومشاكل الناس .. ورغم جهود المحاكم ورجال القضاء الكثيرة إلا
ان هناك قضايا تستمر لسنوات بسبب عدم كفاية الأدلة أو صراع المحامين
واستغلال الثغرات القانونية .. لو كنت أحد القضاءة اقترح حلا .. او اوصف
شعورك وانت مكان هذا القاضي ؟؟

احيانا في قضايا مو ممكن انو يعطى الحكم فيا لانو بتكون الادلة غير واضحة
لانو ممكن يروح فيا ناس ابرياء لهيك انا ما بعطي الا اذا كنت متاكدة مليون بالمية
انو عم اعطي القرار الصح وما بدي حدا ينظلم

6-
لو كنت قاضي في محكمة .. وعرضت عليك قضية .. وأنت تعرف جيدا بل متأكد من
الفاعل .. لكن الأدلة المقدمة تدين شخصا آخر برئ .. كيف ستتصرف فيهذا
الموقف الصعب ؟؟ هل ستكسر القانون وتحكم لصالح ذلك البرئ المتهم .. ام
ستضغط على قلبك وتنفذ القانون بحذافيره ؟؟

بترك الامور على حالها وبضل بدور ع الدليل ورا برائة يللي متاكدة انو هو بريئ
لانو كمان مو دايما فينا نتكل على احساسنا وخصوصي بهاد المجال

7- هل هناك حل بديل برأيك يمكن تنفيذه في العصر الحديث يخفف الضغط من على المحاكم .. ويعطينا نتائج أفضل ؟؟

ما في قانون معين وخصوصي بجرائم القتل والسرقة بس
من ناحية غير محاكم التخفيف من الأمور الكلاسيكية

8-
كثير من الأفلام ناقشت اناسا مطلومين حكم عليهم بأدلة ملفقة انتهت بهم إلى
السجن او الإعدام .. لكنهم تمكنوا من الهروب قبل تنفيذ الحكم .. تخيل نفسك
- لا سمح الله - احد هذه الشخصيات .. هل ستهرب إلى مكان جديد وبهوية جديدة
وتبدأ حياة جديدة بعيدا .. ام انك ستخاطر بحياتك حتى تثبت براءتك ؟؟ ايضا
يرجى لو تذكرت اسم احد هذه الأفلام ان تخبرنا به وياريت نبذة عنه ..

في فلم حضرتو واحد اتهم بقتل مرتو وهرب من السجن لحتى يثبت برائتو
بتوقع انا بعمل متلو لانو اكيد ما فيني اقعد انطر يعدموني وانا بريئة

9-
لنفرض لأنك لجات للقضاء في أمر ما .. لكن نتيجة مكر ذلك الشخص واحتياله
على القضاء خسرت القضية وفقدت حقك .. ماذا ستفعل حينها .. هل ستلجأ إلى
استئناف تلو استئناف .. أم أنك ستلجأ إلى "أخذ حقك بيدك" أو التحول إلى
مجرم مثله لتحصل على ما هو لك ؟؟

بلجأ للاسئناف لانو بترجع القصة من الأول وبرجع بعيد حساباتي وبدور على ادلة اقوى

10- (( خاص بالمنتدى ))
عضو تهجم عليك او ظلمك واستفزك بالفعل .. هل ترد عليه أم تشتكي عليه ام
الاثنان معا أو تصبر على حكم الله ؟؟ (( مع الوضع في الاعتبار أن معظم
المنتديات تحذر بأن طرفي الصراع سوفيتم عقابهما كونهما يتسببنا بنوع من
الفوضى )) ؟؟

مرة ومرتين بتركو بس بعدين برد عليه بادب وبفهم ليش هل العداوة
وبحاول حل القصة
واذا ما فهم بقول لحدا من المسؤولين لانو انا ما بنزل مستواي
وبرد عليه

مشكووورة ع الاسئلة الحلوين كتير
حسيت حالي بمحكمة هههه

خذ حقك بيدك أو انتظر القانون الألهى !! Th02013

خذ حقك بيدك أو انتظر القانون الألهى !! Th02013

1- اختر العبارة التي تناسبك او تميل إليها أكثر : (( حقي بيدي )) أو (( القانون أولاً وأخيراً )) ..

القانون اولا واخيرا
بس احيانا اذا القصة زغيري
ليش لا باخد حقي بايدي

2- حسبما تسمع من اقاربك او ممن تعرفهم .. هل يحقق القضاء النتيجة المطلوبة أو تلك النهاية السعيدة لمن يلجأون إليه ؟؟
اي اكيد بحقق النتيجة المطلوبة
بس الا ما ما يحصل اخطاء احيانا وينظلم
المتهم
وهل الحصول على الأدلة أمر سهل ؟؟
اكيد لا مو سهل
وهل القانون سهل وبسيط لكن العيب فينا في اننا لا نهتم بمعرفته .. امان القانون معقد فعلا ؟؟

مو قصة معقد القانون بس يمكن يتضرر
احد اطراف القضية لانو ما بتون كملة كل الادلة
وياما بالحبس مظاليم وناس رتحت عليا
بسبب الادلة وتعقيد القانون وتاخيرو احيانا

3- هل لجات انت او عائلتك إلى استئجار محامي يوما ما ؟؟

مو استئجار استشارة
او هل تعتقد انك ربما تحتاجه مستقبلا - لا سمح الله - ؟؟

اي ليش لا يعني مو ضروري تحتاجي محامي
لانك متهمة بشي او مرتكبة جريمة متلا
الواحد بيحتاج المحامي اوقات
لامور قانونية ولامو عقارات
وبيوت وهيك قصص
وما رأيك بمهمة المحاماة عموما ؟؟

مهمتو حلوة وصعبة
بس في محامين ما عندن ضمير
وهاد اللي بخوف انو تحتاجي محامي احيانا
انو يطلع بلا شرف

4- ماذا تقول لمن لا يحترم القانون ويلجأ لأخذحقه بيده دائما ؟؟

بقول كل واحد على دينو الله يعينو
وقلة العقل جهل
واللي بياخد حقو بايدو جاهل اذا في قانون يحميه
لانو ممن يرتكب خطا بحق حالو
ويصر الحق ضدو بدل ما يكون معو

البعد يعتبرها قوة والبعض يعتبرها فوضوية .. والبعض يرى أن القضاء وحده لا يكفي .. فما هو رأيك بهذا الخصوص وأين النقص وكيف يمكننا اصلاحه ؟؟
نو تعليق

5- كثرت القضايا ومشاكل الناس .. ورغم جهود المحاكم ورجال القضاء الكثيرة إلا ان هناك قضايا تستمر لسنوات بسبب عدم كفاية الأدلة أو صراع المحامين واستغلال الثغرات القانونية .. لو كنت أحد القضاءة اقترح حلا .. او اوصف شعورك وانت مكان هذا القاضي ؟؟

والله ما بعرف جد ولافيي اتخيل حالي قاضية او محامية

6- لو كنت قاضي في محكمة .. وعرضت عليك قضية .. وأنت تعرف جيدا بل متأكد من الفاعل .. لكن الأدلة المقدمة تدين شخصا آخر برئ .. كيف ستتصرف فيهذا الموقف الصعب ؟؟

ما جربت لقلك ههههههههه
بس بحاول اخر اصار الحكم بالقضية اذا كنت متاكدة
من برائتو
هل ستكسر القانون وتحكم لصالح ذلك البرئ المتهم .. ام ستضغط على قلبك وتنفذ القانون بحذافيره ؟؟

بدي اضطر اذا مافي ادلة اضغط على قلبي
ونفذ القانون

7- هل هناك حل بديل برأيك يمكن تنفيذه في العصر الحديث يخفف الضغط من على المحاكم .. ويعطينا نتائج أفضل ؟؟

يمكن يعدلو شوي بدستور وقوانين القضاء
لانو احياناى فيا شي بيعطي نتايج سلبية

8- كثير من الأفلام ناقشت اناسا مطلومين حكم عليهم بأدلة ملفقة انتهت بهم إلى السجن او الإعدام .. لكنهم تمكنوا من الهروب قبل تنفيذ الحكم .. تخيل نفسك - لا سمح الله - احد هذه الشخصيات .. هل ستهرب إلى مكان جديد وبهوية جديدة وتبدأ حياة جديدة بعيدا .. ام انك ستخاطر بحياتك حتى تثبت براءتك ؟؟

اكيد بحاول اهرب اذا بريئة
لاني ما بحب السجن ابدا
بختنق اذا انحجزت حريتي
واي حضرت مسلسل سوري
اسمو الهاربة
البطلة هربت من السجن وبالاخير ثبتت برائتا
بعد كتير عذاب تعرضتلو من السجانين
ومن القضاء

ايضا يرجى لو تذكرت اسم احد هذه الأفلام ان تخبرنا به وياريت نبذة عنه ..

9- لنفرض لأنك لجات للقضاء في أمر ما .. لكن نتيجة مكر ذلك الشخص واحتياله على القضاء خسرت القضية وفقدت حقك .. ماذا ستفعل حينها .. هل ستلجأ إلى استئناف تلو استئناف .. أم أنك ستلجأ إلى "أخذ حقك بيدك" أو التحول إلى مجرم مثله لتحصل على ما هو لك ؟؟

لا استئناف اكيد لانو مافيي اقتل نملة
بقا كيف شخص

10- (( خاص بالمنتدى )) عضو تهجم عليك او ظلمك واستفزك بالفعل .. هل ترد عليه أم تشتكي عليه ام الاثنان معا أو تصبر على حكم الله ؟؟ (( مع الوضع في الاعتبار أن معظم المنتديات تحذر بأن طرفي الصراع سوفيتم عقابهما كونهما يتسببنا بنوع من الفوضى )) ؟؟

بطنشو شوي واذا زادا بواجهو
واذا ما مشي حالو حتى بالمواجهة
بقلو الله معك

والله لح اتكلم بيلي بحسن عليه لان بصراحة ما لح احسن جاوب عالكل

بعض الامور تحتاج بالفعل الى مواجهة واخرى يمكن ان تحل سلميا او بالقانون والكثير هيك

اذا صار اي شي بالمنتدى بحاول اتصرف عادي واذا اضطر االامر بخبر الادارة لان ما لح استفاد بالحكي او شو ماعملت
تقبلي مروري

تحياتي
هلق من ناحيه انا زلمه مشراني بس يندسلي على طرف وباخد حقي بايدي
بس بشكل انو كون انا ما غلطان بخلي الطرف التاني هوي الي غلط
والحرب خدعه وهيك بكون اخدت حقي بايدي وبيكون القانون كملي والبادي أظلم

ثانياً:
هلق مو كل الاحيان عم يحقق النتائج المرجوه ولكن بيضل افضل وبالنهايه ما بيضيع حق عند رب العالمين
وحصول على ادله بدو زكاء خصو مع حنكه المجرمين هالايام بالنسبه للمسائل الكبيره
والقانون بظنو سهل ونحنا الي منفكرو صعب لانو ولا مره واحد مننا تجرا ومسك كتاب قانون وقرأو
يعني ما رح يكون اصعب من نظريه النواسات ههههههههههههه او تالس والا فيثاغورث
ثالثاً:
هلأ اي بس موضوع عادي جداً ومستقبلا ما بعرف بس يعني لا باس باستشارات قانونيه بالسبه للشغل
مهنه المحامات مهنه للأذكياء فقط الي بيعرفو كيف يستغلو القانون
رابعاً :
هلق هاد ما بقدر جاوب عليه انا لانو يمكن بتصنف معهن مع اني بحترم القانون بس بعرف العب فيو شوي كونو يعني فتت فيه فتره
وسبق وقلت باخد حقي بايدي مع مراعاة القانون يعني مثلا واحد أذاني
بدعوسو بستفزو ليغلط هوي بوجود شهود ووقتا رح يتعفس وبعدين بروح بشتكي عليه وبينخرب بيتو
هيك بكون كسبت طرفين هههههههههههههههههه
النقص انو كيف بدي قول اول شي انو لسا نحنا ما طلعنا من همجيتنا لسا مفكرين حالنا انو نحنا لوحدنا وما في قانون
وتانيا الي عندو قانون بالحياه ورادع ومتربي نيح ما في داعي لا قانون يحكمو ولا اهواء ولا عصبيه
كيف منصحلو هاد شي صعب برايي لانو قله وعي منتشره مو بالعقل
ابالنسبه ل خامساً:
ماني قاضي ولا رح كون ولا فيي احكم على شيء مبهم يعني لوقتا فرج ورحمه
سادسا ً :
الحق يقال وطالما متاكد ف انا عندي دليل شفتي اصلا هي ثغره بمعطياتك .....واكيد رح احكم لصالح الحق
لانو في شي اسمو قانون وفي شي اسمو روح القانون
سابعاً:
لاء ابدا لانو هيي خلقت لحل المشاكل بس يعني لا تاخزيني بهل الكلمه ما فينا نرجع نربي الناس كلها من جديد
والي مو متربي منيح ما رح يربي ولادو منيح ف المشكله بتضل قائمه بس يعني لا بد من التاكيد على محاسن الاخلاق
ثامناً:
والله ع حقي ما رح اسكت ورح قاتل لو بسناني لبين الحق
واذا بدي احكيلك عن الافلام بدي قد الي كتبتهن عشرين الف مره هههههههههه ف خليني ساكت
تاسعاً:
هلأ ليكي في كذا حل بستأنف لحد ما استنفذ وانا عم دور على شي اثبت فيه حقي وبنفس الوقت
رح خليه يغلط واحد حقي متل ما قلتلك وخلي المحاكم تاخدلي حقي بس اني صير مجرم ما بظن
عاشراً :
يا عزيزتي لو تهجم عليي شخص وقت بيستفزني وبرد عليه بعنف متلو
معناها اثر عليي وانا ما بعطيه هيك فرصه انو يثبت صحه كلامو وبالنسبه للرد رح رد عليه بشكل طبيعي ووريه غلطو
لانو الي بيعرفني ما رح يتهجم عليي بالنسبه الي كشخص وبالاخر ما حد واصلي ولا حد فيه يئزيني
ومالي علاقه بغيري ومتل ما سبق وقلتلك ما بخلي حجه عليي والي الو عندي شي يجي يواجهني فيه
والي غلطت فيه انا يجي يقولولي انت غلطت بكزا وكزا بوشي
وبالنهايه بتمنى ما تكوني انت والاخوة فهمتوني غلط انا ما قصدت اني مشراني
انتبهي والجميع كمان على كلمه اذا حد داسلي على طرف
ما تبقى من حياتي ف انا مسالم ولا بحب المشاكل وان ما كانت اذيه كبيره ما برد لانو من شيم الكرام العفو عند المقدره
شكرا الك روميساء كل الشكر
عم تغنينا بمواضيعك وافكاره الغنيه
بتمنى تتابعي على نفس الوتيره
بتمنالك التوفيق من كل قلبي
لك مني كل الود
تقبلي مروري

1- اختر العبارة التي تناسبك او تميل إليها أكثر : (( حقي بيدي )) أو (( القانون أولاً وأخيراً )) ..

حقي بإيدي .. ومافي حق بيكون بالايد ألا لما القانون بيكون معك .. والا لو غير هيك كانت الدنيا عليها السلاااااااام ..

2- حسبما تسمع من اقاربك او ممن تعرفهم .. هل يحقق القضاء النتيجة المطلوبة أو تلك النهاية السعيدة لمن يلجأون إليه ؟؟ وهل الحصول على الأدلة أمر سهل ؟؟ وهل القانون سهل وبسيط لكن العيب فينا في اننا لا نهتم بمعرفته .. امان القانون معقد فعلا ؟؟

القانون يعني حكم والحكم رح يكون لصالح طرف عن الطرف اآخر .. لهيك مابيكون مرضي إلا لطرف واحد وبس ف أكيد مارح يحقق السعادة المرجوة .. وبالنسبة للحصول على الأدلة فأكيد مو بالأمر السهل .. لأنو إثبات أي دليل عم يكون معقد ومتشعب نظراً لحكم ظروف كافة الأطراف من المكان للزمان لكفاءة المال في أي قضية .. والقانون أكيد سهل وبسيط ومو العيب فينا لأ .. لانو كل قانون مفهوموإلو تشعبات كتير ولكن ياصديقتي العيب بالنفس البشرية يلي عم تستلم وتتسلم هالقضايا .. ( ماتنسي باب الرشاوي )

3- هل لجات انت او عائلتك إلى استئجار محامي يوما ما ؟؟ او هل تعتقد انك ربما تحتاجه مستقبلا - لا سمح الله - ؟؟ وما رأيك بمهمة المحاماة عموما ؟؟

إي أكيد في محامي عنا ضليع بمهنة المحاماة .. بيحل كتير قضايا ( ماتنسي الدنيا مليانة مشاكل وتشعبات ) أما رأيي بمهمة المحاماة ههههههههههههه .. فهاد ملعبي لأنو دراستي حقوق .. بعتذر رح أحكي مثل عامي بس مطلوب مني هون ( مو كل مين صف صواني قال أنا حلواني ) المحاماة مهنة ومهمة كتير صعبة بدها ذكا كتير بدها تحايل كتير بدها حنكة بدها صداقات ومعارف قوية لتقدري تمشي قضيتك .. أحياناً بتلاقي مسير معاملات بيفيدك أكتر من أي محامي معلق شهادتو عالحيط ..

4- ماذا تقول لمن لا يحترم القانون ويلجأ لأخذحقه بيده دائما ؟؟ البعد يعتبرها قوة والبعض يعتبرها فوضوية .. والبعض يرى أن القضاء وحده لا يكفي .. فما هو رأيك بهذا الخصوص وأين النقص وكيف يمكننا اصلاحه ؟؟

هلأ هون مافيكي ترتبطي يلي بياخد حقو بإيدو عن مشكلة بسيطة وعادية .. نحنا بدنا ناخد بعين الاعتبار المشاكل الكبيرة كالقتل والسرقة والضرائب والاغتصاب والحقوق المدنية والسياسية .. الخ وأي حل فيها بعيد عن القانون هو أكبر فوضة .. اذا بتتذكري نحنا من زمان كان عنا شي اسمو نظام العشائر وكل مين بيحل مشكلتو بطريقتو وعلى كيفو .. الحمدلله أنو انحل هالنظام لأنو سبب فوضى كبيرة وكل مين بإيدو سلاح وعدد من الأشخاص كان بيحل أكبر قصة .. هالشي خرب البلد لوقت من الاوقات وياترى فيه أي حدا يعيش بهيك حياة ؟؟ النقص كان بعدم قص هالرقاب هي واتصلحت بالاخير ورجعنا كلنا لمجتمع واحد منتظم بشكل كتير كبير والاولوية فقط للقانون وحكم القانون فقط

5- كثرت القضايا ومشاكل الناس .. ورغم جهود المحاكم ورجال القضاء الكثيرة إلا ان هناك قضايا تستمر لسنوات بسبب عدم كفاية الأدلة أو صراع المحامين واستغلال الثغرات القانونية .. لو كنت أحد القضاءة اقترح حلا .. او اوصف شعورك وانت مكان هذا القاضي ؟؟

مافي شي اسمو ثغرات قانونية .. الثغرة عم تنوجد بكفاءة المحامي أو القاضي .. كل قانون بيعتمد على مبدأ المساواة وهو الركيزة الأساسية لكافة الحقوق وهالمساواة عم تكون وفق قواعد عامة ومجردةةة .. وأكيد كل قانون عم يكون إلو أبواب كثيرة ليحقق بالااخير الانصاف بأي قضية
أنا مابقدر كون قاضي واقترح حل او أوصف شعوري .. القاضي أو المحامي هو واجب مهني مقدس .. لهيك كل قضية ألها أبواب ومداخل مختلفة عن قضية أخرى

6- لو كنت قاضي في محكمة .. وعرضت عليك قضية .. وأنت تعرف جيدا بل متأكد من الفاعل .. لكن الأدلة المقدمة تدين شخصا آخر برئ .. كيف ستتصرف فيهذا الموقف الصعب ؟؟ هل ستكسر القانون وتحكم لصالح ذلك البرئ المتهم .. ام ستضغط على قلبك وتنفذ القانون بحذافيره ؟؟

القانون لايحمي المغفليننننننننننننننننننن ..
اذا بدي آخد كل قصة بمبدأ العواطف هادا مظلوم وهادا مو مظلوم فعلى الدنيا السلام .. أنا أمامي أوراق اثباتات .. والقانون منصف ثم منصف ثم منصف ياجماعة .. وأكيد رح نفذ الحكم بالادلة المطروحة أمامي فقط ..

7- هل هناك حل بديل برأيك يمكن تنفيذه في العصر الحديث يخفف الضغط من على المحاكم .. ويعطينا نتائج أفضل ؟؟

العصر الحديث ؟؟؟ ممكن افهم شو يعني العصر الحديث بعيداً عن تطورات العلم و التكنلوجيا ؟؟ يعني في عصر بيختلف عن عصر قديم والا عصر حديث آخر .. بيغير النفس البشرية ؟؟ بيغير الضمير بيغير مخافة الرب ؟؟
أنا برأيي مافي .. يلي ممكن يتنفذ هو الرجوع للقانون الالهي بالتعامل حتى ولو مع نفسك

8- كثير من الأفلام ناقشت اناسا مطلومين حكم عليهم بأدلة ملفقة انتهت بهم إلى السجن او الإعدام .. لكنهم تمكنوا من الهروب قبل تنفيذ الحكم .. تخيل نفسك - لا سمح الله - احد هذه الشخصيات .. هل ستهرب إلى مكان جديد وبهوية جديدة وتبدأ حياة جديدة بعيدا .. ام انك ستخاطر بحياتك حتى تثبت براءتك ؟؟ ايضا يرجى لو تذكرت اسم احد هذه الأفلام ان تخبرنا به وياريت نبذة عنه ..

لو كنت محلن .. ممممممممممم ليكي روميساء يلي بينسجن وبينعدم وهو مظلوم .. حكماً هالشخص في قوة أكبر منو حكمتو هيك .. ويلي هي قوة المال .. والنفس البشرية الضعيفة مابتسيطر عليها إلا قوة المال .. لهيك التجارب والحياة والظروف بتعلمك مع الايام كيف تقدري وتستعدي تواجهي أي ظرف ممكن يطرئ عليكي من قبل ما تكوني فيه

9- لنفرض لأنك لجات للقضاء في أمر ما .. لكن نتيجة مكر ذلك الشخص واحتياله على القضاء خسرت القضية وفقدت حقك .. ماذا ستفعل حينها .. هل ستلجأ إلى استئناف تلو استئناف .. أم أنك ستلجأ إلى "أخذ حقك بيدك" أو التحول إلى مجرم مثله لتحصل على ما هو لك ؟؟

أكيد أول شي بلجأ للاسئناف .. أكبر غلط آخد حقي بإيدي لأنو رح يكسب هو القضية بأي تصرف طائش مني .. اذا بدك تحرجي خصمك واجهيه بنفس أسلوبو .. بالعكس بكون أمكر منو وبفوت بالدهاليز يلي هو فايت فيها .. والحل رح يرجع للقضاء أكيد

10- (( خاص بالمنتدى )) عضو تهجم عليك او ظلمك واستفزك بالفعل .. هل ترد عليه أم تشتكي عليه ام الاثنان معا أو تصبر على حكم الله ؟؟ (( مع الوضع في الاعتبار أن معظم المنتديات تحذر بأن طرفي الصراع سوفيتم عقابهما كونهما يتسببنا بنوع من الفوضى )) ؟؟

اذا صديق فعلي إلي بعلق معو وبتخانئ وبزعل منو ومنحلا بيني وبينو .. بس أكيد الزعل لايفسد للود قضية .. واذا مجرد زميل ف لأ برجع للادارة أكيد ..

شكراً روميساء .. أسئلتك عملية كتير وواقع حياة عملي كتير .. بشكرك
مــيرا

» مازلت انتظر !!!!
» حصريا شرح طريقة تحكم بجهازك الآيفون عن طريق الكومبيوتر وكأنه بيدك
» تمر ساعات الزمن وانا انتظر؟
» الحب الخارج عن القانون
» فيلم خارج عن القانون نسخة اصلية جودة vcd