الصراحة ام المجاملة؟؟؟

موضوع: الصراحة ام المجاملة؟؟؟ 30/8/2009, 12:32 am

المجاملة ام الصراحة

ارحب بالجميع في موضوعي الاول في هذا المنتدى الظريف وانا اخترت هذه المقارنة لانها جدلية فكلنا يدعي الصراحة وبالمقابل فالجميع يجامل بطريقة ما وبنسبة معينة وان كان يدعي العكس

اعتقد ان المجاملة فعل انساني بالخاصة..اخترعه الانسان وطوره فنحن لن نجد مثلاً حيواناً مجاملاً ..الحيوان كائن صريح بالكاد يستطيع التعبير عن حاجاته فما حاجته للمجاملة؟

من ناحية ثانية نكاد نجمع ان الصراحة هي الفعل المفضل والمحبب والمطلوب من الانسان فهي مرآة الحقيقة على عكس المجاملة مرآة الكذب ..لكن هذه الصراحة يلقى بها الى الجحيم عندما يتعلق الامر بالمصالح الفردية...

لنكن واقعيين..الجميع يجامل ولو بنسبة ضئيلة..الزوج يجامل زوجته ليتقي نكدها..الموظف يجامل مديره ليتقي غضبه..الام تجامل طفلها لتزيد من ثقته بنفسه ..المغني يجامل جمهوره (الذواق)-رغم انهم مجموعة من المراهقين الطائشين-بالمقابل ..نجد الصراحة من الزوجة للزوج والمدير للموظف والطفل البريء للام والجمهور الذي لا يرحم للفنانين .

وتبدو هنا المعادلة واضحة فالضعيف يجامل والقوي يصرح..

الصراحة امر مطلوب..محبب..لكنه مجهول العواقب وقد يتحول في احد تجلياته الوقاحة

المجاملة امر مذموم ..كريه..وهو أيضاً مجهول العواقب لكنه فعل انساني وقد تكون له حسناته

انت..صريح بالتأكيد لتدخل الى هذا الموضوع ..لكنك مجامل نوعاً ما لانك لابد كنت ضعيفاً في احد الايام ووقفت امام من هو اقوى منك

اتمنى الصراحة في الاجابة:

انت تدعي الصراحة لكن هل يمكن ان تعيش حياتك كلها صريحاً ودون مجاملات؟

موضوع: رد: الصراحة ام المجاملة؟؟؟ 30/8/2009, 12:39 pm

اكيد بفضل الصراحة رغم انو المجاملة مطلوبة ببعض الاحيان
بس بالمواقف الحقيقية ويلي بتحتاج موقف جدي اكيد الصراحة لو شو ما كانت
انا مع الصراحة طبعا

مشكور على الموضوع واهلا وسهلا فيك

موضوع: رد: الصراحة ام المجاملة؟؟؟ 3/9/2009, 10:02 pm

الحياة أكيد بدها مجاملات أكيد .. بس مجاملات ضمن المعئول .. بيمر بحياتنا أشخاص علاقتنا معهم بيكون إلها حدود ف بتضطر تكون شخص مجامل بعلاقتك معهم .. بس لما بيتطلب منك جواب صريح لأي استفسار منهم لازم تكون صريح ..
الصراحة هي تعاملي بذاتي مع الآخرين .. والمجاملة كمان هي من ضمن قناعاتي بهالحياة ..
أنا ماعندي مبدأ ثابت بالتعامل مع الأشخاص يلي حواليي .. لأنو الحياة مافيها ثوابت ..
لهيك الوقت والظرف والمكان هنن يلي بيفرضو عليي ايمتى بكون صريحة وايمتى كون إنسانة مجاملة ..

ومشكوررررررررر ثعلوب ..
مــيرا

موضوع: رد: الصراحة ام المجاملة؟؟؟ 5/9/2009, 8:11 pm

اكيد خيي ثعلوب ما حدا فيه يعيش حياتو بصراحة مطلقة لانو بالنهاية انت مانك عايش لحالك... يعني كتير احيان ئد ما كان الواحد صريح بدو يضطر يجامل و احيانا يكذب...

موضوع: رد: الصراحة ام المجاملة؟؟؟ 12/9/2009, 8:01 am

انا ما بفضل ولا وحدة

هههههههههههههههههههههههههههههههههه عم امزح
هلأ وانا كمان الصراحة بس احيانا بتطر انو تجامل وبس
وشكرااااااااااااااااااااااااااااااااااااا

موضوع: رد: الصراحة ام المجاملة؟؟؟ 14/9/2009, 2:13 am

شكرا لموضوعك المميز

انت تدعي الصراحة لكن هل يمكن ان تعيش حياتك كلها صريحاً ودون مجاملات؟
اي نعم انا لا ادعي الصراحه ...انا عنجد صريحه
بس الا ما تجي مواقف وتجامل بس ما كتير بحب ميل للمجامله واوقات الصراحه اللي عندي بتجرح وهي علة فيي
يعني من اخرو....ما بيخلى الامر من المجاملات وهي كمان اوقات ما بتتطلب صراحه
شكرا ثعلوب وتقبل مروري

موضوع: رد: الصراحة ام المجاملة؟؟؟ 14/9/2009, 9:28 am

الصراحة افضل بكتتير
بس هالايام ما بتمشي الصراحة
الكل لازم يجامل ويمسح جوخ لتمشي اموره او اي شي

مشكورررررررررررر

موضوع: رد: الصراحة ام المجاملة؟؟؟ 14/9/2009, 7:26 pm

انت تدعي الصراحة لكن هل يمكن ان تعيش حياتك كلها صريحاً ودون مجاملات؟

اي انا ما بحب المجاملة لانو بس جامل يعني عم كذب وقبل ما كذب ع غيري لما بكون عم جاملو
يكون عم كذب ع حالي لانو من جوا انا ما بكون مقتنعة بالشي يللي عم اعملو
لهيك ما بحب جامل حدا
والاهم من هيك انو انا ما بحب حدا يجاملني
مشكوووور ثعلوب موضوع سؤال حلو كتير

موضوع: رد: الصراحة ام المجاملة؟؟؟ 15/9/2009, 12:39 pm

انا بفضل الصراحة بس احيانا بتطر تجامل

مشكور موضوع رائع

» الصراحة ولا غير الصراحة الدخول فقط للصريحين
» خديعة المجاملة
» امريكا "تقطع رأس المجاملة" وتعلن تأييدها يهودية الدولة
» الصراحة ؟؟؟
» الصراحة