| |
| | الزواج في سن مبكر ( للنقاش) | |
|
+3MOHAMMED سالي الغرام Mortada 7 مشترك | كاتب الموضوع | رسالة |
---|
Mortada
عدد المساهمات : 29525 العمل/الترفيه : خريج حقوق المزاج : رايق علم الدولة : مزاجك اليوم : المهنة : الهواية : السٌّمعَة : 53 نقاط : 2622 تاريخ التسجيل : 07/12/2007
| موضوع: الزواج في سن مبكر ( للنقاش) 3/5/2008, 12:53 pm | |
| نعلم بان الزواج قد عبر عنه بالروايات اكمال نصف الدين . والزواج سترة للرجل والامراة .
والسؤال : ما رايكم في الزواج المبكر للمراة وللرجل يعني: زواج المراة البنت بسن 14 وما فوق؟ وزواج الشاب بسن 18 وما فوق؟ هل انتم مع الزواج المبكر ؟ او ؟ احببت طرح الموضوع للفائدة ولنرى اراء الاعضاء وعلاقتهم بهذا الموضوع | |
| | | سالي الغرام الهيئـــة الاداريــة
عدد المساهمات : 20219 تاريخ الميلاد : 18/03/1986 العمر : 38 العمل/الترفيه : شرب دم واكل جماجم المزاج : معكر متل زيت العكر علم الدولة : مزاجك اليوم : السٌّمعَة : 35 نقاط : 3698 تاريخ التسجيل : 24/01/2008
| موضوع: رد: الزواج في سن مبكر ( للنقاش) 23/5/2008, 1:41 pm | |
| لا ماني معه ابدا ابدا لانه البنت والشب بيمر بسنة مراهقة من سن ال 12 ع سن 20 وبهالسن الشب والبنت بحبو كتير بس مابتكون افكارن مكتملة لزواج الحقيقي يعني بحبو كتير بهالسن تيبحثو عن الشخص المناسب والشب يلي بيتزوج بهالسن غلط كتير لانه مابكون مأمن حاله لا بيت ولا سيارة ولا شغل ولا مصاري ليش بده يتزوج والبنت صغيرة بهالسن 14 مافيها مثلا تمر بمرحلة الحمل يمكن يكون عليا خطر مشكور مرتضى | |
| | | MOHAMMED
عدد المساهمات : 28768 تاريخ الميلاد : 17/04/1984 العمر : 40 العمل/الترفيه : متعدد المزاج : هادئ علم الدولة : مزاجك اليوم : المهنة : الهواية : السٌّمعَة : 29 نقاط : 9050 تاريخ التسجيل : 16/05/2008
| موضوع: رد: الزواج في سن مبكر ( للنقاش) 23/5/2008, 2:55 pm | |
| شكرا ابو الروض على الموضوع الحلو بالنسبة الي انا ماني معه بشكل تام وخصوصا للشب تحديدا بالنسبة للبنت يعني مو شرط لفوق العشرين بس اكيد مو 14 أو 16 عالاقل بعد البكالوريا اكيد الشب في عنده مراحل كتير قدامه يامن مستقبله فيها ويحتك بالحياة تعقيبا على كلامك سالي انو بيت وشغل يعني مقبولة بس سيارة ومصارررررري ههههههههه لو الشب رح يتنظر كل هيدون حتى يتزوج !!! ايييييييييييه بكون ختير ههههههه وفي ناس ولادنين ومعلقة الذهب بايدهم طبعا هيدي حكمة رب العالمين والحمد لله على كلشي كل شب عندو طموح وان شاء الله بيوصل بس مافي شي بالسهولة بيجي بتشكرك مرتضى مرة تانية وتقبل مروري | |
| | | Mortada
عدد المساهمات : 29525 العمل/الترفيه : خريج حقوق المزاج : رايق علم الدولة : مزاجك اليوم : المهنة : الهواية : السٌّمعَة : 53 نقاط : 2622 تاريخ التسجيل : 07/12/2007
| موضوع: رد: الزواج في سن مبكر ( للنقاش) 23/5/2008, 3:04 pm | |
| مشكوووووووورين ع المرور احلا سالي وابو حميد شكرا عالتفاعل | |
| | | NANCY :: عضو vip ::
عدد المساهمات : 3159 تاريخ الميلاد : 27/12/1991 العمر : 32 العمل/الترفيه : طالبة المزاج : COOOOOOOOOOL مزاجك اليوم : المهنة : الهواية : السٌّمعَة : 2 نقاط : 3 تاريخ التسجيل : 11/03/2008
| موضوع: رد: الزواج في سن مبكر ( للنقاش) 23/5/2008, 10:55 pm | |
| اكيد انا مو مع الزواج المبكر يعني لازم الواحد يكون عمرو فوق ال 20 سنة لانو قبل هيك بكون بمرحلة مراهقة ومالازم يتزوج بهيك مرحلة لانو بكون غلط كبير يعني بالنسبة للبنت لازم تخلص دراستها وبعدين تفكر بالزواج اما الشب لازم يخلص دراسة ويأمن مستقبلو وحالو وبعدين يتزوج لانو الزواج مسؤولية كبيرة كتير ولازم الواحد يكون قد هالمسؤولية هاد أيي مشكووووووووووو مرتضى موضوع حلو كتير تقبل مروري NNOS | |
| | | Rose :: عضو vip ::
عدد المساهمات : 10370 العمل/الترفيه : بتقصد الشغل يعني؟؟؟ المزاج : عاى الحشيشة علم الدولة : مزاجك اليوم : المهنة : الهواية : السٌّمعَة : 13 نقاط : 1073 تاريخ التسجيل : 08/03/2008
| موضوع: رد: الزواج في سن مبكر ( للنقاش) 24/5/2008, 4:45 am | |
| اكيد لا
لأنو البنت البعمر 14 لل 19 ما بتكون مهيئة للزواج ابدا بتكون بس مراهقة وعلى قد عقلا بكلمتين بنضحك عليها وكلمة بتاخدا وكلمة بتجيبا
وبالنسبة للشب لازم يقمل مستقبلو بعدا يزوج يعني يزوج بسن 26 عمر منيح
مجرد رأي فقط
مشكور مرتضدى على الموضوع
| |
| | | RAUL :: عضو vip ::
عدد المساهمات : 3443 تاريخ الميلاد : 14/02/1988 العمر : 36 العمل/الترفيه : سنة تانية معهد محاسبة المزاج : نص عنص مزاجك اليوم : المهنة : الهواية : السٌّمعَة : 0 نقاط : 56 تاريخ التسجيل : 27/02/2008
| موضوع: رد: الزواج في سن مبكر ( للنقاش) 24/5/2008, 7:22 am | |
| عفكرة يمكن البنت اذا بتتزوج بسن مبكر محتمل تحكي مع شباب لانو طبعا بتشوف رفئاتها انو عم يحكو بتحس حالها نائصة عنهون بشي ولازم تكمل هالشي غلى الرغم انو متزوجة بعدين الشب ئبل 25 مو لازم يتزوج لانو طبعا اول لازم مهيئ حالو ماديا يعني الشب هلئ بصير عمرو 783465784 سنة ويمكن ما يكون عنجدو بيت وانا من جهة الزواج المبكر انا ضدو تمام وبظن انو يلي بخلي الاهل يزوجو بنتون عبكير هوة الفقر وغير هيك ما بظن ولا شو رأيكون انتو ؟؟؟؟؟؟؟؟؟؟؟؟؟؟؟؟؟؟؟ نكتة عن الزواج المبكر سألو مسطول ئالولو شو رايك بالزواج المبكر كان جوابو بكير اي ساعة يعني ههههههههههههههههههههههههههههه عامر مشكوووور ابو الرووووووض | |
| | | Mortada
عدد المساهمات : 29525 العمل/الترفيه : خريج حقوق المزاج : رايق علم الدولة : مزاجك اليوم : المهنة : الهواية : السٌّمعَة : 53 نقاط : 2622 تاريخ التسجيل : 07/12/2007
| موضوع: رد: الزواج في سن مبكر ( للنقاش) 25/5/2008, 3:36 pm | |
| اكيد مشكورين ع المرور الحلو والاراء الاحلى انا عم استنى ليحمى الموضوع لحط رايي يعني انوا النت اذا تجوزت من بكير عفكرة هاد الشي في محااااااااااسن كتير وبنفس الوقت في اضرار كتير بس الدارج حااليا متل ما انتوا قلتو اكيد وانا معكون بس تعالوا نشوف انوا لو البنت تجوزت وعمرها 16 مثلا بتعرفو انوا بتكون شالت كتير مصاعب بحياتها ونفس الشي الشب اذا تجوز وعمرو 20 مثلا بكون اقل شي ما ارتكب شي لا سمح الله يعني انتوا حتقولو هاد الحكي حكي قداما بس في وجهة نظر يلا بدي اراء معارضة ليحمى الموضوع اوكي ونشوف رايي الكل | |
| | | RAUL :: عضو vip ::
عدد المساهمات : 3443 تاريخ الميلاد : 14/02/1988 العمر : 36 العمل/الترفيه : سنة تانية معهد محاسبة المزاج : نص عنص مزاجك اليوم : المهنة : الهواية : السٌّمعَة : 0 نقاط : 56 تاريخ التسجيل : 27/02/2008
| موضوع: رد: الزواج في سن مبكر ( للنقاش) 25/5/2008, 5:16 pm | |
| ابو الرووووض طالما الشب او البنت واعيين وهادا زمان صارت نسبة الوعي اكبر من نسبة التخلف وصار يعرف الشب والبنت كل حئوئن بس طالما الشب مأمن حالو وفينو يتزوج ويسعد الانسانة يلي بدو يتزوجها الله يسرلو بس بظن هدول الاعمار صغار عالمسؤولية لازم يصير الزواج بسن اكبر ليكونو قادرين على تحمل اعباء المسؤوليات وبعدين المساوء بظن انو اكتر من المحاسن مشكور ابو الرووض عامر | |
| | | Mortada
عدد المساهمات : 29525 العمل/الترفيه : خريج حقوق المزاج : رايق علم الدولة : مزاجك اليوم : المهنة : الهواية : السٌّمعَة : 53 نقاط : 2622 تاريخ التسجيل : 07/12/2007
| موضوع: رد: الزواج في سن مبكر ( للنقاش) 26/5/2008, 8:35 am | |
| كلامك كتير حلو عامر انا حكيت هيك بس مستحيل البنت بالزمن يلي نحنا فيه تتزوج بعمر 16 يعني اقل منها فوق 18 بس عم قووول انوا انت وانا والكل بيعرف متى ما البنت فاتت للجامعة وصار في سكن جامعي والحكايات هي هون بتبلش الاخطاء من غير وعي وما بحس الواحد غير بالاخير ع كل حال مكشورةعامر ع مرورك مرة تانية | |
| | | Rose :: عضو vip ::
عدد المساهمات : 10370 العمل/الترفيه : بتقصد الشغل يعني؟؟؟ المزاج : عاى الحشيشة علم الدولة : مزاجك اليوم : المهنة : الهواية : السٌّمعَة : 13 نقاط : 1073 تاريخ التسجيل : 08/03/2008
| موضوع: رد: الزواج في سن مبكر ( للنقاش) 26/5/2008, 9:40 am | |
| انا من المعارضين جدا على حكيك مرتضدى شو هي اذا فاتت على السكن الجامعي لا اسمحلي بقى البنت العقلا كبير عقلا كبير وقدرت الله ليخليا لتنفسد وتقع بالخطأ بس هو شو حسب البيئة والأهل العايشة معهم والمقتناعات المقنعا فين وهي شو قناعتا من هالشي العبتشوفو بعني بحتصار حسب مقدار وعي البنت
اقتباس : وبالنسبة لعامر عفكرة يمكن البنت اذا بتتزوج بسن مبكر محتمل تحكي مع شباب لانو طبعا بتشوف رفئاتها انو عم يحكو بتحس حالها نائصة عنهون بشي ولازم تكمل هالشي غلى الرغم انو متزوجة بعدين الشب ئبل 25 مو لازم يتزوج لانو طبعا اول لازم مهيئ حالو ماديا يعني الشب هلئ بصير عمرو 783465784 سنة ويمكن ما يكون عنجدو بيت وانا من جهة الزواج المبكر انا ضدو تمام وبظن انو يلي بخلي الاهل يزوجو بنتون عبكير هوة الفقر وغير هيك ما بظن ولا شو رأيكون انتو ؟؟؟؟؟؟؟؟؟؟؟؟؟؟؟؟؟؟؟ انا بعارضك مية من مية لأنو اختي اتزوكت بسن 13 سنة وما حكت مع شباب بعد تزوجا وهلق هي صار عمرا 26 سنة وعندا 5 ولاد وهي روحا معلقة بجوزا القصة مش قصة رفقات وصداقات القصة قصة قناعة وترباية ومفهوم للحياة الزوجية وعلى فكرة نحن مادياتنا كتير منيحة فوق الخيال يعني ما زوجناها عن منا نخلص منا هيك صار نصيبا قصة طويلة
وبنسبة للزواج بسن المبكر هو مش سببو الفقرصحيح في نسبة كبيرة هيك بزوجو بس مش هادا السبب الرئيسي
ولا شو رأيكن
| |
| | | RAUL :: عضو vip ::
عدد المساهمات : 3443 تاريخ الميلاد : 14/02/1988 العمر : 36 العمل/الترفيه : سنة تانية معهد محاسبة المزاج : نص عنص مزاجك اليوم : المهنة : الهواية : السٌّمعَة : 0 نقاط : 56 تاريخ التسجيل : 27/02/2008
| موضوع: رد: الزواج في سن مبكر ( للنقاش) 26/5/2008, 10:18 am | |
| روزا حكيك حلو وجميل بس هادا الحكي من شي 7 او 8 سنين وتحول الزمن 180 درجة ما بئلك من زمان كان الزواج المبكر هوة الاصل بس هالايام لا وانا ضد انو الشب او البنت يتزوجو بسن مبكر عامر | |
| | | Rose :: عضو vip ::
عدد المساهمات : 10370 العمل/الترفيه : بتقصد الشغل يعني؟؟؟ المزاج : عاى الحشيشة علم الدولة : مزاجك اليوم : المهنة : الهواية : السٌّمعَة : 13 نقاط : 1073 تاريخ التسجيل : 08/03/2008
| موضوع: رد: الزواج في سن مبكر ( للنقاش) 28/5/2008, 1:42 am | |
| انا صحيح حكيت هيك بس انا ريفضة رفض تمام للزواج المبكر للبنت ان جينا على الحقيقة هي بكون تفكيرا ما بكون ناضج وواعي وحتى حكيا عند بتحكي بكون شوية طيش وما بتحسب الحكي العبتحكيه
| |
| | | Mortada
عدد المساهمات : 29525 العمل/الترفيه : خريج حقوق المزاج : رايق علم الدولة : مزاجك اليوم : المهنة : الهواية : السٌّمعَة : 53 نقاط : 2622 تاريخ التسجيل : 07/12/2007
| موضوع: رد: الزواج في سن مبكر ( للنقاش) 31/5/2008, 2:57 am | |
| حلوووووووو كتير روز مداخلتك حلوة كتير وبشكرك ع المعارضة اي انا حكيت هيك لشوف مين بدو يعارض طبعا انا بعارض حكيي بس اكيد نحنا كلنا بهاد الزمن عم نسمع اشكال ألووووووان واكيد البنت الواعية بتكون قد حالها بس كمان الانسان مو معصوم لحتى ما يوقع بالغلط يعني كتير من الواعيين منشوفون عم يوقعوا بالغلط بدون ما يحسوا بالنسبة للموضوع بضل الزواج بعمر مقبول احسن شي يعني مو بكير كتير ولا لحتى يخير الواحد ومشكورين جميعا | |
| | | Rose :: عضو vip ::
عدد المساهمات : 10370 العمل/الترفيه : بتقصد الشغل يعني؟؟؟ المزاج : عاى الحشيشة علم الدولة : مزاجك اليوم : المهنة : الهواية : السٌّمعَة : 13 نقاط : 1073 تاريخ التسجيل : 08/03/2008
| موضوع: رد: الزواج في سن مبكر ( للنقاش) 1/6/2008, 8:16 pm | |
| مظبوط مرتضدى مشكور لموضوعك الخلانا نحكي بجدية شوي عمنتظر باقي مواضيعك المميزة
| |
| | | *رهف* : مديرة النادي العام :
عدد المساهمات : 5423 تاريخ الميلاد : 27/09/1979 العمر : 44 العمل/الترفيه : ربة منزل المزاج : مستقيلة ومهاجرة علم الدولة : مزاجك اليوم : المهنة : الهواية : السٌّمعَة : 67 نقاط : 5519 تاريخ التسجيل : 29/12/2009
| موضوع: رد: الزواج في سن مبكر ( للنقاش) 24/9/2010, 5:53 am | |
| مجتمعنا الحالي رغم تقدم الوعي والذكاء الحاد بالجيل الجديد وكبر عقلهون وجرأتهم الي بتكون أكبر من عمرهون الكباريه بيقولوا ياي صار عمر بنتك 18 ولازم تتزوج بعدين بتبور هههه الا اذا انت عم تدرس ممكن يتقبله بعض الأسر الواعيه هالشي يعني أقصى حد 22 بعدين هي بايره والله أعلم شو في بحياتها هيك بيحكوا أغلب الأهالي أنا متأكده انو بزمانا البنت عم تعرف شغلات امها مابتعرفها لاحتكاكها بالمجتمع الحالي هلأ التوعيه والتربيه والبيئه بتلعب دور كبير بسلوك البنت والظروف المحيطه فيا والعقول متفاوته بالفهم والنضج والوعي في وعي كبير صار هلأ بالنسبه للأهالي أفضل من أول بكتير وفي شريحه كبيره عم يزوجه بناتهون عبكير وحتى الشباب في كتير بيرغبوا البنت الصغيره بيقول خليني فتحها عايدي أما بالنسبه لالي أنا تزوجت عمري 14 سنه لأني كنت معذبه امي كتير مع انه وحيده عشبين كان عندي طاقه غريبه لكلشي بدي أعرف كلشي بالدنيا حب المغامره الوالده بحسب رأيها خافت علي من تفتحي الغير طبيعي بنظرها وماخلتني كمل بعض الشغلات الي كنت احلم ساويها لحرصها كنت حب رياضة الجنباز كتير وشغلات كتيره اتسجل فيها ترفض وتطالعني وبعنف قوي بدون مناقشه ثقوا تماما لما زوجتني كتير اتعذبت كم سنه لحتى اتعودت عطباعه وعلى عادات وتقاليدأهل زوجي وكل شي حرمتني منه الوالده بطفولتي عملته بعد ماتزوجت وتركته بمزاجي وفي أمور بعد عم بدرسها لنفذها وبعد مافرغت هالشحنه الي عندي والطاقه وعيت لشي اسمه بيت وزوج وولاد لما جبت أول ولد الي ماكنت أعرف ربيه زور عند أهلي فتره طويله لتطلعلي على ابني --------- البنت زواجها المفروض يكون عن وعي ورغبه من نفسها تكون ناضجه وواعيه لشيء اسمه مسؤليه | |
| | | | الزواج في سن مبكر ( للنقاش) | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|