الموضوع حساس كتير للجادين فقط

هاااي

كيفكم
عندي مشكلة وحابة أخد رأيكم
وتروة القصة
كان يامكان كان فيي بنت حبت شب كتير حب لحد الجنون وهو كمان حبا نفس الحب
وبعد مرور سنتين من الحب يلي كان كلوا فرح وسعادة
بيتحول الحب ل عذاب وكل يوم جراح
والبنت تعبت كتير من الحزن يلي جواتا ويلي بسبب الحبيب وغيرتوا الزايدة
وخوفوا عليها وبعد تراكم المشاكل والخناقات بتقرر البنت تنسحب من حياة الشب
مع العلم انوا كل حياتا
وبنفس الوقت بتقابل شب كتير ظريف وبيحبا من كل قلبوا
والبنت بتبلش تحس فيه وبمشاعروا
ولما عترفلا انوا بيحبا كتير هية حبتوا من كل قلبا
بس المشكلة انوا البنت ماقدرت تنسى حبيبا القديم وماعم تقدر تكمل مع حبيبا الجديد
وبترجع بتقرر تنسحب من حياة حبيبا الجديد كرمال ماتعزبوا او تجرحوا
لانو البنت مالا واثقة انا ممكن تنسى حبيبا
والسبب بكل مكان في ذكرى للشب ومشان هيك ماعم ينتسى
بس الحبيب الجديد تعلق كتير بالبنت وهية كمان صعب عليها وداعوا
بس مافيي حل تاني
والبنت بتقرر تدفن حبا القديم والجديد بقلبا وتكمل حياتا عايشة بالذكريات والأوهام
وبتقرر ترتبط كرمال تنسى
والبنت خايفة تكون عندا حالة نفسية بهيك قصص
كل ماتحب حدا يابيتركا يا بتتركوا ياأما الله بياخدوا
وهلأ دوركم انتوا ياشباب وصبايا المنتدى تعطوني رأيكمم بمشكلتي وتنصحوني
لاني محتارة كتير ومابعرف كيف أتصرف

أولا الحب كل شيء في هذه الدنيا و ما تزعلي مني إنتي عم تخافي من الحب لهيك عم تتهربي منه جربي لا تحبي مو ضروري تحبي الشب الثاني حب حقيقي حبي مثل ما بتحبي صديقتك أو صديقك
بعدين إنتي بعمر بعدك عم دوري على الشب المناسب لهيك لازم تكون علاقاتك كلها صداقة الحب بيجي بعدين.
ثانيا لا تحزني على الرجل أبدا هو في يحب مئة وحدي أما البنت بمئة سنة لتحبلها واحد.

و مثل ما أنا بقول الرجل يبرع بالكذب و الإمرأة تبرع بالتمثيل.

شكرا كتير إلك

وعلى نصيحتك

صعب كير ننسى شخص سكن بقلبنا جد صعبة
والاصعب لما منخاف حدى ياخد مكانو
او ياخد لو جزء من يلي كان مكانو
مابعرف شو انصحك لانو صعب كتير وخصوصي اني انا انصحك
صعبة

انا مارح اعرف انصحك بس رح قللك ليش

لاني بحياتي ماحبيت حدا وضل معي الكل كان يتركني وهلا اخر امل عندي اياه بحبيبي اللي هلا انا بعشقو

أنا برأي سألي قلبك هوي بيقللك شو تعملي
وانشالله الله بيوفقك يارب بان تختاري صح

أول الشي ورجينا أنا بشكرك كتير حتى لو مانصحتيني بس بيكفي انك رديتي ع الموضوع

لانو للأسف ناس كتير عم تفوت بس عم طتلع بدون رد

شكرا كتير إلك زيزو بس قلبي بدوا حبيبي الجديد

وانا مابدي عزب حدا معي مابدي اظلم حبيبي الجديد

نحنا هون لنشارك بعض بهمومنا ومشاكلنا
ونفش البنا لبعض اكيد
يمكن نقدر نلاقي شي يريحنا
انا مانصحتك لانو بخاف تكون نصيحتي غلط وخصوصي اني ممكن كون بهيك موقف وماعم اعرف لاقي حل
لهيك مارح انصحك شي غلط

برجع بقلك شكرا كتير حتى لو مانصحتيني المهم لقيت مين يفكر فيي

عاشقة بدي قلك اذا الشب هيك تغير معك ومابتعرفي ليش اكيد فيه سببين او سبب واحد بس
هلق عم تقولي انه بغار كتير وبخاف عليكي هاد كتير سبب حلو ومقنع لاستمرار العلاقة بس بصراحة الغيرة الزايدة بتولد شك والشك بوصل لنتهاء العلاقة

بس انتي ليش تركتيه بس لانه بغار وبخاف عليكي زيادة؟
انا برايي هاد مو سبب مقنع للنسحاب من هالعلاقة عاشقة
لانه الانسحاب لازم يكون وراه خيانة او كذب او انه تغير بسبب بنت تانية او مل من العلاقة

وتجي قلك انه صادفتي شب جديد وهيك حبيتيه شوي وخايفة من انه تجرحيه وهيك
بنصحك تنسي حبك الماضي وتبلشي حياة جديدة مع شب جديد وحياة جديدة
لانه الزكرى مارح تفيدك والشب الماضي مارح يرجع ولايفيدك

لانه لو رجعتي للعلاقة القديمة مارح تنسعدي بهالعلاقة لانه رح يتغير عليكي كتير شغلات
مارح تحسي بالامان يلي كنتي فيه ولا الحب ولا السعادة لانه رح يضل فيه شك وغيرة ومشاكل من الماضي

لهيك احسن الك تبدي من جديد ولو شفتي الشب الجديد مناسب وبحبك عن جد حبيه
لانه الدنيا كلا تجارب وكل علاقة حب رح تكتشفي غلط جديد وشغلات جديدة وتتعلمي

ع فكرة هاد مريت فيه وكنت حب شخص سنة ونص وتركنا
واجاني شخص جديد وماترددت وحبيته وبحبني لانه الدنيا مابتوقف عند القديم ابدا

انشالله كون افدتك
انا خبيرة بهالحب لانه كل علاقاتي مأضربة ههههههه
للملاحظة حبيت مرة وهي تاني مرة حب حقيقي هههه

شكرا كتير سالي ل النصيحة بس اكتر من سبب خلاني بعد الخيانة والغيرة الزايدة والخوف

والحرمان من كلشي بسبب الغيرة وحسيت انو الحب راح ماعاد فيي مشاعر
وبدرا انو حبيبتوا القديمة كانت عندوا بالمحل وعم تحاكيه أسباب كتيرة خلتني أبعد
عم فكر شوف طبيب نفسيي
برجع بقلك شكرا كتير إلك

مممممممممممممممم عاشقة بظن فيه خيانة لكن بلالك هالحب من اصله
وليش زعلااااااااااااااااانة ؟
ليش هالحالة النفسية طالما طلع مامنيح وضيعان هالحب فيه ؟
ليش هالحالة النفسية للمين ع تزعلي عليه ولا عليكي؟
ااذا عليكي ابكي ع الايام يلي راحت ع الفاضي
اوعا تبكي ع شخص ما طلع معك منيح هي نصيحة

خلص الزلمي ماطلع منيح وعنده حبيبته القديمة معنها لاتزعلي وابدي حياة جديدة متل ماقلت قبل
لانه الدنيا مابتوقف ولا رح توقف عنده
الله بعتلك مين احسن منه وبعتلك شب منيح وعرف قيمتك لهيك بلالك هالزعل كله

واذا رح ضلي هيك زعلانة وحالة نفسية هيك رح تعلني خسارتك وربحو هوي
خلص قولي الله يوفقن ويبعتلن الخير مافيكي تعملي شي

بس متل ماتوقعت قلتلك انه فيه سببين لتغيرو معك
بنت تانية بحياته او انه مل من العلاقة
وطلع فيه بنت تانية بحياته ولانه كل الشباب هيك عاشقة بحبو غيرو علاقاتن مين ماكانو يكونه

انا زعلانة لاني خسرت سنتين من عمري ع الفاضي

ولاني بنيت احلامي مع شخص مابيستاهل
وشكرا كتير إلك ولازم عيش حياتي كلامك كلوا صح

مافي انسان ما ضيع سنين عمره بالحب وانتي لساكي صغيرة عاشقة
يعني احتمال تحبي وتتركي تحبي وتتركي كتيررررررررررر
ويمكن مارح تستقري عاطفيا لاسن ال 24 سنة بتكوني عن جد لقيتي الحب الصح
انتي هلق بسن المراهقة ولسى قلبك وعقلك مانضج ووقف عند مواصفات الشريك يلي بدك ياه
لانه بكرا كل ماكبرتي سنة كل ماتوسع مفهومك للحب وصار بدك شب من نوع احسن او من نوع افضل من يلي كنتي تحبيه قبل

وهاد شي طبيعي هي انا ضيعت عمري كله بالحب وكنت مر بكل علاقة حب وكل علاقة حب تمر وتخلص كنت اتعلم منا شغلة
هلق انتي تعلمتي انه لازم تختاري شب مابخون ولابغار زيادة ولازم يوثق فيكي ويحبك عن جد
هاد تعلمتيه انتي
بس وقت تحبي من جديد رح تتعلمي لسى شغلات اكتر من هيك وقت لاسمح الله تتركي من جديد
لانه هي سنة الحياة تحبي وتتركي تتلاقي الشب المناسب ويلي رح يكون شريك حياتك

والله كلامك كلوا صح حكي جواهر هيك سنة الحياة

بس بتعرفي لو بدي هلأ بقدر حب
بس انا ماعاد اثق بشي أسموا حب
بطلنا الحب وبطلنا نعشق نشتاك نتمنى

ما بعرف شو بي قول بإعتباري الحبيب التاني

بس إزا بدك نصيحتي ارجعي لحبيبك التاني
لأنو بيحبك من كل ألبو ومابتعرفي أديش عم يتعزب يلي هو حبيبك التاني يلي هو أنا
ومن شان أنك ألتي أنو بلا حب بلا كلام تاني هاد الكلام مو صحيح لأنو خارج عن الطبيعة التانية
أنا بي نرجع سوا لآخر العمر فهميني بقا والله تعبت
بحبك الموضوع حساس كتير للجادين فقط 229923

مارح اكتب اي شي لاني حكيت كتير

وبدون فائدة
بس شكرا على مرورك أحموود

ممممم سوري انا هلق لانتبهت ع الموضوع
رح قلك نصيحتي عاشقة
واكيد بالاخير القرار الك ولقلبك
انتي بالنسبة الك لما اخترتي انو يصير عندك حبيب تاني كان في شي بقلبك مشاعر اتجاهو
وبما انو حبك الاولي خلص انحد
ما في مانع انو تعطي فرصة لحبك التاني يللي الو مكانة بقلبك
ولو سلمتيه جزء بسيط من قلبك لانو يمكن هاد بيكفيه لحتى ياثبتلك حبو ويجاول ينسيكي الحب الاولي
انا هاد رايي

انا معك حاولت أعمل متل ماحكيتي

بس ماعم بقدر أتحكم بحالي
مابعرف مين يلي عم يتحكم فيي
بس في شي جواتي عم يمنعني اني حب من جديد
وشكرا كتير ل اعطائي رأيك

عاشقة متل ما قلتلك و لح ضل عيد

و قلتلك نصيحة مني و حطيا حلقة بأدنك

فكري و خدي قرارك بعقلك مو بقلبك

شو الفايدة اذا هو عم يعيش حياتو هلق و مبسوط

و انتي قاعدة عم تفكري فيه و تنهمي و تعذبي حالك و تعذبي العالم معك

العالم = احمود

عاشقة انا عطيتك نصيحتي

ما ضروري نضل عايشين العمر على ذكرى مرت بحياتنا

انا معك انو صعب تنسي

بس انا قلتلك انو لازم تقسي ع حالك اول فترة بعدين بتصيري بتحسي طبيعي هاد الشي

بس اذا انتي ما بدك هاد شي تاني

لأنو مافي انسان بيصير بدو شي و ما بيحقوو

الا الفاقد الامل و الي ما بيحب يثابر ع مستقبلو

طولت كتير و حكيت كتير

بس بالأخير لح قلك اهم كلمة بين هدول

قرارك يكون من عقلك ما من قلبك

تقبلي مروري

شبل الأسد كلامك على عيني وراسي

وانشالله رح حاول اعمل كلشي بيطلع بئيدي
شكرا كتير لإعطائي رأيك

ولو عاشقة واجبي هاد

و اي شي بدك ياه طلبي و تمني انا جاهز لأي خدمة

خلص أنت اول واحد بطلب منوا إذا كنت بحاجة لأي شي

وشكرا كتير إلك
وأنا طلبت منك طلب انشالله تلبيني
مو تقلي هاد واجبك حكينا مو

لا تشكي باللحب لأن مو ضروري يكون الحب لشخص واحد بس أنا دائما بقول قد ما حبت البنت رح ترجع للحب الأول و طبعا بتحب كثير و بتعشق كثير بس هلق بنت عمرها 17 سنة بعد بكير تقول أنه ما رح تحب لأن هلق إنتي بعمر عم تحاولي تبحثي عن شي بناسبك بكل شي و لما يصير عمرك فوق العشرين بصير فيكي تحكي بالارتباط الحقيقي

أنا صاير عم كثر حقي بدك طولي بالك علي شوي

و أنا عنجد عم قلك و هذه نصيحة أحكي مع يلي بدك ياه هلق و بكرة بتختاري يلي بدك ياه لأن بهل وقت الواحد ما بيعرف شو يعمل و مين بده

انا مابدي ألف عشيق بدي بس واحد ولقيتوا صدقني قصتي نحلت

لاني رجعت للغالي وكتير سعيدة ومبسوطة
وانا قلتلك انت المحامي قد مابدك كتر حكي
شكرا ل رأيك

» برنامج فلكي كتير كتير حلو (خاص امنتدى وسامو الغالي)
» سؤال حساس .
» للجادين فقط.. تطوير دواء للإقلاع عن التدخين
» مصطلحات اجنبية
» الى صديقي حساس