ناقش اللي بعدك بـ:: سؤال

***************
وسؤالي هلأ إذا لقيت الشخص المناسب لحياتك
بس انت خايف من الفراق شو بتعمل وكيف بتتصرف

------------------
أسيرة الظلام
الي شاريكي عن حق وحقيقي مارح يتركك ولا هادا حب مزيف خداع كذب
ونصيحه شو بقلك احساسك عمليه
استفتي قلبك ولو أفتوك وأفتوك
---------
سؤالي ياجماعة الخير
--------------
الكذاب عم يكذب على حاله والي عم يكذب عالناس
ولما بيكذب الكذبه ولك بصدقها وبنسى حاله اني هوي كذاب
الي بيظهر شي وبكون داخله شي هادا شو نوعه
الانسان المهذب البريء الشريف الخجول المحترم اله وجود مع هالبشر عفوا الي اسمون بشر
أنا برأيي هيك انسان رح يضلوا عليه من الصدمات والضربات رح يصير وحش كاسر مفترس
شوهاد شلون بدكون تتعامله مع هيك شريحه من البشر الي بالميه تسعين موجودين

blue star
سعيده بانضمامك معنا بهالأسئله
وياريت شوفك دايما بمواضيع النقاشات والحوارات
بس بدي أسألك سؤال قبل ماجاوب عسؤالك بعد اذنك هلأ هالانسان مشيته معه وعرفتيه كذاب
طيب وبعدين
هيك بدنا نقضي عمرنا مع ناس كذابين ؟؟؟؟؟
لك والمشكله بكونوا ناس مفروضين عليكي ومافيكي تتخلصي منون
--------
[b]blue star[/b]
كتبت
-------

انسان عشت معو أحلى لحظات العمر و فجأة صار حدث فرق بينكن..... و ما قدرت تنساه و بقيت عالذكرى......
شو بتعمل ؟؟؟
-----------
مابعمل شي يعني الألم لابد منه يومين تلاته شهر شهرين ان كترت تلات أشهر بتغلب على ألمي وبداوي قلبي المكسور المجروح بأي طريقه تريحني حسب كل شخصيه وشو الي بتستهويه
وخلص ثقي تماما بينتسى وبعد كذا فتره لما بتصحي من (هالمخدر الي اسمه حب وأنا برأيي وهم عم نخدع أنفسنا فيه
لأني الانسان بحب نفسه وبحب الي بيهتم فيه وبكون اله مساند وملبي لرغباته من كل النواحي
فلما بيفقد هالشيء من هالانسان بيتبخر الحب وبتبقى الأنا الداخليه في كل انسان هي المتحكم الأساسي بتصرفات كل انسان)
فلما بيصحى وبيذكر تصرفاته مع هالحب الي راح وصار أطلال ودخان وذكرى رح يضحك على حاله كيف كان عم يتصرف وعم يسترخص ألبه لانسان مابيستاهله
مشكلتنا نحنا النساء ككل وأنا معكون انه عاطفيين وأغلب الأحيان عاطفتنا بتسبق عقلنا
--------
سؤالي
-------
لما بتحس انك مخنوووووووق وحاسس الدنيا كلها ضدك وانت بس أداة لتريح الناس الي حواليك انت بس للعطاء والأهر وحاسس اني كل هالدنيا كرهتها ومليتها وبتتمنى الموت يجي لأني مافي فائده كل يوم متل الي قبله
اخ بس
شو بتعمل

هاي يا جماعة
أول شي انا بشكركن على هالفكرة لكتير حلوة
عنجد كتير عجبتني

واما بالنسبة للسؤال المطروح
انا بظن انو ما فيني خرب علاقة رفيئتي منشان حبي
لأنو ما برضى أفرح و اتهنى على حساب عذاب رفيئتي
ولو كنت انا عم اتعذب
ما بيصير بنوب

وسؤلي هو:
لما تقلك حبيبتك/حبيبك أنو بتكذب/ تكذبي بحبك إلا / إلو كيف بتثبتلا / تثبتيلو عكس هالشي؟

سوري يا جماعة خربطت لالسؤال انا
المهم جوابي على سؤالك يا رهف
أول شي انت ليش متشائمة كل هالقد خلي عندك شوية تفاؤل وامل
عالعموم انا اذا بلاقي حلي بهيك ظرف ما فيني الجا غير لرب العالين هو يلي فيه ينجيني من أي ضرر ويزيل عني الهموم أكتر من أي شي تاني

وبالنسبة لسؤالي هو هو ما بيتغير:
لما تقلك حبيبتك/حبيبك أنو بتكذب/ تكذبي بحبك إلا / إلو كيف بتثبتلا / تثبتيلو عكس هالشي؟




هلا فيكي عزيزتي مريم نورتي
وعادي كلنا منخربط
هههههههههه
مريم أنا مالي متشائمه
بس بهديك اللحظه لما كتبت سؤالي كنت عم بمر بظروف صعبه وهلأ الحمد لله مشي الحال
متل مابتعرفي الحياة فيها الحلو وفيها المر
والانسان بمر بتقلبات بنفسيته متل الطقوس تماما
شوي خريف شتا ربيع صيف
ولما بعتلك الرساله لتصلحي جوابك ماطلبت منك تغيري السؤال عزيزتي
وشكرا عزيزتي على ردك
أوكي مريم
------
ولي عوده

؟؟؟؟؟؟؟؟
شو وين المشاركات
ليه تاركين هالموضوع الي كتير حلو وفي تجديد
عكل رح بلش أنا
بالنسبه لسؤال العزيزه مريم

لما تقلك حبيبتك/حبيبك أنو بتكذب/ تكذبي بحبك إلا / إلو كيف بتثبتلا / تثبتيلو عكس هالشي؟

هلأ الي فهمتوا من سؤالك
اني كيف بتثبتي للحبيب حبك حتى وان كذبك المحبوب
مهيك مريم
برأيي الحب مو مجرد كلمات
الحب احساس وعطاء وتضحيه
الحب هو من نعم الله علينا
ربنا خلقنا لأني بحبنا
وربنا له حبيب محمد صللى الله عليه وسلم
ولما بدي أثبت لحبيبي انوا بحبوا
موبقله بحبك
من تصرفاتي معه بيلمس اني بحبوا من انشغالي فيه وسؤالي عنه دائما ومساندته وعطائي اله
وبنسى العالم كله ومابيعجبني شي بهالدنيا غير وصالي معه قعدتي معه أنسي بمجالسته الدفاع عنه من كل النواحي
لما حدى بيحكي عليه بدافع عنه بكل شي
فهوي لما بيلمس فيني هالشيء الروحاني أكيد رح يتأكدمن حبي اله
ولما بكذبني
بكون هالمحبوب احساسه فيني قليل أو حبي أكبر من حبه
أو مابيستاهل محبتي
-----------
هلأ سؤالي الكون ياحبايبي الي بيعرفوني بحبهون من كل ألبي
------------
شاب من الطبقه الغنيه (هاي كلاس )اتعرف على بنت وحبها وهي من الطبقه العاديه
وبيكتشف هالشاب انه سمعة أخواتها مش ولابد يعني في شوية غبره بسمعتهون
كتربيه تعود للبيئه ولتربية الأهل
لما بقرر هالشاب يرتبط بهالفتاة وأهله بحاربوه
-لأني الطبقه مختلفه تماما
-ولأني الأخوه والأخوات تربيتهون أو سمعتهون مو زياده
بس انت ياشاب بتحبها
شو بتعمل بهيك حاله ؟؟؟؟
بتتغاضى عن كل هالمتناقضات وبتحارب أهلك وبتاخدها
الا بتنسحب بكل هدوء وبدون ماتعطي خبر لمحبوبتك
الا بتصارحها بسبب رفضك الها
---------

اذا بيوم من الايام حبيت حبيب رفيقتي فلازم قبل ما انسحب اكون متأكدة انه هاد الشخص بحب رفيقتي عنجد لانه ممكن يكون بحبني بس اذا رفيقتي كانت بتحبه وحبي لاله رح يئذيها طبعا رح اكتم مشاعري

سؤالي للي بعدي:شو بتعمل اذا كنت تحب شخص وما فيك تعيش بدونه بس احتمال اذا ارتبطتوا يعرف شي عن ماضيك بيؤذيه وبكون سبب لانكوا تفترقوا للابد؟

iهاي يا جماعة
أول شي انا بدي هني كل اعضاء المنتدى بحلول العيد وكل عام وانتو سالمين وبخير يا رب

وبالنسبة لسؤالك يا أسير الظلام راح قلك شي: أنا رأيي انو هالصديق يلي فجاة سمعت انو بحبك مافيك تعملو شي لأنو انت تعودت عليه كصديق وحتى ولو فكرت انو انت تحبو شي نهار ما راح تقدر لأنو انت عرفت حدودك لوين معو بس هو يلي سمح لحالو يتخطى حدود الصداقة وخاصة أنو انت على علاقة مع شخص تاني
انا عم شوف انو ما فيك تعمل شي وانو لازم اتابع حياتك طبيعي وكأنو ما عرفت شي وما راح قول انو لازم نبعد عن الصديق يلي ظهر بحبنا بس نتعامل معو عادي راح يظلو صديق ....
هاد راي بصراحة

وهلا اجا دوري: اذا انت كنت على علاقة مع شخص وكان حبكم كتير كبير وكل الناس بتعرف قصتكم
وفجأة يتغير الطرف التاني بمعاملتو معك وتوصل معو لدرجة انو ينهي كل شي بيناتكم
ويمر الوقت ويصادفك شخص بحبك عنجد وبدو اياك لتكون شريك حياتو (مرتو) وانتي ما بتحبيه .وفي هالوقت بيرجعلك حبيبك الأول ...
ياترى شو بتعمل راح تتخلى عن حبيب حياتك يلي لساتك بتحبيه و تروحي تبني حياتك مع زوجك أو بترجعي لحبيبك مع أنك منك متأكدة أنو لساتو بيحبك مثل الأول وأنو راح تكوني انت وبس بحياتو


..........يلا حلوها لشوف لأنو انا تعبت وما لقيتلا حل ..........

وهلا اجا دوري: اذا انت كنت على علاقة مع شخص وكان حبكم كتير كبير وكل الناس بتعرف قصتكم
وفجأة يتغير الطرف التاني بمعاملتو معك وتوصل معو لدرجة انو ينهي كل شي بيناتكم
ويمر الوقت ويصادفك شخص بحبك عنجد وبدو اياك لتكون شريك حياتو (مرتو) وانتي ما بتحبيه .وفي هالوقت بيرجعلك حبيبك الأول ...
ياترى شو بتعمل راح تتخلى عن حبيب حياتك يلي لساتك بتحبيه و تروحي تبني حياتك مع زوجك أو بترجعي لحبيبك مع أنك منك متأكدة أنو لساتو بيحبك مثل الأول وأنو راح تكوني انت وبس بحياتو



--------------
مريم
أول شي القصه بترجع لمشاعرك وأحاسيسك
وأنا برأيي
بترك حبي وعذابه اذا بتقدري ومالك واثقه من محبته لالك
والمفروض تكون المرأة مطلوبه مو طالبه وخاصة بالحب
لما الرجل بيحبك أكتر ماانتي تحبيه حتكون السعاده الأبديه الك
أما حبيبك الأول فيكي تسأليه ليه اتخلى عنك من الأول وشو هيه أسبابه ويكون عندك بمحل الامتحان قبل ماتخطي هالخطوه الي حتحدد مصير حياتك كلها
----------
عشوئتي اسفه كتير انتي كتبتي سؤالك بالعيد وأنا مادخلت
يلاه خيرها بغيرها
----------
أما سؤالي :
-------
اذا انسان كان تعامله معك بفظاظه وعنف وتجريح وهوي مابيقصد شي غير انه هيك طبيعته وهيك أسلوبه بالتعامل مع الناس
كيف حيكون تعاملك معه مع انه هوي انسان فيه صفات مميزه

أما سؤالي :
-------
اذا انسان كان تعامله معك بفظاظه وعنف وتجريح وهوي مابيقصد شي غير انه هيك طبيعته وهيك أسلوبه بالتعامل مع الناس
كيف حيكون تعاملك معه مع انه هوي انسان فيه صفات مميزه
--------
بما انوا ماحدا جاوب وصرلوا السؤال فتره طويله رح جاوب أنا
-----
بحاول أنصحه بأسلوب يتقبله هوي وبعمل حد بعلاقتي معه وبحاول أعمل الأشياء الي بكون مبسوط منها والي ترفعله معنوياته
وأكيد الاحسان حيجيب نتيجه
------
سؤالي الجديد :
-------
اذا كنت مع جماعه معينه بالعمل -بالبيت - بأي مكان
وانت عم تبذل كل مجهودك وعم تتعب وعم تشتغل بضمير وانسانيه
وماحدا عم بقدر تعبك
بهالحاله شو بتعمل ...؟
--------

مرحبا صباح الخير إن كان صباح


مساء الخير إن كان مساء


أولا شكر كتيررررررر على الموضوع الرائع


وتانية يسعدني ويشرفني أني كون أنا اللي بجاوب على السؤال


..... والجواب


الصبر والمسامحة مع الأصرار على المتابعة لوصول هدفي



والسؤال اللي يطرح نفسه بنفسه للي بعد مني


يمكن أنا بقلبك مالي مكان .. بس شو رئيك يوم إنك في قلبي أغلى إنسان


................. مع كل الشكر

مرحبا
موضوع كتير حلوة
يا أسيرة الظلام
جواب سؤالك أكيد أكيد لا
إلا إذاكان الواحد معو مرض نفسي فممكن

أما سؤلي ليش الواحد منا لما يحب بنت عمو أو خالتو أو خالو من القرايب يعني
بيستحي يأفصح عن مشاعرو وشو هي الطريقة المناسبة لحل هادا الشي؟؟؟