احقر احساس بالدنية

موضوع: احقر احساس بالدنية 8/6/2008, 8:03 pm

هاي شباب صبايا مابعرف اذا بيصير احكي هالشي هون بلمنتدى بس والله مالي نفس شوف حدا اليوم

منشان هيك قلت مالي غير هون احكي فشة خلق

هي الصديقة و هي الحبيبة

أحببنا بعضنا الآخر في علاقة أمتدت خمس اعوام
كنا أصدقاء فوق كل شيء تحطينا حواجز المجتمع و جميع الفوارق الأخرى لنقف أمام بعض كإنسانين ذلك الوقوف ذاته الذي رسم لنا معالم علاقتنا التي لا يحدها شيء
لم يفهمها أحد مثلما فعلت أنا و لم يفهمني أحد مثلما فعلت هي
كانت تبتدي الجملة لأنهيها أنا أو بالعكس
لطالما قلت لها أن روحينا كانت قبل الخليقة واحدة و أنشطرت إلى قسمين لتسكن هذين الجسدين

رغم كل الحب و العشق الذي تبادلناه لم نتجاوز إلى تخريب علاقتنا بالسوء تقابلناو للم يمسس أحدنا الآخر حتى الضمة التي كنت أحلم بها لم يكن لها وجود في واقعنا

مآسأتنا بأننا من دين مختلف وعندما علم اهلها وطلبنا الارتباط بالطبع رفضو رفض تام

(مع انو قلتلون بعمل يلي بدكون يا وبعطيكون يلي بدكون يا لو شو ما كان ومافي ما حدا لحد

بعد بفترة اجاها عريس وطبعا اهلا ما سدقو اجا واحد منيح منشان يخلصو مني خطبوا غصب

تألمت مرضت كثيرا و لا أحد يلتفت

و كنت دائما هناك حاضرًا لأهون عليها الأمر أوضح لها كل ما هو جيد في خطيبها وجدت نفسي و بكل تلقائية أسوق أخلاقه و أبدي تشابهنا
كانت تأتي من عنده باكية في كل مرة تبكي خيبتها و عدم فهمه لها تأتي الي لأرجعها له سعيدة و أبلع الحزن في داخلي
للحظات كنت أشتم نفسي واقوم بأذية نفسي لكي اشعر بالراحة و لكن كل ما يهمني في الأمر كان الأمر كله هيييي
عشنا شهورًا من الألم كلا على طريقته وتدنت علاماتي الدراسية وتدنا مستواي في العمل ولم استطع التركيز في شيء

في النهاية رضخنا للأمر الواقع أستسلمنا و

هي تقول أن ما بيننا يتجاوز أمر الزواج هناك الحب الذي يربط بيننا ولن تحبه بقدر ما تحبني
أما هذا الزواج فهي ستحاول أن تسعد به لأن لا خيار آخر لها
كأنه إختبار لا مناص منه كأنه تخصص دراسي و منهج لا تستطيع تغييره

و أنا أرى في زفافها إلى حضن رجل آخر فراق لنا و موت لي

قبل عشرة ايام كان اخر حديث بيننا ودعتها بإبتسامة وفي داخلي الألم ولحزن لا اريد ان اراها حزينة اريد لها السعادة

فا باركولي اليوم عرسا وشغال بكون

ومافي داعي تعرفو شو الاحساس الرائع يلي حاسو لانو هاد احقر احساس بالدنية ممكن تحسو انك تشوف حبيبتك عم تجوز واحد تاني وانت كنت اذا حدا بس اطلع بطرف عينو عليها تجن وتغار كيف هيك

باركتلون وحطيت ايدي بايدو للعدو تبعي وهاد شي بندم علي بس كرمالا عملت هالشي مو لسواد عيونو

في حكي كتير بس حاجتي يمكن

وبتمنى تقلولي شي او طريقة تنسيني هاليوم

وبتمنى كمان اي حدا عندو تعليق مارح يعجبني يخبي

وشكرا الكون

موضوع: رد: احقر احساس بالدنية 8/6/2008, 8:15 pm

والله يا اخي نيكولاس هيك اريحلك بكرا ان شاء الله بتلاقي الانسانة اللي بتنسيك اياها

اكيد ما حدا فينو يشعر بيلي حاسسه هلق

بعرف انو رح تتعذب لتقدر تنسى بس صدقني هيك اريحلك لانو لو كان في حب خيالي

بس طالما في الاختلاف هاد رح تصير مشاكل بالمستقبل

هلق الامور ابسط بكتير بكتير من مشاكل المستقبل اللي ما بتخييل ادي رح تكون

اذا بتحبها ادعيلها الله يوفقها ويحببها بزوجها وان شاء الله انت بتلاقي الانسانة اللي بتحبها وتحبك وتتزوجوا

وعسى ان تكرهو شيئا وهو خير لكم

رب العالمين عما يقلك هيك

مارح قلك اكتر من هيك

موضوع: رد: احقر احساس بالدنية 8/6/2008, 8:45 pm

لو بدالك بقتلو انا

موضوع: رد: احقر احساس بالدنية 8/6/2008, 9:10 pm

اي عل الطريق ان شاءلله روز عا ايدي نهايتو شكرا عا ردك
وشكرا محمد عا ردك كلكون زوق

موضوع: رد: احقر احساس بالدنية 9/6/2008, 11:36 am

تقبل مروري

موضوع: رد: احقر احساس بالدنية 9/6/2008, 2:30 pm

عنجد نيكولاس الله يصبرك شي صعب كتير اكيد

بس كمان متل ماقال محمد هيك ربنا بدو
وعسى ان تكرهو شيئا وهو خير لكم

وانشاالله مع الوقت بتنساها وادعيلها الله يوفقها

موضوع: رد: احقر احساس بالدنية 9/6/2008, 2:55 pm

الله يخليك نانسي يسلمو عا مرورك احلا ننوس نورتي وان شاءالله بنسا
كلك زوق

وريتا ؟؟؟؟؟؟؟؟ بس مشكورة عل مرورك

» من احقر انسان بنظرك؟؟؟
» اصعب احساس
» احساس مزعج
» مع بعض الناس كن بلا احساس
» احساس مؤلـــم