عدد المساهمات : 3486 تاريخ الميلاد : 02/09/1982 العمر : 42 السٌّمعَة : 0 نقاط : 42 تاريخ التسجيل : 24/03/2008
موضوع: حيوان + فدان = إنسان 15/6/2008, 3:04 pm
حيوان + فدان = إنسان
[size=12]الله يذكره بالخير صديقي صالح الشهري من السعودية كنت لما ضيفه سيجارة أو أي شي مو جاية على بالو فكان يرفع كفه ويقلي بطريقة غريبة : بَس بَس بَس بَس.. لك أنا مافهمت عليه بالأول .. قلت لحالي شبو عم يبسبس ؟..هلأ ماكان فيه شي .. خاصة أنو كان يبسبس بطريقة أقرب الى النزق من غيرها .. طلعت بالآخير الأربع بسات تعني بالسعودي : شكراً ما بدي .. أما عن النزق فطلع فلكلور سعودي .
بزماناتو اتصل فيني صديقي خالد العنيزي من دولة الكويت الشقيقة وقلي : أنا زعلان عليك كتير.. استغربت وقلتلو ليش لتزعل علي .. أنا مافيني البلا والحمدلله .. قام صفن خالد للحظات .. وأنا صفنت على هوى صفنته .. بعدين اكتشفت أنو زعلان علي .. تعني بالكويتي : زعلان مني .. قال ليش ما عم بتصل فيه إلي فترة .. ومن يومها كل ما بتطلع أغنية تدري ليش أزعل عليك .. بيخلق وش خالد العنزي بخلقتي لمدة ثواني وبعدين بيتلاشى مع الريح . بس في مرة أنا بقى اللي زعلت عليه لصديقي خالد .. أو بالسوري : زعلت منو .. لأنو أحبائنا بالكويت بيلفظوا حرف الجيم (ييم) .. وكانت النتيجة أنو خالد العنيزي دعالي مرة من صماصيم قلبه وقال : انشالله عن قريب بشوفك مخرج قد الدنيا .. إنتو اتصرفوا بقى .. أنا ما بدلت الجيم لأسباب رقابية.
حبايبنا في سورية كمان إلهن رصيد مهم بتنوع اللهجات اللي ممكن تعمل shock لدى المتلقي للوهلة الأولى قبل ما يفهمها .. فمثلاً لما كنت بالجيش وبالدورة تحديداً .. كان في عنا رقيب دمث ومهضوم من قرى الساحل الغالي على قلبنا جميعنا.. وكان هالرقيب لما يجمعنا بالساحة شوفه عم يخاطب بعض عناصر السرية بهالعبارة المستقطعة كل شوي :ولك بس يا فدان .. بعدين يكمل شرح الدرس .. يرد يستوقفه شي وينادي : ولك يافدان بشرفي بجومقك ها.. كان يقولها وهو عم يتطلع ع الصفوف الخلفية للسرية .. وأنا كنت بالصفوف الأمامية .. وبما أنو بالجيش مشاع مخاطبة المجند بكنيته مو بإسمه .. فأنا فكرت أنو في واحد بالسرية من بيت فدان .. وشكلو هالواحد مشاغب وأزعر ومو ناوي يجيبها البر .. بعدييييييييين لاكتشفت وعرفت شو معناة فدان .. لما وصل البل لدقني .. لأنو بصراحة صار الرقيب يناديلو لفدان وهو عم يطلع فيني .. شه !.. قام شوي شوي طلعت السرية كلها من بيت فدان ..
بس كلو كوم .. وإخواننا وأصدقاءنا في حلب الشهباء كوم تاني .. يعني أنا مابنسى والدة صديقي الحجة أم طارق الحنونة الطيبة بالذكر .. لما قلها طارق عني وكنا واصلين بلحظتنا من الشام لحلب : حجة حطيلنا أكل بسرعة رفيقي مو فطران لهلأ .. بتقوم الحجة بتنظرلي بتعاطف شديد وبتقلي : يعلى قلبي حيوان لك ليش هيك عين خالتك .. مابيصير تسافر على لحم بطنك .. حيوان ؟!.. لحظة لحظة مين حيوان ؟!.. وليش ؟ وشو المناسبة ؟ وأصلاً أنا مابعرفك ولا بتعرفي عني شي لحتى أسمحلك والا ما أسمحلك .. بعدين أنا شو ساويتلك لحتى تقولي عني حيوان .........؟؟؟؟؟!!!!! وإذا كنت حيوان فليش عم تقوليها بهل لهجة الحنونة المؤدبة ...؟؟؟؟!!!! ............... كل هالجمل المتشعبة والأسئلة الغير مترابطة صرت أطرحها بسرعة الضوء بقلبي.. إلى أن أسعفني صديقي طارق وهمسلي وهو عم يشلح صباطو : حيوان يعني مسكين .. الله وكيلكن طول ماننا قاعدين بحضرة الحجة أم طارق وكل مانحكيلها عن شغلنا الصعب ومهمتنا الشاقة تنزل فينا تحوين .. على قولة حيوان وحيوان ويعلى قلبي حواوين.. لدرجة إني قبل ما أطلع من بيتهن وقفت قدام المراية اللي بالكوريدور ودققت بأدنيّة وملامحي بتركيز للحظات طويلة .. اتطمنت فيهن على إنسانيتي .. شه !
[/size]
سالي الغرام الهيئـــة الاداريــة
عدد المساهمات : 20219 تاريخ الميلاد : 18/03/1986 العمر : 38 العمل/الترفيه : شرب دم واكل جماجم المزاج : معكر متل زيت العكر علم الدولة : مزاجك اليوم : السٌّمعَة : 35 نقاط : 3698 تاريخ التسجيل : 24/01/2008
عدد المساهمات : 28768 تاريخ الميلاد : 17/04/1984 العمر : 40 العمل/الترفيه : متعدد المزاج : هادئ علم الدولة : مزاجك اليوم : المهنة : الهواية : السٌّمعَة : 29 نقاط : 9050 تاريخ التسجيل : 16/05/2008
ضحكتني كتير خاصة بالأخير على كلمة حيوان مرة صار معي موقف مع وحدة حمصية وشامية
واقفين بوقتا عمنحكي ولا شو عبتمألس كنت على الحمصية بقلا للشامية والله امبارح كانت هالحيوانة طول الوقت عبتدرس بس ما لحئت بسبة عندا فحص اليوم
بتطلع فيني الحمصية بتقلي انا حيوانة بقلا اي حيوانة
بتقلي انا موديلي موديل حيوانة
بقلا لك لاااااااا يعني مسكينة
وما بشوف الا الشامية فرطت من الضحك على هالكلمة وما بقى اقدر اضبا
كان هاد تاني لقاء بيناتنا بهالجامعة
مشكور مروق موضوعك كتير حلو
nickolas :: عضو vip ::
عدد المساهمات : 5040 تاريخ الميلاد : 29/07/1983 العمر : 41 العمل/الترفيه : doctor المزاج : يعني مو زيادة علم الدولة : مزاجك اليوم : المهنة : الهواية : السٌّمعَة : 3 نقاط : 253 تاريخ التسجيل : 30/05/2008
عدد المساهمات : 3486 تاريخ الميلاد : 02/09/1982 العمر : 42 السٌّمعَة : 0 نقاط : 42 تاريخ التسجيل : 24/03/2008
موضوع: رد: حيوان + فدان = إنسان 16/6/2008, 9:18 am
بدكن ما تواخذونا عالخط
تكرم عينك نيكولاس
بس الفين ولووووووووووو خود هي ألفين وخمسميه ودولار كمان
اي روز عنا أحسن من عندكن نحن بنقول للواحد فدان هههههههه
تسلمى ياروز بضل ذكريات حلوه
نادر انتقل الى رحمته تعالى
عدد المساهمات : 4428 تاريخ الميلاد : 11/03/1988 العمر : 36 العمل/الترفيه : طالب المزاج : رواء مزاجك اليوم : المهنة : الهواية : السٌّمعَة : 20 نقاط : 545 تاريخ التسجيل : 19/04/2008
موضوع: رد: حيوان + فدان = إنسان 16/6/2008, 9:47 am
مشكور مروق
مــــــــــــــروق :: عضو vip ::
عدد المساهمات : 3486 تاريخ الميلاد : 02/09/1982 العمر : 42 السٌّمعَة : 0 نقاط : 42 تاريخ التسجيل : 24/03/2008
موضوع: رد: حيوان + فدان = إنسان 16/6/2008, 11:28 am
موضوع: حيوان + فدان = إنسان 
15/6/2008, 3:04 pm
