ساحل الجرح

يا ساحل الجرح ما خليت لي ملجا
بحر المدامع يهلل فوق احزاني
قلبي على البعد غير الموت وش يرجى
الموت اهون من ان اعيش وحداني
احلام عمري غدت متهالكه وعرجا
وشلون خلي في اصعب وقت ينساني
سج السعد عن خفوقي المبتلي سجا
اضحك ولكن في جوفي نار تصلاني
لو ضج فيني من الاحزان ما ضجا
ما بشكي الا لربي فعلة الجاني
اللي عشقته وكان العشق لي بنجا
كلنا في عالم وهو في عالم(ن) ثاني
ابو عيون(ن) ثلايل ناعسه دعجا
لكن حسافه لعهد الحب ما صاني
يا قلب مالك من الهجران اي منجا
طاوعت شورك وشوفه وين وداني

اشكرك كل الشكر ولكي مني كل التقدير والاحترام على مرورك الجميل