انا وانتي

أنا وانتي عاشقين
حبنا كله حنين
ومهما جافتنا السنين
يبقى صامد في طريقه


أنا وانتَ يالحبيب
حبنا أصبح كئيب
أعتقد موته قريب
للأسف هذي الحقيقة


لا وربي يالعنود
حبنا ما له حـدود
يفتخر فيه الوجود
والزمن عاجز يعيقه


أعترف عندي شعور
حبنا صابه فتور
يسرق اوقات السرور
وابتدى يفقد بريقه


سامحيني يا (ملاك)
أدري قصّرت بهواك
أطلبي (عمري) فداك
ناوي أجمعلك رحيقه


قلبي دايم ما يشوف
إلاّ أحزنٍ وخوف
حتى في أحلى الظروف
أشعر اني مستضيقة


لا تخافي وتجزعي
وانسي أحزانك معي
منيتي (بس) ترجعي
ماأبي غيرك عشيقة


أخشى ماضينا يعود
وتبتدي ذيك الصدود
وتنسى حبك والعهود
وتشعل بقلبي حريقة


قلبي حبك واكتفى
وحبي من طبعه الوفا
صدّقي الماضي اختفى
وصار قلبي ما يطيقه


ليش تفكيري غريب
ساكن بقلبك حبيب
يجبرك عني تغيـب
وفجأة تنساني بدقيقة


يا حياتي من زمان
حبك أعطاني الأمان
والله ما عندي مكان
لحب ثاني أو صديقة

اشكرك كل الشكر ولك مني التقدير والاحترام