صندوق الكراكيب

موضوع: صندوق الكراكيب 26/12/2009, 2:08 pm

لا مجال للانكار.. [ندعوك للتسجيل في المنتدى أو التعريف بنفسك لمعاينة هذه الصورة]
لا تحاولوا اخفاءه عن الاعين.. [ندعوك للتسجيل في المنتدى أو التعريف بنفسك لمعاينة هذه الصورة]
انه موجود بالتأكيد.. [ندعوك للتسجيل في المنتدى أو التعريف بنفسك لمعاينة هذه الصورة]
ان لم يكن بالخزانة ففي درجك الخاص..او ربما على السقيفة.. [ندعوك للتسجيل في المنتدى أو التعريف بنفسك لمعاينة هذه الصورة]
لا تجبروني على ارسال فرقة تفتيش .. [ندعوك للتسجيل في المنتدى أو التعريف بنفسك لمعاينة هذه الصورة]
انا لا ابحث عن اموال مزورة او مخدرات [ندعوك للتسجيل في المنتدى أو التعريف بنفسك لمعاينة هذه الصورة]
انا ابحث عن صندوق او كيس.. [ندعوك للتسجيل في المنتدى أو التعريف بنفسك لمعاينة هذه الصورة]
يحوي اشياء تذكرك بماضيك.. [ندعوك للتسجيل في المنتدى أو التعريف بنفسك لمعاينة هذه الصورة]
عادة لا اعرف اصلها ومن بدأها.. [ندعوك للتسجيل في المنتدى أو التعريف بنفسك لمعاينة هذه الصورة]
لكنها موجودة بالتأكيد.. [ندعوك للتسجيل في المنتدى أو التعريف بنفسك لمعاينة هذه الصورة]
كل منا يملك صندوقا او علبة تحوي الماضي بشكل فيزيائي محسوس..
رسالة عشق ايام المراهقة.. [ندعوك للتسجيل في المنتدى أو التعريف بنفسك لمعاينة هذه الصورة]
مسبحة قديمة.. [ندعوك للتسجيل في المنتدى أو التعريف بنفسك لمعاينة هذه الصورة]
مفتاح لعلبة او خزانة او باب لم يعد لك.. [ندعوك للتسجيل في المنتدى أو التعريف بنفسك لمعاينة هذه الصورة]
قلم تقاعد عن العمل ويعز عليك التخلص منه. [ندعوك للتسجيل في المنتدى أو التعريف بنفسك لمعاينة هذه الصورة] .
ساعة يد جميلة توقف نبضها ولم تشأ رميها..
وذكريات محسوسة اخرى..
ما الذي يحويه صندوقك يا صديقي؟ [ندعوك للتسجيل في المنتدى أو التعريف بنفسك لمعاينة هذه الصورة]
بالنسبة لي..
اضافة لماسبق..املك:
حبة زيتون قديمة تذكرني باول يوم لي حملت فيه معولا للعمل بالارض..
حجر مدور بطريقة عجيبة وجدته وانا اسبح ..
قصاصة من التقويم تحوي دعاء مميزا جدا حفظته غيبا ولم اشا رمي الورقة..
منحوتة من الصابون ..نحتها في ايام الجامعة..رغم انها ليست بهذه الجودة..
عملة يونانية وجدتها في الطريق وتفاءلت بانها جالبة للحظ..
والان..دورك

موضوع: رد: صندوق الكراكيب 26/12/2009, 2:26 pm

موضوع رائع عنجد

بصندوقي ويلي هو علبة يعني
في وردة مجففة من 8 سنين لونها زهر من صديق غالي
محرمة مكتوب عليها اسم
شقفة ورقة مكتوب عليها ممارح قلك شو مكتوب
اسوارة صدف جبتا من البحر ما لبستا بس مارح كبا ابدا
صور يمكن 4 مميزين جدا على قلبي
علاقة مفتيح وكرت معايدة
3 خرزات من مسبحة

وشغلة رح تضحك لما تقراها لانو لما قريتا عندك فرطت ضحك
معي حجر مدور بشكل غريب لونو اسود كمان لقيتو ع الشط من 3 سنين لما كنت بالبحر
ومابعرف لي حتفظت فيه ورح احتفظ فيه على طول

موضوع: رد: صندوق الكراكيب 26/12/2009, 2:56 pm

غالي موضوع رائع جدا

بصندوقي في كتير شغلات يعني مشكل ملون
بس اكتر شغلة بضل بفتح الصندوق مشانها دفتر زكرياتي ايام الابتدائي
يعني وحياة الله اذا مر اسبوع وما كنت فاتح الصندوق وشايف الدفتر وقراي يلي فيه بجن
وكتير شغلات تانية ما مهمة
تقبل مروري

موضوع: رد: صندوق الكراكيب 26/12/2009, 3:18 pm

دفتر المذكرات شغلة تانية لحالها بدها موضوع
هههههههه
شكرا لمروركما

موضوع: رد: صندوق الكراكيب 26/12/2009, 4:13 pm

ثعلوب فعلا موضوع مممميز وبعععقد
بالنسبة لصندوقي
فيو كتير قصص
متل
ورد جوري يابس
ورق شجر يابس
رسايل بريد قديمة
ومحارم مكتوب عليها قصص من طفولتي
وفي زميرة لونا ابيض وزهر لا تضحك عليي
بس هي هدية كانت من اخوا لرفيقتي حسوني الزغير
هداني الزمور لانو ان كتير يحبني
وبالصندوق لسا في كتير اشيا بعددن بعدين
لانن كتار
ولاني من النوع اللي بحتفظ بالزكرة
لو كانت شقفة محرمة او شقفة حجر
تحياتي الك ثعلوب وجد بتستاهل + على احلى موضوع كتير حبيتو

موضوع: رد: صندوق الكراكيب 28/12/2009, 9:52 am

له له له ما خليت شي مستور
رح تكشف كلشي ههههههههههه

هوي في اكتر من صندوق فيه ذكرى
بس صندوق خاص واللي بقرب يا ويله
فيه البوم صور روووعة بجنن من وقت ما كنت هيك قدي صغنتوطة يعني [ندعوك للتسجيل في المنتدى أو التعريف بنفسك لمعاينة هذه الصورة]
ولحد اليوم
وسنسال فيه صورتين
4 ورقات تقويم فيها التواريخ اللي محتفظة فيها

لسى رح تنكش كمان خبرنا هههههه

تحياتي

موضوع: رد: صندوق الكراكيب 28/12/2009, 10:28 am

ههههههههههههههههههههههه
شو مشان انا عندي صندوقين ولوووووووووووووو ..
اول صندوق للطفولة[ندعوك للتسجيل في المنتدى أو التعريف بنفسك لمعاينة هذه الصورة] .. فيو لعبة هدتني ياها انستي بصف الاول كنت حبا كتير للانسة واللعبة
سميتا رجاء عاسما[ندعوك للتسجيل في المنتدى أو التعريف بنفسك لمعاينة هذه الصورة] ..
وفيو فستان عطتني ياه ماما مخبايتلي ياه من لما كنت بيبي ..[ندعوك للتسجيل في المنتدى أو التعريف بنفسك لمعاينة هذه الصورة]
وفيو جلاءاتي تاعون المدرسة لصف السادس ..
تاني صندوق .. فيو بورتوكليه فضي على شكل صبي والبنت هديتا لشخص غالي ..
فيو تمثال لكيوبيد كتير صغير اجاني هدية بحسو بجبلي الحظ وماممكن اتخلى عنه بحبوو كتير ..[ندعوك للتسجيل في المنتدى أو التعريف بنفسك لمعاينة هذه الصورة]
فيو لفحة فلسطين لبسني ياها صديق قبل مايهاجر من البلد بلارجعة .. [ندعوك للتسجيل في المنتدى أو التعريف بنفسك لمعاينة هذه الصورة]
فيو مسبحة بيضا جابتلي ياها عمتي من الحج....
فيو علبة عطر اشتريتا هدية لشخص وماهديتو ياها ...
فيو قلم .. وخاطرة عورقة محروقة طرافا بالشمعة ..

ثعلوب الموضوع راااااااائع جد ااا .. مشكور ..
هلا تركني لملم كراكيبي هههههههههه [ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: صندوق الكراكيب 28/12/2009, 2:23 pm

حنونة يحرق حريشك حتى كراكيبك فصحا كمان خخخخخخخخخخخخخخ ..
اي المهم ..
عجبني هالموضوع ها ..

لك كتير عندي كراكيب شخصية .. أول شي مقفول عليها وماحدا فيو يشوفها ولو كانت ماما ..
لأنو بتضل مكركبة هههههههههههههههههههههههههه ..
لا عم بمزح يمكن أكتر محل مرتبة فيه أنا ..
بس للاسف مافيني قول شو فيه ولابدي اكزب عليكم كمان ..
بس الموضوع كتير حبيتو وكتير حبيت فكرتو .. وسوري عالحشرية ..
وبالاخير حبيت حط جوابي نكرزة لحنونة [ندعوك للتسجيل في المنتدى أو التعريف بنفسك لمعاينة هذه الصورة] ..

يسلمن ثعلوب عافكارك يلي اكتر من رائعة وموفق ..
مــيرا

موضوع: رد: صندوق الكراكيب 29/12/2009, 3:37 am

وانا درج الكركيب

بيحوي شغلات كتيرة من الماضي

ورقتين مكتوب فيهون شعر
بس طريقة الكتابة غريبة كتير

صورة حبيبي بعد ما امي شقتها
لزقتها وحافظت عليها

حبة علكة من سنة ونص تقريبا

غسلة من شعر حبيبي لما كان شعروا طويل

وردة صلها عندي 8سنين
من أيام الأبتدائي
وهي قصتها قصة
ودفتر الذكريات
وعندي ورقة فيها رقم موبايل
استاذ التاريخ يلي كان يدرسنا صف السادس
بس اكيد الرقم بيكون تغير

لك المشكلة كتار شو بدي عد لحتى عد
هدون يلي تذكرتون
لانو مشوار عليي هلأ روح على الدرج
وسجلت القائمة على ورقة
مع العلم انو الدرج ورا ظهري
هههههههه

ثعلوب بدي اشكرك من كل قلبي
رجعتني بالذكرى شغلت 9 سنين

موضوع: رد: صندوق الكراكيب 29/12/2009, 3:41 pm

حلو موضوعك ابن العم رجعتني ختيارة لورا ههه
انا عندي دفتر ذكريات قديم كتير كنت اكتب فيه من سنة ال 2002
ورد احمر وكل الانواع كمان ع دفتر مجففتن

عندي مكاتيب من اصدقائي قبل مااجي ع الكووويت
وعندي بطاقات كمان قديمة كتير
وعندي قلب صغير من صف السادس ههههه هاد من كري الله يوجهلو الخير

مشكور ابن عمي موضوع حلو

موضوع: رد: صندوق الكراكيب 30/12/2009, 11:19 pm

أنا يلي بيفتح صندوقي مثل يلي فايت على الديوان في البلدية كوم وراق مكتوب فيها قصائد طفولة

و الصندوق محتوط بدرج كبير الدرج في دبدوب صغير و في كمان دفتر مذكرات المرحومة حبيبتي عتطني ياه إختها و في عندك طلبات البكلوريا حطيتها بالدرج أحلا ما ضيعها لأن صارت معي و ضيعتها و كثير كثير شغلات يعني بفتح متحف من ورا درجي

و موضوع كثير حلو

موضوع: رد: صندوق الكراكيب 17/1/2010, 5:36 pm

دفتر سطر فيه اصدقائي لي اجمل الكلمات واجمل الامنيات
باخر يوم لنا في المدرسة

موضوع: رد: صندوق الكراكيب 19/1/2010, 2:46 pm

دفتر مكتوب بقلبو
ذكرى من رفقات المدرسة

موضوع: رد: صندوق الكراكيب 19/1/2010, 5:21 pm

صندوقي فيه هالشغلات وفي منها حرقتها بس كانت موجودة:
1 - شال كاتبينلي عليه كل رفقاتي زكريات حلوة كتير (اسا محتفظة فيه)
2 - نصف قلب عطيت جزئو التاني لصديقة طلعت خاينة (كسرتو)
3 - هدايا زغيرة .. ساعات واكسسوارات (اساني محتفظة فين)
4 - مسبحة سودة وصورة للمسيح اخدتن من شخص عزيز كتير (اسا محتفظة فيهن)
5 - خلعة وسيف ( زكرى مرة كتير بس الي ما خلاني احرقن قيمتن المعنوية)
6 - رسائل حب وبطاقات معايدة من شخص طلع تافه(حرقتن)
8 - صورة شخص (حرقتا)
9 - دفتر يومياتي (حرقتو)
...........
الي كانو زكريات مرة بالنسبة الي كلن تخلصت منن بس حبيت ازكرن هون
عندي غراض كتير مو ؟

مشكور ثعلوب موضوع حلو كتير ورجعني لزكريات دافنتها

موضوع: رد: صندوق الكراكيب 19/2/2010, 3:46 am

رح ارمي كتاب المسيح الدجال بالصندوق
مع سلسلة كنت بدي اهديها لميسو
بس ماالها نصيب

...

موضوع: رد: صندوق الكراكيب 19/2/2010, 5:21 am

مع انو قلت مابقول شو كراكيبي ..
بس في فعلن شي اسمو كراكيب عندي .. ومابدي ياهن ..
هدايا 2009 ..

موضوع: رد: صندوق الكراكيب 26/4/2010, 5:02 pm

رح حط قصيدة حلوة بالصندوق لانو ماحدا بيستاهل

موضوع: رد: صندوق الكراكيب 3/5/2010, 10:03 pm

بدي حط قلبي كللو بصندوق الكراكيب
لانو ماحدا بيستاهل يعرف شو فيه
خليني هيك مرتاحة اكتر
ومافي احلى من الغموض هع

موضوع: رد: صندوق الكراكيب 4/5/2010, 2:12 am

كنت جاية حط شي ...

بس بطلت ...

لانو صندوق كراكيبي بحط فيه الشغلات الغالية ع قلبي بس ....

موضوع: رد: صندوق الكراكيب 18/5/2010, 2:24 am

بدي حط بصندوق الكراكيب

دفتر مذكراتي وارمي الصندوق بالبحر

موضوع: رد: صندوق الكراكيب 19/5/2010, 11:36 pm

رح حط سرك بصندوقي

موضوع: رد: صندوق الكراكيب 2/7/2010, 1:26 pm

بدي حط كل المشاعر الحلوة يلي كانت بقلبي .. ورجع قلبي فاضي ...

موضوع: رد: صندوق الكراكيب 2/7/2010, 6:01 pm

اليوم رح حط كل الحزن لانو ماعاد بيلزمني

موضوع: رد: صندوق الكراكيب 4/7/2010, 12:50 pm

بدي حط بالصندوق صورة صديق قديمة وسر قديم وغموض قديم كمان

موضوع: رد: صندوق الكراكيب 4/7/2010, 10:42 pm

بدي حط بالصندوق اكبر كزبة عشتا

» صندوق صور
» صندوق النسيان
» ][®][^][®][ صندوق الأمنيات ][®][^][®][
» صندوق الامنيات
» لحظات مسروقة من صندوق اّيامي