هل كل المواضيع تستحق الرد .. ؟!

بسم الله الرحمن الرحيم
هذا سؤال جوابه صعب .. لأن المشرف لابد وأن يرد على المواضيع الجديدة في قسمه .. ولكن دائما أقول لنفسي:

هل كل المواضيع تستحق الرد .. ؟! ..

لا أخفيكم سراً أن هناك مواضيع لا تستحق أن نضيع في قراءتها لحظة واحدة من أعماارنا ..

***

كثير من شكاوي الأعضاء يقولون أن المشرفين لا يردون على كل مواضيع الأعضاء .. وهذا طلب جميل .. ولكن لا حد سأل هذا السؤال:

هل كل المواضيع تستحق الرد .. ؟!

لذلك بدلاً من أن تنتقد صاحب الموضوع ( الذي لا يستحق الرد ) .. عليك بالتغاضي عنه ودعه لكي يذهب مع طيات المنتدى ..

ولا زلت أستغرب من بعض الأعضاء الذين يرى أن الجميع لم تعجبهم مشاركاته .. وهو لا يرقى بمستواه .. ولا يوقف سيل مشاركاته التي لا تستحق الرد.

أعيد السؤال:

هل كل المواضيع تستحق الرد .. ؟!
***

وفي الأخير عندي سؤال مهم ومحير :

ما هي المواضيع تستحق الرد .. ؟!
يا ليت أن الجميع يشاركني ونضع معايير للمواضيع التي تستحق الرد .. ونجعلها قوانين تظهر للعضو عند كل إنشاء جديد.

ويبقى سؤال محيرني هل كل المواضيع تستحق الرد .. ؟! 36_1_46

:

هل موضوعي يستحق الرد ؟
يعطيكم العافية هل كل المواضيع تستحق الرد .. ؟! 36_1_39

.

مو كل المواضيع بتستحق الرد

يعني فيه كتير مواضيع روتينية ماحدا بحب يفوت عليا
يعني لازم الواحد يشوف مواضيع جديدة وبجذب القارء عليا

لازم يرد ع كل موضوع بستحق الرد عليه وكل عضو او مشرف اله نظرته الخاصة
بحب رد ع قسم الاجرام والخواطر والنادي العام والمواضيع الساخنة

مشكور

مشكورة لمرورك الحلو يا بطة

نورتي المواضيع كلها

والله انا بالنسبة الي صح في مواضيع مابتستحق الرد بس بعتئد لازم نرد ع كل موضوع حتى لو مابيستحق بما اني انا فتت وشفت موضوع مابيستحق اني رد عليه او حتى اقراه بس كمان لازم اعطي وجهة نظري للشخص ورأيي بالموضوع مشان يعرف انو في مواضيع بتستحق انها تنحط اكتر من هالموضوع واكيد بحكي بطريقة مابجرحو فيا

هي وجهة نظري بالموضوع ومابعرف انتو شو رأيكن؟؟

مشكوووووووووووور حمودي موضوع حلو كتير

تقبل مروري

NNOS

أول شي بشكرك كتير ننوس لمرورك وطرحك رايك بالموضوع

وتاني شي معك حق انو يفضل ينشاف الموضوع يصير رد عليه ولو بكلمة

بس احيانا اي حدا منا في مواضيع ما بتشدلوا انتباهه او ما بهتم بقسم معين يعني ما بحبو لهيك ما بطلع عليه

بشكرك مرة تانية لمرورك الحلوو

والله أنا برأيي انه مو كل المواضيع بتستحق الرد عليها

بس الكم الأكبر بيستحق
ومشكوووووورة

شكرا كتير لمشاركتك الموضوع بنوتة

What a Face

لا بظن مو كل المواضيع بتستحق انو نرد عليها لانو في ناس بتحط مواضيع بس تزيد عدد مشاركاتها او لتورجي الباقي انو عم تنزل مواضيع

ومابتكون هالمواضيع فيا شي ممكن الواحد يناقش او ياخد ويعطي فيا فمنضطر نقول شكرا او نطلع من كل الموضوغ بلا رد

المواضيع يلي بتستحق الرد هية يلي بتكون قابلة للنقاش

اوخبر جديد

او خواطر حلو

هيك بظن

مشكوووور حمودة

شكرا كتير لمرورك وطرح رايك الصريح والحلو نينو

معك حق والله

نورتي الموضوع بردك الغالي

هلق انا برايي كل المواضيع بتستحق الرد لانو كل موضوع الو فكرة مختلفة عن التانية
يمكن يكون احيانا موضوع مو هل اد مفيد او رائع وبمستوى باقي المواضيع
بس ع الاقل منحسن نحط كلمة شكر للشخص يللي نزل الموضوع
وتعب فيه وخصوصي انو في مواضيع ما بدا مناقشة او ينعطى راي فيه
يعني بكل سهولة اذا شخص دخل ع الصور فيو يحط كلمة شكرا

مشكور محمد موضوع حلو كتير
تقبل مروري

هل كل المواضيع تستحق الرد .. ؟! Thank_10

هل كل المواضيع تستحق الرد .. ؟! Thank_10

معك حق بوجهة النظر هيدي لولو

ونحنا هيك عما نساوي

يعني مو كل المواضيع بتستحق الرد

بس عما نرد على كل المواضيع

وانا من نفسي في حالتين

احيانا كتير بكتب شكرا لموضوع ما لفتلي نظري

وفي مواضيع ما بتحتاج نكتب اكتر من شكرا بس مو كل المواضيع
البعض منها بس

شكرا كتير لمرورك الصريح والحلو لولو

حمل

كل المواضيع التي يغص بها المنتدى مهمة وتستحق الرد

إما بمشاركة حقيقية او الاكتفاء بكلمة شكر ومرور لطيف يعطر الجو والمكان

ولكن ياريت يكون عندنا الوقت الكافي لنرد على كل المواضيع ...

وياريت يكون النت عندنا أحسن من هيك لحتى نقدر نختصر كتير من الوقت

اللي عم يضيع علينا هدر ....

فلذلك على مقدار خدمة الوقت والنت لي أحاول جاهدة أن أتوقف عند المواضيع التي

تختارني هي لقراءتها وتثتثير حميتي وحماسي واهتماماتي الفكرية

ولعبة الذكاء عند صائغ الموضوع تكمن في العنوان الذي يشد القارىء

إلى داخل الموضوع ... ولكن بشرط أن يكون هناك انسجام عميق بين بريق

هذا العنوان ومحتوى الموضوع

و تقبلوا مروري

حمودي يسلمو ايديك عالموضوع المهم كتير
بالنسبه لموضوعك مو بس يستحق الرد يستحق التميز والوسام الدهبي كمان
بس بالنسبه للمواضيع التانيه
أنا بالنسبه الي بشدني أي موضوع من خلال عنوانه ومن خلال فكرتي عن هالعضو
يعني ممكن أقرأ موضوع لعضو جديد والمس بكتابته في نوع من التميز والذكاء والمس شخصيته الي بعبر فيها بكلماته بموضوعه فلما بشوف اسمه بطلع على موضوعه لأني بعرف هالعضو مواضيعه وأفكاره مميزه
وكل انسان حسب اهتماماته ووجهته وخبرته وهوايته بشارك
يعني أنا بحب الشعر كتير بحب اقرأه وبستمتع بقرائته بس ماعندي الخبره اني رد على موضوع شعر بكلمات منسقه ومنمقه
وممكن اطلع على مواضيع عضو جديد وشارك بالبدايه من باب التشجيع اله
بس بعدين اذا موضوع مالي هوايه فيه مثلا متل الرياضه أو اللغه الأجنبيه أو قسم الكمبيوتر مابدخل عالقسم نهائيا
وبالنسبه لمواضيع أقسامي الي أنا مشرفه عليها بوجعني ضميري اذا مارديت على مواضيع أقسامي
ان كان بيستحق الرد أو لا لأني هي مسؤوليه على عاتقي والمفروض كون أدها وقوم بواجبي كمشرفه والا بنسحب اذا ماكنت أد هالمسؤوليه
وممكن شوف موضوع مميز ويلفت انتباهي بس بكون مكرر كتير وماهو بقسمي حتى قول مكرر فبسكت

شكرا كتير حموتي

هل كل المواضيع تستحق الرد .. ؟!

أكيد لا

وفي الأخير عندي سؤال مهم ومحير :

ما هي المواضيع تستحق الرد .. ؟!

سؤال صعب جواب عليه
لان كل شخص الو اهتماماتو وبميل لمواضيع معينة يعني اللي ما بيعجبك ممكن يعجبني وهكذا يا مديرنا هل كل المواضيع تستحق الرد .. ؟! 185259

موضوعك ما بستحق الرد بس رديت بالغلط هل كل المواضيع تستحق الرد .. ؟! 831348

كنت بدي ارد على الموضوع

بس تذكرت القرارات الجديدة

قاثرت على نفسي السكوت

(محتوى مخالف)

» لا تستحق قلبي..............لا تستحق حبي
» ادم انت تستحق الشكر .....صح
» صورة تستحق الإحـــــــــــــــــــــترام‎
» ظواهر تستحق المناقشة
» عبارات تستحق الصمت