يلي بخاف ما يفوت ويلي معو مرض قلب كمان لا يفوت

صباح الخير أو مسا الخير
بسم الله العظيم
كيفكون أنا يمكن أول مرة بنزل موضوع هون لأن اليوم صار عندي جرأة لأسأل و يمكن إقدر حلل شخصيتك من أجوبتك خلينا نجرب
و إذا مشي حالي بعد إذن الإدارة بدي يتثبت الموضوع



1.شو اسم أكثر بنت حبيتها أو شب حبيتي؟
2.مين أكثر واحد نايم بالمنتدى و بسنة بفوت مرا برأيك؟
3.شو هو وضع عيلتك الاجتماعي؟ و شو هو دينك؟
4.مين الشخصية التاريخية المحبوبة لك؟
5.شو ترتيبك بين إخوتك و كيف بعاملوك أهلك؟
6.كيف الناس بتتعامل معك خارج بيتك؟
7.اسمك الحقيقي؟((بعرف مكرر هذا السؤال))
8.شو بدك تصير أو شو كنت بدك تصير؟
9.من هو الله بدون كذب حتى لو بتعتبر رأيك في نوع من الكفر؟
10.شو رأيك بالبنات العربيات أو شو رأيك بالشب العربي؟
11.شو بتعتبر نفسك حاليا؟
12.مشكلتك في الحياة؟



و السؤال الأخير بخصني أنا شخصي

. شو رأيك بHANO من خلال ردودي و مواضيع تبعي؟(( هذا مالو دخل بالشخصية تبعك أبدا بس بدي أعرف شو رأي المنتدى شو ما كان ما رح ازعل))

هلق مو أكيد بس منشوف إذا صح إنت متحرر نسبيا, ما عندك ثقة بالبنات,بتحب الكل يكون حواليك و يحكيك همه, بتحب الكتابة الشعر و القصص,بتثق بالناس بسرعة ,فيك نوع من التعصب الإيجابي, محبوب من الناس قليلا و من أهلك كثير بس أنا أكثر شي شاكك في إنو أنت عندك ثقة عمياء بالناس وهذا في نوع من الغلط صح؟

يا عمي أنا برحب بالكل واحد بدو يكون صديق لإلي و خاصة إنسان مثلك بحب الأدب

1.شو اسم أكثر بنت حبيتها أو شب حبيتي؟

مجد
2.مين أكثر واحد نايم بالمنتدى و بسنة بفوت مرا برأيك؟((أني)
ليجاند
3.شو هو وضع عيلتك الاجتماعي؟ و شو هو دينك؟
ممتاز ديني مسلمة
4.مين الشخصية التاريخية المحبوبة لك؟
القائد الخالد حافظ الاسد الله يرحمو
5.شو ترتيبك بين إخوتك و كيف بعاملوك أهلك؟
الكبيرة انا ومعاملتن ممتازة الي
6.كيف الناس بتتعامل معك خارج بيتك؟
بكتير اريحية وبساطة
7.اسمك الحقيقي؟((بعرف مكرر هذا السؤال))
روزا
8.شو بدك تصير أو شو كنت بدك تصير؟
رسامة وانا على الطريق هلا
9.من هو الله بدون كذب حتى لو بتعتبر رأيك في نوع من الكفر؟
نو تعليق
10.شو رأيك بالبنات العربيات أو شو رأيك بالشب العربي؟
الشب العربي والبنت العربية عم يضيعو شوي شوي
11.شو بتعتبر نفسك حاليا؟
شو بدي اعتبر حالي
بنت عم تحاول تعمل شي بحياتا وتحقق شوي من طموحواتا واحلاما
تفيد وتستفيد من غيرا



و السؤال الأخير بخصني أنا شخصي

laial1987

إنتي بتحكمي على الناس بسرعة , ما بتثقي بحدا , ثقة كبيري بالنفس , و سهل الواحد يضحك عليك بس هاي مو أكيدي يعني

أنا ما عم حاول أعمل حالي محلل نفسي بس أنا اتعلمت هاي الشغلة من إستاد و بدي شوف إذا رح يمشي حالي أو لا

شكرا على إيجاباتك و ما بعرف إذا حكيت شي صح عنك؟؟

10.شو رأيك بالبنات العربيات أو شو رأيك بالشب العربي؟
الشب العربي والبنت العربية عم يضيعو شوي شوي

عجبني الجواب أول مرا إيجابة بتفش القلب يا روزا فعلا الشباب عم يضيع نصف الشباب ما لها طموح

بالنسبة لك إنت بتحبي العطاء و الخير للناس أكثر ما بتحبي لحالك , عم تعملي كثير شغلات منيحة ما حدا عم يرد الجميل مثل ما إنتي بدك , بدك الدنيا كلها تعيش بخير و سعادة , ما عندك ثقة بنفسك أو قليلة شوي, في ضغط عليك من قبل المقربين إليك ما حدا عم يفهمك

((و برجع بقول أنا بدي إختص بهل شغلي يعني تحليل النفسي ما عم إحكي هيك للتسلاي فقط))

.شو اسم أكثر بنت حبيتها أو شب حبيتي؟
اوس
2.مين أكثر واحد نايم بالمنتدى و بسنة بفوت مرا برأيك؟((أني)
الحنين
3.شو هو وضع عيلتك الاجتماعي؟ و شو هو دينك؟
ممتاز الحمدالله   مسلمة
4.مين الشخصية التاريخية المحبوبة لك؟
القائد الخالد حافظ الاسد
5.شو ترتيبك بين إخوتك و كيف بعاملوك أهلك؟
الوسطانية اخر دلاال ههه
6.كيف الناس بتتعامل معك خارج بيتك؟
الحمدالله اجتمعا عية بس على مزاجي ههه محبوبة من قبل الكل
7.اسمك الحقيقي؟((بعرف مكرر هذا السؤال))
بانة
8.شو بدك تصير أو شو كنت بدك تصير؟
مشروع رسامة وانشالله عم بتحقق شوي شوي
9.من هو الله بدون كذب حتى لو بتعتبر رأيك في نوع من الكفر؟
  
10.شو رأيك بالبنات العربيات أو شو رأيك بالشب العربي؟
كل مانون لورا
11.شو بتعتبر نفسك حاليا؟
حاليا ماكتير مرتاحة بس انشالله تنتهي هالرحلة



و السؤال الأخير بخصني أنا شخصي

12. شو رأيك بHANO من خلال ردودي و مواضيع تبعي؟(( هذا مالو دخل بالشخصية تبعك أبدا بس بدي أعرف شو رأي المنتدى شو ما كان ما رح ازعل))
انا ماكتير بعرفك منيح
بعرفك من مشاركاتك ظريف وبتضحك
واسئلتك حلوة ههههه
شكرا صديكي

1.شو اسم أكثر بنت حبيتها أو شب حبيتي؟

غفران .

2.مين أكثر واحد نايم بالمنتدى و بسنة بفوت مرا برأيك؟((أني)

abarth

3.شو هو وضع عيلتك الاجتماعي؟ و شو هو دينك؟

بين الوسط والجيد وانا مسلم .

4.مين الشخصية التاريخية المحبوبة لك؟

صلاح الدين الايوبي .

5.شو ترتيبك بين إخوتك و كيف بعاملوك أهلك؟

انا اصغر واحد .. والحمد مدلل من الكل والكل بيحبني .

6.كيف الناس بتتعامل معك خارج بيتك؟

بكل بساطة وعفوية .

7.اسمك الحقيقي؟((بعرف مكرر هذا السؤال))

محمود .

8.شو بدك تصير أو شو كنت بدك تصير؟

انا هللأ عم ادرس محاسبة .. والحمد لله عم اشتغل محاسب بشركة تجارية .

9.من هو الله بدون كذب حتى لو بتعتبر رأيك في نوع من الكفر؟

هو الغفور الرحيم و هو شديد العقاب .

10.شو رأيك بالبنات العربيات أو شو رأيك بالشب العربي؟

والله البنات في كتير منن المنيح يعني ما فيك تحكم على بنت بدون ما تعرف جواتها وكمان الشباب نفس الشي ومو كل اصابيعك متل بعضها .. واذا خليت خربت .

11.شو بتعتبر نفسك حاليا؟

ضايع شوي بين الدراسة والشغل بس يللا سنتين وبتخرج انشالله .


و السؤال الأخير بخصني أنا شخصي

12. شو رأيك بHANO من خلال ردودي و مواضيع تبعي؟(( هذا مالو دخل بالشخصية تبعك أبدا بس بدي أعرف شو رأي المنتدى شو ما كان ما رح ازعل))

هانو انا ما بعرف عنك شي بس باينتك شخص واعي ولطيف .. بتمنالك من قلبي كل خير .

1.شو اسم أكثر بنت حبيتها أو شب حبيتي؟
انا حكايتي مع الاسماء حكاية بس رح قلك ..ميس..
2.مين أكثر واحد نايم بالمنتدى و بسنة بفوت مرا برأيك؟((أني)
ما بعرف ما الي بالقصر من مبارح العصر
3.شو هو وضع عيلتك الاجتماعي؟ و شو هو دينك؟
وسط وانا مسلم
4.مين الشخصية التاريخية المحبوبة لك؟
الامام علي كرم الله وجهه
5.شو ترتيبك بين إخوتك و كيف بعاملوك أهلك؟
انا الكبير وفهمكوم كفاية
6.كيف الناس بتتعامل معك خارج بيتك؟
باحترام
7.اسمك الحقيقي؟((بعرف مكرر هذا السؤال))
علي
8.شو بدك تصير أو شو كنت بدك تصير؟
انا صرت وانتهيت ...دكتور سنان
9.من هو الله بدون كذب حتى لو بتعتبر رأيك في نوع من الكفر؟
...
10.شو رأيك بالبنات العربيات أو شو رأيك بالشب العربي؟
ما بيهموني البنات العربيات بقدر ما بتهمني البنت السورية ..
طبعا في منخفض جوي عم يأثر على وضع الصبايا السوريات بس انا بعرفهن رح يحافظوا على درجات رقيهن وذكائهن حول المعدل ..
11.شو بتعتبر نفسك حاليا؟
ثعلوب

12 -هانو انا بحترمك كتير ومواضيع الشخص بتدل على مستواه الفكري
تقبل مروري


...

بسم الله العظيم

أولا:أنا عندي مراجع فلسفة عم اشتغل عليها ما عم اسأل هيك أنا من دافع التسلية
ثانيا:الأسئلة مو بشكل حرفي أنا منزلها بس كتبها بطريقة أنتم تفهموها لأنها معقدي كثير
ثالثا:الفلسفة هي اهتمامي الأول من أنا عمري 14 سنة ما عم قول إني خبير بس بفهم شوي
رابعا: أهم شي إنو يطلع الحكي تبعي صحيح و أعرف عنجد اشتغل صحو ما فيني أعرف إلى إذا قلتولي انت عم تحكي صح
خامسا:قولوا لي إذا كنت عم أحكي صح أو لا و إذا لا بغر الأسئلة و بخليها مثل ما هي بالأصل

أول شي بقول لبانا

إنتي دلوعة كثير ,محبوبي بين الناس , و ما عندك ثقة بنفسك , و بتقولي دائما عن حالك إنك فاشلة مو أكيد هاي, في شي بعقلك كبير طموح بدك تحقيقي بأي وسيلة ممكن, بتحبي الفن بكل أنواعه, ما عندك رأي خاص فيك يعني بتحكي يلي بتسمعيه مو بكل شي طبعا,بتحبي تكوني ملكة المكان يلي أنتي فيه

إنشاؤ الله ما كون خربطت

محمود الغالي

أنتي قومي لدرجة كبيري ,عندك فكر سياسي , محبوب بين الناس و أهلك , في غيري من الناس لأنك ذك أو حلو أو بسبب اهتمام الناس فيك , عندك ثقة بنفسك و و شوي شوي عم تزيد, و أنت لما بتحب بتكون صادق و لما بتكره بتصير حقود لدرجة كبيري

ليناي

إنتي قيادية , مخدوعة بالناس, الكل بقلك إنو مرتحلك بس هني بغاروا منك, إنتي مزاجية كثير , متقلبة بالرأي , ما خدني الدنيا كلها ضحك و لما بتحزني بتضحكي و لما بتفرحي بتضحكي, فيك نوع من العدوانية أحيانا ما بتراعي شعور ناس يلي بقلبك بتحكي , في عندك طموح و عم تحولي تحقيقي , ثقة بنفسك مكتسبي من الشخصيات يلي بتحبيها
إنشاءالله ما نسيت شي أو ما خربطت

ثعلوب الحبيب
إنتي رجل متعصب قليلا و قومي كثير, بتحب دخل حالك بكل شي لأنك فهمان , سلبي بتعاملك مع الناس يعني مو كثير شوي , إنت طموحك ما حققته لأنك إنسان دكي و مهنتك غير طموحك أبدا بس لأنك حاسس بالمسؤلية الحياتية , و إنت في هموم برأسك كثير و عم تتخلص منها شوي شوي

إنشاء الله حكينا صح

تكرمي رح ابعتلك ياهن و عندك صح حكيتي عن شخصيتي
و إذا بدك ببعثلك اسم كتتب و مراجع

جورجينا

إنتي ثقة بنفسك ضعيفي , واثقة بناس ما بتحبك أو بتحبك بس مو كثير , عندك فكر و رأي خاص و ين ما جيتي بتعرفي تتصرفي , مو مدلعة كثير , ما بتناقشي بتحبي الاستماع فقط , و نوع من السلبية في حياتك يعني بتقليلي من قيمتك و إنت رغم هل شي يمكن يطلع منك شي إذا حاولتي

إنشاءالله يطلع حكينا مزبوط