اسئلة جريئة وواقعية جدا ارجو الاجابة بصراحة

هذه أسئلة قد تبدو أنها جريئة أو واقعية بعض الشئ ولكنها تجعلنا نفهم أنفسنا ونفهم بعضنا عند الإجابة عليها .
لذلك أتمنى أن يشارك جميع الأعضاء فى الأجابة على هذه الأسئلة
نبدا بسم الله

1- قبل أسمك ماذا تحب أن تكتب ؟

2- حيوان تشعر انه مظلوم ؟

3- حقيبة أسرارك عند من تضعها ؟

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

5- أين تأخذك ذروة الغضب ؟

6- ما أجمل شيء في الاسلام والمسيحية؟

7- لماذا لم تصبح مشهورً ؟

8- متى يعاندك النسيان ؟

9- متى يقسو قلبك ؟

10- هل حدث أن انتصرت على نفسك يوماً وأحصيت عيوبك ؟

11- ما هو انطباعك عن السياسه ؟

12- متى تخجل من نفسك ؟

13- في زمن البحث عن المادة ... عن ماذا تبحث أنت ؟

14- ماهو هدفك بالحياة؟

15- ضمن من تصنف نفسك سلبي أم إيجابي؟

16- رتب هذه الكلمات حسب الأفضليه لديك
الصحه - المال - الاولاد - الزوجه او الزوج - الحصول على أعلى المناصب - راحة البال

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

18- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

19- لو تفاجئت بخيانه شخص عزيز ايا كان كيف تتصرف معه؟

20- لو طلب منك تولي منصب الوزير من تختار من الوزارات وماهي قراراتك؟

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟

اهم سؤالين ... وارجو الرد عليهم بصراحه وبدون أى زعل يا أصدقائى

22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟

23- عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)
24-وما رايكم بالعبد الفقير الذي بينكم اللي هو صمت الليل وبصراحة بالغة جدا
شكراً لكم

مقتبس مـن::"صمت الليل"

بسم الله الرحمن الرحيم

نبدا بسم الله

1- قبل أسمك ماذا تحب أن تكتب ؟

الله يسعد أوقاتك

2- حيوان تشعر انه مظلوم ؟

الحمام

3- حقيبة أسرارك عند من تضعها ؟

والدتي - الله يطولي بعمرها -

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

أوافقه الرأي بشدة

بزمن قل فيه الصديق الصدوق

5- أين تأخذك ذروة الغضب ؟

أخسر ناس غاليين عليي

6- ما أجمل شيء في الاسلام والمسيحية؟

جميعها أديان سماوية

7- لماذا لم تصبح مشهورً ؟

لأني لم أعمل ما أستحق الشهرة بسببه

8- متى يعاندك النسيان ؟

حينما أكون بأمس الحاجة إليه

9- متى يقسو قلبك ؟

لما بينجرح

10- هل حدث أن انتصرت على نفسك يوماً وأحصيت عيوبك ؟

نوعـاً ما

11- ما هو انطباعك عن السياسه ؟

عوجة وياما حنشوف

12- متى تخجل من نفسك ؟

عندما أعصي الله على أرضه

13- في زمن البحث عن المادة ... عن ماذا تبحث أنت ؟

الإخلاص

14- ماهو هدفك بالحياة؟

أسعد أمي وأبي وشريكة حياتي

15- ضمن من تصنف نفسك سلبي أم إيجابي؟

لا أستطيع تصنيف نفسي لاختلاف المقاييس

16- رتب هذه الكلمات حسب الأفضليه لديك
الصحه - المال - الاولاد - الزوجه او الزوج - الحصول على أعلى المناصب - راحة البال

الصحة - الزوجة - الأولاد - راحة البال - المال - الحصول على منصب عالي

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

أحاول تغيير الموضوع بطريقة أدبية لا تجرح الطرف الآخر

18- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

أعتذر منه

19- لو تفاجئت بخيانه شخص عزيز ايا كان كيف تتصرف معه؟

أرحل عنه وأفضل عدم رؤيته مجدداً

20- لو طلب منك تولي منصب الوزير من تختار من الوزارات وماهي قراراتك؟

التخطيط والإنشاء
إنشاء مشاريع تفيد مصلحة الدولة مثل :
- استصلاح الأراضي
- مشاريع استشمارية
- شبكة طرق وجسور حديثة
و إلخ

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟

حلب . وبقول : بعشق ترابك يا حلب

اهم سؤالين ... وارجو الرد عليهم بصراحه وبدون أى زعل يا أصدقائى

22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟

بحكم اني جديد ف لسا ما بعرف حدا

بصفة عامة الجميع طرحهم رائع وتعبيرهم أروع

أحب طريقة الأخ ثعلوب بالتعبير

وأتمنى للجميع دوام الصحة والعافية والتوفيق

23- عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)
عضو مزوحي كتير وطريف هوي جورجينا
و عضو جدي كتير هوي عاشق الأسد
(رأيي الخاص)

24-وما رايكم بالعبد الفقير الذي بينكم اللي هو صمت الليل وبصراحة بالغة جدا
تتمتع بأسلوب طرح جميل وتعليقاتك جميلة
وأتشرف بالتعرف عليك
أخوك جــهــاد

شكراً لكم
أشكرك عالموضوع الجميل

نبدا بسم الله

1- قبل أسمك ماذا تحب أن تكتب ؟
يارب كون معي ..

2- حيوان تشعر انه مظلوم ؟
العصفور يلي بالقفص ..

3- حقيبة أسرارك عند من تضعها ؟
عندي ..

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟
مستحيللللللللللللل .. من ناحيتي مافيي بلا صديقة او صديق هنن وقت الجد .. بكون عندهم ..

5- أين تأخذك ذروة الغضب ؟
مابقى بشوف بعيوني ..

6- ما أجمل شيء في الاسلام والمسيحية؟
الاسلام : القرآن الكريم ..
المسيحية : يسوع عليه الصلاة والسلام ..

7- لماذا لم تصبح مشهورً ؟
أنا بمجتمعي بنت معروفة منيح بحلب ..
بس أنو عمستوى عام .. انشالله مع الايام رح كون .. ادعيلي .. وحاطة هالشي ببالي بس بدي وقتتتتتتتتتتتتتتتتت كتيرررر ..

8- متى يعاندك النسيان ؟
كتير بيعاندني وبالذات لما بكون موجوعة من الزعل ..

9- متى يقسو قلبك ؟
لما بنجرح من كلمة أو موقف .. ف مابرجع كون طبيعية ومابقى بحن ولابقى بسمع أو بشوف هالطرف الآخر لو شو ماصار فيه ..

10- هل حدث أن انتصرت على نفسك يوماً وأحصيت عيوبك ؟
دايماً بفكر بحالي .. وبحب حالي وبحب كون الافضل وبشتغل عالافضل بكل النواحي ..
وكلمة انتصرت موهيك لانو انا مو بمعركة مع ذاتي .. فينك تقول وصلت لمرحلة حابة كيف ما أنا إلا كم شغلة بدهن تغيير وللاسف هنن طبع ماعم يتغيرو بسهولة ..
وانشالله بغيرهن شوي شوي ..

11- ما هو انطباعك عن السياسه ؟
القراءة البعيدة للمنظور البعيد .. والعمل على هذا الأساس ..

12- متى تخجل من نفسك ؟
بعمري ماحطيت حالي بموقف ممكن أعرف بيوم رح يخجلني من حالي ..

13- في زمن البحث عن المادة ... عن ماذا تبحث أنت ؟
عن نفسي ..

14- ماهو هدفك بالحياة؟
بدي كون إنسانة تذكرها العالم بيوم بخير ..

15- ضمن من تصنف نفسك سلبي أم إيجابي؟
التنين سوا ..

16- رتب هذه الكلمات حسب الأفضليه لديك
الصحه - المال - الاولاد - الزوجه او الزوج - الحصول على أعلى المناصب - راحة البال
الصحة - راحة البال - الزوج - المال - الحصول على اعلى المناصب - الاولاد

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟
مابسكت ليسكت الطرف الاخر .. طبعا مع شخص واعي ومثقف

18- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟
اذا فعلا على حق ف بسكت وبقلو أنت على حق ..

19- لو تفاجئت بخيانه شخص عزيز ايا كان كيف تتصرف معه؟
ياويلي ياويلي ياويلي افففففففففففففففففففف ..
بتركو لزمن طالعو فيه أنو هو صغير ..

20- لو طلب منك تولي منصب الوزير من تختار من الوزارات وماهي قراراتك؟
وزارة العدل ..
بلغي كل الكوادر الموجودة وبعيد تأسيسها من أول وجديد ..
مع تشكيل لجان مهامها فقط متابعة هذه الكوادر وفهرسة جودة قضاياها وأعمالها ..
رفع رواتب كل قضاة البلد بنسبة 500 بالمية واكتر كمان بحيث يعيش بمستوى لائق
لشخص .. يطلق عليه لقب قاضي ..

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟
حلب .. هية النفس يلي أنا عايشة منو وفيه ..

اهم سؤالين ... وارجو الرد عليهم بصراحه وبدون أى زعل يا أصدقائى
22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟
الحنين .. وبغض النظر عن صداقتنا انسانة مبدعة بأفكارها وعندها جهد واضح بالمنتدى
ومن الاشخاص يلي مابيتجاوز عددهن خمسة تستحق لقب مشرفة بامتياز ..

23- عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)
روز .. روز عندها أسلوب للمزح والتعاليق المميزة بأسلوب أكتر من رائع ..
ولما بتكتب مافينك تحاول التعليق على ردها بذات أسلوبها لأنو بيكون كلو حق وبمحلو ..

24-وما رايكم بالعبد الفقير الذي بينكم اللي هو صمت الليل وبصراحة بالغة جدا
صمت الليل أنا مابعرفك لسه منيح .. بس لاول وهلة .. شفت فيك نوع من الاحترام لشخصك وللاخرين .. لفت نظري بصراحة .. وموفق معنا وانشالله بتكون الافضل

وميرسي على هالاسئلة المتميزة بالمعنى والهدف ..
مــيرا

مشكور عاشق حلب وميرا على الاجابات الرائعة والي الشرف بصحبتكن

1- قبل أسمك ماذا تحب أن تكتب ؟
حيوتىىى

2- حيوان تشعر انه مظلوم ؟
الفار
خصوصي الهامستر يعني يلي حاطينو للتجارب

3- حقيبة أسرارك عند من تضعها ؟
بحملا
معي ون مابروح

مابامن اسراري كلا لحدى معين

بس في وحدة من المنتدى هي بس بتعرف كلشي

4- أحد علماء النفس قال ذات مرة : ( أنه باستطاعة

الإنسان العيش بدون أصدقاء ... ) ماذا ترى أنت ؟؟؟

بيقدر بس بموت بناقص عمر

5- أين تأخذك ذروة الغضب ؟

ووووووو

بنام هههههههه

6- ما أجمل شيء في الاسلام والمسيحية؟
التيقن
بوجود الله

7- لماذا لم تصبح مشهورً ؟
والله
مابعرف وانا كمان مستغربة مع اني سوبر ستار

وانجلينا ولا شي قدامي

وبجنن وغير شكل وتحفة

ههههههههههههههه

8- متى يعاندك النسيان ؟
لما
بكون انا مابدي انسى

9- متى يقسو قلبك ؟
هالفترة
كتير قاسي

10- هل حدث أن انتصرت على نفسك يوماً وأحصيت عيوبك ؟

أي بهالفترة بعتبر حالي نتصرت على نفسي وصرت شوف الامور اوضح

11- ما هو انطباعك عن السياسه ؟
السياسة
العربية فاشلة بدون مجاملة

السياسة العالمية بتختلف من دولة لدولة

الفشل بينطبق ع كتير بس النجاح

بعتبر روسيا وبس الناجحة بكل الجوانب

في كم دولة متل الصين واليابان بس في عيوب

12- متى تخجل من نفسك ؟
مابخجل
من حالي ابدا حتى لو غلطت احيانا

13- في زمن البحث عن المادة ... عن ماذا تبحث أنت ؟
كمان
عن المادة بس عن الاستقرار وراحة البال اولا

14- ماهو هدفك بالحياة؟
حاليا
اتخرج وخلص دراستي واشتغل شغلة بحبا
بعدين
حقق شي انذكر فيه
15- ضمن من تصنف نفسك سلبي أم إيجابي؟
عندي
شوي من هي وشوي من هي مافي انسان سلبي 100%او ايجابي 100%

16- رتب هذه الكلمات حسب الأفضليه لديك
الصحه - المال - الاولاد - الزوجه او الزوج - الحصول على
أعلى المناصب - راحة البال

الصحة
- راحة البال – الزوج – الاولاد مستحيل تزبط هي قبل هي يعني هههههه –المال –
الحصول على اعلى المراتب

17- عندما يحتد النقاش وتحس أنك تناقش موضوع لا جدوى من
مناقشته لانه لن يتغير الوضع ماذا تفعل؟
بجاكر
اول شي بحاول وصل لشي

بس بعدين بنسحب

18- عندما تتناقش ايضا في موضوع وفي النهايه بعد اصرار
منك بالبدايه انك على حق فتكتشف ان الذي امامك على حق ماذا يكون ردة فعلك؟
اول
شي ببتسم بسمة صفراوية انو هههه انفشنى

بس بعترف باني غلطانة

19- لو تفاجئت بخيانه شخص عزيز ايا كان كيف تتصرف معه؟
مممممممم
كيف تصرفت معو

سامحتو

20- لو طلب منك تولي منصب الوزير من تختار من الوزارات
وماهي قراراتك؟
وزارة
الخارجية بحب اعطي فكرة افضل عن البلد او مو افضل اوضح

بحب السفر كتير

ههههههههه

21- انت من مدينة تحبها وتعشقها بكل مافيها فاذكر مدينتك
وعبر عنها بكلمتين فقط؟
رح
قول دمشق

يكفيني باني زهرة ياسمين على اسوارك يا شام

اهم سؤالين ... وارجو الرد عليهم بصراحه وبدون أى زعل يا
أصدقائى

22- أعضاء تعجبك كتابتهم وقل رئيك بشخصياتهم سوا ايجابيه
اوسلبيه؟
حنين
عم تبدعي جد

خصوصي بهالفترة حنين الرقة والطيبة

حنين مثال لكل بنت وصبية جد وجودك معنا مكسب

التاني ثعلوب

جد بنبسطت بوجودك معنا وبجراتك وبموضيعك المميزة

راي في مابعرفو كتير انا بس بيسعدني وجود شخص متلو معنى

23- عضو تضحك من اسلوب طرحه للمواضيع والردوود وعضو اخر
تعتبرة جد جداً فى كتابته ( أى لا يعرف الهزار أو المزح

كمان ثعلوب ولا شو قصتك اه

لا بس جد حبيت موضيعو كتير

الجدي مممممم

مافي حدى محدد او جدي لهالدرجة

بس زاهر مواضيعو مابتتحمل المزحجد بتكون جدية كتير

بس بحب كتاباتو كتير

24-وما رايكم بالعبد الفقير الذي بينكم اللي هو صمت
الليل وبصراحة بالغة جدا
كلنا
عبيد الله

صمت الليل هاها هههههه

كان الاسم حلو كتير

مابعرفك كتير بحكم ماعم فوت ع الشات لانو عطلان عندي ورح قوص
محمد

أي وين كنا

هههههههه

تواجدك معنا حلو كتير

عم شوف نشاطك جد بهنيك

ومتل مابقول زادو الحلوين واحد وانت احلى واحد

1- قبل أسمك ماذا تحب أن تكتب ؟
سوريا ...

2- حيوان تشعر انه مظلوم ؟
جميع الحيوانات بلا استثناء..

3- حقيبة أسرارك عند من تضعها ؟
عند الحنين ...

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

ارى انه مخطئ ... الاصدقاء يمنحوننا
لذة الحياة ..

5- أين تأخذك ذروة الغضب ؟
الى اللاوعي وجرح من امامي بكلامي ...

6- ما أجمل شيء في الاسلام والمسيحية؟

ان الله واحد فيهما ..

7- لماذا لم تصبح مشهورً ؟
احتقر الشهرة ...

8- متى يعاندك النسيان ؟
دوما ....

9- متى يقسو قلبك ؟

عندما اجرح ممن لا اتوقع ...

10- هل حدث أن انتصرت على نفسك يوماً وأحصيت عيوبك ؟

لم يحدث للاسف ...

11- ما هو انطباعك عن السياسه ؟
بعبارة مختصرة ...
السياسة لعبة قذرة ...

12- متى تخجل من نفسك ؟
لم يحدث ان خجلت من نفسي..

13- في زمن البحث عن المادة ... عن ماذا تبحث أنت ؟

عن روح الانسان ...

14- ماهو هدفك بالحياة؟
السلام ..

15- ضمن من تصنف نفسك سلبي أم إيجابي؟

الاثنان معا ...

16- رتب هذه الكلمات حسب الأفضليه لديك
الصحه - المال - الاولاد - الزوجه او الزوج - الحصول على أعلى المناصب - راحة البال

الصحة .. راحة البال .. والبقية لاتهمني ...

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

انسحب .. وانا بالعادة لا اناقش ما لاجدوى من مناقشته ولا اناقش من لا يستحق النقاش..

18- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

اوافقه الراي ان اقنعني برايه ...

19- لو تفاجئت بخيانه شخص عزيز ايا كان كيف تتصرف معه؟

اقول له وداعا بقلبي .. وانسحب بصمت ..

20- لو طلب منك تولي منصب الوزير من تختار من الوزارات وماهي قراراتك؟

ولا وزارة ...

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟

انا من حمص بس مربى اللادقية ...

بقول لللاذقية ..
انت المدينة التي تسكنني ..

اهم سؤالين ... وارجو الرد عليهم بصراحه وبدون أى زعل يا أصدقائى

22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟

ثعلوب ...
يمكن ثعلوب ماصرلو مسجل فترة طويلة عنا .. بس خلال فترة قصيرة
قدر يلفت انظار وقلوب الجميع بثقافتو وهضامتو وابداعو ..
من القليل جدا انو تشوف قلم متل قلم ثعلوب .. قلم جرئ .. واضح .. صريح .. غير منافق .. موجع .. مفرح .. حساس.. شفاف..
انا بعتبر وجودك مكسب للمنتدى ..
وبخاف من يوم ممكن تمل فيه من المنتدى وتتركو ...
لقلمك مني سلام صديقي ...

ميرا ...
ميرا دايما بتتميز بالردود .. مقلة بمواضيعا .. بس من اكتر الاشخاص يلي بهمني شوف ردا ورايا ..
المنتدى بلا ميرا برايي يفقد الكثير من القه ...

نوني ...

نوني من اول شفت خواطرك فيه ..
قلت هي البنت مميزة وفعلا ما خاب ظني ... بحترم قلمك كتير .. بتوقع انو لسا في عندك اشيا بدك تفرجينا ياها ..
وانا منتظرتا بلهفة ..

روز ...
الجرأة والتحشيش والهضامة ..
الحساسية والشفافية بالادب ...
روز انسانة قادرة على الخلق والابداع ..
بحب قلمها كتير .. وافتقدتلو كتير ..
بس هلا عم حس انو رجعت لنشاطا السابق .. وفرحانة كتير بعودتا ...

23- عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)

عضو بضحك من طريقة طرحه ..
ببعض المواضيع روز وثعلوب عندون
طريقة ساخرة رائعة بطرح الموضوع ..
يعني بكون الموضوع موجع وساخر وبنفس الوقت بتضحك .. يمكن من كترة الوجع ..

جدي جدا .. بقايا رجل ..

24-وما رايكم بالعبد الفقير الذي بينكم اللي هو صمت الليل وبصراحة بالغة جدا

صمت الليل ..انت عضو نشيط ..
بتمنى تضل على هالنشاط ..
في عندك مواضيع مميزة ...
بتمنى تركز على طريقة الرد اكتر لحتى تتميز اكتر ...

شكرا جزيلا لاسئلتك ..
تقبل مروري ...

مشكورو جورجينا اجابات رائعة

مشكورة كتير حنين

احلى حسونة حبيب القلب

لك ايمت نزلت هالموضوع؟

- قبل أسمك ماذا تحب أن تكتب ؟
بسم الله الرحمن الرحيم

2- حيوان تشعر انه مظلوم ؟
الثعلب..الكل يقولون انه مكار وخداع ومحتال ..ولكن هذه غريزة ولا ذنب له..لك ما في اطيب من قلبو مع رفقاتو...حدا شاف ثعلب عم ينصب على ابناء جنسو؟

3- حقيبة أسرارك عند من تضعها ؟
في قلبي

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

لا ارى ما يرى هذا العالم النفس ..والحياة مستحيلة بدون اصدقاء..يمكن نعيش بلا حب ..بس بتلاقي الانسان عم يحاكي الحيطان اذا ما لقا مين يحكيلو (خصوصي النساء)

5- أين تأخذك ذروة الغضب ؟
انا الي طريقة طورتها للتخلص من عصبيتي ..بترك المكان وبروح عغرفة تانية وبصرخ او بكسر شي شغلة

6- ما أجمل شيء في الاسلام والمسيحية؟
انو الجوهر واحد والاختلاف في التفاصيل المهملة

7- لماذا لم تصبح مشهورً ؟
ما هدفي صير مشهور
في عبارة عجبتني كتير لكاتب اسمو مصطفى محمود:
"نجوم الدنيا ليسوا بالضرورة نجوم الآخرة"

8- متى يعاندك النسيان ؟
بالامتحانات
ههههههههههه
بشتهي انسى شي سؤال ..يخزي العين عني شو شطور..دقوا عالخشب

9- متى يقسو قلبك ؟
عندما المح الغدر او الكذب

10- هل حدث أن انتصرت على نفسك يوماً وأحصيت عيوبك ؟
دائماً ..خصمي هو نفسي وعيوبي صارت معروفة ..بس مو خرج حط نقاط ضعفي قدام الشباب

11- ما هو انطباعك عن السياسه ؟
لعبة الاذكياء ..وانا احب الذكاء واحلم بهذه اللعبة
في السياسة يصبح الظالم ضحية والمظلوم قاتل وارهابي

12- متى تخجل من نفسك ؟
عندما يمدحني البعض بشيء ليس مني

13- في زمن البحث عن المادة ... عن ماذا تبحث أنت ؟
والله يا ميرا اصابة محققة بنص الهدف!!!!
كلنا عم ندور على حالنا ..هههههه

14- ماهو هدفك بالحياة؟
تغذية الرجل الصالح الذي سيدافع عني يوم الدين (عملي)

15- ضمن من تصنف نفسك سلبي أم إيجابي؟
ما بعرف بس بحس حالي سلبي شوي

16- رتب هذه الكلمات حسب الأفضليه لديك
راحة البال - الصحه - الاولاد - الزوجه او الزوج - المال-
الحصول على أعلى المناصب -

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

بنسحب
18- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

هههههههه بصير فيي متل مشاهد افلام الكرتون ..
لما بيتكسرو المرايا مليون شقفة وبدمعوا عيوني
او بتنزلي دمعة ورا راسي
ههههههههه

19- لو تفاجئت بخيانه شخص عزيز ايا كان كيف تتصرف معه؟
بجاوب بعدين

20- لو طلب منك تولي منصب الوزير من تختار من الوزارات وماهي قراراتك؟

ما بعرف ..ولا وحدة

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟

طرطوس ..السياحة
والسفر (الى الخليج طبعاً)

اهم سؤالين ... وارجو الرد عليهم بصراحه وبدون أى زعل يا أصدقائى

22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟
الحنين :كلماتها تخترق القلب ..بصراحة يمكن مل من اي موضوع او اشرد باي خاطرة بس خواطر الحنين بتشدني كتير وبضل متحفز وما بصدق رد عليها..
ليناي:مع انو ما شفت مواضيع كتير الها بس مناقشة وحدة بينت لي انها اعقل حدا فينا ..
سالي الغرام:بحب مواضيعها لانها جريئة وصريحة وما بتخاف تزعل حدا مع انها كتييير طيبة

23- عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)
والله متل روز بحياتي ما شفت ..يا جماعة صار قلبي يجعني من الضحك لما قريت موضوع الها ..
اما الجدية مممممم يمكن انتا حسن جدي شوي بحسك
24-وما رايكم بالعبد الفقير الذي بينكم اللي هو صمت الليل وبصراحة بالغة جدا
والله انت ما في منك ..بصمت يا صمت ...هههههههه عم سجع
بصمت في هذا المنتدى

شكراً كتير يا غالي

...
شكراً لكم

مشكور يا اخي العزيز اجابات صائبة

نبدا بسم الله

1- قبل أسمك ماذا تحب أن تكتب ؟
ما بكتب برسم نجمة

2- حيوان تشعر انه مظلوم ؟
ولا حيوان كلو الله خلقو والله ما بيظلم

3- حقيبة أسرارك عند من تضعها ؟
اساسا ما بحط اسراري بحقيبة اسراري بيضلو بعقلي وبس

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟
هلق انو يعيش اكيد بيعيش الانسان ما بدو اكتر من مي واكل وتدفاية وهالقصص
بس انو ينبسط لا ما بينبسط بدون اصدقاء يشاركوه فرحتو او يوقفو جنبو وقت الحزن

5- أين تأخذك ذروة الغضب ؟
اذا حدي شي بكسرو واذا ما لقيت شي بضرب ايدي بشي حيط او شي شغل

6- ما أجمل شيء في الاسلام والمسيحية
انو التنين اكتر دينين بيحثو على الاخلاق وانو التنين بيامنو بالرب بالدرجة الاولى

7- لماذا لم تصبح مشهورً ؟
لانو الشهرة ما كانت ضمن اهدافي

8- متى يعاندك النسيان ؟
ببداية كل شي بيعاندني وبعد فترة لحالو بيستحوذ عليي
متل وقت بتدور عغرض وبتكون محتاجو مستحيل تلاقيه بس وقت بتتركو بدون ما تدور عليه بتلاقي قدامك

9- متى يقسو قلبك ؟
وقت الي ممكن يجرني قلبي لاني اضعف او اخسر شي من عزة نفسي

10- هل حدث أن انتصرت على نفسك يوماً وأحصيت عيوبك ؟
اني احصي عيوبي ما بيعتبر انتصار لانو لازم امحي هالعيوب لاقدر انتصر على حالي
اى وقت بلاقي عيب بيدايقني وبيدايق الي حواليي ممكن انتصر على حالي وامحيه

11- ما هو انطباعك عن السياسه ؟
مين بيقدر يكزب اكتر بيرتفع مرتبة اعلى بهالمجال

12- متى تخجل من نفسك ؟
وقت بغلط

13- في زمن البحث عن المادة ... عن ماذا تبحث أنت ؟
ببحث عن المعنويات .. الصدق .. الزكا .. المحبة ... الطيبة

14- ماهو هدفك بالحياة؟
بعتبر هالسؤال من خصوصياتي

15- ضمن من تصنف نفسك سلبي أم إيجابي؟
انا سلبية المنطق مع ايجابية الواقع

16- رتب هذه الكلمات حسب الأفضليه لديك
الصحه - المال - الاولاد - الزوجه او الزوج - الحصول على أعلى المناصب - راحة البال
الولاد - الشريك - الصحة - راحة البال - الحصول على اعلى المناصب - المال

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟
بقلبو مسخرة او بترك المجلس بعد الاستأزان وبمشي

18- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟
اول شي ما من طبيعي الاصرار عشي مو متاكدة منو بس لو صار هيك موقف بعتزر من الطرف التاني وبشكرو على تصحيح معلومتي

19- لو تفاجئت بخيانه شخص عزيز ايا كان كيف تتصرف معه؟
هههههه اقل من اني فكر فيه او اتصرف اصلا ما بعتبرو موجود بالمرة

20- لو طلب منك تولي منصب الوزير من تختار من الوزارات وماهي قراراتك؟
وزير التربية والتعليم واني اعطي امكانيات اكبر للتكنلوجيا بالجهات التعليمية وخلي مستوى التعليم كتير ارقى وبيعتمد على احدث الاساليب والهيئات التدريسية

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟
حريتي واسواري

اهم سؤالين ... وارجو الرد عليهم بصراحه وبدون أى زعل يا أصدقائى
22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟
ثعلوب : قدر يحسسني بانو الانسانية والعقل والثقافة بيجتمعو وبيكونو شخص مميز بكل معنى الكلمة
الحنين : انسانة مبدعة وطيبة ومميزة بشكل لزيز بنقد فيها شي واحد انو امكانياتها اكبر بكتييييير من الي بتطلعون
سالي الغرام : الاخلاص متجسد بانسان فيها كل اشكال الطيبة والتسامح بنقد فيها طيبتها وصلت لحد السذاجة
نيكولا : انسان بيعرف شو بدو وبيوصلو وبيقدر يبعد عن اي شي ممكن يشوشو او يدايقو ويزعجو
23- عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)
هلق من كم يوم قريت رد لثعلوب خلاني عم اضحك عليه لهلق
تبع موضوع ليا شو بتعمل بالموقف التالي وقال انو بيفركشو وبيصير فوق وبتتعدل القوى فقعني ضحكككك جد لزيز كتير هالرد وحسيتو مهضوم
الشخص الجدي بحس صمت الكلام جدي شوي وهانو بس مو انو ما بيعرفو المزح بس مساحة الجد عندكن اكبر من مساحة المزح
24-وما رايكم بالعبد الفقير الذي بينكم اللي هو صمت الليل وبصراحة بالغة جدا
انسان محترم ومثقف وحسو طيب كتير ورايق بشكل كتير رائع

ليناي مشكورة كتير وجد حابب نلتقي سوا لانو هالافكار لا تمت عن انسانة اي انسانة الا عن انسانة لها واقعية متميزة وعارفة شو بدها اتمنى وسيحصل ان شاء الله

1- قبل أسمك ماذا تحب أن تكتب ؟

يا رب

2- حيوان تشعر انه مظلوم ؟

الحمار

3- حقيبة أسرارك عند من تضعها ؟

أمي - رفيقتي - حبيبي

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

هئ ما حدا فيه يعيش بدونن

5- أين تأخذك ذروة الغضب ؟

لفرشتي ودبدوبي

6- ما أجمل شيء في الاسلام والمسيحية؟

الايمان برحمة الله و انو هنن ال 2 بامنو بوجود الله و اله واحد

7- لماذا لم تصبح مشهورً ؟

مو ضروري يكون الانسان مشهور قدام كل العالم المهم يكون مشهور بالوسط يللي هو فيه

8- متى يعاندك النسيان ؟

لما بيجرحني شخص

9- متى يقسو قلبك ؟

لما بخوني وبيتسغفلني

10- هل حدث أن انتصرت على نفسك يوماً وأحصيت عيوبك ؟

اي كتير

11- ما هو انطباعك عن السياسه ؟

ما الي علاقة فيا

12- متى تخجل من نفسك ؟

لما ما بحسن قدم شي يللي لازم قدمو لايا شخص ولما بقعد بمجتمع ثقافتو كتير عالية وما احسن جاريون

13- في زمن البحث عن المادة ... عن ماذا تبحث أنت ؟

عن الحب الصادق

14- ماهو هدفك بالحياة؟

اني ضل رافعة راس اهلي فيني
وكون عيلة مع الشخص يللي بحبو

15- ضمن من تصنف نفسك سلبي أم إيجابي؟

ايجابي

16- رتب هذه الكلمات حسب الأفضليه لديك
الصحه - المال - الاولاد - الزوجه او الزوج - الحصول على أعلى المناصب - راحة البال

الصحة -راحة البال - الزوج- الاولاد -المال- الحصول ع منصب

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

بقلو خلص سكر ع الموضوع

18- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

بعترفلو انو وجهة نظرو صح

19- لو تفاجئت بخيانه شخص عزيز ايا كان كيف تتصرف معه؟

بقلو الله يسامحك وبتركو وبمشي وما بعود بحكيه

20- طلب منك تولي منصب الوزير من تختار من الوزارات وماهي قراراتك؟

وزارة التعليم وبدي غير طريقة التعليم بالمدارس

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟

حلب - فجر الدني

22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟
ضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)

بقايا رجل و بحر الغرام
نوني والحنين
كتير بيعجبوني كتاباتون
وبحب ميرا بردودا

24-وما رايكم بالعبد الفقير الذي بينكم اللي هو صمت الليل وبصراحة بالغة جدا

حسيتك انسان طيوب كتير وما بتحب حدا يزعل منك ولا تزعل حدا ومتحمس

مشكوور صمت الليل

ليا خجلتيني جد اول انسان او انسانة بيقلي هالكلام وانا فعلا ما بحب حدا يزعل مني ولا ازعل من حدا وانا هيك فعلا ولا اصطناع وياما متنازل عن حقوق الي مقابل انو ما اخسر انسان بعزو او بحب انو يكون صديقي مشكورة يا غالية وبتمنى انو نكون دايما اصحاب اسئلة جريئة وواقعية جدا ارجو الاجابة بصراحة 340169

اسئلة جريئة وواقعية جدا ارجو الاجابة بصراحة 340169

» 6 اسئلة ارجو الاجابة عليهم من الاعضاء
» اسئلة عاطفية وواقعية
» اسئلة جريئة للجريئين فقط
» اسئلة جريئة
» اسئلة جريئة للشباب فقط