هل نثق بمن نحدثة عن طريق الانترنت ؟

عـندي مـوضـوع وأتمنى من كل الاعضاء

إبداء رأيـهم بكل صراحة ومن غير مجاملات

كـثير منا يدخل إلى شبكة الانترنت ، من خلال المنتديات

والمواقع يلتقي كــل منا بعدد ليس بقليل من الناس

.. ويحدث بينهم كلام ،،،

محادثة بين شاب وفتاة

محادثة شاب مع شاب

محادثة فتاة مع فتاة أخرى

ولكن السؤال هل تثق بمن تحادثه على الانترنت ؟؟

هل تثق بأن من تحادثه صادق ؟؟

هل تثق بأن من تحادثه لا يخدعك ؟؟

وسؤال يجر سؤال

هل من الممكن أن تصل هذه الثقة لإقامة صداقة أو زواج أيا كانت ؟؟

هل من الممكن ان تصل بك الثقة لإخبار الشخص الآخر بأمور شخصية عنك ؟؟

هل تصل الثقة لان تقابل من تحادثه دون خوف ؟؟

هو مو دائما هاد الشي بيصير بس من حكي الشخص ببين إذا كان صادق ولا لأ وأنا بتمنى أنو الكل ينتبه من النت لأنو النت متل الوحش

وإذا لم تكن ذئبا أكلتك الذئاب

مشكورة كتير وردة على مرورك

وكلامك صح وانا معك

انا عندي ثقة كتير كبيرة بكذا شخص ع النت وبحكيلن كلشي عني والخصوصيات وبتمنى شوفن بالواقع

وكمان بحب ع النت منشان ماكون كذابة واحكي الصراحة

مابظنا عيبة او حرام او مدري شو

المهم يكون اكابري وبينعرف الاكابري من الكذاب يلي بفوت منشان غايات شخصية او تسلي

مشكور ع موضوعك

بالنسبة االي ريد هيل

انا عندي كتير اصدقاء بالنت وفي منهم بعتبرهم اخوات الي من كتر ما بعزهم

سواء شباب او بنات سواء من ديني او غير دين

بس بنفس الوقت اكيد صدفت ناس ما بيستحقوا الصدق والصراحة معهم

فاكيد عندي ثقة برفقاتي عن النت بس اللي عرفتهم منيح وعرفوني

لانو ممكن غيري ما يشوفني خرج الوثوق قيني كمان

شكرا كتير لموضوعك الحلووو

شكرا يا نجم

اي طبعا مو بكل الاشخاص
بس اكيد الواحد بيتعرف ع ناس اكابر ومحترمين وبكونو بدرجة الاخ او الاخت

مشكور كتير ريد
تقبل مروري

يعني بناء الثقة ما بيجي بيوم وليلة واكيد لما بتتحدث مع حدا عالنت وبتشوف نقاشاتو وردودو ممكن تعرف شخصيتو
ومع تكرار التحدث ممكن يكون في صداقة كمان
بس أنا ضد التطرق لأمور شخصية خاصة .إلا إذا التقوا مباشرة

شكرا للكل على المرور

مساااا الخير أخي الكريم ريد
هيدا الموضوع بل الذات حساس لأبعد الحدود
والثقة يا شريك هي الاهم
والمقصود بكلمة الثقة ثقة الشخص بنفسه
فهل أنت واثق بنفسك ....؟ فمن المؤكد سوف تحاول أن تجعل من الذي يكلمك أن يثق فيك
الثقة أساس الصداقة
وانا بنظري الصداقة عبر النت رائعة فقد تلتقي بأشخاص كنت تحلم أنت تلتقي فيهم في الواقع
ولكن يجب الانتباه لحدود العلاقة
كلامي صادر عن تجربة
فهناك تجارب بل الحياة
وصار كمان والحمد لله تجارب ع النت
وشكرا كتير يا خي ع الموضوع
وكلك زوء
وموفق يا رب

مشكووور ريد هيل عل الموضوع الحلو

ولكن السؤال هل تثق بمن تحادثه على الانترنت ؟؟
اكيد مو دايما رح اثق بيلي بحاكي بس في عالم ببينو اذا صادقين او كذابين ويلي بدو يكذب حتى لو شايفو بالحقيقة بكذب وفي ناس اي بثق فيون

هل من الممكن أن تصل هذه الثقة لإقامة صداقة أو زواج أيا كانت ؟؟

اي بتوصل ليش لحتى ما توصل النت متل التلفون في ناس بنخطبو وبيكملو احاديثون عل التلفون والنت باري نفس الشي يلي بدو ينحكا عل النت بينحكا عل التلفون وبتتطور العلاقات بيناتون

هل من الممكن ان تصل بك الثقة لإخبار الشخص الآخر بأمور شخصية عنك ؟؟
اي ممكن توصل وفي الي اصدقاء شباب وبنات بحكيلون امور شخصية
هل تصل الثقة لان تقابل من تحادثه دون خوف ؟؟
اذا شخص قضيت معو فترة طويلة ودرستو ودرست طبعو وكل شي ليش لا بشوفو

والله بالنسبة للثقة اي عندي رفئات بوثق فيهن كتير الحمد لله وهنن متل اخواتي واعز

واكيد مو كل الناس متل بعضها يعني في المنيح وفي يلي مو منيح

ومو اذا الواحد دخل ع النت معناها مابيستاهل انو ياخد الثقة بس كمان الواحد لازم ينتبه منيح

مشكووووووووووووووور ريد هيل موضوع حلو كتير

تقبل مروري

NNOS

مرحبا من جديد أخي ريد
أنا اليوم حابب أعطي رأي من جديد ونتيجة لتجربة مريت فيها ليلة أمس
حلو أن تثق بل الأشخاص
وكل شخص بيعرف حالوا
يعني أنا أو أنت بنعرف حالنا مناج أو لأ
بس يا شريك يا ترى العالم يلي عم نحكي نفس الشي....؟
أكيد لأ بس يا روحي
بحب انصح كل مين بزور هل المنتدي لا تدع عاطفتك تلعب بثقتك بل الأشخاص
سلاااام
والشكر مرة تانية

انا بشكر الجميع على التفاعل الكبير

وطبعا متل ما قال خيي هاي212

انوا ما نخلي العاطفة تلعب دور بالثقة ومبوح لاشخاص مالون اهل لهي الثقة ومنكون حاسين انو هنن اهل لها
نتيجة العاطفة التي تكون غير صائبة

اكيد بهيك شغلات لازم ما نخلي العاطفة تلعب دور
ونشغل العقل وبس

ومرة تانية بشكر الجميع على التفاعل

» إرسال فاكس عن طريق الانترنت باستخدام برنامج Fax Machine
» شبك جهازين مع بعض عن طريق مودم adsl usb وتشغيل الانترنت على الجهازين في نفس الوقت
» حصريا عملاق التحميل من الانترنت Orbit Downloader 3.0.0.0 Final لتسريع واستكمال تحميل الملفات من على الانترنت بحجم صغير وعلى اكثر من سيرفر
» جثة دون رأس على طريق حمص - دمشق
» عن طريق الصدفة ...