كوني له امراة .. يكن لك رجل

موضوع: كوني له امراة .. يكن لك رجل 21/1/2010, 10:05 am

رسالة وصلتني على الايميل وحبيتها ولهيك عم اكتبلكن ياها هون ...في جزء من الرسالة ناقص لانو هزلي وانا ما حابة اكتبو لاني اعجبت بالنصف الاول من القصة
تقول صاحبة القصة
زرت صديقة لي منذ مدة
وقد كانت هذه الصديقة
لاتشكو ابدآً من تكاسل زوجها ،
لـشراء حاجات وأغراض البيت
بل العكس فكل ماتريده موجود
رغم عدم وجود سائق يجلب لها الطلبات
وفي زيارة لي احتجت إلى ورقه وقلم ، لأكتب طريقة(وصفة أكل)
قد تذوقتها عندها واعجبتني ..
قالت : افتحي هذا الدرج ستجدي فيه ورقه وقلم.
فقلبت بالدفتر كي اجد صفحه فارغه اكتب فيها ولكن مالفت نظري
ان هذا دفتر تدوين حاجات المنزل
والجميل في الأمر انها كتبت طلبات المنزل بشكل مثير و جميل .
وعندها علمت السر وعدم تذمر زوجها ، من إحضار طلبات المنزل
فانظروا ماذا كتبت؟؟
جبنة بيضاء مثل قلبك
.... قشطه يا قشطه ..
.... سكر مثل دمك ..
طماطم مثل لون خدودك
شطه مثل مشاعرك
.... عسل يا عمري ..
.... زعفران مثل لون قلبك ..
.... صابون مثل ملمسك ..
.....شكولاته يا حلو .
:فقلبت ذاكرتي وفي اسلوبي في كتابة الحاجات
بيض ـ سكرـ ولاتنسى حليب الاطفال ـ وخمسه علب صلصه_ طحينه _ رز .

وليست طريقتي انا فقط بل انتم كذلك ؟
فضحكت بشده من أسلوبها الدلوع.
فدخلت علي وأنا أضحك ، وقالت : ماذا يضحكك ؟؟
فـقلت لها إني قرأت الورقة فـابتسمت وقالت

كوني له إمرأة يكن لك رجلاً

القصد من القصة اخر عبارة ... كوني له امراة يكن لك رجلا
فعلا عبارة بغاية الروعة وحابة اسالكن يا صبايا هل عنجد نحنا بالعلاقة عم نكون المراة ونتركو يلعب دور الرجل؟
بصراحة رح احكي عن حالي وبتوقع نسبة كبيرة منكن متلي .. عم نعامل الرجال بعلاقاتنا كند النا
مساواة وكبرياء وتكسير راس وعم ننسى اهم شي انو نحنا لازم نكون عكس هيك
نحنا لازم نجسد صفات الانوثة مو نتقمص صفات الرجولة
في وحدة منكن بتعطي حبيبها مساحتو كرجل وبتضلها ضمن مساحتها كانثى ... بتحسسو انها بحاجتو مو انو هوي بيحبها ولازم يتحملها
في منكن وحدة ما بتعاملو انو انا متل انت ومتل ما انت عندك رفقة بنات انا عندي رفقة شباب ومن هالحكي الفاضي.. ما بتوقع في وحدة هيك الا بالنوادر وبتطلع عينو بطريقة تانية
في وحدة منكن بتحاول تكون كاملة بمجالها وما بتضل تنقدو بمجالو وتجنن عيشتو وتخليه معها وهوي رح ينفجر
ما بتوقع وصح مانها قاعدة واكيد في نسب مختلفة بس موضوع حبيتو وحسيتو بيحاكي واقع اليم
انو المراة طلعت من مساحة الانوثة لتحتل مساحة الرجولة وهيي مفكرة انو هاد الصح
نسيت فطرتها وتكوينها والسبب الي خلقت مشانو وصارت تتعدا على تكوين غيرها ...

ملاحظة زغيرة : احترت وين لازم حطو هون ولا بقسم حوا لاني وقت فتت عقسم حوا انصدمت كلو موضة وازياء وبيحاكي خارج المراة وهالموضوع حسيتو بمعاني اكبر لهيك كتبتو هون والي عندو نظرة مختلفة من المشرفين والادارة ينقلو

ليناي حلوة كتير القصة وما راح عقب لاني هلق عندي دراسة بس حبيت قلك شغلة صغيرة تاكدي تماما ان العلاقة بين الرجل والمراة علاقة تبادلية فالاثنين بيكملوا بعض اذا المراةفعلا كانت مراة بمعنى الكلمة سيكون الرجل رجلا والعكس صحيح

قديش الك مو فايتة عقسم حواء يا عيني؟
قال انصدمت ..
قسم حواء للاسف تحول لقسم تاني للموضة والازياء متل قسم آدم وهيك مواضيع مفيدة حرام ندفنها هنيك
لا منيح يللي جبتيه لهون بس انو ليش ماحطيتي النص التاني من الايميل
(هاد الحلو ههههههههه)
اذا ما بتسترجي انا بنزلو

وبخصوص كوني له امرأة يكن لك رجلاً مو ضروري
لانو في كل امرأة دافنة انوثتها دفن برجل من اشباه الرجال ..ماالو علاقة بشي اسمو رجولة ..وما بحس متل هالحيط بتضحيتها ..

انا بحيي فيكي هالصيحة الانثوية بس كمان يصح القول كن رجلاً لتكن لك امرأة ..

والله ياخدك يا ليناي

صباحو ليناي كيفك موضوعك كتير حلو شكرا كتير الك وبضم صوتي لصوتك قمة الأنوثه بالأنثى ضعفها وحاجتها للرجل لتكمله ويكملها بس متل ماقال ثعلوب الي دمو شربات يكون هوي رجال لتكون هي انثى بس عكل ماحدا كامل والكمال لله وحلو النقاش والمعاتبه وووو هادا بيكون مقوي للعلاقه بين الطرفين شكرا صمت الليل الهادئ الرومانسي شكرا للكل تحياتي

صمت الليل
معك حق ومشكور لمرورك ... نورت موضوعي

ثعلوب
الله يرزقني عقد ما بتدعي عليي ... رح صير مليونيرة لو صحي
وبالنسبة لانو كن لها رجلاً تكن لك امراة هيي صحيحة بس ما في داعي اكتبها
عندي ثقة ببنات جنسي لو كانو نساء بكل معنى الكلمة واحترمو كينونتن الانثوية بيخلو
من الصنم رجل وبيخلوه يحتفظ بكل معاني الرجولة كرمالهن ...
بس بدا بنت بتحوي معاني الانوثة ولهيك عم ناشد المراة بموضوعي لانها برايي بتخلق بالطرف الاخر رجولتو
وبالنسبة لقسم حواء لا ما بفوت عليه الا بالنوادر وهي بتكون كل سنة مرة يعني من اول ما سجلت بالموقع فتت عليه مرتين ههههههه

رهف
شكرا لمرورك ورايك الحلو ... نورتي موضوعي بمساهمتك

ثعلوب القصة الكاملة نزلتها بقسم اضحك وامرح
وهي الرابط
http://www.souriaa.net/montada-f30/topic-t43810.htm#441477
... ما حبيت نزلها هون مو لاني ما بسترجي بس ما حبيتها كتير لهيك ما نزلتها
وشكرا مرة تانية لالكن على مروركن

» كوني لي.....
» كوني كالتفاحة
» كوني له امرآءة يكن لك رجلآ
» كوني له 4 نساء في واحدة
» كوني انيقة في منزلك