لماذا قطعت الراس والذيل .. ما هو رايك .. شلة الاسود

لماذا قطعت الراس والذيل .. ما هو رايك .. شلة الاسود 430128

جلست الزوجة تحدث زوجها عن زيارتها لصديقتها وأنها قدمت لها طبقاً من السمك لم تذق مثله من قبل .

فطلب الزوج من زوجته أن تأخذ الطريقه ليتذوق هذا الطبق الذي لا يقاوم .

إتصلت الزوجه وبدأت تكتب الطريقه وصديقتها تحدثها فتقول

(نظفي السمكة ثم اغسليها و ضعي البهار ثم اقطعي الرأس والذيل ثم احضري المقلاة ..)

هنا قاطعتها الزوجة : ولماذا قطعت الرأس والذيل ؟

فكرت الصديقه قليلا ثم أجابت لقد رأيت والدتي تعمل ذلك !

ولكن دعيني أسألها ثم أجيبك لماذا ؟..

إتصلت الصديقه بوالدتها وسألتها :

عندما كنتي تقدمين لنا السمك المشوي اللذيذ لماذا كنتي تقطعين رأس السمة وذيلها ؟

أجابت الوالده : لقد رأيت جدتك تفعل ذلك ! ولكن دعيني أسألها .

إتصلت الوالده بالجدة وسألتها :

أتذكرين طبق السمك المشوي الذي كان يحبه أبي ويثني عليك عندما تحضرينه ؟

فأجابت الجده : بالطبع .

فبادرتها بالسؤال قائلة : ولكن مالسر وراء قطع رأس السمكه وذيلها ؟

فأجابت الجدة بكل بساطة وهدوء :

كانت حياتنا بسيطة وقدراتنا متواضعة ولم يكن لدي سوى مقلاه صغيره لا تتسع لسمكة كاملة !!.

أعجبتني هذه القصة جداً

وبدأت أتـأمل حقاً بعض من موروثاتنا

وبعض متغيرات زمننا الحاضر

أترى الأجيال السابقة قامت بتلقيننا أشياء تصلح لكل زمان ومكان

أم أن بعضها لم يعد يصلح ليومنا هذا

فبعض التقاليد كما نعرف تكاد تكود قد إنقرضت وحل بديلاً عنها تقاليد أخرى

ولازالت هذه العادات الحديثة ما بين مؤيد ومعارض

على الرغم من أني أرى أجيال سبقتنا قد تغيرت مع هذا العصر

بينما بعض من جيلنا لازال يتمسك بتقاليد قديمة

ماهو رأيك ؟؟

ومعكم يحلو الحوار

شلة الاسود
هوت ميل

لماذا قطعت الراس والذيل .. ما هو رايك .. شلة الاسود 430128

طبعا ما في شي بيبقى على حالو

لو كل شي بيبقى على حالو ما كنا وصلنا لهون
والعادات والتقاليد متلها متل اي شي لازم تتغير مع تغيرات والتطورات زمانا الحاضر
لكن ضمن المعقول
طبعا ما حدا يفهمني غلط العادات والتقاليد مالها علاقة بالاخلاق
ولازم نتخلص من العادات البالية يلي عم نتوارثها عن اجدادنا
ومشكور ‏MR ! AMER

والله يا غالي في عادات لازم نقضي عليها وفي عادات لازم نحييها ونبقيها موجودة
والشغلة بترجع حسب البيئة والتربية
مشكور يا غالي

مستر امير مشكور وانا لست العادات ولكن الزمن تغير ولازم تتغير العادات فهي كانت لجيل سبقنا ونحن علينا ان نكون عادات خاصة بنا ولكن ضمن حدود ولا تقليد للغير

يعطيك العافية للموضوع يا غالي

بالنسبة ئلنا مافينا ابدا ننكر ان لهاد الوقت عم نستخدم عادات لقبل مية سنة ومو لشي بس بحكم العادة وحسب التربية

صح في عادات يمكن غلط بس الغلط الكبير لما عم تقولو انو لكل زمن عادات
انا ضد هالحكي وبالعكس لازم نوقف ضد هالمظاهر والعادات الجديدة يلي اكيد هي عبارة عن تشويه لاجدادنا بالدين وبالحضارة وبكل شي

تسلم ايدك مستر امير موضوع كتير حلو وفيو عبرة
هلق انت جبت كتير مثال زغير صح ما بينفي انو بينطبق عكتير عادات غلط بزمنا
بس رح قلك شي متل ما في عنا عادات قديمة ما الها قيمة واساتنا مستمرين فيها
في عادات غاية بالاهمية والجمال ونحنا رميناها عاساس انو حضارة وانو زمنا غير زمنن
متل مثلا انو براينا الانفتاح صار تنورة قصيرة او علاقة غير شرعية قبل الزواج
شباب صارت تقبل الزواج من انسانة مو منيحة وبنات صارت هيي الي تختار الرجل المناسب
متل ما صار ديق علينا توب العادات القديم نحنا خليناه مناسب بالقياس بس مو مناسب بالحشمة
ظبطنا معظم القياسات الي فيها جهل براينا وقصينا معظم العادات الي سميناها تخلف
لهيك ما بعرف نحنا لازم نغير عادات الجهل الحقيقة ولا نتركها مشان تضل معها عادات الاخلاق الحقيقة؟؟!!
سؤال حيرني عنجد كل ما بيتقدم الزمن بنتقدم خطوة من اللا اخلاق على حساب انو نزيد خطوة من العقل والتحضر
بتمنى بشي يوم نتقدم بالخطوتين سوا مشان نوصل للحضارة الحقيقة
تقبل مروري ... وشكرا مرة تانية على هالموضوع الحلو

طبعا التغير سنة الحياة مافي شي بيبقى على حالو اكيد
اكيد لازم نستفيد من تجارب اجدادنا ويلي وصلولو بس اكيد ماناخدو متل ماهو ونطبق بدون مانعرف ليش
الاهلم من التجدد هو فهم الاسباب

قصة حلوة وسؤال احلى
مشكور صديقي

بقول احد العلماء الاجانب ..
اذا اردت ان تعلم طفلك ..فعلمه القراءة فقط واتركه ..اي شيء آخر غير القراءة يسمى غسل دماغ ..
للاسف كلنا مغسول دماغنا بخرافات اكبر من القصة المذكورة بكتير ومع هيك ماحدا بيخطر عبالو انو هالخرافات صحيحة ومين يللي صنعها..وعم نورثها لاولادنا بدون ما نتأكد منها..
ولولا سؤال المرأة عن قطع الذيل والرأس ..يمكن استمرت الخرافة لجيل تاني..
باحد الردود بينطرح فكرة انو نحنا لازم نحافظ على عادات اجدادنا !!!! الجيدة ..
وانو العادات الجديدة هي تشويه لعادات اجدادنا وديننا..
بس حدا سأل حالو انو اجدادنا كانو ملائكة شي؟؟
حدا جرب بموضوعية يشوف كيف كانو يفكرو وشو الهن وشو عليهن؟؟
ولا لانو نحنا في خضم معركة حضارية مع الغرب..لازم نبيض كل مساوئنا ونفرجي الجيل الجديد انو ليك يا بابا
وعيّن ولا ابويييييي
وليك يايوووب
وليك يا بيييييييييي
عاداتنا هي الاحسن ..والاجود ..والاكثر حضارية
طيب شو يعني جيدة بالمقياس الحضاري والزمني يللي عايشينو هلق؟؟
يمكن الجيد بالعصر الجاهلي صار اسمو تخلف بعصرنا هلق..
مابدي فوت كتير بالموضوع ..
بس شكرا من القلب عامر لانو هالموضوع مهم ولازم يكون متل الجرس ..كل شوي ندقو مشان ما ننساه..

تقبل مروري

انتبهت من الاغلبية ناقشو الموضوع عن العادات والتقاليد وعاداتهم وعاداتنا ومدري شو ..
صح هو مغزى الموضوع العادات والتقاليد وليش تغيرت واتهمو الجيل القديم بأنو هو الجيل الصح والعادات الصح وجيلنا نحنا هو الجيل الفاسد وعادات الغرب والشرق ومدري شو ..
لك في مغزى بالقصة وتفاصيلها وهو " السؤال " !!
سؤال البنت لامها وسؤال الام للجدة ..
أكيد الوضع الطبيعي يتم هالاتصال ليعرفو السبب بقطع الذيل والرأس وأنو الجدة ماكان عندها مقلاية كبيرة .. الخ .. ومو هاد حديثي ..

وجود السؤال هون القصد فيه العقل ..
هالعقل يلي مركز الجسم والحياة .. هو يلي بيعلم ..
في عالم كتير مابتعرف تفك الحرف بس عايشة ضمن حدودها وبتعرف شوإلها وشو عليها ..
وفي عالم قياصرة بالحرب والعلم والنهب والتحديث وما بتعرف شي اسمو واحد زائد واحد يساوي شو ..
أهل الغرب بالغرب وأهل الشرق بالشرق .. وأنا مارح أجمع الطرفين لانو خللئة الله شرق وغرب ..
ورح احكي ضمن شي اسمو شرق فقط .. وأكيد مارح آخد من الجيل القديم إلا العادات الموروثة ضمن عيلتي يلي أنا خلئانة فيها ومعها .. ومع ذلك في كتير عالم مابيعجبها منطق عيلتا ..
لهيك برجع لكلمة " السؤال " ويلي أنا شبهت كلمة السؤال بالعقل .. وبالعقل منعرف شو إلنا وشو علينا وكيف بدنا نعيش ..

مداخلة صغيرة ..
العادات والتقاليد بتقلك لاتسرق .. هالتطور الفاحش خلال هالخمس سنين من وين ؟؟
العادات والتقاليد بتقلك لاتزني .. طيب هالانحلال يلي عم نشوفو شو ؟
العادات والتقاليد بتقلك احترم الاكبر منك .. طيب ليش هلق عم نشوف دار عجزة ؟
العادات والتقاليد بتقلك جارك اعتبرو اخوك .. طيب ليش بيمرق جار بالبناية مامنعرف اذا هو جار او زائر للبناية ؟
وبتقلك وبتقلك .. ومشان الله لاحدا يقلي .. لأنو بالنهاية في بكل شخص دماغ الله خلئلو ياه ويسئل هالعقل تبعو بيعرف شو العادات والتقاليد يلي بيخلقها من ..منطلقو .. ليعرف الصح والغلط ..

ودمتــــــم أصدقاء ..
مــيرا

الاستسلام للشيء بدون تفكير

في كل زمان في أشياء جميله وفي عكسها

وكل انسان بيقتنع بالأمور الي بتناسبه وبتناسب ظروفه وبستوعبها عقله

مشكور مستر أمير

» ما هو رايك ؟؟؟؟؟؟
» ما هو رايك بالبنت الجريئه
» ¦§¦ أقص الراس قدامك ولا اخضع لأشكالك ¦§¦
» طفل في الرابعة والنصف من العمر قطعت شرايينه و تم الاعتداء عليه جنسيآ
» >>وزير الصناعة: الحكومة قطعت شوطا كبيرا في استكمال الثقة مع الصناعيين