صفات الشاب الكذاب

موضوع: صفات الشاب الكذاب 24/7/2008, 6:07 am

صفات الشاب الكذاب :

بلا طول سيرة عليكم هي تجربه شخصيه خدو الحكمة من تجارب الاخرين :
1 - الشب المنظوم بيحاول التعرف عليكي بشتى الطرق حتى يحصل رقم الموبايل او رقم الارضي اذا كان محظوظ (لانك بتخافي اهلك يردو وبتصيري انتي تدقيلو ..... لا تفكري كتير عم يوفر يعني )
2 - بيصير يصرعك باتصلاتو ليل ونهار على اشتقتلك وبحبك و مرفقه طبعا بالمسجات الي كلها حب وغرام و غزل (مو من حظك طبعا لازم تردي بشي مسج شكرا عالقليله او مس كول وهو بيفتح الخط بوجهك ..... خرجك )
3 – بيتصل باخر الليالي وانتي بعز النوم او عم تحضري شي فلم عال mbc2 وبيسمعك اغاني حب ورومنسيه

متل اغاني تامر حسني و شايني وورد (و يا خوفك يسمع البابا او الماما او حتى الجيران بسابع طابق صوت الغناي لانو معلا صوت بس شوي )
4 – بعد فتره تمتد بين اسبوعين و شهر (حسب شخصيتك هي الفترة ) وبعد ما تكوني تعودتي عليه بيوقف المسجات فجاة ولازم تعرفي انو هاد تكتيك مشان تحسي بالفقد انو في شي ناقصك بهالدنيا .
5 – بيصير بعد قطع المسجات بفتره لا تتجاوز التلات ايام يخفف الاتصالات و يكتر المس كولات بس شو لا تخافي الاتصالات كلها حب وغزل و من الحكي الي بيعجبك ( وطبعا بيصير يشكيلك انو ما معو مصاري و متقاتل مع ابوه ووووو ومشاكل و الدنيا كلها ضدو ..... في شك !!)
6 – هلق صرنا بمرحله جديدة وبيقلك الكلمة السحريه حلمت فيكي مبارح بالليل وياريت هالحلم حقيقه كنا انا وانتي بالجنه وكتير كتير كنا مبسوطين (طبعا مو ضروري الجنه أي مكان اخضر و معزول بيكون منيح من اجل الرومنسيه)
7 – المهم بعدين بيطلب يشوفك بوقت متاخر اكتر من العادة يعني مثلا بتشوفو بعض الظهريات زيديون 6 ساعات
(وانتي بترضي لانك جدبه !!)
8 – بعد الف لعبه وحيله و تعب بتقدري تشوفيه الساعه 8 المسا ( طبعا المكان مخفي ما بدها حكي ..)
9 – هلق بعد ما تشوفو بعض و بتجلسو بسعاده على غفله بيمسكلك ايدك و بيطلع بعيونك بكل رومنسيه و بيقلك بحبك و بيبوس ايدك و بيصيرو عيونو يدمعو بس"مو شرط" ( وهون انتي بتسخسي ما هيك ..... غبيه !!)
10 – هاد الحكي السابق كلو مرفق بتخفيف المس كولات و الاتصالات وانعدام المسجات من ناحيتو و طبعا انتي بتبحبحي ايدك و بتصيري تتصلي و تسرقي موبايل البابا و الماما و اخوكي لتحكي معو ....... (no comment).
11 – بتصير بهي المرحله كل اللقاءات مسائيه ( لانك كتير ذكيه الله يخليكي لاهلك ...) وبيصير البوس يطلع من الايد لاماكن اخرى كالفم و بيشتغل الضم بلا طول شرح (وطبعا تفه عليكي .... تفه...) .
12 – ها ها هلق بعد فترة من الزمن بلقطكم ابن الجيران الصغير (وهاد اذا كنتي محظوظة كتير كتير ) او بتلقطكم شرطة الاداب ( اللي ما لو حظ لا يتعب و لا يشقى بهالحياه ..) .
13 – اذا ما انفضحت نص البلد فيكي بتصيري تطلبي تشوفيه الظهر بس لانو ماعاد فيكي تطلعي المسا ( هئ هئ هئ هئ وصلتي يا بعدي ...) وبيصير مشغول كتير و كل شغل العيله عليه و كل الدنيا عم تطالبوا بمصاريف و ديون .
14 – بتصيري تدقيلو كل النهار يا خارج التغطيه يا بيسكر بوجهك ( هون نصيحة اختي حفظي ماء و جهك و حذفي رقمو ..) .
15 ما محيتي الرقم ما هيك والله بعرف المهم يا ذكيه كملي معي لشوف شو بدو يطلع معك ..... بيتصل فيكي و بيقلك انتي انسانه رائعه و كل شب بالدنيا بيحلم فيكي بس ...................... انا اهلي خطبولي ( وطبعا هاد كذب يا زوطة لانو مو خادم عسكريه و ما معو اجرة سرفيس بس يعني هاد اذا عندو شي جد ابن حلال بيحسسك بالاكشن و عاساس انو لهلق بيحبك بس هي الظروف ..) اما اذا ابن حرام بيقلك حلي عن ربي حاج تدقي على هاد الرقم ما حلك تفهمي ماني طايقك تضرب هديك الساعه ..... (sorry for you )
16 – اخيرا و ليس اخرا بعد ما تكوني اكلتي الصواب الصعب و بلشتي بكي لصارو عيونك حمر و مخاطتك متر

بيطبقك رفيقو الي حس بدناوتو لصاحبو معك (!!!!!!) و بس يطبقك يا عزيزتي بترجعي بتقراي الايميل من الاول لانو الحمار استحى انو يوقع بنفس الجورة مرتين

ســــــــــــــــــــــــــــــــــــــلامــــــــــــــــات

موضوع: رد: صفات الشاب الكذاب 24/7/2008, 6:41 am

ههههههههههههههه

شي حلو والله

مشكور محمد

موضوع: رد: صفات الشاب الكذاب 24/7/2008, 6:45 am

ههههههههههههه ميرسي روز لمرورك الاحلى

موضوع: رد: صفات الشاب الكذاب 25/7/2008, 11:56 am

والله كلامك صح يا غالي
وكتير بشوف هيك شباب

مع تحياتي يا غالي
عامر

موضوع: رد: صفات الشاب الكذاب 25/7/2008, 11:58 am

شكرا كتير لمرورك يا غالي

موضوع: رد: صفات الشاب الكذاب 26/7/2008, 12:41 am

الله حيووو حمودة والله كل الحق معك

البنات الجدبات هيك عم يصير فيون

مشكور أبو حميد تقبل مروري

Sad

Sky Dreams

موضوع: رد: صفات الشاب الكذاب 26/7/2008, 5:16 am

هلا وغلا سكاي

شكرا كتير لمرورك الغالي

موضوع: رد: صفات الشاب الكذاب 26/7/2008, 6:01 pm

الله لا يجعلنا منون حمودة

مشكووووووووووووور
تقبل مروري

موضوع: رد: صفات الشاب الكذاب 26/7/2008, 6:03 pm

امين يارب

شكرا كتير لمرورك الحلو يا حلو

موضوع: رد: صفات الشاب الكذاب 27/7/2008, 1:13 am

ههههههههههههههههههههههههه ملعوبة حمودي

مشكووووووووووووور

تقبل مروري

NNOS

موضوع: رد: صفات الشاب الكذاب 27/7/2008, 5:35 am

ميرسي كتير لمرورك ننوس الغالية

» الشاب السوري
» من صفات الجنة
» صفات الصديق
» صفات قلب كل برج في الحب
» لغة الشاب السوري