الواقع ...الرومانسيه

موضوع: الواقع ...الرومانسيه 3/3/2010, 1:10 am

مساء الخير ...وصباح الخير ...صبايا ...شباب
الانسان
ان كان شاب أو فتاة
فهو كتلة من المشاعر والأحاسيس
ويتمتع بعقل يميز به
بين الحب والكره
بين الرومانسيه والواقع
عالم النت
عالم يغمره الخيال والرومانسيه
وتبصم أنت عليه أفكارك التي تلمسها بواقعك
وأنا أبحر بمواضيع المنتدى
سألت نفسي :
عن المتعه التي أشعر بها من خلال غوصي بالمشاركات وأخص بالذكر
قسم الشعر
تمنحك أبيات الشعر خيالا واسعا
وتعيش برومانسية وحضور الكاتب وأحاسيسه
خطرت لي أسئله
أحببت أن أسمع اجابتها منكم
للشاب والفتاة
لأن نفسية الفتاة لاتختلف عن نفسية الشاب
لاتوجد فروق جوهريه
المؤثرات الوراثيه موجوده بالشاب والفتاة
وتلعب دورها البيئه والظروف
وتجسيد المعاناة النفسيه

(سؤالي )
هل الواقعيه البحته طاغيه على حياتكم أم الرومانسيه ؟
وهل عندكم القدرة على ضبط الحاله الرومانسيه مع الحاله الواقعيه ؟
ومتى
وفي أي مرحلة من مراحل عمرك يكون التوازن بين المصالح الشخصيه والرومانسيه ومانسبتها في زماننا
هل هي
انتهازيه
ماديه
عاطفيه
حميميه
ومارأيكم
بالرومانسية بعد الزواج؟
يقال:
اذاكنت رومانسيا ...فكن انسانا
واذا كنت انسانا...فكن حبا
واذا كنت نباتا ...فكن حصادا
واذا كنت حجرا ...فكن صوانا
أنت أيها الشاب
مانظرتك للفتاة الرومانسيه؟
وأنت أيتها الفتاة
مانظرتك للشاب الرومانسي
هل تحبين الشاب المفرط برومانسيته؟
هل ماتت الرومانسيه في قلب الشباب من ضغوط الحياة ؟
وهل المصداقية قتلت بيد الأنا
وعندما تغيب عن حياتكم الرومانسيه
هل تشعر بوجودك ؟
هل ترغبون
بالحب الواقعي أم الرومانسي
هل تلمسون الأمان
الصدق
الصراحه
بحياتكم الرومانسيه

ماهي نسبة الواقع الموجوده بحياتكم ان كنتم من أهل الواقع
هل الواقع ينقص من واقعيتكم؟
هل الواقعيه تشكل خطرا على المجتمع؟
وماهي خطورتها
هل الحب بحد ذاته مشكله للذين يميلون للواقع أكثر من الخيال والرومانسيه؟
اللى أي درجة أصبحت العلاقات العاطفيه محكومة بالماديات ؟
فالرومانسيه :هي الحياة والاحساس
والواقعيه :هي الاستمرار والبقاء
هل أنتم واقعيين أم خياليين ؟
دعوه مفتوحة لأقلامكم
لنتبادل الاراء ونعيش معكم
عالم الخيال والرومانسيه
والواقعيه

موضوع: رد: الواقع ...الرومانسيه 3/3/2010, 10:16 am

رهف حلو الموضوع وانا بقلك بشي مختصر حلوة الرومانسية والعقلانية مع بعض فلا تكن عاطفيا فتغرق في بحر لا تعرف له قرار ولا تكن عقلانيا فتعيش في صحراء بلا ماء اذا اردت ان تحب وتعيش حياة سعيدة فوازن بين العقل والقلب ولا تجعل احدهما يطغى على الاخر والموضوع بعتقد محلو اجمل في لمن يجرؤ

موضوع: رد: الواقع ...الرومانسيه 3/3/2010, 10:20 am

لأ
هون محله كتير حلو ومناسب صمت الليل
ومشكور على مشاركتك
الله يزينك بعقل
هلا فيك

موضوع: رد: الواقع ...الرومانسيه 3/3/2010, 11:24 am

موضوعك كتير حلو رهوفة وملامس للواقع

(سؤالي )
هل الواقعيه البحته طاغيه على حياتكم أم الرومانسيه ؟

انا واقعي نوعا ما اكتر ما اني عاطفي
وبالنسبة لواقع الناس من اعتقادي
نظرا لصعوبة الحياة وظروفها عم يطغى الواقع على الرومانسية وكتير شغلات حلوة بحياتنا

وهل عندكم القدرة على ضبط الحاله الرومانسيه مع الحاله الواقعيه ؟

لنتزوج منقلكم هههههههههه
بس كلشي الو وقت
الرومانسية الها وقتها والواقعية الها وقتها
الرومانسية بتكون باوجها باول شهر زواج شهرين تلاتة سنة
وبعدها بتقل حسب ظروف الحياة المعيشية

وبشكل عام كلشي بكون حلو بوقتو
ان كان خيال ولا رومانسية ولا واقعية

وظروف الحياة بتجبرنا على انا نتكيف معها

ويعطيكي الف عافية للموضوع الحلو كتير رهوف

موضوع: رد: الواقع ...الرومانسيه 3/3/2010, 9:00 pm

لك تسلملي هالطله حمودي
شكرا كتير الك نشالله حياتك كلها رمانسيه
وبتحقق كل أمنياتك
الموضوع صار حلو وله رونقه بوجود بصماتك عليه

شكرا

موضوع: رد: الواقع ...الرومانسيه 3/3/2010, 10:18 pm

الله يسمع منك والقايل كمان يزينك بعقل مشكورة على هالدعوة رهف ولو وانا اسف انو نقلتلك اياه كنت لازم اخد رايك قبل ما اعمل هيك

موضوع: رد: الواقع ...الرومانسيه 3/3/2010, 11:10 pm

موضوع رائع يا غالية
بالنسبة ئلي الواقعية
صح يمكن مافي دور للرمانسية بالنسبة ئلي بس انا هيك مرتاح ومبسوط والله يخلي الرومانسية لاهلها
تقبل مروري يا غالية

موضوع: رد: الواقع ...الرومانسيه 4/3/2010, 4:51 am

صمت الليل

هلا فيك مره تانيه ونورت
وانت أخ عزيز
مافي داعي للاعتذار
نحنا أخوه
محمد علي السيد
شكرا لمشاركتك ونورت هلا فيك والله يسعدك
متل ماتوقعت
أغلب الشباب
يميلون للواقعيه أكتر من الرومانسيه
لكن الففتاة
بظن الرومانسيه غالبه بحياتها أكتر
بس ليه؟
مابعرف
حدا يئلي ياصبايا

موضوع: رد: الواقع ...الرومانسيه 4/3/2010, 9:26 am

هل الواقعيه البحته طاغيه على حياتكم أم الرومانسيه ؟

انا بصراحة الرومنسية عندي ب الدرجة الاولى اكتر من الواقعية يعني صايرة عندي الاحلام والخيال عايشة فين لانه اصلا حوالي مافي واقع عم عيش ضمن اسرة وعالم عادي كتير

وهل عندكم القدرة على ضبط الحاله الرومانسيه مع الحاله الواقعيه ؟

يعني الواقعية والرومنسية كلو بودي ع بعض وكلو بحاجة لتاني
الجد بدو رومنسية والحب والفرح والزعل وكلو بدو رومنسية منشان الانسان يحس با لامان وال مشاعر تطلع منه

ومتى
وفي أي مرحلة من مراحل عمرك يكون التوازن بين المصالح الشخصيه والرومانسيه ومانسبتها في زماننا
هل هي
انتهازيه
ماديه
عاطفيه
حميميه

الانسان بعيش كل مرحلة بحياتته بتكون شكل
يعني المراهقة بتكون انتهازية يعني حب و شغب وكلشي بكون بشكل عشوائي ومشاعر مو واضحة
عدين بصير يكبر وبيشتغل وبدو مصاري ومال تيامن حالو

بعدين بصير يفكر بالحب بعد مايجمع هالمال لانه الانسان بلا حب ولاشي
وبدو يتجوز تيحس بالحميم والحب والاسرة

ومارأيكم
بالرومانسية بعد الزواج؟

برأيي الرومنسية هيي اساس نجا ح الزوج
يعني الغضب والقوى بالبيت مارح تحل شي بتخليكي تنفري منه
والرومانسية بتقربكن اكتر لبعض وبتحسو حياتكن كتير حلوة ومافيها اي مشاكل

يقال:
اذاكنت رومانسيا ...فكن انسانا
واذا كنت انسانا...فكن حبا
واذا كنت نباتا ...فكن حصادا
واذا كنت حجرا ...فكن صوانا
أنت أيها الشاب
مانظرتك للفتاة الرومانسيه؟
وأنت أيتها الفتاة
مانظرتك للشاب الرومانسي
هل تحبين الشاب المفرط برومانسيته؟
هل ماتت الرومانسيه في قلب الشباب من ضغوط الحياة ؟
وهل المصداقية قتلت بيد الأنا
وعندما تغيب عن حياتكم الرومانسيه
هل تشعر بوجودك ؟
هل ترغبون
بالحب الواقعي أم الرومانسي
هل تلمسون الأمان
الصدق
الصراحه
بحياتكم الرومانسيه

هوي الحياة الواقعية لازم يكون فيا رومنسية بس لازم ينوجد فيا الشخص الرومنسي المتفهم للوضع
يعني الانسان مافيه يعيش ب لا هيك جو حتى لو كان جدي وعقلاني
انا لسى مالمست لا الامان ولا شي بحياتي هههههههه

بس بحب يكون عندي حياة رومنسية وحب رومنسي وعلاقة ناجحة لاني انا رومانسية

ماهي نسبة الواقع الموجوده بحياتكم ان كنتم من أهل الواقع
ممممممممم نسبة يمكن 20 با لمية
هل الواقع ينقص من واقعيتكم؟
يمكن لاني ماكتير بطلع برات البيت وانا بيتوتية وبحب اقعد بالبيت

هل الواقعيه تشكل خطرا على المجتمع؟

اكيد لا طا لما الواحد عم يطلع ويفوت وييشوف العالم وين المشكلة

وماهي خطورتها
هل الحب بحد ذاته مشكله للذين يميلون للواقع أكثر من الخيال والرومانسيه؟
اللى أي درجة أصبحت العلاقات العاطفيه محكومة بالماديات ؟

انا الماديات اخر همي ومابفكر بحب يكون وراها مال
يعني الحب عندي رومنسية ونجاح الحب وانه اتقن الحب لاخر درجة

فالرومانسيه :هي الحياة والاحساس
والواقعيه :هي الاستمرار والبقاء
هل أنتم واقعيين أم خياليين ؟

انا خالية بس انشالله صير واقعية مع الايام ههههههه

دعوه مفتوحة لأقلامكم
لنتبادل الاراء ونعيش معكم
عالم الخيال والرومانسيه
والواقعيه

مشكورة رهوف والله موضوع بجنن

موضوع: رد: الواقع ...الرومانسيه 4/3/2010, 11:20 am

اول شي صباحك رهف وكيفك من هون .. ماعاد شفناكي بالشات وين ضايعة وكيفا حلب حلب من صوبك ؟؟

تاني شي موضوعك جذبني بشكل مو طبيعي .. يمكن لأنو كتير بفكر بهالموضوع انو ليش تغير وياترا الغلط فينا والا بالزمن ؟

انا من الاشخاص يلي قليل مايتمتعو برومانسية وحتى بعترف فاشلة فيها ..
ومابعرف السبب .. يمكن لأنو بفكر بواقعي كتير كتير وباخد كل الاعتبارات لنفسي
ومع وجود الرومانسية المفروض وجود طرف آخر وانا من النوع يلي مابيستوعب وجود طرف آخر مابيعرف معتى المسؤولية .. كونه رجل ..

وصدقيني مابعرف الغلط غلطي والا غلط الطرف الاخر ..
مع انو بتمنى من قلبي كون بحالة رومانسية لأبعد حدودا ..

وبالنسبة للتوازن الشخصي كنت بتمنى اعرف شو معناه بيني وبين حالي بالنسبة للرومانسية ..بس للاسف مابعرفو ..

ولسه ماتزوجت لحتى اعرف شو معنى الرومانسية بعد الزواج .. لكن بمرحلة خاصة انا عشتا بقلك انو كانت من اروع الايام يلي عشتا ..

بالنسبة لسؤالك عن نظرة الفتاة للشب الرومانسي .. اكيد رائعة وكتير كمان .. بس كمان الرومانسية لوحدا ما بتكفي لانو شروط وظروف الحياة بتفرض عليكي وجود شخص تعرفي تاخدي وتستندي عليه بحياتك لأنو المرأة بحاجة دعم الرجل أكيد ..

مابدا شخص يقلا بحبك وبموت فيكي ولما بتجي عارض الواقع بتلاقي كلشي صفر او مو حمل هالمسؤولية ويلي هي الزواج ..

ومابحب الشب الرومانسي لأ .. قليلي حنون عطوف بقلك اوك .. بس انو يكون شخص مايع والصبح حب والمسا حب اي شو بدي فيه هاد ؟؟ هالنوعية مليانة بالبلد ..

وبعمرا الرومانسية مابتموت يلي بيموت هو الحنان ودفء الكلمة بكل ابعادا ..
احيانا بتلاقي شخص جبروته طاغي .. بس قلبو قلب طفل ..

الرجولة هي يلي انعدمت او بالاحرى عم تنعدم .. الرجل مابقى يقدر ينافس المرأة بهالزمن غير بقلبه ..
مابقى في توازن بالبشرية ..
قبل كانت المرأة محلا البيت وبس هلق بتلاقيها بكل مكان وعم تنافس الرجل بكل الطبقات ..

عم تغيب الرومانسية كتير .. وماحدا يقلي موجودة واذا موجودة لروح انا لعندها بس بدي حدا يكفل الاستمرارية ..

بدك قلك انو مبسوطة بحالي ؟؟ بقلك لأ ..
ذنبي كبنت انو بعرف شو بدي وبفهم عالاخر من اول تصرف ؟
طيب الحياة فرضت عليي فوت اي مجال من أوسع بوابه .. وين غلطي ؟
ئلك انو بلمس الامان ..؟ بقلك لأ وببالي كتير هالموضوع .. أنو وبعدين؟
واقعي 90 بالمية ومارح تصدقي انو كبنت يكون 10 بالمية رومانسيتا !!

بتصدقي اذا بقلك انو كنت بتمنى كون من الاشخاص يلي مابيعرفو شي بهالحياة ..لأنو أكيد رح كون مبسوطة أكتر .. عالاقل كنت قبلت بواقع الرجل كيف ماكان ..

بس بعد هلق مابقى ينفع اي شيئ .. واكيد مو ارهابية حاملة سلاح ضد الرجل انا ..
بتمنى اعرف شو معنى الرومانسية واستفيد .. منها .." حتماً "

رهف بشكرك كتير على طرحك واكيد رح تابع الموضوع معك لشوف رد الاغلبية ..
عالاقل شوف نوعية هالدماغ هو شو ولوين ..

بشكرك مرة تانية كتير وبهنيكي ..
موضوع متميز جداً .. يستحق المتابعة والاحترام ..
مــيرا

موضوع: رد: الواقع ...الرومانسيه 4/3/2010, 11:49 am

هلالالالا سلوتي نورتي موضوعي انتي وكل الي شاركه فيه

سالي مو بس انتي بتحبي الرومانسيه لأني بعيده عن الواقع الي انتي بتحبيه بحياتك
أنا بعشق الرومانسيه ورغم الواقع الي عايشته ومفروض علي بحلاوته ومرارته
ولما بتغيب عني أو مابعيشها أو بهيألها جوها
بحس ناقصني شي كتير وماعشت يومي
بحاول أدمج الرومانسيه مع الواقعيه الي بحياتي
لتطفي عليها نكهة السعاده
سالي
الرومانسيه كتير بتخف عند الرجل بعد الزواج بسبب الضغوط
لكن المرأه بتخلقها بحياتها الزوجيه بين حين واخر بجمال روحها وتحملها لأعباء الحياة مع زوجها
مع أي نوع
نشالله بتلمسي الأمان والراحه والهدوء النفسي مع شريك حياتك
الي يستوعبك ويفهم معنى الرومانسيه
ويعرف فن التعامل مع المرأه
الخيال لابد منه بحياتنا
بمدنا بقوه وطاقه مو طبيعيه منفرح شحنة الكبت الي بداخلنا
لك يسلم هالأنامل سلولتي

موضوع: رد: الواقع ...الرومانسيه 4/3/2010, 12:11 pm

ميرا

صباحك فل وورد وياسمين
وصباحي أشرق وصار أحلى بوجودك وبسؤالك عني
تسلميلي كلك زوء
أنا بخير وسعاده معكون
انتي كيفك
اه يامير النت عندي كتير ضعيف والاتصال هالكني
يادوب يفتح المنتدى وبس
وحلب مشتأتلك وجوها متقلب
شكرا كتير الك
ميرا
أكيد الغلط هوي من ضغوط الحياة
والأزمه الاقتصاديه الي عم يعاني منها كل المستويات
أنا بأيدك ميه على ميه انو الرومانسيه المفروض يكون في طرف اخر وهوي الرجل يخلق الرومانسيه بحياة الفتاة يتفهمها ويكون قد المسؤليه من كل النواحي
الرومانسيه بعد الزواج بتخف كتير من الرجل والمرأه
بس بتمر بحياتهون بين كل فتره وفتره حسب رياحتهون النفسيه
كتير عجبتني مشاركتك وأفكارك ميرا كلامك صحيح ميه على ميه
الرجل المفروض يكون ناجح مع المرأه بكل شيء
بالرومانسيه
بحمايتها
بتحمله المسؤليه
لأني كل وقت له متعته
الرومانسيه يمكن منعيشها لحظات
أو ساعات أو أيام
بس أكيد مو دائما
لأني متل مائلتي بدها دعم من الطرف التاني
ياريت حدا يكفلنا الاستمراريه
الله يوفقك بكل مجالات حياتك ميرا
ويسعدك يارب
وتلتقي بالشخص الي بيستاهلك ويقدرك ويحميكي
ميرا
لو كنتي من الأشخاص الي مابيعرفه شيء من الحياة وارتبطي بأي رجل
حيجي يوم
وتكبري ويكبر مفهومك للحياة
وساعتها
محيعجبك الشخص الي ربطي مصيرك معه
لأني حتشوفي عيوبه وتكون غصه بحياتك
الله يبعدك عنها يارب
ميرا
الموضوع صار متميز وأنيق بوجود مشاركاتكون كلكون
شكرا كتير الك
بضم صوتي لصوتك
ياريت حدا يئلنا
شباب أو صبايا
شوهيه الرومانسيه بحياتهون
ووين بيلمسوها
يسلمو هالأنامل ميرا
كتير سعيده بمشاركتك
شكرا للكل

» لوحات من الواقع
» هل الهروب من الواقع حل؟؟؟؟؟؟؟؟
» كاريكاتير من الواقع
» هزلية الواقع
» ثلاثيات من الواقع