اختبار الجرأة الشامل

مساء الخير لكم احلى أصدقاء منتدى شلة سورية
....




هريتونا باسئلتكون عن الجرأة و الصراحة عاساس انها أسئلة صعبة وجريئة ويا لطيف ..
طيب فرجونا اليوم إمكاناتكم الجريئة بالإجابة عن أسئلة الاختبار الشامل للجرأة يللي من تأليفي أنا وليناي ..
وقيموا جرأتكون بعلامة حسابية بتبين مين الاجرأ من التاني بالعلامات..
عدد الأسئلة 25 سؤال جوابهون هوي 25 كلمة (انتبهوا منيح) يعني أي سؤال جوابو اكتر من كلمة وحدة يعتبر لاغي وبتروح قيمة السؤال يللي هيي 4 علامات ..
أي جواب من نمط ما بعرف او يمكن او نوعاً ما ..او الكل او ماحدا او انا؟ او لف ودوران وكولكة تلغى الإجابة..المطلوب الجرأة بالجواب يعني بس كلمة وحدة..
أي محاولة لشرح وجهة نظرك بالجواب او تلخيص قصة حياتك او تبرير خيارك احتفظ فيها لنفسك ..لانو رح تخسرك 4 علامات ..تعلموا دائماً انو الخاسر ..المتردد والضعيف بحاجة الى تبرير ...
بالنهاية ..اجمع عدد الأسئلة يللي جاوبت عليها واضربها ب 4 لتشوف النسبة المئوية لجرأتك ..
فكروا على مهلكون لانو أي جواب محسوب عليكون وطبعاً الأمانة والصدق مطلوبين ..

اوكي؟؟
موافقين؟؟
رح اعتبر أي شخص بيبعت رد انو موافق على الشروط السابقة ورح نبلش الأسئلة يا حلوين
_______________________________

1- الجرأة تذبح الخصوصية :
أي حبيباتي ..هاد سؤال دورة مكرر كتير بلشت فيه مشان ما تنجلطوا بكير ..
اذا كنت جريء فعلاً اكتب اسمك الحقيقي كجواب على السؤال..واذا مانك قادر تكتب اسمك بنصحك تطلع لانو بصراحة هاد أسهل سؤال!!!
ما بدي عيد 500 مرة ...اي محاولة للتلاعب بتروح قيمة السؤال ..وليناي بدها تصحح (انا بعرفها ما عندا يا أمي ارحميني)..
.................................................................
2- قلتلك طلاع احسن لك ..لانو السؤال التاني بيجلط عنجد..
اذا كنت جريء متل ما عم تزعم بتحط اسم عيلتك او الكنية ..
(يالله يا شاطرين يللي بدو العلامة التامة لازم يجاوب على هالسؤال ..لانو مو معقول اجرأ واحد فينا ما بسترجي يقول كنيتو!!!ما بدنا نضحك على حالنا!)
..................................................................
3- رح نغير من الخصوصي للنفسي اوكي؟
اتصلوا معك من المشفى وقالولك انو ابوك وامك عملوا حادث (لا قدر الله) وبدك تتبرع بكليتك لواحد منهم بس ومافي متبرع تاني ..يعني باختصار واحد منهما بدك تخسرو..
مين بتنقذ يا بني؟؟يا فلذة كبد والدتك ؟؟؟ابوك او امك؟؟؟
(ملاحظة البطولات الخارقة والتضحيات العظيمة والانتحار لإنقاذ الأبوين اجلوها شوي يا حبابين ..بدي كلمة وحدة...ماما او بابا؟؟؟)
......................................................................
4- يالله هاد أسهل بشوي نفس العملية تماماً بس بدل امك كان ابنك (للشب) وبدل ابوكي كان ابنك – او بنتك (للبنات)
مين بتنقذ يا حلو ويا حلوة؟ احد والديك او ابنك؟
....................................................................
5- طيب رح أسألك سؤال سهل وبسيط ..مشان ينعنش قلبك .. بالمواقف الصعبة والمصيرية ..بتستخدم عقلك او عاطفتك ؟؟
ما تنسوا الجواب كلمة وحدة وبس!!!
......................................................................
6- منرجع لوجع الراس .. هاد السؤال يا اما سهل كتير يا اما بيفوتك بالحيط حسب جوابك السابق !!!
بعد عشرة طويلة ..بيعترفلك حبيبك او حبيبتك انو خانك خيانة عظمى (يعني اقل شي زنا مثلاً) خلال علاقتكون بس هلق اعترف بغلطو لحالو وتاب وبيطلب انك تسامحو وتغفرلو وهوي عم يبكي لانو بحبك ومافيه يخبي عنك شي.. بتسامحو ولا لا؟
(لا حدا يقلي انو بيعرف شريكو منيح ومستحيل يخونو واذا خانو هوي فوراً بيحس عليه !! ..لك لو كل شريك بيحس عشريكو وحافظو ما كان حدا استرجى يفكر بالخيانة..يالله حبيباتي كلمة وحدة بس)
...............................................................
7- راجع عالبيت شفت أخوك يللي مانك صحبة كتير معو عم يتقاتل مع صديقك وحافظ أسرارك الوحيد لسبب ما (نفس الشي للبنات)..وحطوك بخيار "يا انا يا هوي"...مالهاش حل تاني ..بتوقف مع اخوك ولا صديقك ؟؟
(ملاحظة ما حدا يحاول يحكيلي قصة حياتو ..كلنا مننحط بظروف أصعب من هيك ولازم الواحد يرتب اولياتو ..يعني بالآخر في حدا أبدى من التاني اذا كانت الأسباب مقنعة من الطرفين ..أخوك ولا صديقك؟)
......................................................................
8- هلق بدنا نفوت عالعقل لنشوف كيف بتفكروا و منهجكن بالحياة ..
خلق الله الكون بست أيام ...السؤال ..هل الكون بسيط ..شغلة قوانين ..أسباب ومسببات وضعها الخالق جل جلاله؟ولا هوي اعقد من هيك بكتير؟
هل الكون بسيط ام معقد؟
.................................................................
9- قديش عمر الإنسان على الأرض؟
10000 سنة متل ما بتروي جميع الكتب السماوية؟
ملايين السنين متل ما بيدعي علماء التاريخ والتطور والديموغرافية؟
(لا تنسوا ..كلمة وحدة)
..................................................................
10- هل الله شيء أو لا شيء؟
لا تعليق ..بدي كلمة وحدة..
............................................................
11- يالله بدنا نفوت شوي شوي عالوطنية لنشوف انتماؤكن الحقيقي..
اذا وقعت بخيار مصيري صعب بين الوطن سورية ؟والدين(مسلم او مسيحي)؟ في حال صار صدام ..شو بتختار؟ دينك او وطنك؟
(ماحدا يعملي بطولات ..يعني نحنا اكتر بلد عانى من هالشي مع لبنان ..بين الوطن والدين من هو اهم؟)
...................................................................
12- طيب هاد سؤال سهل او بفوت بالحيط حسب الجواب السابق..
ايهما اقرب لك ..اخوك المسلم السني في بنغلادش او الشيعي في ايران...ولا جارك المسيحي الموظف متلك متلو؟(للمسلم)
ايهما اقرب لك ..اخوك الكاثوليكي في برشلونة او الارثوذكسي في اثينا ..ولا جارك المسلم الموظف متلك متلو؟ (للمسيحي)..
....................................................................
13- هل كان انتصارنا بحرب تشرين التحريرية باهر متل ما منحكي عنو بوسائلنا الإعلامية؟
نعم او لا ...رجاء بس كلمة
......................................................................
14- سؤال بسيط كتير..نحنا النا عولاقة بمقتل رفيق الحريري؟؟
أي او لا برأيك؟
..........................................................
15- الاكراد بيمثلوا 10 % من سكان سورية..ومع هيك حقهن مهضوم شوي بالنسبة لفئات تانية ..وهني اقلية عرقية بسورية متل البربر بالجزائر والتركمان بغير دول..انت مع انو ندمج الاكراد بطابعنا العربي..ونسلخهن عن هويتهن القومية ؟ولا نحول المجتمع السوري لمجتمع تعددي ..عربي كردي تركماني شركسي؟ونشيل هالهيمنة التعريبية على مؤسساتنا؟
كلمة وحدة بس..
......................................................................
16- اللبنانيين إخوتنا ..رغم نباح بعض الكلاب ..والعلاقات المتوترة شوي..
بشكل عام... بتحب اللبنانيين ولك خيي ؟
.....................................................................
17- ايهما بتحسو بيشبهنا واقرب النا كسوريين ..المواطن السعودي ولا المواطن التركي؟
........................................................................
18- هلق بلشنا بالديني هعععع
هاد السؤال سؤالين لكل دين سؤال .. انتا بتجاوب حسب دينك ..
للمسلمين ..مين برأيك انظلم اكتر..سيدنا عثمان بن عفان( رض)ولا الإمام علي كرم الله وجه ..
للمسيحيين ..مريم المجدلية ..الزانية التي أنقذها يسوع من الرجم ..هل هي إنسانة سيئة ام جيدة؟
(خلينا نكون جريئين بالجواب ..ما تنسوا الجواب كلمة وحدة بسسسسسس)
................................................................
19 – كمان ديني ..
للمسلمين..معاوية بن ابي سفيان صحابي جليل وخليفة المسلمين ..لكنه قاتل مع ذريته اهل البيت ..هل هوي انسان جيد او سيء بنظرك؟؟
للمسيحيين ..الرأس الأعلى لكنيستك حالياً وتاريخياً..خليفة يسوع مانو معرض للخطأ ؟ نعم او لا
..............................................................................
20- هلق وصلنا عالتفكير العقائدي تبعكون ...
انو بتفضل..بغض النظر عن المنطلقات الدينية ..
الشيوعية السوفييتية بمفهومها الاممي ..يعني كلنا بشر لازم نتحد ونكون امة واحدة ..ونتساعد لحماية البشرية من الكوارث..
النازية الألمانية بمفهومها القومي ..يعني نحنا مختلفين عن غيرنا من البشر ولازم نكون كيانات مستقلة..دينية وعرقية ..(رح اشلح هون فتيشة الاكراد واهرب هههههه ..الجواب كلمة واحدة بسسسس..شيوعي او نازي؟)
..................................................................
21- هتلر..اجتاح اوروبا واخلص لمبادؤو و لقضية بلدو .. واهم شي حرق 6 ملايين يهودي (ريحنا وريح المهدي المنتظر عليه السلام من هم قتلهن ) السؤال..هتلر في الجنة او في النار؟(برأيك الشخصي)
...................................................................
22- نفس الشي..تشي غيفارا شيوعي ملحد وكافر وشو مابدكون ..بس مخلص لقضية شعبو ومعشوق ملايين الناس ..وعدو أمريكا الأول حتى ايام بن لادن ..
هل هو في الجنة او في النار؟(برأيك الشخصي)
.....................................................................
23- منرجع عالمنتدى ..
سمي عضو ما هضمتو !!!!
هععععع هلق فرجونا جرأتكون ...شاطرين بس مين المميز ومين المبدع وتمسيح جوخ!!
................................................................
24- سمي عضو ما عندك ياه عالماسنجر ..بس بتحب تضيفو عالماسنجر
خليك جريء واحكي ضميرك..
.....................................................................
25- هاد آخر سؤال رح يكون هدية الكن يا حلوين ..
سمي عضو بتحب تشوفو عالواقع وبالحقيقة ..
...........................................................
(ملاحظة :في أسئلة المنتدى ..لا يقبل جواب من نمط "ما بعرف او الكل او ماحدا او شي عضو عندو مشاركتين تلاتة"!!! يا اما خليك جريء يا اما لا تجاوب لانو التبرير والهرب طريقة الجبناء)..
مشي الحال؟؟..وصلتوا لهون؟؟برافو بهنيكون .. اذا قدرتو تجاوبو على 20 سؤال من 25 بتكونوا فعلاً جريئين ..
العلامات بتاخدوها بعد ما تقيم ليناي اجوبتكون ..
يالله موفقين..

[size=24]
[size=18]
1- الجرأة تذبح الخصوصية :
أي حبيباتي ..هاد سؤال دورة مكرر كتير بلشت فيه مشان ما تنجلطوا بكير ..
اذا كنت جريء فعلاً اكتب اسمك الحقيقي كجواب على السؤال..واذا مانك قادر تكتب اسمك بنصحك تطلع لانو بصراحة هاد أسهل سؤال!!!
ما بدي عيد 500 مرة ...اي محاولة للتلاعب بتروح قيمة السؤال ..وليناي بدها تصحح (انا بعرفها ما عندا يا أمي ارحميني)..

........................كاسر...................4 درجات......................


2- قلتلك طلاع احسن لك ..لانو السؤال التاني بيجلط عنجد..
اذا كنت جريء متل ما عم تزعم بتحط اسم عيلتك او الكنية ..
(يالله يا شاطرين يللي بدو العلامة التامة لازم يجاوب على هالسؤال ..لانو مو معقول اجرأ واحد فينا ما بسترجي يقول كنيتو!!!ما بدنا نضحك على حالنا!)

.......................المرعي..................4 درجات.........................


3- رح نغير من الخصوصي للنفسي اوكي؟
اتصلوا معك من المشفى وقالولك انو ابوك وامك عملوا حادث (لا قدر الله) وبدك تتبرع بكليتك لواحد منهم بس ومافي متبرع تاني ..يعني باختصار واحد منهما بدك تخسرو..مين بتنقذ يا بني؟؟يا فلذة كبد والدتك ؟؟؟ابوك او امك؟؟؟
(ملاحظة البطولات الخارقة والتضحيات العظيمة والانتحار لإنقاذ الأبوين اجلوها شوي يا حبابين ..بدي كلمة وحدة...ماما او بابا؟؟؟)

......................ماما.....................4 درجات...........................


4- يالله هاد أسهل بشوي نفس العملية تماماً بس بدل امك كان ابنك (للشب) وبدل ابوكي كان ابنك – او بنتك (للبنات)
مين بتنقذ يا حلو ويا حلوة؟ احد والديك او ابنك؟

........................ابني................4 درجات............................


5- طيب رح أسألك سؤال سهل وبسيط ..مشان ينعنش قلبك .. بالمواقف الصعبة والمصيرية ..بتستخدم عقلك او عاطفتك ؟؟
ما تنسوا الجواب كلمة وحدة وبس!!!

............................عقلي.............4 درجات.............................

6- منرجع لوجع الراس .. هاد السؤال يا اما سهل كتير يا اما بيفوتك بالحيط حسب جوابك السابق !!!
بعد عشرة طويلة ..بيعترفلك حبيبك او حبيبتك انو خانك خيانة عظمى (يعني اقل شي زنا مثلاً) خلال علاقتكون بس هلق اعترف بغلطو لحالو وتاب وبيطلب انك تسامحو وتغفرلو وهوي عم يبكي لانو بحبك ومافيه يخبي عنك شي.. بتسامحو ولا لا؟
(لا حدا يقلي انو بيعرف شريكو منيح ومستحيل يخونو واذا خانو هوي فوراً بيحس عليه !! ..لك لو كل شريك بيحس عشريكو وحافظو ما كان حدا استرجى يفكر بالخيانة..يالله حبيباتي كلمة وحدة بس)


............................لا...............4 درجات....................


7- راجع عالبيت شفت أخوك يللي مانك صحبة كتير معو عم يتقاتل مع صديقك وحافظ أسرارك الوحيد لسبب ما (نفس الشي للبنات)..وحطوك بخيار "يا انا يا هوي"...مالهاش حل تاني ..بتوقف مع اخوك ولا صديقك ؟؟
(ملاحظة ما حدا يحاول يحكيلي قصة حياتو ..كلنا مننحط بظروف أصعب من هيك ولازم الواحد يرتب اولياتو ..يعني بالآخر في حدا أبدى من التاني اذا كانت الأسباب مقنعة من الطرفين ..أخوك ولا صديقك؟)

......................اخي...................4 درجات.............................


8- هلق بدنا نفوت عالعقل لنشوف كيف بتفكروا و منهجكن بالحياة ..
خلق الله الكون بست أيام ...السؤال ..هل الكون بسيط ..شغلة قوانين ..أسباب ومسببات وضعها الخالق جل جلاله؟ولا هوي اعقد من هيك بكتير؟
هل الكون بسيط ام معقد؟

.........................معقد................4 درجات........................


9- قديش عمر الإنسان على الأرض؟
10000 سنة متل ما بتروي جميع الكتب السماوية؟
ملايين السنين متل ما بيدعي علماء التاريخ والتطور والديموغرافية؟
(لا تنسوا ..كلمة وحدة)

.......................ملايين..................4 درجات.........................

10- هل الله شيء أو لا شيء؟لا تعليق ..بدي كلمة وحدة..

......................لاشيء.................4 درجات.....................

11- يالله بدنا نفوت شوي شوي عالوطنية لنشوف انتماؤكن الحقيقي..
اذا وقعت بخيار مصيري صعب بين الوطن سورية ؟والدين(مسلم او مسيحي)؟ في حال صار صدام ..شو بتختار؟ دينك او وطنك؟
(ماحدا يعملي بطولات ..يعني نحنا اكتر بلد عانى من هالشي مع لبنان ..بين الوطن والدين من هو اهم؟)

........................الوطن................4 درجات...........................


12- طيب هاد سؤال سهل او بفوت بالحيط حسب الجواب السابق..
ايهما اقرب لك ..اخوك المسلم السني في بنغلادش او الشيعي في ايران...ولا جارك المسيحي الموظف متلك متلو؟(للمسلم)
ايهما اقرب لك ..اخوك الكاثوليكي في برشلونة او الارثوذكسي في اثينا ..ولا جارك المسلم الموظف متلك متلو؟ (للمسيحي)..

....................جاري....................4 درجات............................

13- هل كان انتصارنا بحرب تشرين التحريرية باهر متل ما منحكي عنو بوسائلنا الإعلامية؟
نعم او لا ...رجاء بس كلمة

.......................لا...................4 درجات............................


14- سؤال بسيط كتير..نحنا النا عولاقة بمقتل رفيق الحريري؟؟أي او لا برأيك؟

.........................لا............4 درجات.....................

15- الاكراد بيمثلوا 10 % من سكان سورية..ومع هيك حقهن مهضوم شوي بالنسبة لفئات تانية ..وهني اقلية عرقية بسورية متل البربر بالجزائر والتركمان بغير دول..انت مع انو ندمج الاكراد بطابعنا العربي..ونسلخهن عن هويتهن القومية ؟ولا نحول المجتمع السوري لمجتمع تعددي ..عربي كردي تركماني شركسي؟ونشيل هالهيمنة التعريبية على مؤسساتنا؟
كلمة وحدة بس..

...........................دمج...............4 درجات............................

16- اللبنانيين إخوتنا ..رغم نباح بعض الكلاب ..والعلاقات المتوترة شوي..
بشكل عام... بتحب اللبنانيين ولك خيي ؟

...........................لا...................4 درجات.......................


17- ايهما بتحسو بيشبهنا واقرب النا كسوريين ..المواطن السعودي ولا المواطن التركي؟

...........................التركي.................4 درجات............................


18- هلق بلشنا بالديني هعععع
هاد السؤال سؤالين لكل دين سؤال .. انتا بتجاوب حسب دينك ..
للمسلمين ..مين برأيك انظلم اكتر..سيدنا عثمان بن عفان( رض)ولا الإمام علي كرم الله وجه ..
للمسيحيين ..مريم المجدلية ..الزانية التي أنقذها يسوع من الرجم ..هل هي إنسانة سيئة ام جيدة؟
(خلينا نكون جريئين بالجواب ..ما تنسوا الجواب كلمة وحدة بسسسسسس)

............................جيدة..............4 درجات......................

19 – كمان ديني ..
للمسلمين..معاوية بن ابي سفيان صحابي جليل وخليفة المسلمين ..لكنه قاتل مع ذريته اهل البيت ..هل هوي انسان جيد او سيء بنظرك؟؟
للمسيحيين ..الرأس الأعلى لكنيستك حالياً وتاريخياً..خليفة يسوع مانو معرض للخطأ ؟ نعم او لا

....................مافي خليفة ليسوع.........4 درجات...........

20- هلق وصلنا عالتفكير العقائدي تبعكون ...
انو بتفضل..بغض النظر عن المنطلقات الدينية ..
الشيوعية السوفييتية بمفهومها الاممي ..يعني كلنا بشر لازم نتحد ونكون امة واحدة ..ونتساعد لحماية البشرية من الكوارث..
النازية الألمانية بمفهومها القومي ..يعني نحنا مختلفين عن غيرنا من البشر ولازم نكون كيانات مستقلة..دينية وعرقية ..(رح اشلح هون فتيشة الاكراد واهرب هههههه ..الجواب كلمة واحدة بسسسس..شيوعي او نازي؟)

.....................شيوعي....................4 درجات.........................


21- هتلر..اجتاح اوروبا واخلص لمبادؤو و لقضية بلدو .. واهم شي حرق 6 ملايين يهودي (ريحنا وريح المهدي المنتظر عليه السلام من هم قتلهن ) السؤال..هتلر في الجنة او في النار؟(برأيك الشخصي)

.....................النار..............4 درجات...................


22- نفس الشي..تشي غيفارا شيوعي ملحد وكافر وشو مابدكون ..بس مخلص لقضية شعبو ومعشوق ملايين الناس ..وعدو أمريكا الأول حتى ايام بن لادن ..
هل هو في الجنة او في النار؟(برأيك الشخصي)

..........................الجنة.................4 درجات..........................

23- منرجع عالمنتدى ..
سمي عضو ما هضمتو !!!!
هععععع هلق فرجونا جرأتكون ...شاطرين بس مين المميز ومين المبدع وتمسيح جوخ!!

...........................محمد...............4 درجات......................

24- سمي عضو ما عندك ياه عالماسنجر ..بس بتحب تضيفو عالماسنجر
خليك جريء واحكي ضميرك..

.........روح اليوفي............4 درجات......

25- هاد آخر سؤال رح يكون هدية الكن يا حلوين ..
سمي عضو بتحب تشوفو عالواقع وبالحقيقة ..

.......................روز.............4 درجات......................


تم التصحيح كاسر
وبرافوووووووووو نتيجتك 100%
عيني ربك عيني شو شطور

مرحبا يا بشعين
اجت الدكتورة كلو يوقف على حيلو لشوف
بدي افهم الي لهلق غايبين وما عم يعملو الفحص شو وضعن؟
بعمل استدعاء ولي امر ولا بفصل من لمنتدى ولا شو بعمل قلولي لشوف؟
يلا يا شباب وصبايا شدو الهمة ولو ما بدنا نكحشكن من جامعة الجريئين
هلق انا بدي قول ليلي جاوبو انو صححت كزا رد وحطيت النتيجة ضمن الرد
اخترت للتصحيح اللون البنفسجي لانو لوني المفضل
سبب تعديل مشاركاتكن هوي وضع النتيجة
اي حدا عندو اعتراض يرفعو لالي او للدكتور ثعلوب
اي نتيجة ظالمة او مشحفة بحق حدا فيكن فيو يقدم طلب اعادة تصحيح
يلا شباب وصبايا ساعود لاحقا لاكمل التصحيح هلق وجعتني ايدي وكي بوردي نشفت حروفو

رهف بشكرك على اجوبتك الجريئة بس في فكرة بتمنى تعرفيها منيح ..
مافي شي اسمو سؤال غلط او سؤال غبي ..بس اكيد في شي اسمو جواب غلط او جواب غبي ..
هي الاسئلة بتخطر عبال اي شخص منا ومو غلط الواحد يسأل ..بس غلط نسكت عن الحقيقة ..
ومو كل الاسئلة يللي حطيتا سياسية بس انا حبيت نوع الاسئلة مشان ما حدا يقلي اسئلتك الها توجه معين ..وبتوقع الاسئلة فيها تنويع كبير بس يبدو في اسئلة مزعجة فعلا وهي الاسئلة يللي بدي اعرف رأيكون فيها..
تاني شي هون قسم الجرأة يعني يللي بيعنيني هو الجرأة بالجواب وما بدي تبرير لانو ما ني بقسم اسياد الكلمة والمناقشات ...انا بدي قدر جرأتك وصراحتك ..
انا بعرف انو الله هو نور السماوات والارض ..طيب النور هوي شيء او لاشيء؟؟
هاد يللي بدي اعرفو ولا تقليلي مافينا ومستحيل لانو هاد بداية العجز الانساني..
تالت شي غلط لانو الدين لله والوطن للجميع ولما منختار ديننا منبعد عن وطننا ببعض الحالات متل لبنان او العراق ..لهيك انا سألت سؤال مصيري ..الدين او الوطن ..وما بدي تبريرات ..واذا بتحبي نزلي موضوع باسياد الكلمة عن المفاضلة بين الدين والوطن ..اما هون فالمطلوب كلمة وحدة..
مثلا..في سؤال جاوبتي عليه وما انتبهت ليناي بالتصحيح انو جوابك غلط مية بالمية ..وحطتلك 4 علامات ما بتستاهليهون ههههههههههه
هوي سؤال ايهما اقرب اليك ..جارك المسيحي ولا اخوك المسلم في بلاد تانية وانتي جاوبتي جاري المسلم؟!!؟!!
وبالنسبة الي اكيد عندي اجوبتي الخاصة بس مارح جاوب هلق مشان ماحدا يتنقل مني هههههههههه

ليناي مشكورة عالتصحيح بس لا تتساهلي عيني هنتي ما حدا رح يرحمنا