نويت أرحل من حياتك وأطوي صفحـة التذكـار ..

قصيــده اعجبتني اتمنى تعجبكم ...



نويت أرحل من حياتك وأطوي صفحـة التذكـار
نويت أرحل .. نويت أرحل .. وعيش بتذكـاري

هديه والوداعيـه : (عيونـي ودمعتيـن صغـار(
بعدها القلب لك كله .. ولكن "صون أسـراري"

أمانه كان لي خاطر .. دخيل لك انسي اللي صـار
بلاش تتعّب اقليبك .. بطول السهـر .. وتـداري

أنا ما جيت لعيونك .. عشان اكتب لـك الأشعـار
وترى ما اكتب لك الأبيات عشان افخر بأشعاري

عرفت الهم من صغري .. ومن غيره بدربي سار؟
وعرفت إن [الأمل] بالذات مجرد كذبـة أفكـاري

لقيت القلب من طيشك .. حزين ومنكسر منهـار
ولقيت العين من جورك .. غذاها دمعي الجـاري

عجزت ألفظ "أحبك موت" غدرني لساني الغـدار
وألا من قلتها لك ؟ تقول : وش الطـاري؟؟

وصلنا اليوم يا فلان .. نهايـة آخـر المشـوار
تعبت أركض ورى قلبك .. بعد ما طال مشـواري

أنا برحل من دروبـك؟ ولكـن الزمـن .. دوّار
يجي لك يوم لا تنسى .. يجيبـك شـوق إجبـاري

وعشان اطمّنك أكثـر .. قول وردد أمـرار
(توفى اللي وفى بحبـه وكـان لدنيتـي شـاري)

فمان الله يا قلـب(ن) بنـى فـي سكّتـي أسـوار
فمان الله يـا روح(ن) ..تحـدّت كـل أسـواري

أنا ماشي من الدنيا وبتـرك لـك بهـا .. إنـذار
لعلّه ينفعك في يوم يكـون مـن الفـرح عـاري

ترى عقبي صعب تلقى صحاري جوفهـا أنهـار
وعشان أكون صريح أكثر ما أظن تتكرر انهاري

يجوز تلقى بالظاهـر ولكـن..! ها ليهود كثـار
خذ بالك عدل منهم .. وهـذي زبـدة إنـذاري

خلاص اليوم لا تسأل .. وش هي آخـر الأخبـار
أنا راحل من الدنيـا .. ما عـاد تهمّـك أخبـاري

تحياتي
mado

وصلنا اليوم يا فلان .. نهايـة آخـر المشـوار
تعبت أركض ورى قلبك .. بعد ما طال مشـواري

أنا برحل من دروبـك؟ ولكـن الزمـن .. دوّار
يجي لك يوم لا تنسى .. يجيبـك شـوق إجبـاري

وعشان اطمّنك أكثـر .. قول وردد أمـرار
(توفى اللي وفى بحبـه وكـان لدنيتـي شـاري)
-------

أنا ماشي من الدنيا وبتـرك لـك بهـا .. إنـذار
لعلّه ينفعك في يوم يكـون مـن الفـرح عـاري

ترى عقبي صعب تلقى صحاري جوفهـا أنهـار
وعشان أكون صريح أكثر ما أظن تتكرر انهاري
-------
اااااه من الذكريات
مرات بتمر بالخيال وبتحسسنا بسعاده ماالها حدود
ومرات بتكون مؤلمه وحزينه
يسلمون مادو